1 Ncig mus thoob plaws lub ntiaj teb uas tsis paub kawg, kuv yeej tsis paub tias qhov tseeb yog dab tsi. Tsuas yog tom qab uas nyeem Vajtswv Tus Uas Muaj Hwj Chim Loj Kawg Nkaus cov lus tag lawm xwb kuv thiaj li paub txog lub ntsiab lus tseeb ntawm txoj sia. Txoj kev kaj tseeb twb tau los rau hauv lub ntiaj teb lawm: Khetos yog qhov tseeb, yog txoj kev, thiab yog txoj sia. Vajtswv cov lus tau ywg dej thiab yug kuv, ua rau kuv tau txais txoj kev uas tau txoj sia mus ib txhis. Kev xyaum ua thiab paub txog cov lus ntawd, ua rau kuv lub neej maj mam loj hlob tuaj, thiab kuv lub siab haj yam txhawb qhov tseeb ntawd ntxiv; Kuv ua kuv lub neej raws li Nws cov lus hais. Khetos yog tus Vajtswv uas muaj qab hau; Kuv ua tsaug thiab qhuas Vajtswv. Kuv lub siab xav yog los hlub Vajtswv xwb; kuv xav los hlub Nws! Haleluyas!

2 Vajtswv cov lus tau nthuav tawm txog lub ntsej muag thiab lub hauv paus tseeb ntawm tib neeg txoj kev uas qias vuab tsuab tshaj plaws: noob neej ua neeg khav theeb, siab hlob, xav txog yus tus kheej, dag ntxias thiab ua txhua yam raws li lub siab thiab kev paub xwb. Kuv xav los caum txoj kev hlub thiab kev mloog lus kom mus txog ntua ntawm Vajtswv, tiam sis kuv pheej tseem ntxeev siab thiab tawm tsam Nws; yam uas kuv siv rau Nws twb dub tsuas ntau heev li lawm, thiab txhua yam uas kuv ua yog txhawm rau kom pauv tau tej koob hmoov saum ntuj ceeb tsheej xwb. Thaum pom kuv lub ntsej muag uas qias vuab tsuab, thiab phem lawm, kuv thuam kuv tus kheej thiab tu siab heev. Kuv xav lees txais Vajtswv txoj kev txiav txim thiab kev ntxuav kom dawb huv, los tshem kuv txoj kev qias vuab tsuab tawm mus, kom kuv txoj kev hlub thiaj li yuav dawb huv rau Nws. Khetos yog tus Kuv Hlub; Nws tsim nyog tau txais tib neeg txoj kev hlub mus ib txhis. Kuv lub siab xav yog los hlub Vajtswv xwb; kuv xav los hlub Nws! Haleluyas!

3 Txhua qhov tseeb uas Vajtswv tau nthuav tawm tau qhia kuv txog txoj kev kaj ntawm noob neej lub neej. Vim yog tej kev sim siab, kev mob, thiab kev lim tib neeg kom dawb huv, kuv thiaj li tau los hwm thiab nyob rau ntawm Vajtswv. Nws cov lus twb tau ntxuav kuv kom dawb huv thiab cawm kuv dim lawm, pab kuv dim ntawm Ntxwgnyoog txoj kev tsaus ntuj lub zog lawm, thiab tau hloov pauv kuv lub neej tus yam ntxwv lawm, thiab thaum kawg kuv muaj peev xwm los ua haum Vajtswv lawm. Nws tsuas yog los ntawm kev paub thiab xyaum ua raws li Vajtswv cov lus xwb kuv thiaj li tau los paub txog tias qhov tseeb yog txoj sia, thiab muaj nqis heev; tsuas yog los ntawm kev tshem kuv txoj kev qias vuab tsuab tawm mus thiab los xyaum ua qhov tseeb xwb kuv thiaj li ua tau lub neej zoo li ib tug noob neej uas tseeb tiag. Khetos yog tus Vajtswv uas muaj qab hau, thiab kuv yuav hlub Nws mus ib txhis li. Kuv lub siab xav yog los hlub Vajtswv xwb; kuv xav los hlub Nws! Haleluyas!