1 Kuv raug pov rau hauv ib lub tsev kaw neeg ntawm tus dab phem Tsoom Fwv Koom Tsham Suav, thiab tau pom tag nrho txhua yam twj cuab siv tsim txom los ntshav li. Tau ntsib tej niag ntsej muag tub ceev xwm tsiv nyaum thiab siab phem ntais ntuj, kuv hnov txaj muag thiab qaug zog. Kuv tsis paub tias xyov kuv puas muaj peev xwm tiv taus qhov kev tsim txom phem thiab khov kho rau kuv tej lus hais tim khawv. Kuv tau ntshai tsam kuv tus yeeb yam me heev xwb, thiab tias kuv yuav ntxeev siab Vajtswv thiab dhau los ua ib tug neeg Yudas. Kuv lub siab tau nquas hu Vajtswv tiag tiag, thov kom Nws cawm kuv los ntawm Ntxwgnyoog lub vas. Txawm tias Ntxwgnyoog txoj kev tsiv tsaim thiab nyaum zoo li cas los xij, Vajtswv tswj kuv txoj hmoo. Kuv tau pom kuv txoj kev ntseeg Vajtswv thaum kuv to taub qhov tseeb lawm, thiab kuv tsis ntshai lawv txoj kev tsim txom phem ntxiv lawm. Seb kuv ciaj los sis tuag, kuv yuav tsum mloog lus rau Vajtswv tej kev npaj, thiab kuv yuav tsum ua tim khawv nrov nroo ntws rau Vajtswv txawm yuav muaj pheej hmoo poob kuv txoj sia los xij.

2 Tus dab phem Tsoom Fwv Koom Tsham Suav yog tej niag tsiv nyaum thiab ntxim ntxub; nrog tej qos ntug hauv paus thiab pa nplawm, lawv tau sim yuam kuv kom ntxeev siab Vajtswv. Thaum muab hluav taws xob tsim txom thoob plaws kuv ib ce, tsis ntev kuv hnov kuv ua pa tsis nto lawm. Thaum muab cov koob hno rau ntawm kuv cov ntiv tes, kev mob los ntawm siv koob hno tau tsim xoj kev tuag zoo li yuav zoo rau txoj sia. Hauv kuv qhov kev mob, Vajtswv cov lus tau ua rau kuv muaj kev ntseeg thiab lub zog thiab txoj kev tiv taus los ntsib txhua yam. Kuv xav txog ntawm qhov uas kuv tsis coj lub siab dawb paug hlub Vajtswv, thiab kuv mas muaj tej kev khuv xim ntau heev. Thaum lub sij hawm ntawd, kuv tsuas xav fij kuv lub siab rau Vajtswv nkaus xwb, thiab yog Nws tau lees txais kuv lawm, kuv lub siab yuav ntaug qhov mob thiab kaj siab lug. Txawm tias Tsoom Fwv Koom Tsham Suav tau tsim txom kuv li cas los xij, kuv tseem hlub Vajtswv thiab ua tim khawv rau Nws. Yog tseem muaj tag kis rau kuv, kuv yeej yuav ua kuv txoj kev caum qhov tseeb kawg siab kawg ntsws thiab hlub Vajtswv tob dua qhov qub.

3 Cov neeg phem ua rau kuv mob mus txog rau qhov uas kuv txoj sia khuam rau ntawm ib txoj xov lawm xwb, tab sis Vajtswv tau tiv thaiv kuv zais ntsis los ntawm tej kev raug puas tsuaj loj no. Txoj kev phem no tau ua rau kuv lub siab txav ze zog rau ntawm Vajtswv. Muaj Vajtswv nyob ntawm kuv ib sab, txoj kev mob tig hloov mus ua kev qab zib. Nws yog ib qho kev ti phem uas kuv tau pom Vajtswv kiag ntawm qhov muag thiab raug ntxuav kom dawb huv thiab tau cawm los ntawm Nws. Thaum kuv raug tej kev tsim txom phem ntawm Tsoom Fwv Koom Tsham Suav, kuv tau pom Ntxwgnyoog lub niag ntsej muag qias neeg tseeb tseeb lawm. Kuv tau los faib cais ntawm kev ncaj ncees thiab kev phem, thiab, tshaj qhov ntawd, kuv tau pom tias Vajtswv nkaus xwb thiaj li yog kev hlub, thiab ua rau haj yam ntxub tus zaj loj liab ploog ntau ntxiv, rau tus uas kuv yuav tuag ua ntej zwm rau. Kuv caum raws Vajtswv nrog ib txoj kev xav ruaj khov. Txoj kev mus saum ntuj ceeb tsheej yeej nyuaj thiab muaj pob zeb, puv npo txoj kev sim siab thiab kev phom sij. Kuv muaj Vajtswv cov lus qhia kuv, thiab thov kom nyob ze ntawm Nws tas li, thiab kuv txoj kev hlub rau Nws yeej tsis hloov.