1 Kuv tau tsa tes cog lus ntau zaus tias yuav tso txhua yam tseg thiab caum raws tus Tswv, tab sis kuv tsis tuaj yeem tsoo txoj kev ywj pheej kom tawg tau los ntawm tej kev sim siab ntawm kev nplua nuj thiab suab npe. Kuv tsis muaj qhov ua xyem xyav tias nws yog ib qho ntxim hwm uas ntsib kev txom nyem vim tshaj txoj moo zoo thiab ua tim khawv rau tus Tswv, tab sis thaum tau ntsib nrog txoj kev quab yuam thiab tej kev ceeb laj txom nyem loj lawm, kuv tau zais npog tej kev yws thiab hnov txaj muag kawg. Kuv keev txiav txim siab caum raws tus Tswv cov lus txib thiab hlub hlwm tus li yog kuv tus kheej, tab sis kuv tseem tau dag ntxias thiab tau sib tw rau lub meej mom nrog kuv cov neeg ua dej num ua ke thiab tau ua lub neej nyob rau hauv kev txhaum. Ntau zaus uas kuv tau yoo mov thiab tau thov rau ntawm tus Tswv xub ntiag, thov hu tiag tiag, “Au Tus Tswv! Thaum twg Koj mam li rov qab los thiab cawm kuv tawm ntawm dab teb txoj kev txhaum? Thaum twg kuv thiaj li raug ua kom dawb huv thiab nkag mus rau saum lub teb chaws saum ntuj ceeb tsheej nrog Koj?”

2 Hauv kuv qhov feeb tsis meej, kuv hnov Vajtswv Tus Uas Muaj Hwj Chim Loj Kawg Nkaus lub suab khob lub qhov rooj ntawm kuv lub siab. Tag nrho Nws cov lus chob kuv lub siab zoo li ib rab ntaj ntse chob, kev nthuav tawm qhov tseeb ntawm kuv txoj kev lwj liam. Kuv tsuas ntseeg tus Tswv kom tau txais cov koob hmoov thiab nkag mus rau saum lub teb chaws sau ntuj ceeb tsheej xwb; kuv tau sim sib hais nrog tus Tswv. Kuv zoo siab xyiv fab rau Nws txoj hmoov hlub, tab sis tsis muaj kev xav pauj rau Nws li. Kuv txoj kev xav thiab kev muaj qab hau nyob qhov twg lawm? Kuv tau tham txog kev ua tim khawv rau tus Tswv, tab sis dua ntawd kuv tsuas ua dej num rau lub meej mom xwb; kuv tau ntxias dag Nws. Kuv xav tias vim tau ua qee yam zoo tiav lawm, kuv tau thim siab lees txhaum thiab tau hloov pauv lawm. Thaum nyob hauv tej kev sim siab, kuv tsuas tshwm sim los zwm rau thaum ntseeg tias kuv yog tus ua tim khawv xwb. Kuv tau ua neej nyob hauv txoj kev txhaum, ua txhaum rau tej yam tsis raug thiab lees txim txhaum txhua hnub, tab sis tseem kuv tseem xav nkag mus rau saum lub teb chaws saum ntuj ceeb tsheej thiab. Tam sim no uas kuv pom Vajtswv txoj kev ncaj ncees thiab kev dawb huv, kuv tsis muaj chaw yuav zais kuv txoj kev txaj muag li, es kuv thiaj li khoov hawm kuv tus kheej.

3 Kev raug txiav txim thiab raug rau txim los ntawm Vajtswv yeej zoo li nyob hauv txoj kev tsim kho kom zoo ntawm lub pas hluav taws. Kuv tau khav theeb thiab ntxeev siab ntau ntau zaus lawm, uas Vajtswv tau qhuab ntuas thiab qhuab qhia nyhav heev rau kuv lawm. Thaum kuv tsuas yuav kuv tus kheej siab xwb, tus Vajntsujplig tig khiav ntawm kuv mus lawm, tso kuv ua neej nyob rau txoj kev tsaus ntuj nti. Kuv tawv ncauj thiab tsis mloog lus ntau ntau zaus lawm, xav khiav kom dim ntawm Vajtswv txoj kev txiav txim tas lis xwb. Nws cov lus tau qhia thiab tau coj kuv kev kom to taub Nws txoj dej num. Txhua yam tau nthuav tawm rau tib neeg los ntawm Vajtswv txoj kev txiav txim yog muaj tseeb thiab kev ncaj ncees. Los ntawm kev ntseeg Vajtswv tab sis tsis zwm rau Nws txoj kev txiav txim, kuv yuav ua cas paub Nws los sis tau txais qhov tseeb tiag tiag tau li cas? Yog tsis muaj kev caum raws qhov tseeb, kuv yuav khiav kom dim Ntxwgnyoog txoj kev haub ntxias tau li cas? Los ntawm tej kev sim siab, kuv tau pom tias txoj kev txiav txim thiab kev rau txim mas tau tshwm sim meej txog Vajtswv txoj kev hlub tiag tiag. Nws txoj kev txiav txim tau cawm kuv, thiab tam sim no kuv ua neej nyob tau zoo li yog tib neeg tiag lawm.