1 Kuv tau ntseeg tus Tswv los tau ntau xyoo lawm, thiab nquag tshaj txoj moo zoo heev, tab sis kuv tseem tsis tau muaj peev xwm ua tim khawv tau rau Vajtswv. Kuv tsuas muaj peev xwm hais lus tim khawv kom tau Nws qhov hmoov hlub xwb, tab sis tsis muaj peev xwm hais txog ib qho kev paub tseeb txog Nws li. Txawm li ntawd los xij, Kuv yeej tseem cia siab ntsoov tias yuav raug coj mus rau ntuj ceeb tsheej lub nceeg vaj thaum tus Tswv rov qab los. Cas yuav txaus luag ua luaj lau! Tam sim no, tab tom raug txiav txim nyob rau ntawm xub ntiag ntawm Khetos lub rooj zaum ua rau kuv tu siab kawg thiab txaj muag kawg; qhov tiag ces kuv tsis paub xyov yuav tau dab tsi los ntawm kev ntseeg Vajtswv li. Kuv tsuas rau siab ntso ua hauj lwm yam tsis xav dab tsi txog Vajtswv tej kev npaj siab li. Kuv zoo li Povlauj, sib zog tag nrho lub siab lub ntsws kom tau phaj tshab thiab ib lub kaum mom xwb. Tau ntseeg Vajtswv los tau ntau xyoo yam tsis muaj ib qho kev hloov nyob rau hauv kuv tus moj yam li, kuv mas txaj muag kawg nkaus. Thaum kawg, lub hom phiaj ntawm Vajtswv txoj kev cawm dim rau noob neej ces yog kom peb tau txoj sia.

2 Vajtswv txoj kev txiav txim tau ua rau kuv pom Nws txoj kev hlub thiab tej koob hmoov, thiab Nws tej lus tau nthuav tawm kuv tus moj yam phem thiab rhuav tshem kuv tus yeeb yam khav theeb; tsuas yog tam sim no xwb mas kuv thiaj li pom hais tias kuv mas qias vuab tsuab tob npaum li cas, thiab kuv muaj qhov zoo li tib neeg tsawg npaum li cas. Thaum ua kuv tes dej num, kuv tsuas lam ua kom dhau xwb, yeej tsis muaj ib qho kev hlub tseeb rau Vajtswv li. Kuv xav ua tim khawv rau Nws thiab them Nws txoj kev hlub rov qab, tab sis kuv mloog mas zoo li tsis muaj ib lub zog li. Yog kuv zam tsis ua hauj lwm hnyav los nrhiav qhov tseem lawm, ces qhov muaj kuv nyob no tsuas muaj yuav coj txoj kev txaj muag los rau Vajtswv xwb. Kuv tau txiav txim siab khov kho thiab rau siab tsis so li kom txog kiag thaum kuv muab tau qhov tseeb. Yuav kom ua tau li ntawd, ces kuv yuav tsum tsis txhob tso tseg li tsis hais kuv yuav ntsiab kev txom nyem npaum li cas li. Kuv yuav tsis tso tseg kiag li.