Vajtswv Tej Lus Txhua Hnub  Nqe Lus Uas Xaiv Tawm Los 556

Tsuas yog los ntawm kev caum raws qhov ntseeg xwb yus thiaj tuaj yeem ua tau ib qho hloov pauv rau hauv tus moj yam: Qhov no yog qee yam uas tib neeg yuav tsum nkag siab thiab to taub kom thoob plaws. Yog koj tsis muaj kev to taub txaus ntawm qhov tseeb, koj yuav npleem thiab mus yuam kev tau yooj yim. Yog koj xav kom loj hlob rau hauv lub neej txoj sia, koj yuav tsum nrhiav qhov tseeb hauv txhua yam. Txawm tias koj yuav ua dab tsi los xij, koj yuav tsum nrhiav seb yuav coj li cas thiaj li yuav haum nrog qhov tseeb, thiab nrhiav pom tej yam tsuas tsis huv nyob rau hauv koj uas txhaum nws; koj yuav tsum to taub kom meej ntawm tej yam no. Txawm tias koj yuav ua dab tsi los xij, koj yuav tsum txiav txim seb qhov ntawd puas mus raws li qhov tseeb los tsis mus raws, thiab seb qhov ntawd puas muaj nqis thiab puas muaj ntsiab. Koj tuaj yeem ua tej yam uas mus raws li qhov tseeb, tab sis koj tsis tuaj yeem ua tej yam uas tsis mus raws li qhov tseeb. Nrog rau tej yam uas koj tsim nyog ua tau los sis ua tsis tau, yog lawv tuaj yeem muab tso tseg mus tau, ces koj yuav tsum cia lawv mus. Tsis li ntawd ces, yog koj ua tej yam no mus ib ntus thiab tom qab ntawd mam pom tias koj yuav tsum muab lawv tso tseg mus, ces yuav tau hloov siab txiav txim kom sai thiab cia lawv mus kiag tam sid. Qhov no yog lub hauv paus ntsiab lus uas koj yuav tsum ua rau hauv txhua yam koj ua. Ib txhia tib neeg nug nqe lus nug no tias: Vim li cas kev nrhiav qhov tseeb thiab kev muab nws coj los xyaum ua raws thiaj li yuav nyuaj ua luaj li—zoo nkaus li koj tab tom nquam nkoj mus raws sab dej ntws los, thiab yuav thim rov qab yog koj nres tsis nquam nkoj mus tom ntej lawm? Thiab tab sis vim li cas nws thiaj ua kev phem los sis tej yam tsis muaj nqis tau yooj yim ua luaj li—yooj yim npaum nkaus li nquam nkoj nqis hav raws dej ntws? Vim li cas nws thiaj zoo li ntawd? Nws vim hais tias tib neeg tus yeeb yam yog los ntxeev siab rau Vajtswv. Ntxwgnyoog tus yeeb yam tau tswj feem ntau rau hauv tib neeg lawm, thiab qhov no yog ib lub zog uas tawm tsam. Qhov tseeb tiag, cov tib neeg uas muaj ib tug yeeb yam ntxeev siab rau Vajtswv yog cov yuav tsum ua tej yam ntxeev siab rau Nws xwb xwb li, thiab tej kev ua zoo mas yeej ib txwm nyuaj rau lawv. Qhov no raug txiav txim siab tag nrho los ntawm tib neeg tus yeeb yam thiab lub ntsiab tseem ceeb. Thaum koj to taub qhov tseeb tiag lawm thiab pib hlub nws los sab hauv koj tus kheej los, ces koj yuav pom tias yooj yim los ua tej yam uas yoog raws li qhov tseeb. Koj yuav ua koj tes dej num thiab xyaum ua raws li qhov tseeb li qub—tab txawm tsis siv zog thiab xyiv fab hlo los xij, thiab koj yuav hnov tau tias kev ua tej yam phem mas tseem yuav tsum tau sib zog ntau. Qhov no vim hais tias qhov tseeb tau los kav feem ntau rau hauv koj lub siab lawm. Yog koj to taub ntau qhov tseeb txog tib neeg lub neej tiag tiag, ces koj yuav muaj ib txoj kev taug thaum hais txog qhov yuav ua ib tug neeg, yuav yog ib tug neeg qhia siab lug thiab ncaj ncees, ib tug neeg siab ncaj, thiab ib tug uas ua tim khawv rau Vajtswv thiab tiam Nws tau li cas. Thiab thaum koj to taub tej qhov tseeb no lawm, ces koj yeej tsis tuaj yeem ua tej yam txhaum phem uas yuav ua phem rau Nws tau lawm, los sis koj yuav tsis ua lub luag hauj lwm ntawm ib tug thawj coj cuav, ib tug neeg ua hauj lwm cuav, los sis ib tug tawm tsam Khetos lawm. Txawm tias yog Ntxwgnyoog ntxias dag koj, los sis qee tus neeg ua phem rau koj los, koj yuav tsis ua qhov ntawd; txawm tias leej twg yuav sib zog nias koj npaum li cas los xij, koj tseem yuav tsis ua raws li txoj hau kev ntawd. Yog tib neeg caum cuag qhov tseeb thiab qhov ntseeb dhau los ua lawv lub neej lawm, ces lawv yuav dhau los muaj peev xwm tsis nyiam tus dab phem kiag li thiab hnov rau sab hauv lub siab tias dhuav tej yam tsis zoo kawg li. Nws yuav ua rau lawv ua txhaum phem tau nyuaj, vim hais tias lawv lub neej tej moj yam tau hloov lawm thiab lawv raug ua tau zoo tiav log los ntawm Vajtswv lawm.

Yog, nyob rau hauv koj lub siab, koj to taub qhov tseeb tiag tiag lawm, ces koj yuav paub xyaum ua raws li qhov tseeb thiab mloog Vajtswv lus, thiab yuav cia li pib mus taug txoj kev nrhiav qhov tseeb. Yog txoj kev koj taug yog txoj uas yog, thiab mus raws li Vajtswv txoj kev xav lawm, ces Vajntsujnplig tes hauj lwm yuav tsis tso koj tseg—nyob rau kis twg los yuav ua rau koj muaj hwv tsam tsawg zuj zus rau kev ntxeev siab Vajtswv. Yog tsis muaj qhov tseeb, nws yuav yooj yim ua qhov phem, thiab koj yuav ua qhov phem ntawd tau los ntawm koj tus kheej. Piv txwv li, yog koj muaj tus moj yam khav theeb thiab khav txiv, ces qhov hais kom txhob tawm tsam Vajtswv ntawd yuav tsis muaj qhov txawv, koj pab tsis tau koj tus kheej, nws tshaj qhov koj tswj tau lawm. Koj yuav tsis txhob txwm ua qhov ntawd; koj yuav ua raws li qhov kev tswj hwm ntawm koj tus yeeb yam khav theeb thiab tsab ntse. Koj qhov kev khav theeb thiab tsab ntse yuav ua rau koj saib tsis taus Vajtswv thiab pom Nws zoo li tsis muaj qab hau li; lawv yuav ua rau kom koj qhuas koj tus kheej, muab koj tus kheej qhia tawm tas li; lawv yuav ua kom koj dhuav lwm tus, lawv yuav tsis tseg leej twg nyob rau hauv koj lub siab tsuas yog koj tus kheej xwb; lawv yuav txeeb Vajtswv qhov chaw uas nyob rau hauv koj lub siab, ces thaum kawg ua rau koj los zaum rau hauv Vajtswv qhov chaw thiab xav kom tib neeg zwm rau koj, thiab ua kom koj hwm koj tus kheej tej kev xav, tej tswv yim, thiab tej kev xav phem tias yog qhov tseeb. Tib neeg ua phem ntau heev rau hauv qab qhov kev tswj hwm ntawm lawv tus yeeb yam khav theeb thiab tsab ntse! Yuav kom daws tau qhov teeb meem ntawm qhov kev ua phem, lawv yuav tsum xub daws lawv tus yeeb yam ua ntej tso. Yog tsis muaj qhov kev hloov pauv rau hauv tus moj yam, nws yuav tsis tuaj yeem ua rau daws tau ib lub hauv paus tseem ceeb rau qhov teeb meem no. Thaum koj muaj qee qhov kev to taub ntawm Vajtswv lawm, thaum koj tuaj yeem pom koj tus kheej txoj kev lwj liam thiab nco tau qhov kev ntxim ntxub thiab kev tsis zoo nkauj ntawm kev khav theeb thiab tsab ntse lawm, ces koj yuav hnov tau tias dhuav, mob, thiab ntxhov siab. Koj yuav tuaj yeem paub ua qee yam kom tau zoo raws Vajtswv thiab, kev ua li qhov no, yuav hnov tias muaj kev txaus siab. Koj yuav tuaj yeem nyeem Vajtswv txoj lus, qhuas Vajtswv, ua tau tim khawv zoo rau Vajtswv, thiab, nyob hauv koj lub siab, koj yuav hnov tias muaj kev zoo siab. Koj yuav ua tib zoo ceev faj qhia tawm koj tus kheej, qhia tshwm koj tus kheej qhov tsis zoo nkauj, thiab los ntawm kev ua li no, koj yuav hnov zoo rau sab hauv thiab hnov rau koj tus kheej tias muaj ib tug yam ntxwv raug tsim kho rau ntawm lub siab lawm. Thawj kauj ruam ntawm kev nrhiav ib qho hloov pauv rau hauv koj tus moj yam yog yuav tsum nrhiav kev to taub Vajtswv cov lus thiab to taub qhov tseeb txog qhov tseeb tso. Tsuas yog los ntawm kev to taub qhov tseeb nkaus xwb koj thiaj li tuaj yeem tau txais kev xam pom deb; tsuas yog muaj qhov kev xam pom deb no nkaus xwb koj thiaj li to taub tej yam tau du lug; tsuas yog los ntawm kev to taub tej yam tau du lug nkaus xwb koj thiaj li tuaj yeem paub koj tus kheej tiag tiag; tsuas yog thaum koj paub koj tus kheej lawm tiag tiag xwb mas koj thiaj li tso cev nqaij daim tawv tseg tau thiab muab qhov tseeb coj los xyau ua raws, maj mam coj koj mus mloog Vajtswv lus thiab ib kauj ruam zuj zus, koj yuav mus rau txoj kev yog nrog koj txoj kev ntseeg Vajtswv. Qhov no muaj feem xyuam ntsig txog qhov mob siab li cas ntawm cov tib neeg thaum caum raws qhov tseeb. Yog ib tug twg mob siab tiag tiag, ces tom qab rau lub hlis los sis ib lub xyoos lawv yuav pib txav mus rau txoj kev yog. Rau hauv peb los sis tsib lub xyoos, lawv yuav pom yam ua tau tshwm sim, thiab yuav hnov tias lawv tab tom ua nce qib rau hauv lub neej txoj sia lawm. Yog tib neeg ntseeg Vajtswv tab sis tsis caum raws qhov tseeb, thiab tsis rau siab xyaum ua raws qhov tseeb li, ces lawv yuav ntseeg los tau kaum los sis nees nkaum lub xyoos lo xij yeej yuav tsis muaj kev ntsib kev pom ib qho hloov pauv li. Thiab nyob rau thaum kawg, lawv yuav xav tias qhov ntawd yog qhov txoj kev ntseeg Vajtswv yog dab tsi tiag; lawv yuav xav tias nws zoo ib yam nkaus li lub neej uas lawv muaj yav dhau los rau hauv lub ntiaj teb sab cev nqaij daim tawv lawm xwb, thiab hais tias kev muaj txoj sia nyob tsis muaj nuj nqis li. Qhov no qhia meej meej tias yog tsis muaj qhov tseeb, lub neej txoj sia yuav khoob lug. Tej zaum lawv tuaj yeem hais tau qee cov lus ntawm txoj kev qhuab qhia, tab sis lawv tseem hnov poob siab thiab tsis kaj siab. Yog tib neeg muaj qee qho kev paub ntawm Vajtswv, paub tias yuav ua lub neej nyob kom muaj nuj nqis li cas, thiab tuaj yeem ua qee qhov los mus ua kom tau zoo raws Vajtswv, ces lawv yuav hnov tias qhov no yog lub neej tiag, tias tsuas yog los ntawm kev ua lub neej rau hauv txoj hau kev no nkaus xwb lawv lub neej thiaj li muaj nqis, thiab tias lawv yuav tsum ua lub neej nyob rau txoj hau kev no thiaj li ua rau Vajtswv muaj kev txaus siab, them rov qab rau Vajtswv, thiab hnov kaj siab lug. Yog lawv tuaj yeem ua tau zoo raws Vajtswv, muab qhov tseeb coj los xyaum ua raws, tso lawv tus kheej tseg, tso lawv tus kheej tej tswv yim tseg, thiab yog tus mloog lus thiab xav txog rau Vajtswv txoj kev xav—yog lawv tuaj yeem ua tau tag nrho tej yam zoo li no zoo—ces qhov no yog yam uas nws txhais tau tias muab qhov tseeb coj los xyaum ua raws tau raug zoo lawm, thiab thiaj yog qhov muab qhov tseeb coj los xyaum ua raws tiag tiag. Qhov ntawd tsis zoo li yav tag los lawm, tsuas vam khom rau tej kev xav hauv nruab siab thiab ua raws cov kev cai, thiab xav tias qhov no yog kev xyaum ua li qhov tseeb. Tseeb tiag, kev vam khom rau tej kev xav hauv nruab siab thiab ua raws cov kev cai ntawd mas sab heev, tsis to taub qhov tseeb thiab qhov ua txhua yam uas tsis muaj cov hauv paus ntsiab lus mas kuj sab heev li thiab, thiab qhov ua ntsej lag muag dig ua txhua yam uas tsis muaj hom phiaj ntawd mas haj yam sab heev li thiab. Thaum koj to taub qhov tseeb lawm, ces koj yuav tsis raug quab yuam los ntawm ib tug twg los sis ib yam dab tsi lawm, ces koj mam li muaj kev ywj pheej thiab kev kaj siab tiag tiag. Koj yuav tau ua raws li lub hauv paus ntsiab lus, thiaj li kaj siab thiab zoo siab, ces koj mam li tsis hnov tias qhov no ua rau mob siab dhau lawm los sis ua rau txom nyem dhau lawm. Yog koj muaj hom yam ntxwv no, ces koj muaj qhov tseeb thiab kev ua neeg, ces koj yog ib tug uas hloov tau tus moj yam lawm.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Tsuas Yog los ntawm Kev Caum Raws Qhov Tseeb Xwb Yus Thiaj Tuaj Yeem Ua Tau ib qho Hloov Pauv rau hauv Tus Moj Yam

