1

Lam laug raws lub sij hawm, lam ua lub neej kom dhau mus.

Lub sij hawm tig mus zoo li ib zaj npau suav.

Sib tw nrhiav koob npe thiab nyiaj txiag.

Lub neej ces siv rau tej khoom ntawm cev nqaij daim tawv xwb.

Tsis muab ib yam dab tsi rau qhov tseeb li.

Txoj kev hluas ces dhau mus zoo li no xwb.

2

Tsis xav txog Vajtswv tus kheej tej kev txom nyem

los sis Nws qhov kev ntxim hlub tshaj plaws li.

Tsuas lam laug ib hnub dhau ib hnub tsis muaj dab tsi li.

Tsis muaj ib hnub uas yuav ua neej rau Vajtswv li.

Yeej tsis ua kom Vajtswv daim di ncauj luag taus li.

Khoob lug thiab tsis muaj dab tsi tshwj xeeb li.

Leej twg thiaj to taub Vatjswv lub siab?

Leej twg thiaj koom tau txoj kev ciaj thiab kev tuag nrog Vajtswv?

Leej twg thiaj saib Nws tej lus muaj nuj nqis?

Leej twg thiaj mob siab muab txhua yam rau Vajtswv?

Thaum twg lub caij nplooj ntoos hlav thiaj yuav cheem lawv tej kev tawg paj txi txiv?

Txoj kev hlub tiag muaj nyob ntawm no hauv lub ntiaj teb no.

Kev tu siab thiab kev zoo siab, kev nce toj thiab nqis hav.

Lub vaj voog ntawm lub caij nyoog, ncig mus lawm tas zog li.

Vajtswv raug tso pov tseg ib xyoos dhau ib xyoos.

Cas yuav yog ib lub ntiaj teb uas txaus tu siab ua luaj!

3

Tib neeg muaj lawv lub tsev, ib qho chaw kaj siab.

Tab sis Vajtswv tsis muaj ib qho chaw rau Nws so li.

Muaj pes tsawg leej muab lawv tus kheej cob fij rau?

Tsis muaj leej twg quav ntsej txog Nws li,

tiv tag nrho ntiaj teb txoj kev txoj nyem.

Tab sis tsis muaj leej twg yuav hlub li.

4

Txhawj txog tib neeg, Vajtswv maj nroos rau ub rau no nrog lawv

thiab ua hauj lwm ntxiv mus, yam tsis nkees hlo li.

Leej twg thiaj muaj ib qho kev xav rau Vajtswv?

Txawm hais tias lub caij nyoog yuav los thiab mus lawm los xij,

Nws muab txhua yam rau noob neej,

leej twg thiaj nug txog Nws txoj kev kaj siab?

Cas tib neeg es tsuas muaj taij Vajtswv nkaus xwb lau!

Yeej tsis txav txog Nws txoj kev xa li.

Xyiv fab rau lub neej ntawm tsev neeg,

tab sis vim li cas lawv ho ua rau Nws quaj?

Thaum twg lub caij nplooj ntoos hlav thiaj yuav cheem lawv tej kev tawg paj txi txiv?

Txoj kev hlub tiag muaj nyob ntawm no hauv lub ntiaj teb no.

Kev tu siab thiab kev zoo siab, kev nce toj thiab nqis hav.

Lub vaj voog ntawm lub caij nyoog, ncig mus lawm tas zog li.

Vajtswv raug tso pov tseg ib xyoos dhau ib xyoos.

Cas yuav yog ib lub ntiaj teb uas txaus tu siab ua luaj!