1

Koj txoj kev hlub mas yeej ua siab dawb paug thiab dawb huv, Koj muaj lub siab zoo thiab coj ncaj, thiab Koj rais los muaj cev nqaij daim tawv los cawm noob neej.

Kuv pom Koj txoj kev txo hwj chim thiab kev nkaum twj ywm mas txaus hlub heev; kuv paub Koj mas yeej suav tsis txheeb hlo li.

Kuv caum Koj qab ti ti, tshee hnyo hauv txoj kev ntshai; Koj cov lus ua rau kuv sov siab.

Koj sawv nraim nrog kuv dhau plaws tej kev txom nyem, thiab kuv raug yaug kom dawb huv thiab raug cawm tau los ntawm Koj cov lus ntawm txoj kev txiav txim.

Thaum kawg kuv muaj peev xwm hlub tau Koj; nruab hnub thiab hmo ntuj kuv nrog Koj, thiab tam sim no kuv to taub Koj txoj kev xav lawm.

Pom ntau thiab ntau txog qhov uas Koj ntxim hlub npaum li cas, ces kuv tau los paub Koj, Vajtswv Tus Uas Muaj Hwj Chim Loj Kawg Nkaus.

Koj nrog kuv, thiab kuv mas tau ntau yam heev; kuv mas yeej ceeb yam zoo siab hlo tas mus li xwb.

Koj tau muab tag nrho Koj txoj kev hlub rau kuv; muaj lub sij hawm nrog Koj mas muaj nuj nqis tshaj plaws li.

2

Koj txoj kev hlub tau tsa kuv hnov dheev thiab txhawb kuv lub zog; kuv xav hlub Koj thiab ua siab ncaj rau Koj.

Koj tau siv Koj cov lus los txiav txim thiab ntxuav kom kuv dawb huv, cawm kuv tawm ntawm Ntxwgnyoog txoj kev haub ntxias.

Kuv tau xyiv fab hlo rau Koj txoj kev hlub; kuv tau to taub qhov tseeb lawm, hlub thiab hwm Koj kawg nkaus kuv lub siab.

Kev mob thiab kev lim kom dawb huv coj kuv los ze zog rau Koj, thiab kuv cog lus muab kuv txoj sia los hais lus tim khawv zoo tshaj plaws los tsav Koj lub yeeb koob.

Kuv tau caum Koj qab los txog hnub no, tau qhov tseeb thiab txoj sia, thiab txoj kev mas tseem haj yam ci ntsa tshaj tuaj lawm.

Pom Koj tus moj yam ncaj ncees thiab dawb huv, kuv tau los paub Koj, Vajtswv Tus Uas Muaj Hwj Chim Loj Kawg Nkaus.

Nws yog vim Koj qhov hmoov hlub es tam sim no kuv thiaj li raug ntxuav kom dawb huv thiab raug cawm tau lawm; kuv tsis paub xyov yuav ua Koj tsaug li cas li.

Muab Koj tej lus coj los xyaum ua, tam sim no kuv nyob rau hauv txoj kev kaj lawm, thiab yuav tsum haj yam peem hnyav zog rau hauv kuv txoj kev caum nrhiav los hlub Koj.