Vajtswv Tej Lus Txhua Hnub  Nqe Lus Uas Xaiv Tawm Los 557

Nyob rau hauv qhov txheej txheem ntawm kev ntsib kev pom hauv lub neej, txawm yuav tshwm sim dab tsi los xij, koj yuav tsum kawm los nrhiav qhov tseeb, thiab ua tib zoo xav txog lub ntsiab kom thoob plaws raws li Vajtswv cov lus thiab qhov tseeb. Thaum koj paub tias yuav ua tej no li cas kom tiav log raws li Vajtswv txoj kev xav lawm, ces koj thiaj li muaj peev xwm tso txhua yam uas los ntawm koj tus kheej txoj kev xav los tseg tau. Thaum koj paub ua kom mus raws li Vajtswv txoj kev xav lawm, ces koj yuav tsum ua li ntawd xwb, zoo npaum nkaus li qhov ib txwm ua. Qhov ua li no hnov tias kaj siab thiab yooj yim heev, thiab cov tib neeg uas to taub qhov tseeb ua txhua yam li no. Yog koj muaj peev xwm qhia rau tib neeg tias koj muaj txiaj ntsim tiag thaum koj ua koj tes dej num, thiab qhov ntawd yog cov hauv paus ntsiab lus uas qhia koj tias yuav ua txhua yam li cas, tias hloov tau tus moj yam ntawm koj lub neej tiag tiag lawm, tias koj ua tiav ntau yam zoo rau cov neeg Vajtswv xaiv lawm, ces koj thiaj li yuav yog ib tug neeg uas to taub qhov tseeb, thiab muaj tib neeg tus duab tiag; thiab tseeb tiag, yeej muaj txiaj tsim nyob rau hauv qhov koj noj thiab haus Vajtswv cov lus. Thaum ib tug neeg twg to taub qhov tseeb tiag tiag lawm, ces lawv thiaj li muaj peev xwm paub lawv tej yam ntxwv uas sib txawv, lawv thiaj li muaj peev xwm pom tej teeb meem cov nyom tau meej meej, thiab yog li lawv mam li paub tias yuav xyaum ua li cas thiaj li tsim nyog. Yog ib tug neeg tsis to taub qhov tseeb thiab tsis muaj peev xwm paub lawv tus kheej tus yam ntxwv li, ces yog lawv xav tso lawv tus kheej tseg, los lawv yuav tsis paub tias yuav tso tseg dab tsi los sis tso tseg li cas. Yog lawv xav tso lawv tus kheej txoj kev xav tseg, lawv yuav tsis paub yam uas txhaum rau lawv tus kheej txoj kev xav, lawv yuav xav tias lawv tus kheej txoj kev xav mas yeej mus raws li qhov tseeb lawm, thiab haj tseem xam tias lawv tus kheej txoj kev xav yog Vajntsujplig txoj kev qhuab qhia. Ib tug neeg zoo li ntawd yuav tso lawv tus kheej txoj kev xav tseg tau li cas? Lawv yuav tsis muaj peev xwm, thiab lawv yuav tsis muaj peev tso lawv lub cev nqaij daim tawm tseg tau ib qho me me li. Yog li ntawd, thaum koj tsis to taub qhov tseeb, koj muaj peev xwm ua txhua yam yuam kev tau yooj yim uas los ntawm koj tus kheej txoj kev xav, txhua yam uas mus raws li tib neeg tej kev xav phem, kev siab zoo, kev hlub, kev txom nyem, thiab kev tiv taus uas raug thiab haum nrog qhov tseeb. Ces koj yuav tso txhua yam ntawm cov tib neeg no tau li cas? Koj tsis to taub qhov tseeb, thiab koj tsis paub kev xyaum ua raws qhov tseeb yog txhais lub ntsiab li cas. Koj nyob rau txoj kev tsaus ntuj thiab koj tsis paub tias yuav ua dab tsi, yog li koj tsuas ua yam uas koj xav tias zoo xwb, ces vim li ntawd, koj thiaj li ua qee yam txawv mus lawm. Ib txhia ntawm tej no yog vim cov kev cai, ib txhia yog vim kev mob siab, thiab ib txhia yog vim kev tab kaum ntawm Ntxwgnyoog. Ces cov tib neeg uas tsis to taub qhov tseeb mas zoo li no. Thaum lawv ua tej yam ces lawv lub siab ywj fab ywj fwm lawm, thiab ua tau txawv lawm, tsis raug ib qho kiag li. Cov tib neeg uas tsis to taub qhov tseeb ces pom txhua yam tsis muaj txiaj ntsim, yog nkaus li cov tsis ntseeg ntag. Lawv yuav xyaum ua raws qhov tseeb tau li cas? Lawv yuav ua cas daws tau teeb meem? Qhov to taub qhov tseeb mas tsis yog ib qho yooj yim. Txawm yus muaj peev xwm siab los sis qis los xij, txawm tom qab tau ntsib tau pom tas li rau hauv lub neej los xij, lawv muaj peev xwm to taub qhov tseeb tsawg heev, thiab lawv kuj muaj peev xwm to taub Vajtswv txoj lus tsawg heev. Cov neeg uas tau ntsib tau pom ntau dua yog cov neeg uas to taub qhov tseeb ib txhia, thiab qhov tsawg kawg yeej pom tseeb tias lawv tsum tau tsis ua tej yam uas tawm tsam Vajtswv, thiab tsum tsis ua tej yam phem lawm. Tsis muaj hnub lawv yuav ua tau yog tsis muaj ib qho kev qias vuab tsuab raws li lawv tus kheej tej kev xav tau li. Vim hais tias tib neeg muaj txoj kev xav dog dig thiab lawv tej kev xav ib txwm tsis mus raws li Vajtswv txoj lus, ces yeej yuav zam tsis tau txoj kev qias vuab tsuab los ntawm lawv tus kheej txoj kev xav li. Qhov tseem ceeb ces yuav tsum muaj kev thoob tsib tag nrho txhua yam uas los ntawm yus tus kheej txoj kev xav los, thiab uas tawm tsam Vajtswv txoj lus, qhov tseeb, thiab Vajntsujplig txoj kev qhuab qhia. Qhov no cheem tsum kom koj sib zog ua hauj lwm es thiaj li to taub Vajtswv txoj lus; tsuas yog thaum koj to taub qhov tseeb lawm xwb mas koj thiaj li muaj kev thoob tsib xwb, thiab tsuas yog thaum ntawd xwb koj thiaj li ntseeg tias koj yuav tsis ua phem lawm.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Tsuas Yog los ntawm Kev Caum Raws Qhov Tseeb Xwb Yus Thiaj Tuaj Yeem Ua Tau ib qho Hloov Pauv rau hauv Tus Moj Yam

