Vajtswv Tej Lus Tseem Ceeb:

Tib neeg yuav tsum to taub seb qhov kev mob ntawm qhov yug los, laus zus, kev mob nkeeg thiab kev tuag uas muaj thoob plaws hauv lub neej ntawd los qhov twg los thiab vim li cas tib neeg thiaj li raug tej no. Puas muaj tej no thaum xub tsim tib neeg? Tej kev mob no los qhov twg los? Muaj tej kev mob no los tom qab tib neeg raug Ntxwgnyoog sim siab thiab tom qab tib neeg mus ua raws li Ntxwgnyoog txoj kev qias vuab tsuab lawm. Qhov kev mob ntawm tib neeg cev nqaij daim tawv, tej teeb meem, thiab qhov khoob lug, thiab txhua yam uas lim hiam nyob hauv tib neeg lub ntiaj teb—tej no puav leej tshwm los tom qab Ntxwgnyoog ua rau tib neeg qias vuab tsuab lawm. Tom qab tib neeg raug Ntxwgnyoog ua qias vuab tsuab lawm, ces Ntxwgnyoog txawm pib tsim txom tib neeg, yog li ntawd tib neeg thiaj li ntog mus deb heev lawm, lawv txoj kev mob kev nkeeg haj yam ntau tuaj, lawv qhov kev mob haj yam loj tuaj, thiab lawv paub zoo tuaj tias lub ntiaj teb mas khoob lug thiab nyuaj siab heev, tias yuav tsis muaj hnub dim tau nyob rau hauv lub ntiaj teb no, thiab tias qhov ua neej nyob rau hauv lub ntiaj teb no haj yam tsis muaj kev cia siab tuaj lawm. Yog li ntawd qhov kev mob no puav leej yog Ntxwgnyoog coj los rau tib neeg thiab qhov ntawd yog vim los ntawm Ntxwgnyoog txoj kev qias vuab tsuab los rau tib neeg.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Lub Ntsiab Tseem Ceeb ntawm Vajtswv Txoj Kev Saj Kev Txom Nyem Hauv Lub Ntiaj Teb

Txij thaum tib neeg tsim tau kev kawm txog tib neeg txoj kev ua neej, tib neeg lub siab ces tsuas muaj kev tshawb fawb nrhiav txuj thiab kev txawj ntse nkaus xwb. Kev kawm tshawb nrhiav txuj thiab kev txawj ntse thiaj li dhau los mus ua tej cuab yeej siv los kav tib neeg, ces thiaj tsis muaj chaw txaus rau tib neeg los teev hawm Vajtswv, thiab tsis muaj ib yam dab tsi zoo rau kev teev hawm Vajtswv lawm. Vajtswv qhov chaw nyob hauv neeg lub siab haj yam poob qis lawm. Yog tsis muaj Vajtswv nyob hauv lawv lub siab, ces hauv tib neeg nruab siab yuav tsaus ntuj nti, tsis muaj kev cia siab thiab khoob lug tsis muaj dab tsi li. Tom qab ntawd muaj coob tus neeg tshawb fawb txog tib neeg txoj kev ua neej, neeg sau keeb kwm, thiab neeg ua nom ua tswv tau tawm los piav txog lawv tej kev tshawb xav txog tib neeg tej kev ua neej, kev tshawb xav txog tib neeg txoj kev hloov, thiab lwm yam kev tshawb xav uas tsis zoo xws li qhov tseeb tias Vajtswv yog tus tsim tib neeg ntawd, coj los mus hliv puv nkaus tib neeg lub siab thiab txoj kev xav. Thiab nyob rau qhov no, cov uas ntseeg tias Vajtswv yog tus tsim txhua yam ces muaj tsawg zuj zus lawm xwb, thiab cov uas ntseeg kev tshawb xav txog tib neeg txoj kev hloov ntawd mas muaj coob zuj zus tuaj. Neeg coob zuj zus xav tias tej ntaub ntawv teev tseg txog Vajtswv tej hauj lwm thiab Nws tej lus