1

Ntxwgnyoog muaj hwj chim thiab tawm tsam Ntuj Ceeb Tsheej. Nws yog kev tawv ncauj, tsis ua raws li txoj cai thiab tsis ntseeg Vajtswv.

Nws ntxub Khetos thiab thuam qhov tseeb; nws tawm tsam cov ntseeg hnyav heev thiab ua cov huab dub npog daim av.

Raws Khetos mus thiab caum txoj sia yog ib txoj kev uas nyuaj heev, muaj ntau yam kev phom sij thiab kev txom nyem.

Thaum twg peb thiaj li yuav muaj peev xwm los nyob ua ke yam nyab xeeb thiab sib qhia txog Vajtswv cov lus, thiab tsis ua neej nyob zais ntshis ntxiv lawm?

Thaum twg peb thiaj li yuav muaj peev xwm los ua peb lub luag hauj lwm yam tsis muaj kev tiv thaiv tej tub soj xwm thiab cov tub ceev xwm uas hnav ris tsho dog dig lawm?

Thaum twg peb thiaj li yuav muaj peev xwm los tshaj tawm txoj moo zoo thiab ua tim khawv rau Vajtswv yam tsis raug ntes thiab raug kaw lawm? 

Thaum twg cov kwv tij thiab cov muam uas pua pua leej thiaj li yuav tsis ua neej nyob tam li cov neeg khiav nkaum lawm? 

Kuv tau muaj txoj kev khib siab zoo li no ntau zaus uas kuv tswj tsis tau kuv tus kheej ces tas zog quaj xwb:

Vim li cas nws thiaj li yuav tsis pub peb muaj kev ywj pheej los ntseeg thiab tua txhua tus ntseeg Vajtswv?

Vim li cas nws thiaj zais qhov tseeb los dag ntxias thiab ntxias cov tib neeg hauv lub ntiaj teb?

Thaum raug mob, kuv thov Vajtswv thiab ntsia mus rau Nws, thov Nws kom muaj kev ntseeg thiab muaj zog.

Txawm hais tias txoj kev tsim txom thiab kev txom nyem yuav loj npaum li cas los xij, kuv yeej yuav tsis yeem swb rau Ntxwgnyoog kiag li. 

2

Txawm raug kaw, raug tsim txom, thiab raug txom nyem los, Vajtswv cov lus coj kuv, kuv lub siab thiaj li tsis ntshai ntxiv lawm.

Kuv nkag siab qhov tseeb thiab pom tshab dab phem lub ntsej muag phem, ces kuv haj yam ntxub tus zaj loj liab ploog ntawd ntxiv.

Txawm hais tias kuv raug tsim txom los, kuv txoj kev ntseeg muaj zog. Kuv paub tias yuav hlub yam twg thiab yuav ntxub yam twg, ces yim ua rau kuv hnov tias Vajtswv ntxim hlub heev. 

Thaum uas kuv tiv tsis taus txoj kev tsim txom thiab kev txom nyem li lawm, Vajtswv cov lus txhawb kuv txoj kev ntseeg.

Thaum kuv lub neej raug kev phom sij, Vajtswv tiv thaiv kuv kom dim kev puas tsuaj yam ntsiag tos.

Thaum kuv raug Ntxwnyoog tej kev sim siab tsim txom, Vajtswv cov lus ua rau kuv muaj lub siab loj thiab muaj tswv yim.

Vim yog muaj Vajtswv nyob ntawm kuv ib sab mus kom dhau, hmo tsaus ntuj uas ntev ntev, kuv lub siab thiaj li sov so. 

Vim yog txoj kev tiv thaiv thiab kev coj ntawm Vajtswv cov lus, kuv thiaj li kov yeej dab phem txoj kev tsim txom uas hnyav. 

Kuv tau paub txog Vajtswv cov lus lub hwj chim loj thiab cov lus ntawd lub meej mom uas loj tshaj txhua yam lawm. 

Thaum raug kev txom nyem, kuv hnov Vajtswv nrog kuv nyob. Txawm hais tias kuv sab cev nqaij daim tawv raum tsim txom los, yeej tseem muaj txoj kev qab zib nyob rau hauv kuv lub siab. 

Vajtswv cov lus nrog kuv nyob thiab coj kuv. Kuv cog lus rau kuv lub neej los tawm tsam kob rov tsog zaum kawg nrog rau Ntxwgnyoog kom mus txog hnub kawg. 

Kuv twb txiav txim siab los ua tim khawv txhawb nqa Vajtswv lawm.