Vajtswv Tej Lus Txhua Hnub  Nqe Lus Uas Xaiv Tawm Los 558

Yuav kom paub txog koj tus kheej mas, koj yuav tsum paub koj tus kheej cov kev nthuav tawm txog txoj kev ua qias vuab tsuab, koj tus moj yam qias vuab tsuab, koj tus kheej tej kev qaug zog tshaj plaws, thiab koj tus yeeb yam thiab lub ntsiab tseeb. Koj kuj yuav tsum paub, kom tob mus txog ntua lub ntsiab lus kawg kiag, cov uas raug nthuav tawm hauv koj lub neej txhua hnub—koj tej kev txhawb zog, koj tej kev xam pom, thiab koj tus yeeb yam rau txhua txhia yam—tsis hais koj nyob hauv tsev los tsis nyob hauv tsev, thaum koj tab tom nyob hauv kev sib txoos ua ke, thaum koj tab tom noj thiab haus cov lus ntawm Vajtswv, los sis hauv txhua txhua qhov xwm txheej uas koj ntsib. Los ntawm tej kis no koj yuav tsum rais los paub koj tus kheej. Tseeb tiag, yuav kom paub koj tus kheej mus rau ntawm ib theem tob dhua no, koj yuav tsum koom nrog Vajtswv cov lus; tsuas yog kev paub koj tus kheej los ntawm Nws cov lus nkaus xwb koj thiaj li tuaj yeem ua tau qhov tshwm sim tiav. Thaum lees txais kev txiav txim ntawm Vajtswv cov lus lawm, tsis txhob ntshai tsam raug kev txom nyem los sis kev mob, thiab tsis tas li ntawd xwb, tsis txhob ntshai tias tsam Vajtswv cov lus yuav nkaug nej lub siab thiab muab nej tus yam ntxwv phem qhia tshwm. Qhov raug tej no yeej muaj txiaj ntsim. Yog koj ntseeg Vajtswv, ces nej yuav tsum nyeem Vajtswv cov lus uas txiav txim thiab rau txim rau tib neeg kom ntau ntxiv, tshwj xeeb yog cov uas nthuav tawm txog lub ntsiab tseeb ntawm noob neej txoj kev qias vuab tsuab, koj yuav tsum muab cov lus ntawd coj los piv rau koj tus yam ntxwv uas muaj qab hau kom ntau ntxiv, thiab koj yuav tsum siv cov lus ntawd rau koj tus kheej kom ntau ntxiv hos lwm yam ces kom tsawg. Hom yam ntxwv uas Vajtswv nthuav tawm ntawd yeej muaj nyob rau hauv txhua tus tib neeg, thiab koj yeej muaj txhua tus yam ntxwv ntawd thiab. Yog koj tsis ntseeg qhov no, ces sim thiaj li paub. Koj yim paub, ces koj yim yuav paub koj tus kheej, thiab koj yim yuav xav tias Vajtswv cov lus mas yog tshaj plaws li xwb. Tom qab tau nyeem Vajtswv cov lus tag lawm, qee leej tib neeg tsis muaj cuab kav muab coj los siv rau lawv tus kheej; lawv xav tias ntau feem ntawm cov lus no mas tsis yog rau lawv, tiam sis yog rau lwm tus tib neeg xwb. Piv txwv li, thaum Vajtswv qhia tshwm tias tib neeg yog neeg vuab tsuab thiab plees, qee tus muam xav tias vim yog lawv mas coj ncaj ncees rau lawv tus txiv yam tsis tseg li, tej lus zoo li ntawd yuav tsis yog hais rau lawv; qee tus muam xav tias vim lawv tseem tsis tau yuav txiv thiab tsis tau sib deev dua li, tej lus zoo li ntawd yeej yuav tsum tsis yog hais rau lawv tib yam nkaus thiab. Qee tus kwv tij xav tias cov lus no tsuas yog hais rau cov poj niam xwb, thiab tsis muaj dab tsi cuam tshuam rau lawv; qee leej tib neeg ntseeg tias Vajtswv cov lus uas nthuav tawm ntawd mas hnyav heev, tias cov lus no mas tsis mus raws li qhov muaj tiag, yog li ntawd lawv thiaj li tsis kam lees txais cov lus no. Muaj qee lub sij hawm qee leej haj tseem hais tias, Vajtswv cov lus mas tsis yog lawm. Tus yeeb yam no puas yog tus yog uas tsim nyog muaj rau Vajtswv cov lus thiab? Tus yeeb yam zoo li no mas tsis yog kiag li lawm. Tib neeg txhua tus pom lawv tus kheej raws li lawv tus yam ntxwv sab nraud xwb. Lawv tsis muaj cuab kav ua tib zoo xav txog lawv tus kheej, thiab los paub lawv lub ntsiab tseeb uas qias vuab tsuab thaum hais txog Vajtswv cov lus li. Ntawm no, “vuab tsuab” thiab “plees” yog hais txog lub ntsiab tseeb ntawm tib neeg qhov kev qias vuab tsuab, kev qias neeg, thiab kev ua plees ua yi. Tsis hais txiv neej los sis poj niam, muaj cuab yig los sis tsis muaj, txhua tus puav leej muaj tej kev xav qias vuab tsuab ntawm kev plees kev yi—yog li ntawd nws tsis muaj qhov cuam tshuam nrog koj tau li cas? Vajtswv cov lus qhia tshwm tib neeg cov moj yam qias vuab tsuab; tsis hais txiv neej los sis poj niam, yus theem ntawm txoj kev qias vuab tsuab ces zoo ib yam nkaus xwb. Qhov no tsis yog qhov tseeb lod? Ua ntej thaum yuav ua ib yam dab tsi, peb yuav tsum paub tias txhua yam uas Vajtswv hais ntawd yog qhov tseeb, thiab muaj tseeb, thiab tias txawm Nws cov lus uas txiav txim rau tib neeg thiab muab tib neeg qhia tshwm ntawd yuav hnyav npaum li cas, los sis cov lus uas qhia txog qhov tseeb los sis qhuab ntuas tib neeg yuav zoo npaum li cas los xij, txawm cov lus no yog kev txiav txim los sis yog koob hmoov, txawm cov lus no yog kev teem txim los sis kev foom phem, txawm cov lus no ua rau tib neeg iab siab los sis zoo siab los xij, tib neeg yuav tsum lees txais cov lus no. Nov yog tus yeeb yam uas tib neeg tsim nyog muaj rau Vajtswv cov lus. Hom yeeb yam no yog dab tsi? Nws puas yog ib tug yeeb yam mob siab, ib tug yeeb yam zoo, ib tug yeeb yam ua siab ntev, los sis ib tug yeeb yam ntawm kev lees txais tej kev txom nyem? Nej me ntsis feeb tsis meej lawm. Kuv hais rau nej tias nws puav leej tsis yog tej no ib qho kiag li. Hauv lawv txoj kev ntseeg, tib neeg yuav tsum tuav kom ruaj nreeg tias Vajtswv cov lus mas yog qhov tseeb. Vim tej no yog qhov tseeb, tib neeg tsim nyog lees txais tej no tias yog qhov tsim nyog. Tsis hais lawv muaj cuab kav los sis tsis muaj cuab kav paub los sis lees nws, lawv thawj tug yeeb yam rau Vajtswv cov lus tsim nyog yog ib tug uas lees txais tau huv tib si. Yog Vajtswv txoj lus tsis muab koj qhia tshwm, ces txoj lus ntawd muab leej twg qhia tshwm? Thiab yog txoj lus ntawd tsis yog txhawm los muab koj qhia tshwm no, vim li cas thiaj li hais kom koj lees txais txoj lus ntawd? Qhov no tsis yog ib qho kev sib txawv lod? Vajtswv hais lus rau tib neeg ntiaj teb tag nrho, txhua sob lus uas Vajtswv hais tawm ntawd puav leej yog los muab cov tib neeg ntiaj teb uas qias vuab tsuab ntawd qhia tshwm, thiab tsis zam leej twg li—uas suav nrog rau koj huv si thiab. Tsis muaj ib kab lus twg ntawm Vajtswv cov lus hais ntawd es yog hais txog yam sab nraud, los sis ib hom yam ntxwv twg li, thiab haj yam tsis yog hais txog cov kev cai nyob sab nraud los sis ib tug qauv ntawm tus cwj pwm hauv tib neeg li. Tej no tsis yog zoo li ntawd. Yog koj xav tias txhua kab lus hais tawm los ntawm Vajtswv tsuas yog nthuav tawm ib hom yooj yim ntawm tib neeg tus cwj pwm los sis qhov tshwm nyob sab nraud xwb, ces koj yeej tsis muaj kev to taub sab kev ntseeg thiab koj tsis to taub tias qhov tseeb yog dab tsi li. Vajtswv cov lus yog qhov tseeb. Tib neeg yeej tuaj yeem paub qhov tob ntawm Vajtswv cov lus. Cov lus ntawd tob npaum li cas? Vajtswv txhua lo lus qhia tshwm txog tib neeg cov moj yam qias vuab tsuab, thiab tseem ceeb heev thiab faus cag tob heev nyob hauv lawv lub neej. Cov lus no yog yam tseem ceeb heev, tsis yog tej qhov kev tshwm sim nyob sab nraud, thiab tshwj xeeb tshaj tsis yog cov cwj pwm sab nraud. Kev saib tib neeg los ntawm lawv tej kev tshwm sim uas nyob sab nraud mas, tej zaum kuj zoo li lawv yog neeg zoo thiab. Tab sis vim li cas es Vajtswv thiaj hais tias qee leej tib neeg mas yog cov ntsuj nplig phem thiab qee leej mas yog cov ntsuj plig tsis huv? Qhov no yog ib qho teeb meem uas tsis muaj peev xwm pom tau rau koj. Yog li ntawd, yus yuav tsum tsis txhob saib Vajtswv cov lus raws li noob neej tej kev xav phem los sis tej kev xav hauv nruab siab, los sis raws li noob neej tej lus xaiv lus cua xwb, thiab tsis raws li cov lus hais tiag tiag. Vajtswv cov lus nkaus xwb thiaj li yog qhov tseeb; tib neeg cov lus ces puav leej yog lus dag ntxias xwb. Tom qab tau sib qhia los txog qhov no lawm, nej puas tau paub tau pom ib qho kev hloov pauv hauv nej tus yeeb yam rau Vajtswv cov lus thiab? Tsis hais txawm muaj kev hloov loj los sis me me los xij, lub sij hawm tom ntej thaum nej nyeem Vajtswv cov lus uas txiav txim rau tib neeg thiab muab tib neeg nthuav tawm ntawd, yam tsawg tshaj nej yuav tsum tsis txhob sim cav nrog Vajtswv lawm. Nej yuav tsum tseg txoj kev yws txog Vajtswv uas hais tias, “Vajtswv cov lus uas nthuav tawm thiab txiav txim mas hnyav dhau lawm; kuv yuav tsis nyeem nplooj ntawv no. Kuv yuav cia li hla nws mus xwb. Cia kuv tshawb xyuas lwm yam los nyeem txog cov koob hmoov thiab cov lus cog tseg, kom nrhiav tau kev nplij siab.” Koj yuav tsum tsis txhob nyeem Vajtswv txoj lus los ntawm qhov rho thiab xaiv raws li koj tus kheej tus yam ntxwv ntxiv lawm. Koj yuav tsum lees txais qhov tseeb thiab txoj kev txiav txim thiab kev rau txim ntawm Vajtswv cov lus; tsuas yog thaum ntawd xwb mas koj tus moj yam qias vuab tsuab thiaj li yuav raug yaug kom dawb huv, tsuas yog thaum ntawd xwb koj thiaj li yuav tau txais txoj kev cawm dim.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Qhov Tseem Ceeb ntawm Kev Caum Raws qhov Tseeb thiab txoj Kev ntawm Kev Caum Raws

Vajtswv Tej Lus Txhua Hnub  Nqe Lus Uas Xaiv Tawm Los 559

Koj to taub tib neeg tus yeeb yam li cas? Kev to taub koj tus yeeb yam txhais tau tias paub tej uas nyob rau hauv koj tus ntsuj—tej uas nyob tob rau hauv koj lub neej txoj sia, thiab Ntxwgnyoog txhua qhov laj thawj thiab tej tswv yim uas koj tau ua neej raws li ntawd—uas yog qhov koj ua neej raws li Ntxwgnyoog lub neej txoj sia. Tsuas yog nrhiav tej uas nyob tob rau hauv koj tus ntsuj los nkaus xwb koj thiaj li tuaj yeem to taub koj tus yeeb yam tau. Yuav tuaj yeem nrhiav tej yam no tau los li cas? Tsis tuaj yeem nrhiav tej ntawd tau los sis paub tej ntawd tau los ntawm ib qho los sis ob qho nkaus xwb. Ntau zaus, tom qab koj ua qee yam tiav lawm, koj tseem tsis muaj ib qho kev to taub li. Nws yuav siv sij hawm li peb los sis tsib lub xyoos ua ntej koj thiaj li muaj peev xwm muab tau ib qho me me ntawm txoj kev paub tseeb los sis kev to taub. Yog li ntawd, nyob rau hauv ntau qhov xwm txheej mas koj yuav tsum tig xav txog koj tus kheej thiab los paub koj tus kheej. Koj yuav tsum dig kom tob thiab cais koj tus kheej tawm, kom raws li Vajtswv cov lus, mas thiaj li yuav pom qhov tshwm sim los. Thaum koj qhov kev to taub txog qhov tseeb loj hlob ntau zuj zus thiab tob zuj zus lawm, koj yuav maj mam los paub koj tus kheej tus yeeb yam thiab lub ntsiab tseem ceeb los ntawm kev tig xav txog yus tus kheej thiab paub yus tus kheej.

