1

Suav Vajtswv qhov hmoov hlub ua rau kuv kua muag ntws.

Di ncauj ces kaw nti, hos siab quaj dhi hauv caj pas xwb.

Thaum kuv tshaib plab, tsis muaj zog,

Koj yug zaub mov rau kuv nrog rau Koj tej lus.

2

Thaum kuv mob thiab raug tsis lees txais,

kuv raug iab liam dag thiab kuv raug tso pov tseg,

Koj txhais tes so tej kua muag ntawm kuv sab plhu,

thiab nws yog Koj uas nplig kom kuv zoo siab.

Au Vajtswv, au Vajtswv, au Vajtswv, au Vajtswv!

Thaum kuv tshee hnyo nyob rau qhov chaw no no,

au Vajtswv, au Vajtswv, au Vajtswv, au Vajtswv,

Koj yog tus uas ua kom kuv sov.

Thaum txoj kev txom nyem raug rau kuv hnyav,

Koj muab txoj kev siab dawb siab zoo rau kuv.

3

Thaum kuv nyob ib leeg thiab poob zoo lawm,

Koj tej lus ntxim hlub nplig kuv siab thiab ua kom kuv siab kaj.

Thaum kuv raug kev mob kev nkeeg luam sab heev,

Koj muab txoj kev ntseeg thiab lub zog rau kuv.

4

Thaum kuv khav tus kheej thiab tsis muaj dab tsi li,

Koj txoj kev rau txim yeej tsis txuag zog li.

Thaum kuv poob ntsej muag thiab raug ua phem rau,

Koj tus qauv zoo txhawb kuv lub siab.

Au Vajtswv, au Vajtswv, au Vajtswv, au Vajtswv!

Kuv nyob rau hauv txoj kev tsaus ntuj thiab tag kev cia siab lawm,

au Vajtswv, au Vajtswv, au Vajtswv, au Vajtswv,

ces Koj tej lus ci ntsa paug rau kuv.

Thaum tsis muaj kev rau kuv taug mus lawm,

ces Koj taws tsau kom pom kev tom txoj hau kev kawg.

5

Thaum kwv raug hiav txwv nqos lawm,

Koj cev tes saum nkoj tuaj rub kuv.

Thaum kuv raug Ntxwgnyoog txhom,

Koj rab ntaj txiav kuv dim plaws ntawm nws xib teg los.

6

Kuv yeej nyob rau ntawm Koj ib sab,

thiab Koj luag nyav rau kuv thiab.

Muaj ntau los lus nyob hauv kuv lub siab.

Nyob rau ntawm qhov muaj Koj ces kuv lub siab yeej tsis poob zoo li.

Au Vajtswv, au Vajtswv, au Vajtswv, au Vajtswv!

Vajtswv qhov hmoov hlub mas hnyav npaum lub hauv toj.

Au Vajtswv, au Vajtswv, au Vajtswv, au Vajtswv!

Tag nrho kuv lub neej yeej them tsis taus rov qab li.

Koj qhov hmoov hlub, nws mus tob heev.

Yog yuav sau piav txog, ces yeej tsis muaj kob txaus li.