thaum ub nyob rau lub sij hawm hauv Vajluskub Qub ntawd tsuas yog dab neeg thiab kwv huam lawm xwb. Nyob hauv lawv lub siab, lawv tsis quav ntsej txog Vajtswv lub meej mom thiab txoj kev zoo, rau qhov kev muaj Vajtswv, thiab rau txoj kev ntseeg tias Vajtswv muaj lub hwj chim kav tau txhua yam. Kev dim ciaj sia nyob ntawm tib neeg, thiab txoj hmoo ntawm tej teb chaws thiab tej haiv neeg ces tsis tseem ceeb rau lawv li lawm, ces tib neeg ua lub neej khoob lug uas tsuas xav txog qhov noj, qhov haus, thiab caum txoj kev lom zem nkaus xwb. … Muaj tsawg tus thiaj yuav sawv los nrhiav seb tam sim no Vajtswv ua Nws tes hauj lwm rau qhov twg, los sis xyuas seb Nws ho tswj thiab npaj tib neeg txoj hau kev kawg li cas. Thiab ua li no ces, tib neeg yeej tsis paub li, tib neeg txoj kev vam meej yuav tshwm sim tsis tau raws li lawv txoj kev xav, thiab tseem yuav muaj neeg coob tshaj uas xav li ntawd, ua lub neej zoo li ntawd, ces lawv haj yam tsis muaj kev kaj siab tshaj li cov uas twb tuag lawm. Txawm yog cov neeg hauv cov teb chaws vam meej los yeej yws li ntawd tib yam nkaus thiab. Vim yog tsis muaj Vajtswv txoj kev coj lawm, ces txawm yog cov neeg tswj kav thiab cov txawj ntse txog fab kev vam meej ntawm tib neeg txawm yuav siv tswv yim npaum li cas los xav txog kev ceev khaws tib neeg txoj kev vam meej los yeej pab tsis tau. Tsis muaj ib tug tib neeg twg yuav los txhaws tau qhov khoob lug hauv tib neeg lub siab, vim tsis muaj ib tug tib neeg twg yuav ua tau tib neeg txoj sia, thiab tsis muaj ib lub tswv yim ntawm sab kev coj twg uas yuav tso tau tib neeg tawm ntawm tej teeb meem ntawm qhov khoob lug li. Kev kawm tshawb nrhiav txuj, kev paub, kev ywj pheej, kev muaj vaj huam sib luag, kev xyiv fab, kev tau zoo tsuas coj tau kev kaj siab los rau tib neeg ib vuag dua xwb. Txawm muaj tej no, los tib neeg yeej tseem zam tsis dhau tej kev txhaum li thiab yws txog tej kev tsis ncaj ncees. Qhov muaj tej no yeej cheem tsis tau tib neeg txoj kev ntshaw thiab kev xav paub xav pom. Qhov no vim yog tib neeg yog Vajtswv tsim thiab lawv tej kev tso txhua yam tseg thiab tej kev tshawb nrhiav ntawd tsuas coj tau kev ntxhov siab los rau lawv, thiab tsuas ua rau tib neeg muaj txoj kev ntxhov siab nkaus xwb, yeej tsis paub txog tias xyov yuav ua cas rau tib neeg lub neej yav tom ntej los sis yuav taug txoj kev tom ntej mus tau li cas li, mus txog qhov uas tib neeg haj tseem ntshai tej kev tshawb nrhiav txuj thiab kev paub, thiab haj yam ntshai qhov kev xav tias txog qhov tsis muaj dab tsi hlo li thiab. Nyob hauv lub ntiaj teb no, tsis hais koj yuav nyob rau lub teb chaws ywj pheej los lub teb chaws uas tib neeg tsis muaj cai li, koj yeej yuav khiav tsis dhau tib neeg txoj hmoo li. Tsis hais koj yuav yog tus kav lub teb chaws los tus raug kav li, koj yeej tsis muaj cuab kav yuav khiav dim txoj kev xav