Suab nkauj qhuas: Leej twg thiaj li paub tias Koj tau tos tib neeg rov qab tig los rau Koj ntev npaum li cas lawm? Thiab leej twg thiaj li nkag siab tias tus nqi uas Koj tau them rau tib neeg ntawd mas nyuaj npaum li cas? Leej twg thiaj li muaj peev xwm xav txog Koj txoj kev hlub tshua uas loj dav no tau? Thiab leej twg thiaj li muaj peev xwm qhuas txoj kev zoo thiab kev zoo nkauj ntawm Koj lub siab?

1 Txawm muaj kev ntseeg Koj los tau ntau lub xyoos lawm los xij, kuv yeej tsis tau caum raws qhov tseeb li. Txawm tias tau pom kuv caum raws Koj los xij, kuv lub siab tsis yog Koj lub. Kuv ib txwm coj tsis ncaj rau Koj hauv cov lus thov lawm, tsuas qhuas Koj rau hauv lo lus nkaus xwb. Kev muaj peev xwm ua txoj dej num tau me me ua rau kuv hnov zoo siab kawg thiab tau muab tag nrho lub yeeb koob los rau ntawm kuv tus kheej. Kuv tau sawv rau ntawm Koj xub ntiag, tiam sis yeej tsis paub Koj li, los sis kuv yeej tsis kawm txog yam tseeb thiab txoj sia li. Kuv tsuas txhawj txog kev npaj rau kuv tus kheej nrog tej kev qhuab qhia nkaus xwb, thiab yeej tsis xyaum ua raws los sis tsis tau ntsib tau pom Koj cov lus li. Kev nkag siab me ntsis txog cov ntaub ntawv thiab cov kev qhuab qhia tau ua rau kuv xav txog lub ntiaj teb ntawm kuv tus kheej.

2 Koj txoj kev hlub tau los ntsiag to rau kuv: Koj tau qhia, tau qhuab ntuas, tau qhuab qhia, thiab tau saib xyuas nrog kuv. Txoj kev txiav txim ntawm Koj cov lus tau qhib kuv lub ntsej muag siab phem. Kuv tsis tau ntsib kev txom nyem thiab tsis muab kuv tus kheej fij pauj rau Koj txoj kev hlub, tab sis tsuas ua dej num rau kuv tus kheej qhov tshwm sim thiab lub hom phiaj thaum kawg xwb. Kuv tau pom tias kuv mas lwj liam ua luaj; kuv mas txawj dag thiab ntxim thuam heev. Thaum kuv raug qhia tshwm rau hauv ib qho kev sim siab, kuv mam li tau to taub Koj, thiab kuv tau quaj thiab tag kev cia siab rau txoj kev mob. Kuv yeej tsis qhuas Koj tej kev xav zoo li; kuv mas tsis muaj kev xav thiab tsis muaj qab hau. Ua neeg ntxeev siab heev, es kuv puas tsim nyog raug hu ua tib neeg lawm?

3 Koj txoj kev hlub mas zoo li cov dej sov uas yaj kuv lub siab txias khov. Txawm tej kev sim siab thiab txoj kev tsim kho kom zoo mob li cas los xij, tej ntawd yog yaug kuv txoj kev lwj liam kom dawb huv xwb; tam sim no kuv to taub Koj txoj kev xav, kuv lub siab tau tig rov qab los rau Koj lawm, thiab kuv tab tom los kua muag khuv xim kawg. Kuv ntxub kuv tus kheej uas tau ntxeev siab thiab tsis quav ntsej dab tsi, thiab tsis mob siab rau Koj txoj kev xav. Txawm li ntawd los xij, Koj ib txwm saib ntsoov thiab tos, thiab ua Koj txoj kev cawm kuv kawg siab kawg ntsws. Koj lub siab mas zoo nkauj thiab zoo heev; kuv xav caum raws qhov tseeb thiab to taub qhov muaj tiag. Kuv tau txiav txim siab ua ib tug neeg tshiab thiab ua kuv tes dej num kom Koj kaj siab lug.

Suab nkauj qhuas: Kuv tau pom tias Koj mas ntxim tshua thiab ntxim hlub ua luaj. Tsuas yog Koj nkaus xwb thiaj li tsim nyog yog tus tib neeg hlub. Kuv yuav tsis cia Koj tos mus ntxiv lawm; kuv yuav fij kuv lub siab tiag rau Koj. Kuv tsuas thov kom kuv hlub Koj nkaus xwb, kom kuv thiaj li tsis khuv xim ntxiv lawm. Kuv tsuas thov kom kuv hlub Koj nkaus xwb, kom kuv thiaj li muaj peev xwm haum nrog Koj.