298 Leej Twg To Taub Vajtswv Txoj Kev Tu Siab?
1
Yuav cawm noob neej, Vajtswv tau rais los muaj cev nqaij daim tawv thiab tiv txoj kev poob ntsej muag loj tshaj plaws li.
Nws hais tawm qhov tseeb thiab muab tag nrho Nws txhua yam los muab txoj sia pub rau noob neej.
Nws txoj kev txiav txim, kev rau txim, kev sim siab, thiab kev lim kom dawb huv ces tag nrho yog siv los ntxuav kom tib neeg dawb huv.
Tib neeg lub siab mas nkhaus heev, hlob heev, thiab phem heev;
tib neeg mas muaj kev ceev faj thiab kev to taub yuam kev puv ntoob txog Vajtswv.
Ib xyoos dhau ib xyoos, ib hnub dhau ib hnub,
Vajtswv tos yam siab ntev tshaj plaws li kom tib neeg tib rov qab los.
Puas muaj leej twg to taub txog Vajtswv txoj kev tu siab?
2
Tib neeg tsuas ntseeg Vajtswv kom tau tej koob hmoov xwb; lawv tsis nrhiav qhov tseeb.
Lawv mas caum nrhiav lub koob npe thiab nyiaj txiag yam ruaj nrees xwb, los tseem cia siab ntsoov kom tau Nws txoj kev pom zoo thiab.
Lawv tsuas xav txog lawv tej uas yuav tshwm sim yav tom ntej thiab tej hau kev kawg xwb, yeej tsis xav txog Vajtswv txoj kev xav li.
Vajtswv tos ntsoov txoj kev hloov siab lees txim ntawm cov uas hlub Nws tiag.
Pom Nws txoj kev tu siab, mas kuv tu siab kawg thiab;
Vajtswv txoj kev hlub rau kuv mas loj kawg nkaus li—yog li ntawd vim li cas kuv thiaj tsis hlub Nws?
Kuv txiav txim siab khov kho yuav ua kom ib txoj kev ntshaw tiav hlo: muab kuv txoj kev hlub tiag,
coj los them Vajtswv rau Nws txoj kev hlub, thiab muab txoj kev kaj siab rau Nws.
