1

Muaj ntau zaus heev uas kuv xav quaj kiag,

tab sis tsis muaj ib qho chaw uas zoo li qhov yog li.

Muaj ntau zaus heev uas kuv xav hu nkauj nrov nrov,

tab sis tsis muaj ib lub suab nkauj uas kuv yuav nrhiav tau li.

Muaj ntau zaus heev uas kuv xav hais tawm

txoj kev hlub ntawm ib tug uas raug tsim tawm los.

Kuv tshawb nrhiav qhov siab thiab kuv tshawb nrhiav qhov qis,

tab sis tag nrho tej lus zoo nkaus li pab tsis tau kuv li.

Vajtswv Tus Uas Muaj Hwj Chim Loj Kawg Nkaus, Koj yog txoj kev hlub nyob hauv kuv lub siab.

Lub suab hauv lub siab ntawm ib tug uas raug tsim tawm los.

2

Tib neeg los ntawm cov hmoov av los,

los ntawm cov hmoov av uas tsis muaj sia.

Koj tsim tib neeg thiab muab txoj pa rau peb,

Koj yuav txoj pa ntawm txoj sia rau peb.

Cas yuav tu siab ua luaj rau qhov uas Ntxwgnyoog muab peb uas qias vuab tsuab tag lawm,

peb qhov laj thawj thiab qhov kev txawj xav ploj tag lawm.

Ib tiam neeg dhau ib tiam neeg,

thiab coob tus tau poob tsim tag nrho txij thaum ntawd los lawm.

Vajtswv Tus Uas Muaj Hwj Chim Loj Kawg Nkaus, Koj yog txoj kev hlub nyob hauv kuv lub siab.

Lub suab hauv lub siab ntawm ib tug uas raug tsim tawm los.

Kuv lub siab dhia tej phlaw, kuv ob txhais tes zoo siab hlo

los qhuas Koj txoj kev los rau ntiaj teb.

Qias vuab tsuab npaum kuv, tab sis Koj tseem cawm kuv thiab.

Tam sim no kuv pom Koj lub ntsej muag uas muaj yeeb koob ntsa paug.

Ua raws li Koj tej phiaj xwm, ua kom haum Koj txoj kev xav,

kuv tus kheej yuav tsis xaiv ntxiv lawm.

Kuv los ntawm hmoov av los; tau hlub Koj ces yog ib qho koob hmoov loj kawg nkaus.

Ua cas kuv thiaj yuav tsis nyo hau thiab pe hawm Koj?

3

Koj tsim thiab hlub tib neeg,

Koj rais los muaj cev nqaij daim tawv dua los cawm peb.

Koj tau tiv txhua yam kev poob ntsej muag,

Koj tau tiv kev tsim txom,

Koj tau saj tag nrho tej kev qab zib thiab kev iab kev daw ntawm lub neej,

kom tib neeg thiaj li raug coj tau los rau ib txoj hau kev kawg uas zoo nkauj heev.

Ua cas peb thiaj li yuav tsis ua Koj tsaug yam tsis muaj chaw xaus

rau ib qho kev cawm dim loj kawg nkaus li mas?

Vajtswv Tus Uas Muaj Hwj Chim Loj Kawg Nkaus, Koj yog txoj kev hlub nyob hauv kuv lub siab.

Lub suab hauv lub siab ntawm ib tug uas raug tsim tawm los.

4

Hnub no kuv raug cawm tau lawm thiab nrhiav tib neeg lub neej

tsuas yog los ntawm Koj txoj kev txhawb nqa thiab Koj qhov hmoov hlub xwb.

Kuv xyiv fab rau Koj tej lus thiab lees txais Koj txoj kev txiav txim.

Kuv los paub Koj txoj kev ncaj ncees thiab kev dawb huv.

Tiv txhua yam kev tsim txom thiab kev mob kev ntsaj,

kuv paub hais tias Koj yog tus ntxim hlub tshaj plaws.

Vim Koj tes hauj lwm yog qhov uas kuv mus dhau,

kuv raug yaug huv si lawm, thiab thaum kawg kuv ua neej nyob rau hauv txoj kev kaj.

Vajtswv Tus Uas Muaj Hwj Chim Loj Kawg Nkaus, Koj yog txoj kev hlub nyob hauv kuv lub siab.

Lub suab hauv lub siab ntawm ib tug uas raug tsim tawm los.

Nws yog tus uas raug tsim tawm los tes dej num uas yuav tsum tau ua los pe hawm Vajtswv,

Nws yog tus uas raug tsim tawm los tes dej num uas yuav tsum tau ua los pe hawm Koj.

Kuv ntxub Ntxwgnyoog tag siab tag ntshws;

nws siv txhua yam los ntxias kuv.

Kuv xum hlub Koj nyob rau hauv tag nrho Koj txoj kev txiav txim,

Kuv xum hlub Koj nyob rau hauv tag nrho Koj txoj kev rau txim,

tsis ntshaw tej kev kaj siab ntawm sab cev nqaij daim tawv ntxiv lawm,

tsis nyob rau hauv Ntxwgnyoog ntxiv lawm.

Vajtswv Tus Uas Muaj Hwj Chim Loj Kawg Nkaus, Koj yog txoj kev hlub nyob hauv kuv lub siab.

Lub suab hauv lub siab ntawm ib tug uas raug tsim tawm los.