1

Xav txog kuv txoj kev ntseeg Vajtswv yav dhau los, kuv hnov zoo li tshuav nuj nqi rau hauv kuv siab.

Vim hais tias kuv tsis tau caum raws qhov tseeb, kuv muaj kev khuv xim ntau heev.

Vajtswv tau txhawb nqa kuv ua kuv tes dej num, tab sis kuv tsis paub xav txog Nws txoj kev xav.

Kuv tau ua dej num thiab tau tshaj tawm tias yuav sib tw nrog lwm tus nkaus xwb.

Kuv xyiv fab uas raug saib siab thiab raug teev hawm los ntawm lwm tus.

Kuv tau ua dej num rau hauv Vajtswv lub npe, tab sis qhov tseeb tiag ces kuv tab tom tsim kuv tus kheej.

Vajtswv cov lus tau tshaj tawm kuv thiab tau ceeb toom kuv lawm, tab sis kuv tsis quav ntsej li.

Tsis nyoo, kuv tau maj nroos rau tej phaj tshab, rau lub kaus mom vaj ntxwv nkaus xwb.

Kuv txoj kev peem rau suab npe thiab lub meej mom mas rhuav plhu rau Vajtswv kawg.

2

Vajtswv zais Nws lub ntsej muag thiab kuv poob mus rau hauv txoj kev tsaus ntuj nti, tsis muaj chaw tig rov qab.

Zoo li ib lub cev tuag uas taug kev tau, kuv tau ua neej nyob hnub dhau hnub hnov zoo li ntau lub xyoos lawm.

Hauv txoj kev sim siab, kuv tau lees txais Vajtswv txoj kev txiav txim thiab tau tsom saib rau ntawm kuv tus kheej,

tsuas yog dhau ntawd lawm xwb mam li paub tseeb tias kuv mas khav theeb heev ua rau kuv tau poob tag nrho qhov muaj qab hau lawm.

Kuv mas tsis muaj qhov tseeb thiab tau khav kuv tus kheej—nws txaj muag heev!

Vajtswv yuav tsum foom phem kuv tus yeeb yam, ib yam nkaus li tus thawj tub txib saum ntuj.

Ntshai tshee hna, kuv ntog rau ntawm Vajtswv xub ntiag rau txoj kev lees txhaum zoo li no.

Ntxeev siab thiab tawv ncauj heev rau Vajtswv, kuv puas tsim nyog raug hu ua tib neeg lawm mas?

Kuv xav lees txais Vajtswv txoj kev txiav txim thiab ua kom tau ib qho kev hloov pauv hauv kuv tus moj yam.

3

Los ntawm Vajtswv txoj kev txiav txim, kuv tau los paub Vajtswv tus moj yam mas thiaj li ncaj ncees.

Hauv kuv lub siab, kuv hwm thiab mloog Vajtswv lus, thiab kuv yuav ua neej nyob kom tau zoo li yog tib neeg.

Tam sim no, thaum kawg kuv thiaj li paub tias yog tsis muaj ib qho hloov pauv rau hauv tus moj yam, kuv yeej tsis tsim nyog ua dej num rau Vajtswv.

Kuv ua tsaug ntau rau Vajtswv txoj kev txiav txim ncav sij hawm uas tau los nyob hauv Nws txoj kev tiv thaiv.

Tam sim no kuv tau saj Vajtswv txoj kev hlub lawm, nws muaj tseeb thiab muaj tiag tiag.

Au Vajtswv, kuv yeej tsis tig tawm tsam rau Koj ntxiv lawm los sis ua rau Koj tu siab li lawm.

Kuv tsuas thov fwm cov sij hawm teev kawg no thiab rais los ua tus neeg tshiab lawm xwb,

tsis nrhiav kev hwm ntawm lwm tus, tab sis tsuas ua tau zoo raws Koj txoj kev xav nkaus xwb,

yuav ua neej nyob raws Koj cov lus thiab qhuas Koj thiab ua tim khawv rau Koj hauv txhua yam.