Yuav kom paub tau koj tus yeeb yam mas, koj yuav tsum muaj kev to taub txog tus yeeb yam ntawd los ntawm ob peb yam. Xub thawj tshaj plaws, koj yuav tsum muaj kev to taub meej txog yam uas koj nyiam. Qhov no tsis hais txog yam uas koj nyiam noj los sis hnav, tab sis, nws txhais tias yog tej yam uas koj xyiv fab, tej yam uas koj xam khib, tej yam uas koj pe hawm, tej yam uas koj nrhiav, thiab tej yam uas koj mob siab ntso rau hauv koj lub siab, hom tib neeg uas koj xyiv fab los sib txuas lus nrog, thiab hom tib neeg uas koj hwm thiab hawm rau hauv koj lub siab. Piv txwv li, cov neeg feem coob nyiam cov tib neeg uas muaj lub neej zoo, cov tib neeg uas hais lus zoo thiab coj tus xeeb ceem zoo, los sis nyiam cov uas hais qhuas tau zoo los sis cov uas mob siab rau ib qho nqis tes ua. Raws li tau hais ua ntej dhau los yog hais txog yam uas tib neeg lawv nyiam sib txuas lus nrog. Rau yam uas tib neeg xyiv fab, tej no suav nrog kev txaus siab ua qee yam uas ua yooj yim, kev xyiv fab ua tej yam uas lwm tus xav tias zoo thiab ua rau tib neeg hu nkauj qhuas thiab muab kev hawm. Hauv tib neeg tej yeeb yam, nws keev muaj ib tug yeeb yam ntawm tej yam uas lawv nyiam. Ntawd yog, qhov lawv zoo li tib neeg, tej xwm txheej, thiab tej yam uas lwm tus xam khib txog vim tshwm sim rau sab nraud, lawv nyiam tib neeg, tej xwm txheej, thiab tej yam uas zoo nkauj heev thiab nplua nuj, thiab lawv nyiam tib neeg, tej xwm txheej, thiab tej yam uas ua rau lwm tus pe hawm lawv. Tej yam no tib neeg nyiam tshaj, zoo tshaj, ci ntsa iab tshaj, thiab loj tshaj. Tib neeg txhua tus pe hawm rau tej yam no. Nws tuaj yeem pom tias tib neeg tsis muaj ib qho tseeb li, los sis lawv tsis muaj qhov zoo li tib neeg tiag tiag li. Tsis muaj ib theem me me ntawm qhov tseem ceeb hauv txoj kev pe hawm rau tej yam no li, tiam sis tib neeg tseem nyiam lawv thiab. Tej yam uas tib neeg nyiam no mas zoo li zoo heev rau cov uas tsis ntseeg Vajtswv, thiab tej ntawd puav leej yog yam uas tib neeg txaus siab hlo caum. … Tej uas tib neeg caum thiab ntshaw ntawd yog lub ntiaj teb li, tej no yog Ntxwgnyoog thiab cov dab phem li, Vajtswv ntxub tej no, vim tej no tsis muaj ib qho tseeb li. Tej uas tib neeg ntshaw ntawd ua rau lawv tus yeeb yam thiab lub ntsiab tseeb tshwm tuaj. Tej yam uas tib neeg nyiam ces yeej pom nyob rau hauv lawv tej kev hnav ris tsho. Ib txhia tib neeg mas yeej kam hnav tej ris tsho muaj ntau xim, kom neeg pom neeg ntsia, los sis tej ris tsho txawv txawv. Lawv txaus siab hlo coj ntau yam uas tsis muaj leej twg tau coj dua li, thiab lawv nyiam tej yam uas ua rau tej poj niam los sis txiv neej nyiam. Lawv hnav tej ris tsho thiab coj ntau yam uas qhia txog qhov lawv nyiam tej yam no nyob rau hauv lawv lub neej thiab nyob tob rau puag hauv lawv nruab siab. Tej yam lawv nyiam mas yeej tsis zoo saib los sis txaus nyiam kiag li. Tej ntawd tsis yog tej uas ib tug neeg dog dig tsim nyog caum. Nyob rau hauv lawv tej kev ntshaw txog tej yam ntawd, mas yeej muaj kev tsis ncaj ncees. Lawv qhov sab nraud mas yeej zoo kiag li cov neeg ntiaj teb ntag. Yeej tsis muaj leej twg pom ib qho ntawm qhov no uas haum rau qhov tseeb li. Yog li ntawd, yam uas koj nyiam, yam uas koj tsi ntsees rau, yam uas koj pe hawm, yam uas koj xam khib, thiab yam uas koj xav txog rau hauv koj lub siab txhua hnub yog tag nrho txhua yam sawv cev ntawm koj tus yeeb yam. Koj txoj kev nyiam ntawm lub ntiaj teb no twb txaus los ua pov thawj qhia tau tias koj tus yeeb yam yog nyiam kev tsis ncaj ncees, thiab nyob hauv tej xwm txheej phem heev, koj tus yeeb yam phem thiab tsis tuaj yeem kho kom zoo tau. Koj yuav tsum cais koj tus yeeb yam li no: Saib yam uas koj nyiam thiab yam uas koj tso koj txoj sia tseg ntawd kom meej. Tej zaum koj yuav coj zoo rau ib tug neeg rau thaum ib lub sij hawm twg, tab sis qhov no tsis ua pov thawj qhia tau tias koj nyiam tej ntawd. Yam uas koj nyiam tej ntawd tiag tiag yog kiag yam uas nyob rau hauv koj tus yeeb yam; txawm tias koj tej pob txha twb dam lawm los xij, koj tseem yuav xyiv fab rau nws thiab yeej tsis tso nws tseg li. Qhov no tsis hloov yooj yim li. Muab qhov nrhiav ib tug txij nkawm coj los ua piv txwv, tib neeg nrhiav hom tib neeg uas zoo ib yam li lawv tus kheej xwb. Yog ib tug poj niam qaug kev hlub nrog ib tug neeg lawm, ces yuav tsis muaj leej twg cheem tau nws li. Txawm hais tias nws ob txhais ceg lov lawm, los nws yeej tseem xav nrog tus ntawd; nws xav yuav tus ntawd txawm hais tias qhov ntawd yuav ua rau nws tuag kiag los xij. Ua cas ho ua tau li no? Nws yog vim tsis muaj leej twgh loov tau yam uas nyob tob rau hauv tib neeg cov pob txha, tob rau hauv lawv nruab siab li. Txawm hais tias tus tib neeg ntawd tuag lawm, los lawv tus ntsuj plig yeej tseem nyiam tej yam qub; tej no yog tej yam ntawm tib neeg tus yeeb yam, thiab tej no sawv cev ib tug neeg lub ntsiab tseeb. Tej yam uas tib neeg nyiam ces yeej muaj qee yam kev tsis ncaj ncees nyob rau hauv. Ib txhia mas yeej pom meej meej nyob rau hauv lawv qhov kev nyiam tej yam ntawd, hos ib txhia mas tsis pom meej; ib txhia mas muaj kev nyiam ruaj heev rau tej ntawd, hos ib txhia mas tsis muaj; ib txhia tswj tau tus kheej, hos ib txhia mas tswj tsis tau lawv tus kheej. Muaj ib txhia neeg mas hom poob mus rau tej yam tsaus ntuj thiab tej yam phem, uas ua tau pov thawj qhia hais tias lawv yeej tsis muaj txoj sia li. Ib txhia tib neeg mas tuaj yeem kov yeej tej kev sim siab ntawm lub cev nqaij daim tawv thiab tsis pub tej ntawd los nyob rau hauv lawv los sis txwv lawv, uas ua tau pov thawj qhia hais tias lawv muaj ib lub siab me me thiab tias lawv tus moj yam tau hloov pauv me me lawm. Ib txhia neeg to taub tej qho tseeb thiab hnov zoo li lawv muaj txoj sia thiab zoo li lawv hlub Vajtswv, tab sis qhov tiag tiag ces, nws yeej tseem ntxov dhau heev lawm, thiab kev hloov pauv ntawm ib tug tib neeg tus moj yam mas tsis yog yam yooj yim kiag li. Ib tug ib neeg tus yeeb yam thiab lub ntsiab tseeb puas yooj yim to taub? Tab txawm yog qee tus neeg to taub me ntsis los xij, lawv yuav tsum tau ntsib ntau yam nyuaj mas thiaj li muaj qhov kev to taub ntawd, thiab tab txawm yog to taub me ntsis los xij, qhov kev hloov pauv ntawd yeej tsis yooj yim li. Tej no yog txhua yam kev nyuaj uas tib neeg ntsib, thiab tib neeg yeej tsis paub lawv tus kheej li yog tsis muaj lub siab xav los caum qhov tseeb. Tsis hais cov neeg, tej xwm txheej, los sis tej yam ib ncig ntawm koj yuav hloov thiab tsis hais lub ntiaj teb yuav ntxeev tiaj khwb rwg li cas li, yog qhov tseeb coj koj kev sab hauv tuaj, yog nws tau nrhau cag nyob rau hauv koj lawm thiab Vajtswv tej lus coj koj lub neej txoj sia, tej kev nyiam, tej kev ntsib kev pom, thiab qhov uas muaj nyob lawm, ces nyob rau qhov no ces koj tau hloov pauv lawm tiag. Kiag tam sim no tib neeg qhov hu ua kev hloov pauv ntawd ces tsuas yog kev koom tes me ntsis, kev muaj peev xwm tsis kam lees txais qhov raug qhuab qhia thiab qhuab ntuas, nquag ua lawv tej dej num, thiab muaj kev kub siab thiab kev ntseeg me ntsis xwb, tab sis qhov no mas muab xam tsis tau ua kev hloov pauv tus moj yam thiab nws ua tsis tau pov thawj qhia hais tias tib neeg muaj txoj sia. Qhov no tsuas yog tib neeg qhov kev nyiam thiab tus yam ntxwv xwb—tsis muaj dab tsi tshaj li.

Yuav kom to taub txog tus yeeb yam mas, yuav tsum nrhiav yam uas tib neeg nyiam nyob hauv lawv tus yeeb yam ntxiv, kuj yuav tsum nrhiav kom pom ntau kis uas tseem ceeb heev txog lawv tus yeeb yam thiab. Piv txwv li, tib neeg tej kev xam pom rau ntawm tej yam no, tib neeg tej kev xav thiab tej hom phiaj hauv txoj sia, tib neeg tej yam muaj nqis hauv txoj sia thiab qhov pom rau ntawm txoj sia, nrog rau tej kev xam pom thiab tej tswv yim rau ntawm txhua yam uas ntsig txog qhov tseeb. Tej no yog tag nrho tej yam nyob tob hauv tib neeg tej ntsuj thiab lawv muaj ib qho muaj feem xyuam ncaj qha nrog kev hloov pauv ntawm tus moj yam. Yog zoo li ntawd ces, cov tib neeg ntiaj teb qias vuab tsuab qhov xam pom txog txoj sia yog dab tsi? Nws tuaj yeem hais rau qhov no tias: “Nyias pab nyiam tus kheej xwb, leej twg lawv qab ces raug tsov tom xwb.” Tib neeg txhua tus muaj sia nyob rau lawv tus kheej; hais tseeb tseeb hais tias, lawv ua neej nyob txhawm rau lub cev nqaij daim tawv xwb. Lawv muaj sia nyob tsuas yog muab khoom noj rau hauv lawv tej qhov ncauj xwb. Qhov kev muaj nyob no txawv ntawm tej tsiaj li cas? Nws tsis muaj nqis dab tsi rau kev muaj sia nyob zoo li qhov no li, tsis muaj ib lub ntsiab dab tsi me me hlo li. Yus qhov kev xam pom txoj sia yog hais txog yam uas koj vam khom kom muaj sia nyob rau hauv lub ntiaj teb, yam uas koj muaj sia nyob rau, thiab koj muaj sia nyob li cas—thiab tej no yog tag nrho txhua yam uas ntsig txog rau lub ntsiab tseem ceeb ntawm tib neeg tus yeeb yam. Los ntawm txoj kev paub tib neeg tej yeeb yam, koj yuav pom tias tib neeg sawv daws puav leej tawm tsam Vajtswv. Lawv puav leej yog cov dab phem thiab tsis muaj cov neeg zoo kiag li. Tsuas yog los ntawm kev paub tib neeg tej yeeb yam nkaus xwb koj thiaj li tuaj yeem paub tib neeg txoj kev qias vuab tsuab thiab lub ntsiab tseem ceeb tiag tiag thiab to taub txog yam uas yog tib neeg li, yam uas tib neeg tsis muaj tiag tiag, yam uas lawv yuav tsum muaj kom txhij, thiab lawv yuav tsum ua neej nyob zoo li ib tug tib neeg tau li cas. Kev paub ib tug neeg tus yeeb yam tiag tiag yeej tsis yooj yim li, thiab tsis tuaj yeem ua tau yog tsis muaj kev ntsib kev pom Vajtswv cov lus los sis tsis muaj tej kev ntsib kev pom tiag.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Yam Yuav Tsum Tau Paub Txog Kev Hloov Pauv Yus Tus Moj Yam

