1

Txoj kev taug uas ntev ntev ntawm tib neeg lub neej,

muaj cua, muaj nag puv nkaus, thiab muaj ntau yam kev hloov.

Lub niaj lub xyoo uas ntev heev, txom nyem, tsis muaj dab tsi hlo li.

Cov huab dub ua rau muaj ib lub qhov tob tsaus nti.

Ntxwgnyoog tswj kav, mas siab phem kawg nkaus,

kav li ib tug neeg lim hiam, txwv tej kev xav.

2

Ntxias dag, tib neeg plam txoj xub ke,

caum lub koob npe, nyiaj txiag, tsoo ib ce doog tag saum tob hau ti hauv ko taw.

Mob kawg nkaus, tshau qhov zoo li tib neeg lawm du lug.

Ib ce to tag, sab kawg nkaus hauv lub cev thiab lub siab.

Tsis tshuav ib qho zog yuav peem ntxiv mus, qaug zog kawg nkaus li.

Tsis muaj chaw tig cev li, mob ib ce kawg, feeb tsis meej li.

Ntshaw kom nrhiav tau ib daim av dawb huv tiag tiag.

Rau siab ntso nrhiav, tsham lub ntiaj teb.

Ua siab tu siab nrho, kuv thiaj thov Vajtswv tiag tiag,

cia siab ntsoov kom tus Tswv cawm kuv tawm ntawm txoj kev tu siab no.

3

Sib tsoo ntig ntwg, xya lub suab xob nroo nrov tshwm plaws tuaj.

Khetos ntawm tiam kawg tshwm plaws los thiab ua tes hauj lwm.

Kuv tau hnov Vajtswv cov lus, los rau ntawm Nws xub ntiag.

Kuv saj tau kiag Nws cov lus, paub kiag qhov tseeb.

Khetos cov lus ywg dej rau kuv,

Kuv tus kheej hnov kiag Vajtswv txoj kev hlub tiag.

4

Los ntawm tej kev sim siab, kev mob kev ntsaj thiab kev lim kom tib neeg dawb huv,

lub neej txoj sia ces raug txhab ntxiv los ntawm txoj kev loj hlob tas mus li.

Raug txiav txim rau, kuv tso kev qias vuab tsuab pov tseg,

thiab tau txais kev yaug kom dawb huv, kev cawm dim.

Thiab yuav tsis muaj kua muag, kev nyuab siab ntxiv lawm.

Kuv nyo hau ntawm Vajtswv xub ntiag, qhib kiag kuv lub siab.

Vajtswv xaiv kuv vim yog Nws txoj kev hlub;

Kuv ua tsaug ntau rau Nws txoj kev cawm dim.

Kuv xyaum ua raws qhov tseeb, ua neej ntawm Nws xub ntiag,

ua kuv tes dej num, them Nws txoj kev hlub rov qab.

Vajtswv xaiv kuv vim yog Nws txoj kev hlub;

Kuv ua tsaug ntau rau Nws txoj kev cawm dim.

Kuv xyaum ua raws qhov tseeb, ua neej ntawm Nws xub ntiag,

ua kuv tes dej num, them Nws txoj kev hlub rov qab,

ua kuv tes dej num, them Nws txoj kev hlub rov qab.