yuav los tshawb xyuas tib neeg txoj hmoo, tej yam uas tsis tau paub txog thiab lawv txoj hau kev kawg hlo li, koj yeej yuav khiav tsis dhau lub neej khuam siab khuav txog qhov tsis muaj dab tsi hlo li. Tej xwm txheej zoo li no, uas yeej tshwm sim ntau heev rau tib neeg, ces cov kws kawm txog tib neeg txoj kev ua neej muab hu ua xwm txheej fab kev ua neej, tab sis yeej tsis muaj ib tug neeg twg ntse txaus yuav los daws tau tej teeb meem ntawd li. Tib neeg ces thaum kawg los yeej tseem yog tib neeg, thiab Vajtswv lub meej mom thiab Vajtswv lub neej txoj sia yeej tsis muaj ib tug neeg twg los hloov tau li. Qhov tib neeg xav tau ntawd tsis yog xav kom muaj lub teb chaws ncaj ncees es kom txhua tus muaj noj muaj haus, muaj vaj huam sib luag thiab muaj kev ywj pheej nkaus xwb; qhov tib neeg xav tau ces yog Vajtswv txoj kev cawm dim thiab Nws txoj kev pab kom tib neeg muaj lub neej txoj sia. Tsuas yog thaum tib neeg tau txais Vajtswv txoj kev pab kom muaj lub neej txoj sia thiab Nws txoj kev cawm dim lawm xwb lawv txoj kev xav tau, lawv txoj kev ntshaw xav tshawb xyuas, thiab qhov khoob lug ntawm lawv lub siab ntawd thiaj li yuav muab kho tau. Yog cov neeg nyob rau ib lub teb chaw los sis ib haiv neeg twg tsis muaj peev xwm tau txais Vajtswv txoj kev cawm dim thiab txoj kev saib xyuas, ces lub teb chaws los sis haiv neeg zoo li ntawd yuav maj mam txav zuj zus mus rau txoj kev uas phem, mus rau txoj kev tsaus ntuj, thiab vim li ntawd yuav raug Vajtswv muab rhuav tshem kom tu noob mus.

—Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Muaj Hwj Chim Kav Tag Nrho Tib Neeg Ntiaj Teb Txoj Hmoo

Ib txhia tib neeg muaj kev paub tob, muaj kev to taub zoo txog koog lus “qhov ntawd yog txoj hmoo,” tiam sis lawv tsis ntseeg Vajtswv lub hwj chim kav ib qho hlo li; lawv tsis ntseeg tias tib neeg txoj hmoo raug npaj thiab raug coj los ntawm Vajtswv, thiab lawv tsis txaus siab zwm rau Vajtswv lub hwj chim kav. Cov neeg zoo li no yog kiag tej yam uas ntab saum dej hiav txwv, raug tej nthwv dej ntsawj mus los rau ub rau no tsis muaj kev xaiv, tsuas nyob tos ntsiag to thiab tawm mus ntawm lawv txoj hmoo lawm xwb. Tiam sis lawv tsis paub tias tib neeg txoj hmoo yog zwm rau Vajtswv lub hwj chim kav; lawv tus kheej yuav tsis muaj peev xwm paub tau Vajtswv lub hwj chim kav thiab muaj kev paub txog Vajtswv lub hwj chim, zwm rau Vajtswv tej kev coj kev qhia thiab tej kev npaj, tso tseg kev tawm tsam rau txoj hmoo, ua neej nyob raws li Vajtswv txoj kev saib xyuas, kev tiv thaiv, thiab kev qhuab qhia. Muab hais ua lwm lo lus tias, kev lees txais txoj hmoo tsis zoo ib yam li kev zwm rau tus Tswv Tsim lub hwj chim kav; kev ntseeg txoj hmoo tsis yog txhais tau tias tib neeg yuav tsum lees txais, lees paub, thiab paub txog tus Tswv Tsim lub hwj chim kav; kev ntseeg txoj hmoo yog kev lees paub txog nws