Vajtswv Tej Lus Txhua Hnub  Nqe Lus Uas Xaiv Tawm Los 560

Yuav paub tib neeg tus yeeb yam li cas? Dab tsi yog yam tsim ua ib tug neeg tus yeeb yam? Koj tsuas paub txog tib neeg tej kev ua tsis tau zoo txaus, tej kev tsis huv, tej kev npaj siab, tej kev xav phem, kev xav tsis zoo, thiab kev tsis mloog lus xwb, tiam sis koj tsis muaj peev xwm nrhiav pom tej yam nyob hauv tib neeg tus yeeb yam li. Koj tsuas paub txog txheej sab nraum daim tawv nkaus xwb, tsis muaj peev xwm nrhiav pom nws qhov thaum chiv keeb li, thiab qhov no tsis yog tsim ua kev paub txog tib neeg tus yeeb yam. Ib txhia tib neeg mas lees lawv tej kev ua tsis zoo txaus thiab tej kev xav tsis zoo, hais tias, “Kuv to taub kuv tus yeeb yam. Pom lawm lod, kuv lees paub kuv qhov kev khav theeb lawm. Qhov ntawd tsis yog paub kuv tus yeeb yam lod?” Kev khav theeb yog ib feem ntawm tib neeg tus yeeb yam, qhov ntawd yeej muaj tseeb lawm. Txawm li cas los xij, qhov lees paub qhov no raws li txoj kev qhuab qhia ntawd yeej tsis txaus li. Dab tsi yog yam yuav tsum paub yus tus kheej tus yeeb yam? Tuaj yeem paub tau nws li cas? Nws paub los ntawm tej xwm txheej dab tsi los? Tsim nyog paub tib neeg tus yeeb yam tshwj xeeb los ntawm tej yam uas tib neeg nthuav tawm li cas? Ua ntej tshaj plaws, koj tuaj yeem pom tib neeg tus yeeb yam los ntawm lawv tej kev ntshaw. Piv txwv li, ib txhia tib neeg mas hwm cov tib neeg uas muaj suab npe thiab nrov nkaus xwb, ib txhia mas nyiam cov kws hu nkauj los sis cov kws ua yeeb yaj kiab, thiab ib txhia mas nyiam tua kees nkaus xwb. Los ntawm tej kev nyiam no los, peb tuaj yeem pom txog cov tib neeg no tus yeeb yam yog dab tsi lawm. Ntawm no yog ib qho piv txwv uas yooj yim: Ib txhia tib neeg yuav pe hawm ib tug kws hu nkauj. Mus txog theem twg uas lawv pe hawm cov kws hu nkauj ntawd? Mus txog theem uas lawv xav txog tus kws hu nkauj no txhua qhov txav mus los, txhua qhov luag ntxhi, thiab txhua lo lus. Lawv saib rau tus kws hu nkauj no, thiab haj tseem yees duab txhua yam uas tus kws hu nkauj no hnav, thiab tom qab ntawd lawv qog raws nraim li ntawd thiab. Theem kev pe hawm rau ib tug neeg no qhia pom txog qhov teeb meem dab tsi? Nws qhia pom tias ib tug neeg zoo li ntawd tsuas muaj tej uas tus tsis ntseeg muaj nyob rau hauv lawv lub siab xwb, thiab tias lawv tsis muaj qhov tseeb, lawv tsis muaj tej yam zoo, thiab lawv haj yam tsis muaj Vajtswv nyob hauv lawv lub siab. Tag nrho tej yam uas tus neeg no xav txog, nyiam, thiab nrhiav ntawd puav leej yog Ntxwgnyoog li xwb. Tej no tswj tus neeg no lub siab, uas ua rau nws swb rau tej ntawd lawm. Nej hais puas tau tias lawv lub ntsiab tseeb thiab tus yeeb yam yog dab tsi? Yog tau nyiam ib yam dab tsi tshaj plaws lawm, ces yam ntawd tuaj yeem dhau los yog tus neeg no txoj sia thiab tswj lawv lub siab, qhov ntawd ua pov thawj puv npo qhia tau tias tus neeg no yog ib tug pe hawm mlom uas tsis xav tau Vajtswv thiab tab sis hlub tus dab phem. Yog li ntawd, tuaj yeem hais tau hais tias tib neeg tus yeeb yam uas zoo li no yog ib tug yeeb yam uas nyiam thiab pe hawm tus dab phem, tsis hlub qhov tseeb, thiab tsis xav tau Vajtswv. Qhov no tsis yog txoj hau kev yog los saib ib tug neeg tus yeeb yam los? Nws yeej yog lawm. Qhov no yog qhov uas tsim nyog soj ntsuam tib neeg tus yeeb yam ntag. Piv txwv li, ib txhia tib neeg pe hawm Povlauj tshwj xeeb. Lawv nyiam tawm mus sab nrauv thiab hais tej lus thiab ua txoj dej num, lawv nyiam mus sib sau ua ke thiab sib qhuab qhia, thiab lawv nyiam kom tib neeg mloog lawv hais, pe hawm lawv, thiab nyob ncig lawv. Lawv nyiam kom lwm tus lub siab tsuas muaj lawv xwb, thiab lawv qhuas nws thaum lwm tus pom tus duab uas lawv tau qhia tawm. Cia peb los tshuaj xyuas lawv tus yeeb yam los ntawm tej cwj pwm no. Dab tsi yog lawv tus yeeb yam? Yog lawv coj zoo li no tiag tiag, ces qhov no yeej qhia txaus lawm tias lawv yog neeg khav theeb thiab tsab ntse. Lawv tsis pe hawm Vajtswv kiag li; lawv nrhiav lub meej mom siab dua thiab xav muaj hwj chim tshaj lwm tus, xav kom muaj tej ntawd, thiab xav kom hauv lwm tus lub siab tsuas muaj lawv xwb. Qhov no yog tus duab qub qub ntawm Ntxwgnyoog. Tej xwm txheej ntawm lawv tus yeeb yam uas pom meej yog kev khav theeb thiab kev tsab ntse, ib qho kev tsis txaus siab pe hawm Vajtswv, thiab ib qho kev ntshaw uas xav kom lwm tus pe hawm. Tej tus cwj pwm zoo li no tuaj yeem ua rau koj pom meej rau hauv lawv tus yeeb yam. Piv txwv li, ib txhia tib neeg mas nyiam ua tsis ncaj rau lwm tus kom tau txiaj ntsig rau lawv tus kheej, thiab cov tib neeg no nrhiav txhua yam los ua kom lawv tus kheej tej kev ntshaw tiav xwb. Lawv ua dab tsi los xij yuav tsum yog muaj txiaj ntsig rau lawv xwb, yog tsis li ntawd ces lawv yuav tsis ua li. Lawv yeej tsis thab ib yam dab tsi yog tias yam ntawd tsis muaj txiaj ntsig rau lawv, thiab lawv ib txwn muaj tej yam zais ntshis uas txhawb lawv tej kev ua. Lawv hais lus zoo rau txhua tus uas muaj txiaj ntsig rau lawv, thiab txhawb txhua tus uas qhuas lawv. Tab txawm thaum cov tib neeg uas lawv nyiam tshaj plaws muaj teeb meem los xij, lawv yuav hais tias cov tib neeg ntawd ua yog lawm thiab lawv rau siab ntso ua txhua yam los tiv thaiv cov tib neeg ntawd thiab npog rau cov tib neeg ntawd. Cov tib neeg zoo li no muaj tus yeeb yam zoo li cas? Koj tuaj yeem pom tau lawv tus yeeb yam meej meej los ntawm cov cwj pwm no. Lawv rau siab ntso ua tsis ncaj los ntawm lawv tej kev ua kom tau txiaj ntsig, tas zog hloov pauv tus cwj pwm rau txhua qhov xwm txheej, thiab koj tuaj yeem paub tseeb tias lawv tus yeeb yam yog ib tug yeeb yam uas ntshaw luag tug tag siab nrho. Lawv tsuas nrhiav kom tau txiaj ntsig hauv txhua yam uas lawv ua rau lawv tus kheej xwb. Lawv yuav tsis sawv ntxov yog tias qhov ntawd tsis muaj txiaj ntsig rau lawv. Lawv yog cov tib neeg uas xam pom lawv tus kheej nkaus xwb, thiab ntau npaum li cas los yeej tsis txaus lawv li. Lawv tus yeeb yam qhia los ntawm lawv txoj kev nyiam kom tau txiaj ntsig thiab tsis muaj ib qho nyiam qhov tseeb hlo li. Qee tus txiv neej ces nyiam poj niam, pheej dag caum lawv mus txhua qhov li. Cov poj niam zoo nkauj yog yam khoom uas lawv nyiam tshaj plaws thiab lawv lub siab hwm tshaj plaws. Lawv txaus siab hlo muab lawv txoj sia, thiab muab txhua yam fij rau cov poj niam zoo nkauj ntawd; poj niam thiaj li yog yam ua rau lawv txaus siab. Cov txiv neej no tus yeeb yam yog dab tsi? Lawv tus yeeb yam yog hlub cov poj niam zoo nkauj thiab pe hawm lawv, thiab nyiam kev phem. Lawv yog cov txiv neej uas nyiam kev sib daj sib deev uas muaj tus yeeb yam phem, siab hlob. Vim li cas Kuv thiaj li hais tias qhov no yog lawv tus yeeb yam? Lawv tej kev ua nthuav tawm ib tug yeeb yam siab hlob. Cov cwj pwm no tsis yog tias tsuas yog kev ua txhaum xwb, los sis cov tib neeg zoo li no tsuas phem tshaj cov tib neeg dog dig me ntsis xwb, tab sis, lawv tau raug tej no tswj kav tag nrho lawm, uas tau dhau los ua lawv tus yeeb yam thiab lub ntsiab tseeb tiag tiag lawm. Yog li ntawd, tej no tau dhau los ua tej uas qhia tawm pom tseeb txog lawv tus yeeb yam. Txhua yam ntawm ib tug tib neeg tus yeeb yam mas pheej nthuav tawm txog lawv tus kheej tas li. Txhua yam uas ib tug tib neeg ua, tsis hais yuav yog dab tsi los xij li, yeej tuaj yeem nthuav tawm tau tus tib neeg ntawd tus yeeb yam. Tib neeg nyias muaj nyias tus kheej lub siab xav thiab hom phiaj rau txhua yam uas lawv ua, thiab tsis hais yuav yog kev txais tos qhua zoo, kev tshaj tawm txoj moo zoo, los sis lwm yam hauj lwm, lawv tuaj yeem nthuav tej feem ntawm lawv tus yeeb yam tawm yam lawv tsis paub txog qhov ntawd li, vim tias tib neeg tus yeeb yam yog lawv lub neej txoj sia, thiab tib neeg ua raws li lawv tus yeeb yam thaum lawv tseem ua neej nyob. Ib tug tib neeg tus yeeb yam tsis yog nthuav tawm qee lub sij hawm los sis cia li tshwm sim xwb; tiam sis, nws tuaj yeem sawv cev tau rau tus tib neeg ntawd lub ntsiab tseeb. Txhua yam uas ntws tawm hauv tib neeg cov pob txha thiab cov ntshav los ntawd yog sawv cev rau lawv tus yeeb yam thiab lub neej txoj sia. Qee tus tib neeg nyiam cov poj niam zoo nkauj. Lwm tus nyiam nyiaj txiag. Qee tus mas nyiam meej mom heev. Tshwj xeeb qee tus saib lub koob lub npe thiab lawv tus kheej tus yam ntxwv muaj nuj nqis. Qee tus nyiam los sis pe hawm mlom. Thiab tshwj xeeb qee tus tib neeg mas khav theeb thiab muab hlob, tsis yeem swb rau leej twg hauv lawv lub siab li thiab rau siab ntso rau lawv lub meej mom xwb, lawv nyiam kom lawv tseem ceeb tshaj lwm tus thiab muaj hwj chim tshaj lwm tus. Muaj ntau hom yeeb yam sib txawv. Cov yeeb yam sib txawv ntawd ua rau tib neeg sib txawv, tiam sis lawv qhov sib xws ntawd mas yeej tawm tsam thiab ntxeev siab rau Vajtswv. Vim li ntawd ces lawv thiaj li puav leej zoo ib yam xwb.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Yuav Paub Tib Neeg Tus Yeeb Yam Li Cas

