1

Thaum nyob rau hauv txoj kev txiav txim ntawm Khetos cov lus, kuv tau kov yeej txoj kev xav.

Vajtswv txhua txoj lus yog qhov tseeb, thiab tham txog qhov tseeb ntawm tib neeg ntiaj teb txoj kev lwj liam.

Kev tsom saib rau ntawm kuv tej kev ua thiab tus cwj pwm, kuv mas khuv xim puv npo.

Khav theeb, tsab ntse, twm xeeb, thiab txawj dag, kuv puas tau qhia tawm txog ib qho zoo li tib neeg li cas?

Yog tsis muaj Vajtswv txoj kev txiav txim, kuv tseem ntseeg tias kuv tus kheej mas zoo.

Thov ua tsaug rau Nws txoj kev txiav txim thiab tej kev nthuav tawm nkaus xwb uas tau tsa kuv sawv los,

thiab tam sim no kuv pom qhov tob ntawm kuv txoj kev lwj liam thiab kuv tsis muaj kev txawj xav los sis tsis muaj qab hau.

Vajtswv cov lus tshoov kuv lub siab kom caum raws qhov tseeb thiab ua rau Nws kaj siab.

2

Vajtswv tau nthuav tawm qhov tseeb ntau heev; Nws txoj kev xav tau tshwm sim meej lawm.

Kuv tsuas ntxub tias kuv mas ntxeev siab heev: Txawm tias yeej paub tseeb txog qhov tseeb lawm los xij, kuv tsis xyaum ua raws nws li.

Kuv tsom saib rau ntawm kuv tej kev ua, muaj tej tswv yim phem puv npo nkaus xwb,

xav tas li tias kuv tus kheej zoo tshaj, thiab khiav dim txoj kev txiav txim thiab kev rau txim.

Zaum tas zaum thiab, uas kuv tau tawv ncauj thiab ntxeev siab, raug tsoo Vajtswv lub siab tawg.

Tom qab raug saib xyuas thiab raug qhuab qhia ntau zaus lawm, thaum kawg kuv thiaj li tau zwm rau.

Kuv tsis paub tias vim li cas kev zwm rau Vajtswv thiaj li nyuaj ua luaj.

Tus cag tiag tiag ntawm tib neeg txoj kev ntxeev siab yog dab tsi?

Vajtswv txej kev rov qab txiav txim dua tau cawm kuv,

thiab tam sim no kuv tsuas xav txog qhov nyuaj ntawm kev cawm tib neeg lwj liam nkaus xwb.

Vajtswv txoj kev txiav txim thiab kev rau txim yog yam muaj txiaj ntsig zoo rau tib neeg;

Txoj kev sim siab thiab kev tsim kho kom zoo ua rau tib neeg paub lawv tus kheej tseeb.

Nws yog cov koob hmoov thiab txoj hmoov hlub ntawm Vajtswv tiag tiag uas peb ntsib thiab pom rau hauv Nws txoj dej num.