143 Au Vajtswv, Kuv Lub Siab Yeej Yuav Txuas Rau Ntawm Koj Mus Ib Txhis Li

1 Koj tau hais qhia ntau qhov tseeb los cawm noob neej; qhov no yog Koj txoj kev hlub uas loj. Koj cov lus yog txhua qhov tseeb thiab tau kov yeej kuv lub siab lawm. Kuv tau raug Ntxwgnyoog dag ntxias yam phem heev li, txawm li ntawd los Koj tseem ua tag nrho Koj tus dag tus zog coj kev cawm dim los rau kuv thiab, tsis tso kuv tseg ib zaug li. Txawm hais tias muaj tej zaum kuv ua tsis tau thiab ntog, thiab txawm hais tias qee zaum kuv qaug zog los, Koj yeej ib txwm ywg dej rau kuv thiab pab kuv, txhawb kuv lub zog kom sawv khov kho. Koj cov lus coj kuv mus rau lub neej txoj kev kaj. Raws Koj qab, ua rau kuv lub siab muaj kev thaj yeeb thiab kev xyiv fab. Vajtswv Tus Uas Muaj Hwj Chim Loj Kawg Nkaus! Kuv lub siab yeej yuav txuas rau ntawm Koj mus ib txhis li!

2 Koj tau tsa kuv sawv ntawm cov hmoov av los, txhawb kuv kom ua tiav kuv lub luag hauj lwm. Txawm li ntawd los kuv tsis tau saib lub hwj tsam no muaj nqis li; Kuv mus raws li cov neeg feem coob thiab dag Koj ntau dhau lawm. Koj tau siv Koj cov lus los txiav txim thiab los qhia kuv, ua rau kuv hnov thiab paub txog kuv tus kheej. Txawm hais tias Koj cov lus chob kuv lub siab los, kuv ua raws li cov lus ntawd huv si. Kuv tau nkag siab Koj tej kev npaj siab uas zoo lawm, thiab kuv tau puv npo txoj kev tu siab. Kuv hnyo hau rau ntawm Koj xub ntiag, thiab txaus siab hlo los txais yuav Koj txoj kev txiav txim thiab kev ntxuav kom dawb huv. Kuv tau paub Koj txoj kev txiav txim thiab tau saj Koj txoj kev hlub lawm. Vajtswv Tus Uas Muaj Hwj Chim Loj Kawg Nkaus! Kuv lub siab yeej yuav txuas rau ntawm Koj mus ib txhis li!

3 Koj tau raug txhua yam kev txom nyem los cawm tib neeg ntiaj teb xwb; Koj tau raug cua daj cua dub nrog peb. Thaum kuv raug ntes thiab raug tsim txom, Koj cov lus coj kuv kev. Koj tau ua kuv tus phooj ywg mus dhau txoj kev txom nyem, Koj cov lus nplig kuv lub siab. Kuv pom txoj kev muaj cai thiab hwj chim hauv koj cov lus, ua rau kuv qhuas Koj. Koj raug tsim txom nrog peb, thiab qhov ntawd yog Koj txoj kev hlub, txhua yam ntxiv! Vim yog kev txom nyem thiab kev tsim txom, kuv txoj kev hlub Koj thiab li muaj zog tuaj. Kuv cog lus los ua tim khawv rau Koj thiab ua kom Ntxwgnyoog txaj muag. Vajtswv Tus Uas Muaj Hwj Chim Loj Kawg Nkaus! Kuv lub siab yeej yuav txuas rau ntawm Koj mus ib txhis li!

4 Koj cov lus yog qhov uas tau muab lub neej tshiab rau kuv, pub kuv ua lub neej tshiab. Koj txoj kev txiav txim ntxuav kuv kom dawb huv, hloov pauv kuv tus yam ntxwv uas qias vuab tsuab. Koj txoj kev hlub thiab Koj cov lus tau cog tob rau hauv kuv lub siab lawm. Txawm hais tias txoj kev yuav muaj pob zeb npaum li cas nyob tom hauv ntej los xij, kuv paub tias Koj yog qhov tseeb thiab txoj sia, thiab kuv txiav txim siab los raws Koj mus kom txog ntua hnub kawg. Kuv yuav ua tim khawv rau Koj tej dej num, txawm hais tias yuav yog qhov twg los sis lub sij hawm twg los xij. Qhov uas tau los hlub Koj thiab ua tim khawv rau Koj yog kuv lub meej mom uas loj tshaj plaws lawm. Vajtswv Tus Uas Muaj Hwj Chim Loj Kawg Nkaus! Kuv lub siab yeej yuav txuas rau ntawm Koj mus ib txhis li!

Qhov Dhau Los: 141 Kev Xav Tau Vajtswwv Tus Uas Muaj Hwj Chim Loj Kawg Nkaus Heev

Ntxiv Mus: 144 Kuv Lub Siab Xav Yog los Hlub Vajtswv Xwb

Tej kev puas tsuaj tab tom tshwm sim ib yam zuj zus tuaj. Tus Tswv twb los rau hauv qhov kev zais npog ua ntej txoj kev txom nyem loj tshaj plaws lawm. Koj puas paub tias yuav tos txais Nws li cas? Txhob me siab hu rau peb los nrhiav qhov kev tos txais no.
Nrog peb tham hauv WhatsApp
Nrog peb tham hauv Messenger

Cov Ntsiab Lus Uas Zoo Sib Thooj

Tshooj 20

Tej kev nplua nuj ntawm Kuv tsev neeg mas dhau txoj kev suav lawm thiab piav tsis tau li, txawm li ntawd los tib neeg yeej ib txwm tsis los...

Qhov Kho Kev Teeb Txhua Yam

  • Cov ntawv
  • Cov Ntsiab Lus Tom Qab

Ib Xim Nkaus Xwb

Cov Ntsiab Lus Tom Qab

Tus Ntawv

Tus Ntawv Luaj Li Cas

Kev Sib Nrug Ntawm Tej Kab Ntawv

Kev Sib Nrug Ntawm Tej Kab Ntawv

Nplooj Ntawv Qhov Dav

Cov Ntsiab Lus

Tshawb Nrhiav

  • Tshawb Nrhiav Lo Lus No
  • Tshawb Nrhiav Phau Ntawv No