Vajtswv Tej Lus Txhua Hnub  Nqe Lus Uas Xaiv Tawm Los 561

Tag nrho tib neeg ntiaj teb raug ua lwj liam los ntawm Ntxwgnyoog lawm, thiab tib neeg tus yeeb yam yog ntxeev siab rau Vajtswv. Txawm li cas los xij, nyob rau ntawm tag nrho cov tib neeg uas raug ua lwj liam los ntawm Ntxwgnyoog lawm, nws muaj qee cov uas tuaj yeem zwm tau rau Vajtswv txoj dej num thiab lees txais qhov tseeb. Cov no yog cov tib neeg uas tuaj yeem tau txais qhov tseeb thiab hloov pauv tus moj yam tau. Ib txhia tib neeg mas tsis caum raws qhov tseeb li, thiab tsuas yoog raws qhov sawv daws ua xwb. Lawv yuav ua raws thiab ua yam dab tsi los xij uas koj qhia kom lawv ua, lawv muaj peev xwm tso txhua yam tseg thiab siv lawv tus kheej, thiab lawv tuaj yeem thev taus kev txom nyem. Cov tib neeg zoo li ntawd muaj kev txawj xav thiab muaj qab hau me ntsis xwb, thiab lawv muaj ib txoj kev cia siab txog txoj kev raug cawm dim thiab kev ciaj sia, tab sis hloov tsis tau lawv tus moj yam vim hais tias lawv tsis caum raws qhov tseeb li, thiab lawv tsuas txaus siab rau kev to taub cov lus qhuab qhia xwb. Lawv tsis hais los sis tsis ua tej yam uas txhaum txoj kev txawj xav, lawv ua tau lawv tej dej num los ntawm lub siab dawb paug, thiab lawv tuaj yeem lees txais qhov kev sib qhia txog qhov tseeb hais txog txhua yam teeb meem. Txawm li cas los xij, lawv tsis mob siab nrhiav qhov tseeb, lawv lub siab lub ntsws tsis meej pem, thiab lawv yeej tsis muaj hnub tuaj yeem to taub lub ntsiab tseeb ntawm qhov tseeb li. Tsis muaj hnub yuav hloov tau lawv tus moj yam li. Yog koj xav kom txoj kev lwj liam raug yaug kom dawb huv thiab muaj ib qho hloov pauv rau hauv koj lub neej tus moj yam, ces koj yuav tsum muaj ib qho kev hlub rau qhov tseeb thiab muaj peev xwm lees txais qhov tseeb. Kev lees txais qhov tseeb nws txhais tau li cas? Kev lees txais qhov tseeb txhais hais tias txawm koj yuav muaj hom moj yam lwj liam dab tsi los xij, los sis tus zaj loj liab ploog cov kuab lom—Ntxwgnyog cov kuab lom—nyob hauv koj tus yeeb yam li cas los xij, thaum Vajtswv cov lus muab tej no nthuav tawm, koj yuav tsum lees tej no thiab zwm rau, koj yuav xaiv tsis tau ib qho txawv li, thiab koj yuav tsum paub koj tus kheej raws li Vajtswv cov lus. Qhov no thiaj li txhais tau tias muaj peev xwm lees txais Vajtswv cov lus thiab lees txais qhov tseeb. Txawm tias yam uas Vajtswv hais yuav yog dab tsi los xij, txawm tias Nws cov lus hais tawm yuav hnyav npaum li cas los xij, thiab txawm tias cov lus uas Nws siv yuav zoo li cas los xij, koj tuaj yeem lees txais tej ntawd raws li yam uas Nws hais muaj tseeb, thiab koj tuaj yeem lees paub tej ntawd raws li thaum uas lawv yoog raws qhov muaj tseeb. Koj tuaj yeem zwm rau Vajtswv cov lus txawm tias koj yuav to taub tob txog tej ntawd npaum li cas los xij, thiab koj lees txais thiab zwm rau qhov kaj uas raug nthuav tawm los ntawm tus Vajntsujplig thiab tau sib koom los ntawm koj cov kwv tij thiab cov nkauj muam. Thaum ib tug neeg zoo li no tau caum raws qhov tseeb mus txog ib theem lawm, lawv tuaj yeem tau txais qhov tseeb thiab hloov pauv lawv tus moj yam tau. Txawm tias yog cov tib neeg uas tsis nyiam qhov tseeb muaj kev ua neeg me ntsis xwb, los ua tau qee qhov zoo, thiab tuaj yeem tso tseg thiab fij rau Vajtswv, lawv tsis meej pem txog qhov tseeb thiab tsis mob siab rau qhov tseeb ntawd tiag tiag, yog li lawv lub neej yeej hloov tsis tau tus moj yam li. Koj pom tau tias Petus muaj kev ua neeg sib xws li lwm cov thwj tim thiab, tab sis nws rau siab ntso nrhiav qhov tseeb. Txawm tias Yexus yuav hais dab tsi, los Petus yeej ua tib zoo xav. Yexus nug tias, “Ximoos Npayaunas, koj puas hlub Kuv?” Petus teb ncaj ncees tias, “kuv tsuas hlub Leej Txiv tus uas nyob saum ntuj xwb, tiam sis kuv tsis hlub tus Tswv nyob rau hauv lub ntiaj teb.” Tom qab nws to taub lawm, xav tias, “Qhov no tsis yog, tus Vajtswv uas nyob rau hauv ntiaj teb yog tus Vajtswv nyob rau saum ntuj ceeb tsheej. Nws tsis yog tib tug Vajtswv nyob rau saum ntuj ceeb tsheej thiab hauv ntiaj teb los? Yog kuv tsuas hlub tus Vajtswv nyob rau saum ntuj ceeb tsheej xwb, ces kuv txoj kev hlub tsis yog tiag. Kuv yuav tsum hlub Vajtswv rau hauv ntiaj teb, vim tsuas yog li ntawd nkaus xwb kuv txoj kev hlub thiaj li yuav yog tiag.” Yog li ntawd, Petus tau los to taub lub ntsiab tseeb ntawm Vajtswv txoj lus los ntawm yam uas Yexus tau nug lawm. Yuav hlub Vajtswv, thiab rau txoj kev hlub no kom muaj tiag, yus yuav tsum hlub tus Vajtswv uas rov yug los ua neeg rau hauv ntiaj teb. Kev hlub tus Vajtswv uas pom tsis meej thiab tsis pom tiag ces tsis yog muaj tseeb los sis tsis muaj qab hau, hos kev hlub muaj qab hau, pom Vajtswv tau yog qhov tseeb. Los ntawm Yexus cov lus los, Petus caum cuag qhov tseeb thiab ib qho kev to taub ntawm Vajtswv txoj kev xav. Pom meej lawm tias, Petus qhov kev ntseeg Vajtswv tsuas tsom ntsoov rau kev caum raws qhov tseeb nkaus xwb. Thaum kawg, nws thiaj ua tiav hlo ib txoj kev hlub ntawm tus Vajtswv muaj qab hau—tus Vajtswv nyob hauv lub ntiaj teb. Petus tau mob siab tshwj xeeb rau hauv nws qhov kev caum raws qhov tseeb. Txhua zaus Yexus tau qhuab qhia nws, nws tau xav txog Yexus cov lus tiag tiag. Tej zaum nws tau xav los tau ntau lub hli, ib lub xyoos, los sis ntau lub xyoo lawm ua ntej tus Vajntsujplig tau qhia nws thiab nws tau to taub lub ntsiab tseeb ntawm Vajtswv cov lus lawm. Hauv txoj hau kev no, Petus tau to taub qhov tseeb, thiab thaum nws to taub lawm, nws lub neej tus moj yam raug hloov pauv thiab raug pib dua tshiab lawm. Yog ib tug neeg tsis caum raws qhov tseeb, lawv yeej yuav tsis to taub txog qhov ntawd li. Koj tuaj yeem hais txog cov ntaub ntawv thiab cov kev qhuab qhia kaum txhiab zaus, tab sis lawv tseem tsuas yog cov ntaub ntawv thiab cov kev qhuab qhia nkaus xwb. Ib txhia tib neeg tsuas hais tias, “Khetos yog qhov tseeb, txoj hau kev, thiab txoj sia.” Txawm tias yog koj rov qab hais cov lus no kaum txhiab zaus los xij, nws tseem yuav tsis muaj txiaj ntsim li; koj tsis muaj kev to taub txog lawv lub ntsiab. Vim li cas thiaj li hais tau tias Khetos yog qhov tseeb, txoj hau kev, thiab txoj sia? Koj puas tuaj yeem piav tau txoj kev txawj ntse uas koj muab tau los ntawm qhov kev ntsib kev pom no? Koj puas to taub txog qhov muaj tseeb ntawm qhov tseeb, txoj hau kev, thiab txoj sia? Vajtswv tau hais Nws cov lus tawm kom nej thiaj li muaj kev ntsib kev pom tej ntawd thiab muab tau kev txawj ntse. Qhov tsuas hais txogcov ntaub ntawv thiab cov kev qhuab qhia nkaus xwb ces yeej tsis muaj txiaj ntsim li. Koj tsuas tuaj yeem paub koj tus kheej thaum koj to taub thiab paub qhov tseeb txog Vajtswv cov lus lawm xwb. Yog koj tsis to taub Vajtswv cov lus, ces koj tsis tuaj yeem paub koj tus kheej li. Koj tsuas tuaj yeem tau txais kev thoob tsib to nrog thaum koj to taub qhov tseeb lawm xwb. Yog tsis muaj kev to taub qhov tseeb, koj yuav tsis muaj peev xwm thoob tsib to nrog. Koj tsuas tuaj yeem pom teeb meem meej meej thaum koj to taub qhov tseeb lawm xwb. Yog tsis muaj qhov to taub qhov tseeb, ces koj tsis tuaj yeem pom teeb meem meej meej li. Koj tsuas tuaj yeem paub koj tus kheej thaum koj to taub qhov tseeb lawm xwb. Yog tsis muaj qhov to taub qhov tseeb li, ces koj tsis tuaj yeem paub koj tus kheej. Koj tus moj yam tsuas hloov pauv tau thaum koj tau txais qhov tseeb lawm xwb. Yog tsis muaj qhov tseeb, koj tus moj yam tsis tuaj yeem hloov pauv tau li. Tsuas yog tom qab koj tau txais qhov tseeb lawm xwb koj thiaj li ua tau raws li qhov Vajtswv xav tau. Yog tsis muaj qhov tau txais qhov tseeb, ces koj tsis tuaj yeem ua tau raws li qhov Vajtswv xav tau li. Tsuas yog tom qab koj tau txais qhov tseeb lawm xwb koj thiaj li tuaj yeem pe hawm Vajtswv. Yog tsis muaj qhov to taub qhov tseeb, ces tab txawm yog koj pe hawm Nws los, qhov koj pe hawm ntawd yuav tsis muaj dab tsi tshaj qhov kev ua ntawm txoj kev ntseeg li. Yog tsis muaj qhov tseeb, ces yam koj ua los yeej tsis muaj tseeb li. Los ntawm qhov tau txais qhov tseeb lawm, ces txhua yam koj ua yeej muaj tseeb. Tag nrho tej no nyob rau ntawm kev muab tau qhov tseeb los ntawm Vajtswv cov lus los.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Yuav Paub Tib Neeg Tus Yeeb Yam Li Cas

