1

Los ntawm kev ntseeg tus Tswv los tau ntau lub xyoos, kuv tsuas tham cov lus thiab cov kev qhuab qhia, tuav rau tej kev cai, tau ua raws li tej kab lis kev cai ntawm txoj kev ntseeg.

Kuv txhua txhua cov lus thov yog ib lo lus khav theeb qhuav qhawv; kuv yeej tsis tau hais kuv tej kev xav puag hauv kuv lub siab tiag tiag rau Vajtswv li.

Kuv tsis tau nrhiav qhov tseeb thaum kuv nyeem Nws cov lus, tsis muaj peev xwm xav txog Vajtswv txoj kev xav.

Kuv xav tias kev nco tau ntau nqe lus thiab cov lus hais uas muaj suab npe los ntawm phau Vajluskub lawm ces txhais tau tias kuv twb muaj qhov tseeb tiag ntawm qhov tseeb lawm.

Kuv tsuas lam tsi ntsees rau txoj kev cheem tsum kuv tus kheej los ntawm txoj kev dag; qhov ua tau zoo li no xwb, kuv xav tias kuv tus kheej mas ncaj ncees lawm.

Rau ntau lub xyoo, kuv tau ua hauj lwm hnyav yam tsis paub nkees thiab zoo siab uas kuv muaj peev xwm nkag mus rau lub teb chaw saum ntuj ceeb tsheej thiab tau txais phaj tshab.

Kuv mas muaj hmoov ua luaj uas Vajtswv Tus Uas Muaj Hwj Chim Loj Kawg Nkaus cov lus tau hu kuv; kuv hnov Nws lub suab thiab tau tig los rau ntawm Nws xub ntiag.

Los ntawm Nws cov lus, kuv tau los to taub ntau qhov tseeb, thiab kuv tau pom Nws qhov tshwm sim thiab txoj dej num.

2

Txoj kev txiav txim ntawm Vajtswv cov lus cia li ua rau kuv tsim los kiag tam siv thiab paub tseeb tias kev caum rau qhov tseeb thiaj li haum Nws txoj kev xav.

Yog kuv ntseeg Vajtswv tab sis tsis nyob hauv Nws txoj kev rau txim thiab kev txiav txim, ces kuv tus moj yam lwj liam tsis muaj cuab kav hloov tau.

Yog kuv tsis paub Vajtswv, thiab tsis hwm rau Nws, ces kuv tus cwj pwm zoo tsuas yog ib qho ntxias dag xwb.

Vajtswv tus moj yam ncaj ncees mas rhuav tsis tau los ntawm tib neeg, thiab cov neeg txawj dag uas xav nkag los rau hauv lub teb chaws ces tsuas yog kev npau suav xwb.

Kuv txiav txim siab xyaum ua raws thiab paub Vajtswv cov lus, tau txais qhov tseeb, thiab tau tso kuv txoj kev lwj liam pov tseg.

Hauv txhua yam, tam sim no kuv nrhiav thiab xyaum ua raws qhov tseeb; hauv qhov tob, kuv hnov kaj siab thiab thaj yeeb lawm.

Kuv ua ncaj ncees kuv tes dej num, zoo siab hlo los ua dej num pauj Vajtswv; kuv tsis thov cov koob hmoov, tab sis kuv tsuas hlub Nws xwb.

Tam sim no kuv to taub qhov tseeb, kuv tsis lo rau tej kev cai tswj kav lawm; ua neej nyob rau ntawm Vajtswv xub ntiag, kuv ywj pheej lawm.