qhov tseeb thiab nws qhov tshwm sim uas ntseeg tau xwb. Qhov no sib txawv mus ntawm qhov kev paub txog tus Tswv Tsim tej kev cai hauv tib neeg txoj hmoo, txawm mus ntawm kev lees paub txog tus Tswv Tsim yog lub hauv paus ntawm thaj chaw tswj hwm tag nrho txhua tsav txhua yam txoj hmoo, thiab tseem tshuav deb heev txog qhov yuav zwm rau tus Tswv Tsim tej kev coj kev qhia thiab tej kev npaj rau txib neeg txoj hmoo. Piv txwv hais tias ib tug neeg tsuas ntseeg txoj hmoo xwb, thiab haj tseem muaj kev paub tob txog txoj hmoo ntawd thiab, tiam sis lawv twb tsis muaj peev xwm paub thiab lees paub tus Tswv Tsim txoj kev muaj hwj chim kav tib neeg txoj hmoo, zwm rau txoj kev muaj hwj chim kav thiab lees txais txoj kev muaj hwj chim kav ntawd. Yog li ntawd, lawv lub neej yuav yog ib qho kev puas tsuaj; nws yuav yog ib qho uas tsis muaj qab hau, nws yuav yog ib qho khoob lug xwb. Lawv tseem yuav zwm tsis tau rau hauv tus Tswv Tsim txoj kev tswj hwm, los ua tsis tau ib tug neeg uas raug tsim tawm los tiag tiag, thiab tsis tau txais tus Tswv Tsim txoj kev lees paub. Ib tug neeg uas paub tiag tiag thiab tau ntsib tau pom tus Tswv Tsim txoj kev muaj hwj chim kav mas yuav tsum muaj ib tug yam ntxwv uas zoo, tsis yog ib tug yam ntxwv uas xav phem los sis tso tseg. Thaum lees paub tias txhua yam yog txoj hmoo, lawv muaj ib qho ntsiab lus ntawm lub neej thiab txoj hmoo nyob rau hauv lawv lub siab, uas yog tias tag nrho tib neeg lub neej yog nyob rau hauv tus Tswv Tsim txoj kev muaj hwj chim kav. Thaum lawv tig rov qab mus saib rau txoj kev uas lawv tau taug los lawm, thaum lawv nco txog txhua theem ntawm lawv lub neej los lawm, lawv pom tias nyob rau txhua kauj ruam, txawm lawv txoj kev taug ntawd nyuaj los sis yooj yim los xij, Vajtswv coj lawv txoj kev, npaj txoj kev ntawd rau lawv. Lawv to taub tias yog Vajtswv txoj kev uas ua tib zoo npaj, nrog rau Nws tej kev uas ua tib zoo npaj lawm, uas coj lawv kev yam tsis paub txog, los txog rau hnub no. Lawv paub tias qhov uas muaj peev xwm lees txais tus Tswv Tsim txoj kev muaj hwj chim kav, lees txais Nws txoj kev cawm dim ntawd yog qhov koob hmoov loj tshaj plaws nyob hauv ib tug neeg lub neej! Yog ib tug neeg muaj ib tug cwj pwm tsis zoo rau txoj hmoo, ces qhov ntawd ua pov thawj qhia tias lawv tawm tsam txhua yam uas Vajtswv tau npaj rau lawv lawm, tias lawv tsis muaj ib tug cwj pwm mloog lus. Yog ib tug neeg muaj ib tug cwj pwm zoo rau Vajtswv txoj kev muaj hwj chim kav tib neeg txoj hmoo, ces thaum lawv saib rov qab mus rau lawv txoj kev taug, thaum lawv nkag siab Vajtswv txoj kev muaj hwj chim kav tiag tiag lawm, ces lawv yuav haj yam muaj kev ntshaw tiag tiag los ua raws li txhua yam uas Vajtswv tau npaj lawm, thiab yuav muaj kev txiav txim siab thiab kev ntseeg ntau ntxiv los cia Vajtswv tshwj hwm lawv txoj hmoo thiab tsis ntxeev siab