Vajtswv Tej Lus Txhua Hnub  Nqe Lus Uas Xaiv Tawm Los 562

Kev los to taub tiag tiag txog Vajtswv cov lus tsis yog qhov yooj yim. Txhob xav li no tias: “Kuv tuaj yeem txhais raws lub ntsiab ntawm Vajtswv cov lus, thiab txhua tus hais tias kuv qhov txhais yeej zoo lawm, thiab tau tsa ntiv tes xoo rau kuv, yog li qhov no txhais tau tias kuv to taub Vajtswv cov lus lawm.” Qhov ntawd tsis yog tib yam li kev to taub Vajtswv cov lus. Yog koj muab tau qee yam kev kaj los hauv Vajtswv cov lus hais lawm los, koj tau nkag siab lub ntsiab lus tseeb ntawm Nws cov lus lawm, thiab yog koj tuaj yeem nthuav tawm txoj kev xav txhawb rau Nws cov lus thiab thaum kawg lawv yuav ua tau dab tsi—yog koj muaj ib qho kev to taub meej ntawm tag nrho tej no lawm—xam tau tias koj muaj kev to taub ntawm Vajtswv cov lus rau qee theem lawm. Yog li, kev to taub Vajtswv cov lus thiaj li tsis yog yam uas yooj yim kiag li. Qhov koj tuaj yeem piav qhia lub ntsiab ncaj nraim ntawm Vajtswv cov lus tau ntog zoo tsis txhais tau tias koj to taub tej ntawd lawm. Txawm tias koj tuaj yeem piav qhia lawv lub ntsiab tau ntau npaum li cas los xij, koj qhov kev piav qhia tseem yog nyob rau ntawm tib neeg txoj kev xav hauv nruab siab thiab tib neeg txoj kev xav xwb. Nws tsis muaj txiaj ntsim dab tsi! Koj tuaj yeem to taub Vajtswv cov lus tau li cas? Qhov tseem ceeb ces yuav tsum nrhiav qhov tseeb los hauv tej ntawd los. Tsuas yog nyob hauv txoj hau kev no nkaus xwb koj thiaj li tuaj yeem to taub Vajtswv cov lus tiag tiag. Vajtswv yeej tsis hais tej lus uas qhuav qhawv li. Txhua kab ntawv uas Nws hais tawm muaj yam ntxaws ntxaws uas raug nthuav tawm ntxiv rau hauv Nws cov lus, thiab tej zaum lawv yuav raug nthuav tawm sib txawv. Tib neeg tsis tuaj yeem piav qhia tau cov hau kev uas Vajtswv nthuav qhia qhov tseeb. Vajtswv cov lus hais tawm mas tob heev thiab tib neeg txoj kev xav tsis tuaj yeem piav qhia tau yam yooj yim. Tib neeg tuaj yeem nrhiav pom me ntsis ntawm tag nrho lub ntsiab ntawm txhua feem ntawm qhov tseeb tsuav yog lawv tseem mob siab rau xwb. Txhua yam ntxaws ntxaws uas lawv yuav tsum tau ua kom tiav ntawd yog thaum lawv tau ntsib tau pom tom qab ntawd, uas yog los ntawm tus Vajntsujplig txoj kev qhuab qhia. Ib feem ces yog kev ua twb zoo xav thiab kev to taub Vajtswv cov lus thiab nrhiav lawv lub ntsiab tshwj xeeb los ntawm kev nyeem tej ntawd. Lwm feem ces yog kev to taub lub ntsiab ntawm Vajtswv cov lus los ntawm kev ntsib kev pom tej ntawd thiab tau txais kev qhuab qhia los ntawm tus Vajntsujplig. Los ntawm kev nce qib xwm yeem nyob rau hauv ob kis no, ces koj thiaj li tuaj yeem los to taub Vajtswv txoj lus. Yog koj muab qhov ntawd txhais lub ntsiab kom ncaj ncaj, raws cov li theem los sis txhais los ntawm koj tus kheej txoj kev xav thiab tej kev xav hauv nruab siab xwb, ces txawm yog koj piav qhia qhov ntawd tau zoo thiab hais tau ntaug leev los xij, koj yeej tseem tsis to taub qhov tseeb hlo li, ces qhov ntawd puav leej tseem saib mus raws li tib neeg txoj kev xav thiab tej kev xav hauv nruab siab xwb. Muab tsis tau qhov ntawd los ntawm txoj kev qhia ntawm Vajntsujplig los. Tib neeg nyiam txhais lub ntsiab rau Vajtswv cov lus raws li lawv tej kev xav phem thiab tej kev xav hauv nruab siab, thiab lawv haj tseem txhais lub ntsiab ntawm Vajtswv cov lus tsis raug raws li lub ntsiab tiag thiab, ua rau lawv ntxim yuav to taub yuam kev thiab txiav txim rau Vajtswv, ces qhov no yuav yog kev nyuaj. Yog li ntawd, qhov tseeb ces tseem ceeb yeej yog tau txais los ntawm kev to taub Vajtswv cov lus thiab raug qhia los ntawm Vajntsujplig. Qhov muaj peev xwm to taub thiab piav qhia tau lub ntsiab lus ncaj ncaj ntawm Vajtswv txoj lus ntawd tsis txhais tau tias koj tau txais qhov tseeb lawm. Yog to taub lub ntsiab lus ncaj ncaj txog Vajtswv txoj lus es ntaus nqi tias koj to taub qhov tseeb lawm, ces koj tsuas muaj kev kawm thiab kev paub me ntsis xwb, yog li vim li cas koj thiaj li tim tsum txoj kev qhia ntawm Vajntsuplig? Puas yog Vajtswv tes hauj lwm yog qee yam uas tib neeg lub siab lub ntsws tuaj yeem to taub? Yog li ntawd, kev to taub qhov tseeb thiaj li tsis mus raws li tib neeg tej kev xav phem los sis tej kev xav hauv nruab siab. Koj yuav tsum muaj Vajntsujplig txoj kev qhuab qhia, kev to taub zoo, thiab kev coj qhia kom muaj kev ntsib kev pom thiab kev paub tiag. Qhov no yog txheej txheem ntawm kev to taub thiab kev tau txais qhov tseeb, thiab nws yog ib qho xwm txheej uas tseem ceeb.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Yuav Paub Tib Neeg Tus Yeeb Yam Li Cas

Vajtswv Tej Lus Txhua Hnub  Nqe Lus Uas Xaiv Tawm Los 563

Koj to taub tib neeg tus yeeb yam li cas? Yam uas tseem ceeb tshaj plaws yog yuav tsum paub tus yeeb yam ntawd los ntawm txoj kev xav ntawm tib neeg qhov kev xam pom hauv lub ntiaj teb, xam pom hauv txoj sia, thiab tej yam muaj nuj nqis. Cov uas yog tus dab phem ntiag tug puav leej ua lub neej rau lawv tus kheej xwb. Lawv txoj kev xam pom hauv txoj sia thiab tej yam tseeb feem ntau yog los ntawm Ntxwgnyoog tej lus hais los, xws li “Nyias pab nyias tus kheej xwb, leej twg lawv qab ces raug tsov tom xwb,” “Tib neeg tuag rau txoj kev nplua nuj ib yam li tej noog tuag rau tej khoom noj,” thiab lwm yam xws li tej kev ntseeg cuav. Txhua lo lus no tau hais los ntawm cov vaj ntxwv dab phem, cov zoo tshaj, thiab cov muaj tswv yim tau dhau los ua tib neeg lub neej tiag tiag lawm. Tshwj xeeb yog, Qhoov Txwm, tus uas cov tib neeg Suav suav hais tias yog “ib tug neeg ntse tshaj plaws” ntawd cov lus feem ntau tau dhau los ua tib neeg lub neej lawm. Nws kuj muaj cov paj lug muaj suab npe ntawm Kev Ntseeg Hau Sam thiab Kev Ntseeg Taum, thiab cov lus hais qub ntawm cov muaj suab npe uas keev hais tas li. Tej no yog tag nrho tej txheej txheem ntawm Ntxwgnyoog cov tswv yim thiab Ntxwgnyoog tus yeeb yam. Lawv kuj yog tej kev qhia tshwm thiab tej kev piav qhia zoo tshaj plaws ntawm Ntxwgnyoog tus yeeb yam. Tej kuab lom uas tau yaj nkag mus rau hauv tib neeg lub siab tag nrho yog los ntawm Ntxwgnyoog los, thiab yeej tsis muaj ib qho me me ntawm tej ntawd los ntawm Vajtswv los li. Tej lus dab phem zoo li no kuj tsis haum ncaj nraim rau Vajtswv txoj lus thiab. Nws yeej pom meej tias tej qhov muaj tseeb ntawm tag nrho tej yam zoo los ntawm Vajtswv, thiab tag nrho txhua yam phem uas tib neeg raug kuab lom yog los ntawm Ntxwgnyoog los. Yog li ntawd, koj tuaj yeem paub ib tug neeg tus yeeb yam thiab qhov lawv yog leej twg tug ntawd los ntawm qhov saib mus rau lawv qhov kev xam pom hauv txoj sia thiab tej yam muaj nqis. Ntxwgnyoog ua lwj liam rau tib neeg los ntawm txoj kev kawm thiab kev haub ntxias ntawm tsoom fwv hauv teb chaws thiab ntawm cov muaj suab npe thiab zoo tshaj. Lawv cov lus phem tau dhau los ua tib neeg lub neej thiab tus yeeb yam lawm. “Nyias pab nyiam tus kheej xwb, leej twg lawv qab ces raug tsov tom xwb” yog cov lus phem uas tau cog rau hauv txhua tus lawm, thiab qhov no tau dhau los ua tib neeg txoj sia lawm. Nws muaj lwm cov lus ntawm tej tswv yim rau kev ua neej uas kuj zoo li qhov no thiab. Ntxwgnyoog siv txhua haiv neeg tej kab lis kev cai qub los qhia, los ntxias dag, thiab ua qias vuab tsuab rau tib neeg, ua kom tib neeg ntiaj teb poob mus rau hauv qhov kev rhuav pov tseg yam tsis muaj ciaj ciam li, thiab thaum kawg tib neeg, thiaj li raug rhuav tshem los ntawm Vajtswv vim hais tias lawv ua dej num rau Ntxwgnyoog thiab tawm tsam Vajtswv. Ib txhia tib neeg tau ua dej num li ib co nom tswv pab pej xeem rau hauv zej zos los tau ntau caum xyoo lawm. Xav txog qhov nug lawv raws li nram qab no tias: “Nej twb ua tau zoo heev rau qhov no lawm, cov lus hais muaj suab npe tseem ceeb uas nej ua neej nyob nrog yog dab tsi?” Lawv yuav hais tias, “Ib yam uas kuv to taub ces yog qhov no: ‘Cov nom tswv tsis ua txhua yam nyuaj rau cov uas muab phaj tshab, thiab cov uas tsis qhuas lawv ces yeej ua tsis tiav dab tsi li.’” Lawv txoj hauj lwm yog ua raws li lub tswv yim phem no. Cov lus no tseem tsis yog sawv cev tam rau ntawm cov tib neeg zoo li ntawd tus yeeb yam thiab los? Kev siv yam tsis ncaj ua kom tau txais txoj dej num mas tau dhau los ua lawv tus yeeb yam lawm, pawg nom thiab txoj hauj lwm zoo mas yog lawv tej hom phiaj. Tseem muaj cov kuab lom phem nyob hauv tib neeg lub neej, tus xeeb ceem thiab tus cwj pwm. Piv txwv tias, lawv tej tswv yim ua rau kev ua neeg nyob, lawv tej hau kev ntawm kev ua txhua yam, thiab lawv tej kev xav puv npo cov kuab lom ntawm tus zaj loj liab ploog, thiab tej no puav leej yog los ntawm Ntxwgnyoog los. Yog li ntawd, txhua yam uas ntws raws tib neeg tej pob txha thiab roj ntshav ntawd yog Ntxwgnyoog li. Tag nrho ntawm cov nom tswv ntawd, cov uas tuav lub hwj chim, thiab cov uas ua tiav hlo muab lawv tus kheej tej kev taug thiab zais ntsis kom ua tau zoo. Tej kev zais ntsis zoo li no tsis yog yam sawv cev zoo tiav log ntawm lawv tus yeeb yam los? Lawv tau ua tiav tej yam loj zoo li no rau hauv lub ntiaj teb, thiab tsis muaj leej twg pom tshab tej kev ntxias dag thiab tej kev xav phem uas nkaum rau sab tom qab ntawm lawv. Qhov no tsuas qhia pom txog lawv tej kev txawj ntxias thiab tej kuab lom nkaus xwb. Tib neeg ntiaj teb raug ua lwj liam phem heev los ntawm Ntxwgnyoog lawm. Ntxwgnyoog qhov kuab lom ntws mus thoob tej roj ntshav ntawm txhua tus neeg lawm, thiab thiaj li hais tau tias tib neeg tus yeeb yam yog lwj liam, phem, tsis muaj qab hau, thiab yeej tawm tsam Vajtswv, tsau thiab tog rau hauv Ntxwgnyoog tej tswv yim thiab tej kuab lom. Qhov kuab lom ntawd tau dhau los ua Ntxwgnyoog tus yeeb yam thiab lub ntsiab tseeb tag nrho lawm. Qhov no yog qhov vim li cas tib neeg thiaj li tawm tsam Vajtswv thiab sawv ua yeeb ncuab rau Vajtswv. Tib neeg muaj peev xwm los paub lawv tus kheej tau yooj yim yog lawv tus yeeb yam raug nthuav qhia raws li txoj hau kev no.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Yuav Paub Tib Neeg Tus Yeeb Yam Li Cas

