1

Peb tau mus ncig ntau qhov chaw, ze thiab deb, ua ke nyob rau hauv Vajtswv lub tsev,

Noj thiab hau Vajtswv cov lus thiab ua lub neej rau pawg ntseeg txhua txhua hnub.

Peb xyaum ua thiab paub txog Vajtswv cov lus; peb muaj kev xyiv fab heev uas tau nkag siab txog qhov tseeb.

Kev qhuav qhawv, kev mob, kev cuam tshuam—txhua yam puav leej yog yav dhau los lawm xwb.

Vajtswv cov lus rub peb los ua ke; cas yuav zoo ua luaj uas cov lus no tau ua rau muaj kev xyiv fab nyob rau hauv peb lub siab.

Peb muaj hmoo heev uas Khetos tau los coj peb; kev nkag siab txog qhov tseeb thiab kev qhuas Vajtswv, ua rau peb lub siab nyob ywj pheej!

2

Peb yeem nyob rau hauv Vajtswv lub tsev, ua ke kawm Vajtswv cov lus.

Kev nkag siab txog qhov tseeb, ua rau muaj kev kaj nyob rau hauv peb lub siab, thiab muaj kev xyaum ua txhua yam.

Peb sib pab sib txhawb, zwm rau Vajtswv cov lus thiab qhov tseeb.

Tso tseg txoj kev cuav thiab kev dag ntxias, peb qhia peb tus kheej kom muaj lub siab ncaj ncees.

Vajtswv cov lus rub peb los ua ke; peb siab sib txuas, thiab peb ib leeg hlub ib leeg, npaum li peb ua tau.

Kev ua hauj lwm sib haum xeeb, ua rau peb muaj lub siab ncaj ncees ua peb lub luag hauj lwm mus tau zoo; peb lub siab hlub Vajtswv thiab qhuas Vajtswv. Cas peb yuav tau koob hmoov ua luaj!

3

Saib rov qab mus rau peb lub sij hawm ua ke, ua rau peb mob siab.

Peb yuav tsis hnov qab lub sij hawm ntawd li.

Peb tau raug Vajtswv cov lus txoj kev txiav txim thiab paub txog Nws txoj kev hlub ntau heev.

Tom qab raug kev sim siab thiab kev lim tib neeg kom dawb huv lawm, peb lub neej tus yam ntxwv tau hloov pauv lawm.

Kev ua raws li tes hauj lwm uas mus ua tim khawv rau Vajtswv, peb nyias mus nyias txoj kev.

Vajtswv cov lus coj peb mus ib txhis li; peb tshaj tawm Nws txoj hmoo zoo rau hauv ntiaj teb.

Vajtswv cov lus rub peb los us ke; kev hlub Vajtswv txhais hais tias mob siab rau txog Nws lub siab nyiam.

Txawm hais tias yuav raug tsim txom loj npaum li cas los xij, peb yuav tsis thim li; peb yuav hlub Vajtswv mus ib txhis thiab ua pov thawj rau Nws. Peb yuav ua lub siab ncaj ncees rau Nws mus kom txog ntua thaum kawg nkaus!

Vajtswv cov lus rub peb los us ke; peb tshaj tawm txoj hmoo zoo uas hais txog ntuj ceeb tsheej thiab ua raws li Vajtswv lub siab nyiam.

Peb tos ntsoov hnub uas Vajtswv tau koob meej, yog thaum uas peb tuaj yeem rov qab los sib sau ua ke dua, nrog Vajtswv nyob ua ke, tsis sib ncaim ntxiv lawm!