1

Yuav kom tau txais koob hmoov thiab nkag mus rau ntuj ceeb tsheej lub nceeg vaj, ces kuv nyob rau hauv Vajtswv lub tsev.

Txawm hais tias kuv ua kuv tes dej num, los nws yeej raug tsuas dub los ntawm tus cwj pwm ntawm txoj kev sib pauv luam lawm.

Los ntawm txoj kev txiav txim thiab kev qhia tshwm txog Vajtswv tej lus, kuv tau pom meej meej qhov tseeb ntawm kuv qhov kev qias vuab tsuab.

Kuv mas siab hlob thiab txawj dag; kuv twb plam tag nrho qhov kev txawj xav thiab qhov laj thawj ntev los lawm.

Vajtswv yeej siv Nws tej lus qhia kuv yam tsis txawj nkees li, vim cia siab hais tias kuv tus moj yam qias vuab tsuab yuav hloov sai sai;

Nws tos thiab cia siab ntsoov, zoo li ib leej niam tos nws tus tub rov los.

Kuv nco tau Vajtswv qhov hmoov hlub thiab kuv tu siab kawg nkaus li. Tseeb tiag, kuv tsis tsim nyog ntxeev siab los sis dag Nws li ntawd li.

Kuv ntxub kuv tus moj yam uas qias vuab tsuab tob tob ntawd kawg nkaus, kuv tau ua rau Vajtswv lub siab raug mob tob kawg li.

Kuv tau plam ntau qhov cib fim kom rau tsim kho kom zoo tiav log; tau plam lub sij hawm zoo ntawd ntau kawg lawm.

Kuv tseem pheej ntxeev siab thiab ua rau Vajtswv raug mob ntxiv tau li cas? Kuv xav caum nrhiav qhov tseeb thiab ua neej zoo nkaus li ib tug tib neeg.

2

Kuv rau siab xyaum ua raws Vajtswv tej lus heev kom kuv tau qhov tseeb.

Thaum twg los xij uas kuv qhov kev qias vuab tsuab raug nthuav tawm, kuv lees txais txoj kev txiav txim thiab rau txim ntawm Vajtswv tej lus.

Txawm hais tias muaj kev txom nyem thiab kev raug tsim txom, los kuv muaj Vajtswv tej lus los coj kev rau kuv.

Paub txog Vajtswv txoj kev dawb huv thiab txoj kev ncaj ncees, kev hwm Nws thiaj li loj hlob nyob rau hauv kuv lub siab.

Kuv ntxub kuv tus kheej rau qhov kev ntshaw txoj kev tau zoo thiab txiav txim siab ruaj khov yuav txawj xav me ntsis rau Vajtswv txoj kev xav thiab yuav xyaum ua raws qhov tseeb.

Xav txog yav tag los, nco ntsoov Vajtswv qhov hmoov hlub, kuv pom hais tias Vajtswv nkaus xwb thiaj yog txoj kev hlub.

Kuv ces tsuas hloov vim yog raug qhuab qhia thiab raug saib xyuas, raug sim siab thiab raug lim kom dawb huv tas mus li xwb.

Kuv tseem tsis tau them rov qab Vajtswv qhov hmoov hlub uas loj kawg nkaus ntawd; Kuv muaj kev txhaum puv npo, thiab tsis zoo tsim nyog saib Nws lub ntsej muag.

Tau txais Vajtswv qhov hmoov hlub, ces kuv yeej ris txiaj kawg, thiab yuav muab kuv lub sij hawm seem nyob ntawd saib kom muaj nuj nqis tshaj plaws.

Kuv xav ua neej nyob rau Vajtswv ib zaug, ua ib tug neeg ncaj ncees uas qhuas thiab ua tim khawv rau Nws.

Kuv yuav muab kuv qhov kev ua siab dawb paug rau Vajtswv; kuv yuav ua kuv tes dej num los them Nws txoj kev hlub rov qab.