rau Vajtswv mus ntxiv lawm. Qhov no yog vim lawv pom tias thaum tib neeg tsis paub tias txoj hmoo yog dab tsi los sis tsis to taub Vajtswv txoj kev muaj hwj chim kav, ces lawv tsuas yog txhob txwm phoom thiab dawm vim tsis paub dab tsi, thiab txoj kev taug ntawd mas nyuaj dhau lawm, thiab ua rau nyuaj siab dhau lawm. Yog li ntawd thaum tib neeg paub tias Vajtswv muaj hwj chim kav tib neeg txoj hmoo lawm, ces cov neeg ntse xaiv los paub thiab lees txais Vajtswv txoj kev muaj hwj chim kav, thiab tso cov hnub uas mob siab ntawm qhov “sim los tsim ib lub neej zoo los ntawm lawv ob txhais tes” tseg, es tsis txhob tawm tsam txoj hmoo txuas ntxiv thiab caum lawv tej hom phiaj ntawm lub neej raws li lawv tus kheej xav xwb. Thaum ib tug neeg tsis muaj Vajtswv, thaum lawv pom tsis tau Nws, thaum lawv paub tsis tau Vajtswv txoj kev muaj hwj chim kav tiag tiag thiab meej meej, ces txhua hnub tsis muaj qab hau, tsis muaj nuj nqis, thiab mob siab heev uas piav tsis tau. Txawm ib tug neeg nyob qhov twg, thiab txawm lawv txoj hauj lwm yog dab tsi los xij, lawv txoj kev ciaj sia thiab tej hom phiaj uas lawv caum ntawd tsis coj dab tsi los rau lawv li tsuas yog nyuaj siab tsis paub kawg, thiab mob siab uas nyuaj kov kom yeej, uas lawv uv tsis taus thaum saib rov qab. Tsuas yog lees txais tus Tswv Tsim txoj kev muaj hwj chim kav, zwm rau Nws tej kev tswj hwm thiab tej kev npaj, thiab caum kom tau txais tib neeg lub neej tiag tiag xwb mas, ib tug neeg thiaj li maj mam khiav dim ntawm txhua yam kev nyuaj siab thiab kev mob siab, thiab maj mam muab lawv tus kheej ntawm txhua yam kev tsis muaj dab tsi ntawm tib neeg lub neej tso tseg.

—Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, tus uas Tsuas Yog Tib Tug Xwb III

Vim tias tib neeg tsis lees paub Vajtswv tej kev coj thiab Vajtswv lub hwj chim kav, lawv yeej ib txwm ntsib txoj hmoo nyuaj thiab kev coj tus cwj pwm tig ntxeev siab, thiab lawv yeej ib txwm xav muab Vajtswv lub hwj chim thiab lub hwj chim kav thiab txoj hmoo ntawm txhua tsav yam ntiab tawm mus, vam tias yuav hloov pauv qhov ua tsis tau zoo tam sim no thiab yuav hloov pauv lawv txoj hmoo. Tiam sis lawv yeej ib txwm ua tsis tau li thiab raug rhuav tshem txhua zaus. Yuav ua rau muaj kev tawm tsam nkag mus rau hauv tib neeg tus ntsujplig, ua rau muaj kev mob siab ti nkaus rau hauv tib neeg tej pob txha, vim tib neeg muab lawv lub neej txoj sia pov tseg txhua lub sij hawm. Dab tsi ua rau mob siab? Nws puas yog vim los ntawm Vajtswv lub hwj chim kav, los sis puas yog vim los ntawm ib tug tib neeg yug los tsis muaj hmoo? Yeej pom meej tias, tej no yeej tsis muaj tseeb. Qhov kawg kiag, nws yog vim yog los ntawm tej kev uas tib neeg siv, thiab tej kev lawv xaiv ua lawv lub neej. Ib txhia tib neeg yuav tsis nkag siab txog tej yam no. Tiam sis thaum koj paub tiag tiag lawm, thaum