1

Tus Vajtswv uas yug los ua neeg tau los nrog noob neej lawm, thiab txo hwj chim thiab nkaum twj ywm, Nws nthuav tawm qhov tseeb,

tau ntsib tau pom tib neeg txoj kev txom nyem kiag thiab tau saj tej kev iab kev daw thiab kev qab zib ntawm noob neej lub ntiaj teb.

Nws tau kev nrog cov pawg ntseeg, hla tej caij nplooj ntoos hlav, caij ntuj sov, caij nplooj ntoos zeeg, thiab caij ntuj no yam suav tsis txheeb li.

Nws tej lus txiav txim rau peb thiab yaug kom peb dawb huv, cawm peb tawm ntawm Ntxwgnyoog los.

Tsuas yog tam sim no xwb uas peb tau los tim ntsej tim muag nrog Khetos mas peb thiaj pom hais tias Vajtswv yog qhov tseeb.

Peb lub siab tau raug Vajtswv muab hu kom tsim los, thiab peb pom hais tias peb mas qias vuab tsuab tob npaum li cas.

Ua tsaug rau Nws txoj kev ua siab ntev dhawv thiab txoj kev zam es peb thiaj li raug cawm tau.

Peb tau ntsib tau pom qhov zoo tshaj plaws ntawm Vajtswv txoj kev cawm dim; Nws mas yeej zoo tsim nyog peb txoj kev hlub thiab kev qhuas.

2

Yuav coj txoj kev cawm dim los rau noob neej, Vajtswv tau raug txhua yam kev txom nyem, nqaij ntuag ntshav nrog, hws ntws lug thiab poob kua muag.

Tej chaw yav tag los mas yeej nov qab nyuab kawg nkaus li, thiab Vajtswv txoj kev hlub noob neej mas yeej ntsuas tsis tau hlo li.

Nyob rau lub sij hawm qaug zog, Vajtswv txheem kuv sawv; thaum kuv lub siab mob, Nws tej lus nplij kom kuv siab kaj.

Thaum kuv khav theeb, Vajtswv qhuab ntuas thiab qhuab qhia kuv; ib kauj ruam zuj zus, Nws tau coj kuv los txog hnub no.

Muaj ntau zaus heev uas Vajtswv coj qhov kev txiav txim uas muaj tsim heev los, thiab muaj ntau zaus heev uas Nws tau qhuab qhia thiab qhuab ntuas peb,

ntxuav kom peb dawb huv los ntawm txoj kev qias vuab tsuab kom peb thiaj ua tau lub neej li ib tug tib neeg tiag tiag tsim nyog ua.

Peb tau raug ntau qhov kev sim siab thiab kev ceeb laj txom nyem loj, thiab Vajtswv tej lus qhia kev, qhia kom paub thiab coj peb,

muab txoj kev ntseeg thiab lub zog rau peb. Nrog rau Vajtswv, ces peb thiaj tau kov yeej Ntxwgnyoog.

Vajtswv yeej nrog nraim peb tas mus li; ua li cas peb thiaj li ua tsis tau raws li qhov Nws lub siab xav tau?

Ris rawv Nws tej lus ntuas rau hauv nruab siab, kuv yuav ua kuv tes dej num los nplij Nws lub siab,

txaus siab hlo tiv txhua qhov kev sim siab thiab kev txom nyem thiab hais lus tim khawv nrov nphas los tsav Nws lub yeeb koob.

Txoj kev taug mus hlub Vajtswv mas muaj kev qaug zog thiab kev txom nyem puv npo; tom qab uas xav rau qhov phem los sis ntog lawm, kuv yuav sawv tsees rov los dua.

Tsis hais tej kev swb uas kuv tau ntsib ntawd yuav loj npaum li cas li, kuv yuav hlub Vajtswv tas mus li yam tsis cem tsis yws los sis tsis tu siab li!