1 Tag nrho cov xyoo ntawm kev ntseeg Vajtswv tau dhau zoo li ib ntsais muag xwb. Pom tias Nws txoj dej num tab tom los ze lawm, tam sim no kuv tsom saib seb kuv puas tau txais qhov tseeb thiab txoj sia. Kuv tab tom poob; kuv tsis paub tias kuv yuav muab kev saib yuas li cas rau Vajtswv. Ntau ntau zaus, hauv kev nyeem Vajtswv cov lus, kuv tsuas hla mus kom dhau los xwb yam tsis ua tib zoo xav txog tej ntawd li; ntau ntau zaus, tom qab raug qhuab qhia thiab raug saib xyuas, kuv tsis tau nrhiav qhov tseeb; tom qab ntau lub xyoos ntawm kev txi thiab muab kuv tus kheej fij rau, kuv xav tias kuv tau coj ncaj ncees rau Vajtswv lawm. Ua tib zoo saib kuv tej kev txhawb siab, kuv muaj peev xwm pom tau tias tag nrho tej no yog kev nrhiv lub npe thiab lub meej mom rau kuv tus kheej nkaus xwb. Vajtswv tau hais ntau cov lus lawm, tiam sis kuv to taub qhov tseeb nyuaj heev li; kuv tau ntsib tej kev sim siab ntau heev, thiab txoj kev tsim kho kom zoo ntau heev lawm, tiam sis kuv tus moj yam tseem tsis tau hloov pauv. Tam sim no Vajtswv tab tom yuav ncaim mus lawm, kuv lub siab uas loog tag ntawd mam li tsim dheev los kiag. Vim hais tias tsis caum raws qhov tseeb, kuv thiaj li tau poob lub hwv tsam ntau zaus los txais kev tsim ua kom zoo tiav log.

2 Vajtswv tab tom rov qab mus rau tim Xis-oos, thiab yuav muaj tej kev puas tsuaj loj tshwm sim. Tseem ntxhov siab rau peb txoj sia uas tsis tau loj txaus, Nws qhia peb tiag tiag kom txhob nkim lub sij hawm rau txoj kev caum raws qhov tseeb. Zaum tas zaum thiab, Nws txoj kev txiav txim thiab kev rau txim tau deeg kuv lub siab uas loog tag ntawd tsim dheev los. Kuv los kua muag thaum pom tag nrho Vajtswv cov lus tawm hauv lub siab dawb paug los; kev cawm tib neeg ntiaj teb, Nws tau them tus nqi zoo li no. Yog kuv muaj qab hau thiab kev xav tiag tiag, ces kuv yuav tig tawm tsam thiab ua phem rau Vajtswv tau li cas? yog kuv tseem tsis caum raws qhov tseeb mus ntxiv, kuv yuav tsis muaj qhov zoo li tib neeg thiab tsis tsim nyog muaj sia nyob lawm. Vajtswv tus moj yam mas ncaj ncees thiab dawb huv, thiab yuav tsis tiv taus tib neeg ntiaj teb tej kev ua txhaum rau. Tshwj tsis yog kuv tus moj yam lwj liam raug yaug kom dawb huv thiab tau hloov pauv lawm, kuv puas raug cawm tau li cas? Kuv mas tseem khuv xim ntau heev rau tej yam dhau los; kuv lub siab mas muaj tej kev xav txhaum puv npo. Kuv yuav fwm tej yam ntawm lub sij hawm yav dhau los, thiab caum raws qhov tseeb los ua neej nyob kom tau zoo li tib neeg thiab ua kom tau zoo raws Vajtswv.