1

Kuv tau xav tias kev siv zog ua dej num rau Vajtswv txhais tau tias yog hlub Nws. Txawm tias raug Tsoom Fwv Koom Tsham Suav caum tua los xij, kuv yeej tsis thim rov qab li.

Kuv tsev neeg tau tsis kam lees txais yuav kuv thiab lub ntiaj teb tau hais lus luam thuam kuv lawm, tiam sis kuv tseem txaus siab fij ntau lub xyoo thaum kuv tseem hluas rau Vajtswv yam tsis muaj kev yws los sis khuv xim hlo li.

Tsuav kuv raug txhawb tsa nkag mus rau lub teb chaws saum ntuj ceeb tsheej thiab tau txais phaj tshab xwb, nws yeej tsim nyog rau txhua yam kev txom nyem thiab lub kua muag lawm.

Thaum txoj kev sim siab tau tshwm sim thiab qhia tshwm kuv qhov kev phem, kuv hnov tsis zoo thiab qaug zog, thiab quaj los kua muag iab.

Kev tsom saib rau ntawm txoj kev uas kuv tau taug hauv kuv txoj kev ntseeg Vajtswv, thaum kawg kuv thiaj li paub tseeb tias yog tsis muaj qhov tseeb tiag ntawm qhov tseeb, kuv yuav tsis muaj peev xwm ua khov kho tau.

2

Vajtswv cov lus tau nthuav qhia rau kuv txog tib neeg ntiaj teb lub ntsiab tseem ceeb lwj liam, thiab tsuas yog dhau ntawd lawm xwb kuv thiaj li pom qhov tob ntawm kuv tus kheej txoj kev lwj liam.

Kuv tsuas ua hauj lwm hnyav thiab tau ua dej num vam khom qee yam kev pauj los ntawm Vajtswv xwb; kuv yeej tsis hlub Nws tiag tiag, tab sis dua ntawd tsuas sim nyiag cov koob hmoov ntawm Nws xwb.

Kuv mas twm xeeb thiab txawj dag kawg nkaus, thiab kuv tau poob kuv qhov kev ua neeg lawm, tab sis Vajtswv tseem tau siv Nws cov lus los txiav txim thiab yaug kuv kom dawb huv.

Kuv ntog rau rau ntawm Vajtswv xub ntiag khuv xim rau kuv tej kev ua, hnov zoo li tsis tsim nyog rau ntawm Nws txoj kev hlub li.

Kuv tau txiav txim siab nrhiav kev hlub Vajtswv thiab xav txog Nws txoj kev xav; kuv yuav tsis npaj dab tsi los sis xav dab tsi rau kuv yav tom ntej los sis kuv txoj hmoov mus ntxiv lawm!

3

Hauv txoj kev sim siab thiab tej kev ceeb laj txom nyem loj ua kom kuv txoj kev ntseeg zoo tiav log. Kuv pom tias kev pib ntawm txoj kev sim siab thiaj li yog koob hmoov los ntawm Vajtswv tiag tiag.

Txawm tias kuv cev nqaij daim tawv txom nyem, kuv saj qhov muaj tseeb tiag ntawm Vajtswv txoj hlub; los ntawm kev xyaum ua raws qhov tseeb, kuv txoj kev lwj liam thiaj li raug yaug kom dawb huv lawm.

Niaj hnub no kuv mas muaj koob hmoov heev uas muaj peev xwm hlub Vajtswv thiab ua tim khawv rau Nws. Kuv xav xyaum raws Petus, thiab nrhiav kev hlub Vajtswv kom tob ntxiv.

Kuv ntseeg tias Khetos yog qhov tseeb, txoj hau kev, thiab txoj sia. Yog kuv muaj peev xwm to taub qhov tseeb thiab paub Vajtswv, ces txoj sia no yuav tsis ua neej yam tsis muaj txiaj ntsim li.

Kev zwm rau Vajtswv tej kev npaj yeej tsis yog ib qho yuam kev. Kev hlub thiab kev zwm rau Vajtswv kom mus tag ib txhis yog kuv tes dej num.