1

Tsis ntev Koj yuav rov qab mus rau tim Xis-oos, thiab kuv lub siab yuav hnov tu siab heev.

Muaj cov lus ntau npaum li cas nyob hauv kuv lub siab uas kuv xav qhia rau Koj—tab sis kuv tsis paub yuav pib qhov twg.

Muaj tej nuj nqi ntau npaum li cas uas kuv yuav tau them pauj. Kuv tsis muaj peev xwm ua kuv tes dej num tau zoo thiab thiaj li ua rau khuv xim.

Leej twg paub tias lub sij hawm puas ya tau li ntawd? Tej kua muag ntawm kev tu siab ntws los yam cheem tsis tau.

Kuv zoo siab xyiv fab ntau heev txog Koj txoj kev hlub, thiab kuv lub siab ntxhov siab vim hais tias kuv tsis muaj peev xwm cheem tsum tau nws.

Au, Vajtswv, Koj tab tom ncaim mus—yuav ua li cas kuv thiaj li cia Koj mus tau?

2

Leej twg tuaj yeem hnov qab tej xwm txheej yav dhau los? Leej twg tuaj yeem tshem lawv tus kheej tawm mus ntawm tej kev xav qub?

Koj keev sib sau ua ke nrog peb los tau ntau lub xyoo npaum li no lawm. Koj cov lus tau ywg dej thiab tau muab rau peb lawm.

Peb tau nthuav tawm kev khav theeb, kev tawv ncauj, thiab kev ntxeev siab; Koj tau yim ntsis peb, tau rhuav tshem peb, tau ntaus thiab tau qhuab ntuas peb.

Muaj ntau zaus, Koj tau txiav txim thiab tau rau txim peb nyhav heev. Tsuas yog li ntawd nkaus xwb peb txoj kev lwj liam thiaj li raug yaug kom dawb huv.

Koj tau muab Koj lub siab tej roj ntshav rau peb tej txiaj ntsim ntau heev lawm. Tsuas yog li ntawd nkaus xwb peb thiaj li raug hloov qhov uas peb yog tam sim no tau.

Kuv yuav caum raws qhov tseeb thiab ua kom muaj tiav rau kuv tes dej num kom tau zoo. Kuv yuav fij kuv tus kheej rau Koj, kom kuv tsuas ua tau zoo raws Koj ib zaug.

3

Tej kua muag tau ntws los puv kuv ob sab plhu. Kuv paub zoo tias tsis tuaj yeem npliag kom Koj nyob.

Kuv thiaj li khuv xim yam uas yeej tsis raug daws kom tau li. Kuv lub siab puv npo txoj kev mob thiab kev tu siab.

Txawm tias lub sij hawm peb tau siv nyob ua ke yuav luv los xij, Koj lub suab thiab Koj lub ntsej muag luag ntxhi raug cog cia rau hauv kuv lub siab lawm.

Kuv tab tom xav txog Koj lub suab, nrhiav rau Koj txoj kev hlub. Koj txoj kev hlub rau tib neeg nyob tob thiab muaj zog.

Qhov zoo tshaj plaws ntawm yav dhau los tau dhau los ua kev nco rau hauv nruab siab. Ua cas kuv thiaj li yuav tsis nco tau nws mas?

Kuv yuav hnov qab Koj tej kev mob siab qhia tiag tiag tau li cas? Kuv yuav cog kuv txoj kev ntshaw rau Koj kom tob rau hauv kuv lub siab.

Kuv tsis paub tias xyov peb yuav sib ntsib dua rau thaum twg. Thov kom kuv nyob nrog Koj mus tag ib txhiab ib txhis.