koj lees tiag tiag tau tias Vajtswv muaj lub hwj chim kav rau tib neeg txoj hmoo lawm, thaum koj to taub tiag tiag tias txhua tsav yam uas Vajtswv tau npaj rau koj thiab tau txiav txim rau koj ntawd yog ib yam txiaj ntsig tseem ceeb tshaj plaws thiab yog kev tiv thaiv lawm, thaum ntawd koj mam li hnov koj lub siab mob nqig, thiab hnov koj lub cev sib kha, dim plaws, thiab ywj pheej. Kev txiav txim raws li tej yam ntxwv ntawm tib neeg feem coob, lawv tsis muaj peev xwm ua kom tau raws li tej lus muaj nuj nqi thiab lub ntsiab lus ntawm tus Tswv Tsim lub hwj chim kav rau tib neeg txoj hmoo, txawm tias qhov tseeb tiag lawv tsis xav ua lub neej mus raws li qhov uas lawv ua dhau los thiab xav muab lawv txoj kev mob siab tshem tawm mus kom tag los xij; qhov tseeb tiag, lawv tsis muaj peev xwm lees thiab zwm rau tus Tswv Tsim lub hwj chim kav, thiab lawv tseem paub tsawg heev txog qhov yuav nrhiav kev tawm mus li cas thiab lees txais tus Tswv Tsim tej kev coj thiab tej kev npaj. Yog li, yog tib neeg tsis muaj peev xwm lees qhov tseeb tias tus Tswv Tsim muaj lub hwj chim kav rau tib neeg txoj hmoo thiab tag nrho rau ib puas tsav yam ntawm tib neeg, yog lawv tsis muaj peev xwm zwm rau tus Tswv Tsim txoj kev tswj hwm, ces nws yuav ua rau lawv raug txhawb nyuaj thiab khiav tsis dim txoj kev xav tias “tib neeg txoj hmoo yog nyob hauv lawv tus kheej ob txhais tes.” Nws yog ib qho nyuaj rau lawv rhuav tshem kev mob siab ntawm lawv qhov tawm tsam rau txoj hmoo thiab tus Tswv Tsim lub hwj chim, thiab, tsis tas hais, qhov lawv yuav dhau los muaj kev ywj pheej thiab kev ywj siab yuav tsis yog ib qho yooj yim, kom tib neeg dhau los ua cov tib neeg uas pe hawm Vajtswv. Txoj kev yooj yim tshaj plaws los tso yus tus kheej kom dim ntawm tus yam ntxwv no yog los tso yus txoj kev ua neej yav dhau lawm ntawd tseg; tso tej hom phiaj hauv lub neej yav dhau los lawm ntawd tseg; muab yus txoj kev ua neej yav dhau los lawm, txoj kev xam pom txog lub neej, tej kev caum, tej kev ntshaw, thiab tej kev cia siab los zuaj zog ua ke thiab soj ntsuam; ces tom qab ntawd muab tej no los piv rau Vajtswv tej kev npaj siab thiab tej kev cheem tsum rau tib neeg, es saib seb puas muaj ib yam twg haum nrog Vajtswv tej kev npaj siab, seb puas muaj ib yam twg uas mus raws li Vajtswv tej kev cheem tsum, seb puas muaj ib yam twg uas muab tau tej uas muaj nuj nqis ntawm lub neej uas yog, es coj kom yus to taub qhov tseeb ntau thiab ntau ntxiv, thiab cia yus ua neej los ntawm kev ua neeg thiab zoo nkaus li ib tug tib neeg. Thaum koj tshawb xyuas thiab ua tib zoo soj ntsuam tas li txog ntau lub hom phiaj uas tib neeg caum hauv lub neej thiab lawv ntau txoj kev ua neej, ces koj yuav pom tias tsis muaj ib yam twg uas haum nrog tus Tswv Tsim txoj kev npaj siab thaum chiv thawj uas Nws tsim tib neeg los li. Tag nrho tej ntawd