1 Kev caum raws tej yam uas lub ntiaj teb yoog raws tau ua rau kuv txawj dag thiab txawj ntxias. Kuv mas ua tib zoo thiab ceev faj lwm tus kawg; kev qhia qhov tseeb yeej tsis los yooj yim rau kuv li. Kuv tau ua raws li tej tswv yim rau kev ua neej, thiab raug qhia tawm thaum ntseeg tias kuv tus kheej mas nyob siab. Kuv nco tus txiaj tus ntsig ntawm kuv txoj kev tsab ntse, tab sis tsis tuaj yeem npog txoj kev phem hauv kuv lub siab. Vajtswv cov lus txiav txim thiab qhia tshwm tib neeg ntiaj teb tus yeeb yam phem. Zoo li tsim los ntawm txoj kev npau suav, kuv mam ras tias kuv mas tsis ua neej nyob tau zoo li tib neeg li; kev dag, kev tsis ncaj, thiab kev ntxias dag tau dhau los ua kuv lub neej tiag tiag lawm. Yog tsis muaj kev ncaj ncees, lub siab zoo, dab tsi thiaj li yog lub meej mom thiab kev ncaj ncees? Cov tib neeg txawj dag yog cov dab phem uas yuav tsum raug dob tawm thiab ntiab tawm los ntawm Vajtswv. Kuv ntxub tias kuv tsis muaj qhov zoo li tib neeg li, thiab kuv thiaj li txiav txim siab ua ib tug neeg tshiab lawm.

2 Vajtswv lub ntsiab tseem ceeb mas ntseeg tau thiab ncaj ncees, thiab nws tshawb xyuas kom meej txhua yam. Tib neeg txoj kev txawj dag tsis muaj peev xwm khiav dim ntawm Nws ob lub qhov muag tau; thaum kawg nws thiaj li raug qhia tshwm. Cov tib neeg ncaj ncees hlub qhov tseeb thiab muaj Vajtswv cov koob hmoov thiab kev tiv thaiv. Tam sim no mas kuv to taub qhov tseeb, kuv dua kuv txoj kev ua cuav thiab txaus siab los ua ib tug neeg ncaj ncees lawm. Yooj yim thiab qhib siab lug, kuv phua kuv tus kheej thiab qhib kuv tus kheej hlo, thiab tsis muaj kev ntshai tsam raug luag mus ntxiv lawm. Tam sim no kuv ncaj ncees rau hauv kuv cov lus hais, tsis vam khom raws tej kev xav thiab tsis muaj kev txuam tej yam cuav xyaw nrog rau hauv tej kev txhawb siab ntsws. Rau ntawm Vajtswv xub ntiag, kuv tsis muaj kev txias dag, thiab kuv muab kuv lub siab rau Nws. Kuv ua kuv tes dej num ncaj ncees, tsis thov ib yam dab tsi li, thiab tsuas ua kom tau lub hom phiaj ntawm kev ua tau zoo raws Vajtswv nkaus xwb. Nws hnov zoo thaum xyaum ua raws qhov tseeb; kuv lub siab mas kaj lug. Tsis muaj ib yam dab tsi thaiv kuv kom txhob ua neeg ncaj ncees thiab ua kuv tes dej num. Kuv hwm Vajtswv thiab ntxub dab phem, thib ua neej nyob tau zoo li tib neeg lawm. Ua tsaug ntau rau Vajtswv txoj kev txiav txim thiab kev rau txim uas cawm kuv!