1

Vajtswv Tus Uas Muaj Hwj Chim Loj Kawg Nkaus, dawb huv, ncaj ncees,

Koj txoj kev hlub ces zoo li cov npluag daus uas ya zom zaws.

Dawb huv, dawb paug, tshiab khiv thiab tsw qab ntxiag,

nws ya los lo thiab yaj rau kuv.

Koj lub suab tsa kom tsim dheev.

Koj cov lus chwv kuv lub siab.

Peb tshaib thiab nqhis kev xyiv fab rau Koj tej lus.

Qhov tseeb coj txoj kev thaj yeeb thiab kev kaj los rau peb.

Cov neeg tshiab, cov nkauj tshiab, kev seev cev tshiab, lub neej tshiab.

Peb lub neej ces muaj kev xyiv fab thiab kev qab zib puv npo.

Vajtswv txoj kev xav raug ua tiav nyob rau ntiaj teb, Khetos lub nceeg vaj los lawm.

Vajtswv txoj kev hlub nyob txhua txhia qhov chaw,

thoob plaws lub ntiaj teb,

muab kev sov siab rau ntau roob tus neeg.

Lub ntiaj teb ces muaj tej suab qhuas Vajtswv puv nkaus.

2

Peb ua neej nyob rau hauv Koj tej lus,

tim-ntsej-tim-muag nrog Koj, Vajtswv.

Koj qhov kev zoo nkauj ua rau peb lub siab hnov zoo li

haj yam sib txuas rau Koj.

Vajtswv Tus Uas Muaj Hwj Chim Loj Kawg Nkaus,

Koj yog qhov tseeb, txoj kev, thiab txoj sia.

Koj tej lus mas muaj nuj nqis heev,

thiab peb lub siab nyiam lawv kawg!

3

Kev rau txim yaug peb txoj kev qias vuab tsuab huv si.

Paub qhov tseeb, ces peb txhawj xeeb txog Koj txoj kev xav.

Kev sim siab, kev lim tib neeg kom dawb huv ua rau

peb txoj kev hlub rau Koj haj yam dawb huv tuaj.

Peb paub Koj txoj kev ncaj ncees,

peb pom hais tias Koj ntxim hlub npaum li cas.

Thaum peb xyaum ua raws Koj tej lus,

peb lub siab muaj kev xyiv fab puv npo.

Cov neeg tshiab, cov nkauj tshiab, kev seev cev tshiab, lub neej tshiab.

Peb lub neej ces muaj kev xyiv fab thiab kev qab zib puv npo.

Vajtswv txoj kev xav raug ua tiav nyob rau ntiaj teb, Khetos lub nceeg vaj los lawm.

Vajtswv txoj kev hlub nyob txhua txhia qhov chaw,

thoob plaws lub ntiaj teb,

muab kev sov siab rau ntau roob tus neeg.

Lub ntiaj teb ces muaj tej suab qhuas Vajtswv puv nkaus.

Kuv yuav tsis muaj hnub tsum txoj kev hlub Koj li,

Kuv yuav ua tim khawv rau Koj tas mus li.

Kuv yuav nrog Koj nruab hnub thiab hmo ntuj,

yuav tsis muaj hnub sib ncaim.

Nyob rau hauv tej kev sim siab thiab tej teeb meem,

peb hnov Koj txoj kev hlub mas haj yam muaj tob ntxiv.

Koj tej lus nrog peb nyob,

yuav tsis muaj hnub sib ncaim.

Peb mus dhau lub sij hawm tsaus ntuj tshaj plaws ua ntej yuav kaj ntug.

Peb txais tos qhov tawm tuaj ntawm lub Hnub ntawm txoj kev ncaj ncees.

Cov neeg tshiab, cov nkauj tshiab, kev seev cev tshiab, lub neej tshiab.

Peb lub neej ces muaj kev xyiv fab thiab kev qab zib puv npo.

Vajtswv txoj kev xav raug ua tiav nyob rau ntiaj teb, Khetos lub nceeg vaj los lawm.

Vajtswv txoj kev hlub nyob txhua txhia qhov chaw,

thoob plaws lub ntiaj teb,

muab kev sov siab rau ntau roob tus neeg.

Lub ntiaj teb ces muaj tej suab qhuas Vajtswv puv nkaus.