1

Peb tsa peb tus kheej lub siab sawv los nrhiav qhov tseeb,

peb yuav tsis xav rau qhov phem ntxiv lawm.

Peb lub siab thiab tus ntsuj plig nrhiav tau kev ywj pheej lawm.

Peb yuav ua raws qhov lub plawv dhia thiab qhib peb lub siab.

2

Peb sib tuav tes thiab sib qhia siab.

Peb xav kom Koj hnov peb txoj kev zoo siab.

Peb tsis xav tsim kev tu siab rau Koj ntxiv lawm.

Cug tes txais, peb tsa peb txhais caj npab los seev cev.

Peb hu nkauj thiab seev cev! Peb muaj kev zoo siab puv npo!

Tau txais peb txoj kev cawm dim, peb muab peb lub siab cob fij rau.

Peb qhuas Koj nrog lub suab nrov nrov, peb seev cev hauv txoj kev zoo siab rau Koj.

3

Dab tsi ua rau peb lub siab muag thiab vim li cas peb ho quaj?

Koj txoj kev txiav txim yaug peb kom dawb huv,

qhov no ua rau peb los kua muag thiab ua rau peb lub siab muag.

Peb nrhab tes lug txais tos txoj kev cia siab.

4

Peb nrhiav kev hlub Koj thiab ua neej nyob rau Koj.

Peb txoj kev tu siab poob mus lawm.

Koj muaj lub siab dawb siab zoo puv npo; Koj tseb tej noob ntawm txoj kev hlub.

Los ntawm hmoov av thiab av nkos ces tib neeg rais los ua tej txiv hmab txiv ntoo uas zoo nkauj heev.

Cov tib neeg uas qias vuab tsuab kuj raug nyiam lawm. Peb zoo siab rau qhov uas peb raug cawm lawm.

Peb hu nkauj thiab seev cev! Peb muaj kev zoo siab puv npo!

Tau txais peb txoj kev cawm dim, peb muab peb lub siab cob fij rau.

Peb qhuas Koj nrog lub suab nrov nrov, peb seev cev hauv txoj kev zoo siab rau Koj.

5

Au, Vajtswv Tus Uas Muaj Hwj Chim Loj Kawg Nkaus! Koj hlub peb kawg kiag!

Txawm hais tias tej kev sim siab yuav coj kev mob kev ntsaj los rau peb los xij,

nrog rau Koj txoj kev hlub, ces peb yuav raws Koj qab kom txog qhov kawg,

mob siab rau Koj kom txog kiag nthwv pa kawg nkaus.

6

Peb xyaum ua raws qhov tseeb thiab ua siab ncaj mloog lus.

Nyob rau hauv lub neej no, peb ua neej nyob rau Koj xwb.

Peb tsis xav kom Koj txhawj txog peb.

Peb hu tej nkauj zoo heev thiab seev cev yam zoo siab hlo rau Koj nkaus xwb.

Peb hu nkauj thiab seev cev! Peb muaj kev zoo siab puv npo!

Tau txais peb txoj kev cawm dim, peb muab peb lub siab cob fij rau.

Peb qhuas Koj nrog lub suab nrov nrov,

peb seev cev hauv txoj kev zoo siab rau Koj, peb seev cev hauv txoj kev zoo siab rau Koj.

peb seev cev hauv txoj kev zoo siab rau Koj, hauv txoj kev zoo siab rau Koj.

peb seev cev hauv txoj kev zoo siab rau Koj, hauv txoj kev zoo siab rau Koj.