Koj tau los ua tib neeg thiab Koj nthuav tawm qhov tseeb los cawm noob neej.

Koj txhua lo lus yog qhov tseeb, thiab cov lus ntawd tsa tib neeg lub siab.

Txawm yuav muaj nag xob nag cua loj heev los, Koj nrog peb nyob, saib xyuas peb txhua hnub thiab txhua hmo.

Koj tau nchuav tawm Koj teev ntshav siab kawg kom noob neej thiaj dim.

Koj tiv peb txoj kev ntxeev siab thiab kev tsis nkag siab yam tsis yws ib los los sis tsis khuv xim li.

Tiam sis muaj pes tsawg leej tib neeg to taub Koj lub siab?

Thiab muaj pes tsawg leej tau ras los thiab muab lawv lub siab rau koj?

Koj muaj ntau yam kev txhawj xeeb thiab kev ntxhov siab, thiab xyu heev rau Koj txoj kev tab ncuab.

Muaj kev nyuaj thiab kev iab siab ntau yam heev, Koj ris tag nrho txhua yam no rau Koj tus kheej.

Koj cov lus txiav txim thiab nthuav tib neeg tawm, thiab cov lus ntawd qhia txog Koj txoj kev hlub.

Koj raug tsim txom poob ntsej muag loj heev los cawm noob neej.

Yuav saib pes tsawg xyoo? Yuav tos pes tsawg xyoo?

Tsuas yog kom tau ib pawg tib neeg uas hlub Koj tiag tiag xwb.

Koj txoj kev npaj siab uas zoo thiab Koj txoj kev hlub tiag.

tau coj kuv lub siab uas loog tag lawm rov qab los ciaj sia dua.

Kuv yuav rov qab ntxeev siab dua tau li cas? Kuv yuav cia li tag kev cia siab los sis thim rov qab tau li cas?

Koj txoj kev cia siab thiab kev tos twb tau tos los ntev lawm.

Vim li cas kuv thiaj li yuav cia Koj tos ntev ntxiv, kom mob Koj ntxiv?

Nyob rau hauv txoj kev ncab tawm kawg no, kuv xav kom raws qab tau ze Koj, tsis txhob nres li.

Kuv txaus siab hlo los ua txhua yam uas Kuv ua tau los caum qhov tseeb, kom kuv thiaj li yuav tau txais qhov tseeb thiab txoj sia. 

Txawm hais tias txoj kev tsim txom thiab kev txom nyem yuav hnyav los sis loj npaum li cas los xij, kuv txiav txim siab lawm tias yuav raws Koj qab mus. 

Hauv lub neej no, kom muaj peev xwm los hlub Koj thiab ua ib tug tim khawv zoo rau Koj yog qhov kuv lub siab xav tau.