1

Peb pom Koj lub hwj chim vajntxwv siab ntxoov nyos puag saum ntuj.

Peb yeej tsis tau los rau ntawm Koj xub ntiag yam tsis muaj kev hwm kiag li.

Leej twg thiaj paub Koj txoj kev xav, leej twg thiaj tau luag thab Koj txoj kev chim?

Leej ntawg ntshaw Koj lub hwj chim vajntxwv, thaum twg nws mam los?

Nyob ntawm no ces peb pw, khooj rau hauv Koj txhais tes,

nte Koj txoj kev hlub zoo li ib leej niam li,

txawm hais tias Koj txoj kev npau taws ua rau peb ntshai los xij.

Au, Koj yog leej niam uas peb nyiam,

leej txiv uas peb hlub thiab hwm.

Peb lub siab nkaum ntawm Koj, tab sis peb tsis tau luag plam mus deb li.

Thiab au, nyob hauv peb lub siab ces peb hnov zoo li Koj nyob ze,

peb hnov Koj au nyob ze kawg nkaus.

Tsis paub li ces peb hnov zoo li tsis muaj peev xwm nkag siab Koj li.

Au, ces peb tsuas yog nyob deb deb hwm Koj xwb.

Au, peb tsuas yog cia li nyob deb deb hwm Koj xwb.

2

Peb lub siab hlub Koj tab sis peb tseem ntshai Koj thiab,

tej lus ho zoo dab tsi?

Tib neeg yuav ua cas qhia tau tej kev xav zoo li ntawd tawm tuaj?

Qhov peb ua tau ces yog los tes dawb tes npliag los rau ntawm Koj xub ntiag xwb,

thiab cia li thov Koj, zoo li me nyuam yaus thiab ntshai ntshai xwb.

Koj muab txhua yam uas peb xav tau rau peb, tsis hais yog dab tsi li.

Txoj kev qhuas uas tawm hauv peb lub siab uas zoo siab hlo no tuaj mas tsis muaj chaw kawg li.

Au, Koj ua siab loj kawg nkaus muab txhua yam, tsis muaj kev taij dab tsi, tsis muaj kev yws dab tsi.

Peb tsis tshua pom Koj lub ntsej muag heev, tab sis peb tau txhua yam ntawm Koj.

Au, peb tus kheej mas muaj ntau yam tsis dawb huv nyob rau hauv peb,

tab sis Koj twb muab tau peb tag nrho ntev los lawm.

Au, ua cas noob neej qhov muag thiaj pom qhov tseeb uas ua tiav puag thaum ub,

au, qhov tseeb uas Koj tau ua tiav puag thaum ub?

3

Txij puas thaum ub los, qab teb kawg rau qaum teb kawg,

tag nrho txhua yam raug nthuav tawm hauv Koj lub qhov muag.

Peb nyob ntsiag to, tsis muaj leej twg tau luag piv rau Koj li.

Tag nrho txhua lub sij hawm mas Koj txoj lus yeej ntws mus tsis muaj chaw kawg li.

Thiab Koj tej kev nplua nuj muaj ntau npaum li cas, tsis muaj leej twg hais tau li.

4

Leej twg thiaj tau luag siv tej lus yooj yooj yim los qhuas Koj qhov kev zoo nkauj?

Leej twg thiaj tau luag lam hu nkauj txog Koj qhov kev txo hwj chim?

Au, ib pliag ces Koj nyob deb ntawm peb heev, ces tos nco nyob kiag nrog peb lawm,

deb heev, ces ib kiag los kom ze, tam sim no deb, tam sim no ze.

Au, tsis muaj leej twg tau pom Koj tej hneev taw, los sis pom Koj tus duab ntxoo li.

Qhov Koj tso tseg rau peb ces yog ib qho kev nco tau uas zoo siab kawg nkaus xwb.

Au, qhov qab uas nyob ntev ntev ntxiv mus tas li ces tsuas yog qab zib tag los qab zib tuaj li.

Au, qhov qab zib ntawm Koj qhov kev tshwm sim ces muaj nyob mus tas li.

4

Tshaj lub sij hawm li lub ntuj, daim av,

leej twg thiaj paub txoj xub ke ntawm Koj tej kev ua?

Kuv tsuas pom ib lub xuab zeb nyob ntawm ntug hiav txwv xwb,

nyob ntsiag to tos ua raws Koj txoj kev npaj.

Txo hwj chim li ib tug ntsaum,

peb yuav ua cas piv tau rau Koj qhov kev nyob siab?

Au, Koj txoj kev lim kom peb dawb huv mas muaj ntau kawg nkaus, muaj kev hlub ntau kawg nkaus.

Peb pom Koj txoj kev ncaj ncees zais rau hauv Koj txoj kev siab dawb siab zoo, au,

au, txoj kev ncaj ncees zais rau hauv Koj lub hwj chim vajntxwv uas dawb huv,

pom nws nkaum rau hauv Koj txoj kev hlub thiab hauv Koj tej kev ua.

Au, leej twg thiaj suav tau Koj tej kev ua, suav tsis txheeb hlo li.

Au, leej twg thiaj suav tau lawv, lawv muaj ntau dhau heev lawm.

Au, leej twg thiaj suav tau Koj tej kev ua, suav tsis txheeb hlo li.

Au, leej twg thiaj suav tau lawv, lawv muaj ntau dhau heev lawm.