1 Kuv xav txog Vajtswv cov lus thiab tsom saib rau ntawm kuv tus kheej tiag tiag. Vajtswv tau txhawb tsa kuv ua ib txoj dej num kom kuv muaj hwv tsam los chob qhia kuv tus kheej. Tab sis kuv tau siv lub hwv tsam no los khav theeb. Thaum kuv txoj dej num tawg paj txi txiv me ntsis lawm, kuv hloov txoj kev uas kuv taug thiab kuv hais lus. Kuv cog lus tias yuav muab tag nrho lub yeeb koob rau Vajtswv tab sis ho tseem saib xyuas rau kuv tus kheej tej txiaj ntsim xwb. Kuv ib txwm ntseeg hauv kuv tej phaj tshab tab sis tsis thov Vajtswv tiag tiag. Tsis nrhiav qhov tseeb hauv txhua yam, kuv pheej tsoo phab ntsa zawm tas zawm thiab. Kuv thiaj li pom tias kuv mas ntxim hlub tshua thiab xav tau kev pab npaum li cas tom qab poob rau hauv txoj kev tsaus ntuj.

2 Kuv yeej tsis paub qhov tseem ceeb ntawm cov hauv paus ntsiab lus hauv txoj kev tswj tej xwm txheej. Kuv xav tas li tias cov phaj tshab mas yeej ua txhua yam tau zoo xwb. Thaum kawg kiag, kuv thiaj li tau ntsib tau pom tias kev nrug deb mus ntawm Vajtswv cov lus, ua rau txhua yam tsis muaj txiaj ntsig. Kev vam khom cov phaj tshab hauv txoj dej num yam tsis muaj kev nrhiav qhov tseeb ces kawg ua tsis tau li. Yog tsis muaj kev zwm rau Vajtswv thiab kev hlub rau Nws, kev ua tes dej num yeej tsis muaj txiaj ntsig. Kuv tau tawm tsam kuv txoj kev xav thiab tau nyiag lub yeeb koob los ntawm Vajtswv, yeej tsis paub txaj muag kiag li—kuv tseem khav theeb thiab kuv tus kheej mas tsuas khav zas zis xwb. Ntawd puas yog lub siab hwm rau Vajtswv mas? Tsis caum raws qhov tseeb, pheej nias qees rau ntawm kuv tus kheej txoj hau kev xwb—kuv yuav tsis rhais ruam yuam kev tau li cas? Au, Vajtswv! Koj txoj kev txiav txim tau ua rau kuv paub Koj tus moj yam ncaj ncees.

3 Txawm tias kuv mas ntxeev siab heev los xij, Vajtswv tseem qhia thiab coj kuv kev. Kev pom Vajtswv txoj kev hlub thiab kev hlub tshua, ua rau kuv hnov khuv xim thiab tshuav nuj nqi ntau ntxiv tuaj. Kuv mas tsis muaj qab hau thiab qis tshaj, tsuas npaum li ib qho me me ntawm tej plua plav xwb. Yog kuv muaj peev xwm ua tes dej num ntawm ib yam muaj sia tau lawm, kuv tsim nyog siv kuv ua kom tau li ntawd tiag tiag, pauj rau Vajtswv. Kuv ntxub yav dhau los uas kuv tau ua kuv tes dej num yam tsis nrhiav qhov tseeb. Kuv tau plam ntau lub hwv tsam raug ua kom zoo tiav log lawm, uas ua rau Vajtswv lub siab mob tiag tiag. Tsuas yog tom qab kuv tau tsau rau hauv txoj kev iab no lawm xwb kuv thiaj li mam kawm paub tias qhov tseeb yog li cas tiag. Tsuas yog tom qab raug qhuab qhia thiab raug saib xyuas los ntawm Vajtswv lawm xwb kuv thiaj li mam paub tias kuv mas qias vuab tsuab tob npaum li cas. Kuv txaus siab kawg siab kawg ntsws los caum rau qhov tseeb, lees txais Vajtswv txoj kev txiav txim, thiab raug yaug kom dawb huv. Kuv yuav muab tag nrho kuv tus kheej fij kom ua kuv tes dej num muaj tiav thiaj li ua rau Vajtswv lub siab kaj lug.