1 Peb tiam tib neeg no muaj hmoo heev; peb muaj txoj hmoo zoo los ntsib Khetos, thiab rov qab los rau hauv Vajtswv lub tsev. Peb noj thiab haus Vajtswv cov lus txhua hnub, vim li ntawd thiaj li tau los nkag siab txog qhov tseeb, thiab tau txais kev thoob tsib. Peb tau cais peb tus kheej tawm ntawm txoj kev phem lawm, peb tsis xav ua cov neeg muaj suab nrov npe ntxiv lawm, peb tau tso tseg txoj kev caum tej kev npau suav, peb tsis raug Ntxwgnyoog tej tswv yim lom ntxiv lawm, thiab peb tej kev txhawj xeeb thiab kev raug tsim txom tau maj mam ploj mus lawm. Txhua kab lus ntawm Vajtswv cov lus yog qhov tseeb; peb yim nyeem cov lus ntawd npaum li cas, ces peb yim paub ntau tuaj npaum li ntawd. Peb muab Vajtswv cov lus coj los ua dej haus, los pab, thiab los coj peb: Cas peb yuav zoo siab ua luaj uas tau nyob rau ntawm Vajtswv lub xub ntiag! Peb thov muab cov suab nkauj uas zoo tshaj plaws coj los fij rau tus Vajtswv uas ntxim hlub, los qhuas Nws mus ib txhiab ib txhis li.

2 Khetos tus kheej yog tus coj peb, peb ua neej nyob raws Vajtswv cov lus, thiab peb lub neej maj mam loj hlob; txhua hnub, Vajtswv cov lus hais tawm yog kev txiav txim los ntxuav peb txoj kev coj tsis ncaj. Txawm hais tias nws ua rau peb raug tsim txom los, yeej tseem muaj qhov qab zib nyob rau hauv peb lub siab: Thaum kawg, peb txoj kev coj tsis ncaj tau raug ntxuav dawb huv lawm, tam sim no peb tsis muaj qhov cuav thiab kev lam ua txuj lawm, peb tsis ua neeg khav theeb thiab neeg tsis paub tab lawm, qhov zoo tshaj plaws yog peb muaj peev xwm los hlub thiab los cuag Vajtswv lawm xwb. Peb tau raug Khetos ntxuav kom dawb huv thaum lub sij hawm kawg lawm, thiab Nws tau tso peb dim ntawm Ntxwgnyoog tej kev dag ntxias lawm. Cas peb yuav zoo siab ua luaj uas tau nyob rau ntawm Vajtswv lub xub ntiag! Peb thov muab cov suab nkauj uas zoo tshaj plaws coj los fij rau tus Vajtswv uas ntxim hlub, los qhuas Nws mus ib txhiab ib txhis li.

3 Nyob rau txhua kauj ruam, Vajtswv cov lus tau coj peb kom ua neeg paub qab hau. Peb tau tso tseg kev dag ntxias thiab kev ntxeev siab los ua cov neeg ncaj ncees uas Vajtswv hlub lawm; peb tau saj Vajtswv txoj kev hlub ntau heev, thiab hauv peb lub siab, peb hnov Nws nyob ze heev. Peb tau txiav txim siab los nrhiav qhov tseeb, ua kom tiav peb lub luag hauj lwm, thiab them Vajtswv txoj kev hlub rov qab. Nws yog peb txoj hmoo uas tau los nrog Khetos mus ua ke thaum lub sij hawm kawg; Txoj kev mus lawm tom ntej mas yim huab kaj zuj zus, thiab txawm hais tias yuav muaj ntau toom kev nce thiab nqis los xij, peb cog lus tias yuav ua lub siab ncaj ncees kom mus txog hnub tuag kom ua tiav log tes hauj lwm uas Vajtswv txib kom ua. Peb sawv daws pom zoo: Los tshaj tawm txoj hmoo zoo uas hais txog ntuj ceeb tsheej, peb yuav tsum muab tag nrho peb lub neej. Txawm hais tias yuav muaj ntau toom kev nce thiab nqis los xij, peb cog lus tias yuav ua lub siab ncaj ncees kom mus txog hnub tuag kom ua tiav log tes hauj lwm uas Vajtswv txib kom ua.