1

Lub ntuj uas tsis muaj qhov kawg, uas muaj hwj chim thiab zoo tshaj plaws, mas zoo kawg nkaus yam tsis muaj hnub kawg li.

Au, cov tib neeg uas nyob rau hauv lub ntiaj teb no, leej twg uas tsim nyog nej mloog lus thiab pe hawm?

Ib puas tsav yam uas Vajtswv tsim thiab lub hwj chim kav tag nrho txhua yam puav leej puv nkaus kev zais;

txhua txhia qhov chaw peb tuaj yeem pom txog Nws tej dej num uas zoo kawg nkaus.

Txoj kev txav mus los ntawm txhua yam uas nyob rau hauv lub qab ntuj khwb puav leej yog nyob rau hauv Vajtswv ob txhais tes,

tej koob hmoov thiab tej kev khaum ntawm tib neeg txoj hmoo tsis tuaj yeem khiav dhau lawv txoj kev to taub li.

Txoj sia tsuas yog ib vuag xwb; peb yuav tsum ua kom zoo kom peb lub siab tsis txhob muaj qhov khuv xim.

Tsuas yog tus uas paub thiab hlub Vajtswv nkaus xwb tus ntawd txoj sia thiaj li yuav muaj nuj nqis.

2

Ntseeg Vajtswv los tau ntau xyoo lawm, thaum kawg kuv kuj tau los nkag siab txog qhov tseeb thiab paub Nws lub siab nyiam lawm.

Txoj kev thaj yeeb hauv lub siab tsuas yog los ntawm txoj kev ua neej raws li Vajtswv cov lus nkaus xwb.

Yog tias tib neeg ib leeg tuaj yeem hlub ib leeg, ces lawv lub neej yuav loj hlob zuj zus;

kev pe hawm Vajtswv hauv tus ntsuj plig thiab qhov tseeb ua rau muaj kev xyiv fab thiab kev loj hlob.

Vim yog txoj kev txiav txim, kuv thiaj li nkag siab qhov tseeb thiab paub txog Vajtswv txoj kev hlub.

Kuv twb tau pom kuv txoj kev qias vuab tsuab tshaj plaws lawm; kuv tsis tsim nyog raug hu ua noob neej kiag li.

Qhov tseeb uas Vajtswv nthuav tawm los tau qhia kuv txog txoj kev mus tau txoj sia.

Vim yog txoj kev hlub Nws tiag tiag, thaum kawg kuv thiaj li tau ua ib lub neej uas muaj nuj nqis.

3

Vajtswv qhov kev tshwm sim rau hauv sab cev nqaij daim tawv los ua hauj lwm tau coj lub hwj tsam los rau kev ua neej ib zaug.

Kev raug tsim txom thiab ntsib tej kev txom nyem kom raug ua kom zoo tiav log mas yog ib lub meej mom uas loj tshaj plaws.

Kuv raug kev txiav txiv ntxuav kom dawb huv thiab kom ua neej zoo li noob neej tus yam ntxwv.

Kev muab Vajtswv cov lus coj los xyaum ua thiab kev paub meej txog qhov tseeb, ua rau kuv tau txais qhov tseeb thiab txoj sia.

Tam li yog yam uas muaj sia uas raug tsim los, nws yog noob neej lub luag hauj lwm los pe hawm thiab muab txhua yam rau Vajtswv.

Vim yog txoj kev siv kuv tus kheej rau Nws thiab kev caum qhov tseeb, kuv thiaj li tau txais Nws tej koob hmoov.

Kuv yuav ua kom tiav kuv lub luag hauj lwm thiab kuv lub hom phiaj, uas yog kev qhuab qhia thiab kev ua tim khawv rau Vajtswv.

Yog tias kuv tuaj yeem tau txais Nws txoj kev pom zoo thiab raug Nws muab tau lawm, ces kuv yuav tsis khuv xim nyob rau hauv kuv lub neej li lawm.