puav leej ua kom tib neeg txav deb ntawm tus Tswv Tsim lub hwj chim kav thiab kev saib xyuas xwb; tej ntawd puav leej yog tej ntxiab uas ua rau tib neeg lwj liam, thiab coj lawv mus rau hauv ntuj tawg xwb. Tom qab koj paub li no lawm, yam uas koj yuav tsum ua yog tso koj txoj kev xam pom qub txog lub neej ntawd tseg, txav kom deb ntawm ntau rooj ntxiab, es cia Vajtswv kav thiab npaj koj lub neej, tsuas nrhiav kev los zwm rau Vajtswv txoj kev tswj hwm thiab kev coj es tsis txhob xaiv raws li koj tus kheej nyiam li, thiab los ua ib tug tib neeg uas pe hawm Vajtswv. Qhov no mloog zoo li yooj yim, tab sis nws yog ib yam ua tau nyuaj heev. Ib txhia tib neeg thev taus qhov mob, tab sis lwm tus thev tsis tau. Ib txhia tib neeg txaus siab ua raws, hos lwm tus tsis txaus siab ua raws. Cov neeg uas tsis txaus siab yeej tsis muaj kev ntshaw thiab tsis xav daws qhov teeb meem; lawv yeej paub tseeb txog Vajtswv lub hwj chim kav, paub zoo tiav log tias Vajtswv yog tus npaj txhua yam thiab npaj tib neeg txoj hmoo, tiam sis lawv tseem nti tawm thiab khiav tawm thiab tsis pom zoo cia lawv txoj hmoo nyob rau hauv Vajtswv lub xib tes thiab muab kev zwm rau Vajtswv lub hwj chim kav; ntxiv rau qhov no, lawv tawm tsam Vajtswv tej kev coj thiab tej kev npaj. Yog li ntawd thiaj li ib txwm muaj ib txhia tib neeg xav pom kom lawv tus kheej rab peev xwm yog li cas; lawv xav hloov lawv txoj hmoo los ntawm lawv tus kheej ob txhais tes, los sis ua kom tau txais kev zoo siab los ntawm lawv tus kheej lub hwj chim, xav pom seb lawv puas muaj peev xwm hla dhau Vajtswv lub hwj chim thiab sawv siab tshaj Vajtswv lub hwj chim kav. Kev puas tsuaj ntawm tib neeg tsis yog tias lawv nrhiav kev zoo siab rau lub neej txoj sia, tsis yog tias lawv caum kev muaj koob nrov npe thiab caum txoj hmoov los sis tawm tsam rau lawv tus kheej txoj hmoo raws hauv txoj kev pos huab nti xwb, tiam sis tom qab lawv pom tus Tswv Tsim tshwm sim lawm, tom qab lawv paub qhov tseeb tias tus Tswv Tsim muaj lub hwj chim kav tag nrho tib neeg txoj hmoo lawm, lawv tseem tsis muaj peev xwm kho lawv tej kev ua neej, tsis muaj peev xwm rhais ruam tawm tau ntawm lub qhov av nkos, tab sis lawv tseem ua siab tawv qhawv thiab tiv lawv tej kev ua yuam kev. Lawv tseem xav kov hauv qhov av nkos no, xav txeeb thiab tawm tsam tus Tswv Tsim lub hwj chim kav, tiv kom mus txog thaum tag txoj sia, tsis muaj kev pab txhawb nqa dab tsi tag nrho. Yuav ua kom mus txog thaum tib neeg raug mob thiab los ntshav kiag lawm ces lawv mam li txiav txim siab tso tseg thiab thim rov qab. Qhov no yog tib neeg txoj kev tu siab tseeb. Yog li Kuv thiaj li hais tias, cov neeg uas xaiv los zwm rau yog cov neeg ntse, thiab cov neeg uas xaiv los khiav kom dim yog cov neeg ruam tiag tiag.

—Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, tus uas Tsuas Yog Tib Tug Xwb III