1

Muaj ib tus Neeg Leej Tub; Nws nqis saum Ntuj los.

Los cawm noob neej, Nws txo hwj chim hauv sab cev nqaij daim tawv uas tsis muaj leej twg paub.

Nws nthuav tawm qhov tseeb, txiav txim thiab ntxuav tib neeg kom dawb huv;

Nws cov lus npaj txhua yam rau tib neeg, thiab muab txoj kev uas tau txoj sia ib txhis rau lawv.

Nws tau siv tag nrho Nws lub zog los cawm kom cov noob neej uas qias vuab tsuab dim.

Nws txoj kev txiav txim hnyav ntiab tau tib neeg tus yeeb yam txhaum tawm mus.

Nws tus yam ntxwv mas ncaj ncees, dawb huv, thiab puv npo kev hlub thiab kev khuv leej.

Nws tau them txhua tus nqi lawm kom tib neeg thiaj li raug ntxuav dawb huv.

Nws txhua lo lus yog qhov tseeb, thiab ua rau tib neeg muaj ib txoj kev mus cuag tau kev cawm dim.

2

Tus neeg kuv hlub uas zoo ntxim hlub, cas yuav muaj ib lub siab zoo ua luaj:

Nws ua hauj lwm tawm hauv Nws lub siab tuaj, pub zaub pub mov thiab pub dej rau tib neeg zoo heev.

Ua hauj lwm los cawm noob neej, Nws ua hauj lwm hnyav nruab hnub thiab hmo ntuj,

Nrog tib neeg ris kev txom nyem thiab coj lawv kom kov yeej Ntxwgnyoog.

Nws txoj kev txiav txim ncaj ncees puv nkaus kev chim siab thiab kev muaj hwj chim;

Nws ua rog nrog rau tus zaj loj liab ploog, ua yam tsis ntshai dab tsi kom cawm tau tib neeg txhua tus.

Nws kov yeej tag nrho cov tub rog phem, qhia txog Nws lub hwj chim.

Thiab Nws siv Ntxwgnyoog txoj kev ua dej num los tsim kom tau ib pab tib neeg uas kov yeej.

Nws tau kov yeej Ntxwgnyoog lawm tiag tiag li, thiab tau txais koob meej tag nrho lawm.

3

Tus kuv hlub, Koj zoo nkauj heev, ua rau kuv lub siab qaug laim:

Koj txoj kev fij tiag tiag txhawb tau kuv lub siab.

Tus hlub hauv kuv lub siab, yog lub sij hawm uas Koj yuav ncaim lawm:

Thaum twg wb mam li rov sib nrib dua? Thaum twg wb thiaj li yuav tau los nyob ua ke ib zaug ntxiv?

Koj txoj kev ncaj ncees thiab kev dawb huv ua rau kuv muaj kev huab hwm Koj heev;

Koj txoj kev hlub, dawb huv thiab tsis muaj ib qho phem, kuv yuav txhawb nqa tsis tso tseg li.

Kuv yuav nco ntsoov Koj cov lus txib, thiab ua kom tiav kuv lub luag hauj lwm kom Koj txaus siab;

Kuv yuav tsum nplig Koj siab, thiab ua neej nyob raws li Koj cov kev xav tau.

Kuv yuav ua raws li Koj lub siab nyiam, hlub Koj thiab ua pov thawj rau Koj mus ib txhis li!