127 Xav Ua Tus Uas Vajtswv Ntseeg Siab
1
Au Vajtswv! Kuv lub siab xav pom Koj.
Txawm tias kuv tsis tuaj yeem pom Koj lub ntsej muag los xij,
kuv lub siab thov Vajtswv thiab txav los ze rau ntawm Koj txhua lub sij hawm,
thiab kuv tau txais kev qhia kom paub hauv Koj cov lus txhua hnub.
Kuv paub Koj cov lus yog qhov tseeb thiab yog muaj nqis heev;
muaj sia nyob rau ntawm Koj xub ntiag yog kuv txoj koob hmoov zoo tshaj plaws.
Kuv pom tias Koj txoj kev ncaj ncees thiab txoj kev dawb huv mas ntxim hlub ua luaj.
Au Vajtswv! Kuv xav ua tus uas Koj ntseeg siab.
2
Au Vajtswv! Koj cov lus nkaus xwb thiaj li tuaj yeem hloov tau kuv.
Koj cov lus nthuav tawm tias tib neeg ntiaj teb mas lwj liam tob heev lawm,
khav theeb thiab qhuas tias yus tus kheej coj ncaj, muaj puv npo ntawm ntxwgnyoog tej moj yam.
Kev pom Koj txoj kev ncaj ncees, kuv khoov pe hawm Koj.
Nws yog Koj txoj kev txiav txim thiab kev rau txim uas cawm kuv.
Kuv yeej yuav tsis ua neej nyob raws ntxwgnyoog tej tswv yim ntxiv lawm.
Koj txoj kev txiav txim yog kev hlub; nws yog ib qho koob hmoov.
Kuv tau txais qhov tseeb, hauv kuv lub siab, kuv cia li hlub Koj lawm.
Hu nkauj thooj txhij
Au Vajtswv! Nws yog Koj tus uas yaug kom dawb huv thiab cawm kuv,
tus uas ntxeev siab thiab lwj liam zoo li kuv.
Kuv muaj hmoov uas tuaj yeem ua tim khawv rau thiab ua dej num rau Koj niaj hnub no;
qhov no yog Koj txoj hmoov hlub thiab kev hlub loj tshaj plaws.
Kuv xav hlub Koj dawb paug thiab ua tus uas Koj ntseeg siab,
qhuas Koj thiab ua tim khawv rau Koj mus tag ib txhiab ib txhis, thiab ua dej num rau Koj mus tag kuv txoj sia!
