1 Au Vajtswv! Koj tau txo hwj chim zais Koj Tus Kheej rau hauv cev nqaij daim tawv, ntsib kev txom nyem los ntawm tib neeg txoj kev rau txim thiab kev iab liam phem thiab thev taus txhua yam kev poob ntsej muag. Txawm tias yuav zoo li no los xij, Koj tseem nthuav tawm qhov tseeb los cawm tib neeg ntiaj teb txuas ntxiv, chuav Koj tej roj nstha hauv lub siab tag nrho rau Koj txoj kev hlub rau tib neeg. Koj cov lus tag nrho yog qhov tseeb thiab txoj sia; lawv yaug kom peb dawb huv thiab hloov peb txhua hnub. Los ntawm txoj kev ntsib kev pom tej ntawd, peb pom Koj txoj kev hlub ntau heev. Au Vajtswv! Kuv xav tas li tias Koj mas ntxim hlub ua luaj.

2 Tom qab Koj qhov kev txiav txim lawm, tam sim no kuv tau saj Koj txoj kev hlub. Txhua lo lus ntawm Koj txoj kev txiav txim mas zoo li ib rab ntaj ntse uas txiav kuv tus yeeb yam qhib hlo, ua rau kuv tsis muaj chaw nkaum li; thaum kawg kuv thiaj li tau pom tias kuv mas muaj tej moj yam phem puv npo. Los ntawm Koj txoj kev txiav txim, kuv pom tias Koj mas dawb huv thiab ncaj ncees. Kuv mas qias vuab tsuab tob heev lawm uas kuv tsis tsim nyog yuav pom Koj lub ntsej muag. Kuv ntog rau hauv av rau ntawm Koj xub ntiag, txaus siab los txais Koj txoj kev txiav txim. Au Vajtswv! Kuv xav tas li tias Koj mas ntxim hlub ua luaj.

3 Nws yog Koj txoj kev txiav txim uas tau cawm kuv; lo lus ntxhib ntawm Koj cov lus yuav zais Koj tej kev npaj tsim tiag tiag, tab sis tseem tuav rau ntawm kuv tej kev xav, kuv tsis tau zwm rau ib qho me me kiag li. Kuv tau tso tseg kuv tus kheej mus rau qhov tag kev cia siab lawm, kev to taub yuam kev thiab kev yws tawm tsam rau Koj. Koj cov lus tau ua rau kuv kaj siab thiab txhawb nqa kuv zaum tas zaum thiab, ua rau kuv nce tig rov qab los ntawm txoj kev phem thiab kev qaug zog. Tam sim no kuv tau pom tias Koj tus moj yam mas hlub tshua thiab zoo nkauj ua luaj. Au Vajtswv! Kuv xav tas li tias Koj mas ntxim hlub ua luaj.

4 Koj cov lus coj kuv kev mus dhau txhua yam kev phem. Qhov raug ntes los ntawm cov dab phem yog kev hawv hem txhua hnub; nws yog Koj tus uas pab kuv so kuv tej kua muag ntawm txoj kev tu siab, ua rau tej hmo muaj mob zoo li no kom tsis txhob muaj mus ntxiv lawm. Muaj Koj txoj kev hlub ua kuv tus npoj yaig, ua rau kuv txoj kev ruaj siab muaj zog tuaj ntxiv. Los ntawm tej kev sim siab thiab kev tsim kho kom zoo, kuv tau tuag thiab tau yug los dua tshiab; tam sim no, kuv to taub qhov tseeb lawm thiab tau tshem tawm Ntxwgnyoog txoj kev haub ntxias lawm. Au Vajtswv! Kuv xav tas li tias Koj mas ntxim hlub ua luaj. Kuv yuav hlub Koj mus tag ib txhiab ib txhis, thiab yuav nyob ntawm Koj ib sab tas li.