Vajtswv Tej Lus Txhua Hnub  Nqe Lus Uas Xaiv Tawm Los 564

Tus yawm sij rau kev rov xav txog tus kheej thiab kev paub txog koj tus kheej yog li no: Koj yim hnov ntau npaum li cas hauv qee yam uas koj ua tau zoo los sis ua tau yog, thiab koj yim xav tias koj tuaj yeem ua tau zoo raws Vajtswv txoj kev xav los sis muaj cuab kav khav hauv qee yam ntau npaum li cas, ces nws yim huab tsim nyog rau koj paub txog koj tus kheej hauv tej yam ntawd ntau npaum li ntawd thiab nws yim huab tsim nyog rau koj khawb kom tob txog tej ntawd kom pom seb yam uas tsis dawb huv uas muaj nyob hauv koj yog dab tsi, tag nrho tsis hais txhua yam uas nyob hauv koj uas tsis tuaj yeem ua tau zoo raws Vajtswv txoj kev xav. Cia peb muab Povlauj coj los ua ib qho piv txwv. Povlauj yog tus muaj kev paub tshwj xeeb, thiab nws tau ntsib kev txom nyem ntau heev hauv nws tes dej num qhuab qhia lawm. Nws tau txais kev hlub tshwj xeeb los ntawm ntau leej. Raws li qhov tshwm sim, tom qab tau ua ntau qhov dej num tiav lawm, nws xav tias yuav muaj ib lub mom kub tshwj tseg rau nws. Qhov no ua rau nws tau mus deb thiab tob heev rau hauv txoj kev yuam kev lawm, txog thaum kawg nws raug rau txim los ntawm Vajtswv. Yog tias, nyob rau lub sij hawm ntawd, nws tau rov xav txog nws tus kheej thiab soj ntsuam nws tus kheej, ces ntshe nws twb tsis tau xav li ntawd. Muab ua lwm lo lus hais, Povlauj tsis tau tsom rau kev tshawb nrhiav qhov tseeb hauv cov lus ntawm tus Tswv Yexus; nws tsuas ntseeg nws tus kheej qhov kev xav phem thiab kev xav hauv siab xwb. Nws tau xav tias tsuav yog nws ua qee yam zoo thiab muaj qee tus cwj pom zoo xwb ces, nws yuav tau txais kev qhuas thiab nqi zog los ntawm Vajtswv. Thaum kawg, nws tus kheej cov kev phem thiab kev xav hauv siab tau ua rau nws tus ntsuj plig dig muag thiab npog qhov tseeb ntawm nws qhov kev qias vuab tsuab lawm. Tab sis tib neeg tsis muaj peev xwm los cais qhov no, lawv tsis muaj kev paub txog tej teeb meem no li, yog li ntawd ua ntej Vajtswv tau coj qhov no los rau qhov kaj, lawv yeej ib txwm muab Povlauj ua ib tug qauv mus kom txog, ib qho piv txwv rau kev ua neej, thiab saib nws tam li ib tug uas lawv xav ua kom zoo thooj li thiab tam li tus mlom uas lawv caum. Povlauj qhov ntawd mas yog ib qho kev ceeb toom rau txhua tus uas yog cov neeg Vajtswv xaiv. Tshwj xeeb yog thaum peb cov uas raws Vajtswv qab yuav tau raug kev txom nyem thiab tiv kev txom nyem nyob rau hauv peb tej dej num thiab thaum peb ua dej num rau Vajtswv, peb xav hais tias peb coj ncaj ncees thiab hlub Vajtswv, yog li ntawd thaum lub sij hawm zoo li no, peb yuav tsum tig xav txog peb tus kheej thiab to taub txog peb tus kheej thiab haj yam txhawj txog txoj kev uas peb taug, uas yog qhov cheem tsum tshaj plaws thiab. Qhov no yog vim yam koj xav hais tias zoo yog yam uas koj yuav txiav txim siab tias yog lawm, ces koj yuav tsis ua xyem xyav txog qhov ntawd li, cia li tig xav txog qhov ntawd, los sis txheeb xyuas seb puas muaj ib yam dab tsi nyob rau hauv qhov ntawd uas tawm tsam Vajtswv. Piv txwv li, muaj qee leej tib neeg ntseeg tias lawv tus kheej mas siab zoo heev. Lawv yeej tsis tau ntxub los sis ua phem rau lwm tus li, thiab lawv ib txwm cev tes pab lwm tus kwv tij los sis lwm tus muam uas tsev neeg cheem tsum kev pab, ntshai tsam ces lawv qhov teeb meem tsis ruag daws; lawv muaj txoj kev xav zoo, thiab ua txhua yam hauv lawv lub zog mus pab txhua tus raws li lawv tuaj yeem ua tau. Tiam sis lawv yeej tsis mob siab rau txoj kev xyaum ua raws li qhov tseeb, thiab lawv tsis muaj kev to taub lub neej txoj sia li. Qhov kawg ntawm kev pab li no yog dab tsi? Lawv muab lawv tus kheej lub neej nres cia, tiam sis txaus siab rau lawv tus kheej heev, thiab txaus siab heev rau txhua yam uas lawv tau ua. Ntau tshaj ntawd, lawv khav teeb txog nws, ntseeg tias nyob rau hauv txhua yam uas lawv tau ua lawm ntawd, yeej tsis muaj ib yam dab tsi tawm tsam qhov tseeb li, thiab tias txhua yam uas lawv tau ua mas yeej txaus rau kev ua tau li Vajtswv txoj kev xav lawm, thiab ntseeg tias lawv mas yog cov ntseeg Vajtswv tseeb tiag. Lawv pom tias lawv tus yeeb yam siab zoo mas yog qee yam uas tsim nyog saib rau, thiab, kiag thaum lawv ua li ntawd, lawv cia li pom nws tias yog qhov tseeb. Hauv qhov tseeb, txhua yam lawv ua yog qhov zoo ntawm tib neeg. Lawv yeej tsis xyaum ua raws li qhov tseeb kiag li, vim lawv ua qhov no rau ntawm tib neeg lub xub ntiag xwb, thiab tsis yog rau ntawm Vajtswv lub xub niag, thiab tseem ua raws nraim kev xyaum ua ntawm qhov Vajtswv cheem tsum thiab qhov tseeb tsawg heev. Yog li ntawd, txhua yam lawv ua ces tsis muaj qab hau li. Tsis muaj ib yam ntawm lawv uas yog kev xyaum ua ntawm qhov tseeb, thiab tsis yog kev xyaum ua ntawm Vajtswv cov lus, lawv haj yam ua raws Nws txoj kev xav tsawg; tiam sis, lawv siv tib neeg qhov siab zoo thiab tus cwj pwm zoo los pab lwm tus xwb. Ntawm lub ntsiab lus kawg, lawv tsis tshawb nrhiav Vajtswv txoj kev xav hauv yam lawv ua, lawv yeej tsis ua raws nraim nrog rau qhov Nws cheem tsum. Vajtswv tsis qhuas tib neeg hom cwj pwm no; rau Vajtswv ces, tus cwj pwm no tsim nyog raug teem txim lawm, thiab tsis tau txais kev zoo ntawm Nws kev nco txog.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Tsuas Yog Lees Paub Yus Tus Kheej Tej Kev Xam Pom Yuam Kev Xwb Yus Thiaj Li Hloov Pauv Tau Tiag Tiag

Vajtswv Tej Lus Txhua Hnub  Nqe Lus Uas Xaiv Tawm Los 565

Qhov tseem ceeb rau txoj kev ua kom tau ib qho kev hloov nyob rau hauv tus moj yam ces yog paub yus tus kheej tus yeeb yam, thiab qhov no yuav tsum tshwm sim raws nraim li tej kev qhia tshwm los ntawm Vajtswv. Tsuas yog nyob rau hauv Vajtswv txoj lus xwb mas yus thiaj li yuav paub yus tus kheej tus yeeb yam phem, lees paub nyob rau hauv yus tus kheej tus yeeb yam ces yog Ntxwgnyoog tau yam tshuaj lom, lees paub hais tias yus ruam thiab tsis paub dab tsi li, thiab lees paub tej yam tsis muaj zog thiab tsis zoo nyob rau hauv yus tus yeeb yam. Tom qab paub tej no tag nrho lawm, ces koj yeej muaj cuab kav ntxub koj tus kheej tiag tiag li thiab muab cev nqaij daim tawv tso tseg, ua raws li Vajtswv txoj lus tas mus li, caum qhov tseeb thaum tseem ua koj tej dej num, hloov pauv tau koj tus moj yam, thiab rais los ua ib tug tib neeg uas hlub Vajtswv tiag tiag, ces koj yuav taug tau Petus txoj kev lawm. Yog tsis muaj Vajtswv qhov hmoov hlub, thiab yog tsis muaj txoj kev qhuab qhia thiab kev coj los ntawm Vajntsujplig, ces nws yuav yog ib qho nyuab los taug txoj kev no, vim tib neeg tsis muaj qhov tseeb thiab tsis muaj cuab kav ntxeev siab rau lawv tus kheej. Taug Petus txoj kev ntawm kev raug tsim kho kom zoo tiav log ces qhov tseem ceeb tshaj yog muaj txoj kev txiav txim siab ruaj khov, muaj txoj kev ntseeg, thiab kev vam khom rau Vajtswv. Dhau qhov ntawd, yus yuav tsum kam zwm rau Vajntsujplig tes hauj lwm; nyob rau tag nrho txhua yam, yus yuav tsis muaj peev xwm ua tau dab tsi li yog tsis muaj Vajtswv cov lus. Tej no yog tej qho tseem ceeb, tsis muaj ib qho uas yuav yuam cai rau tau li. Kev paub yus tus kheej los ntawm qhov kev ntsib kev pom mas yeej nyuab heev; yog tsis muaj Vajntsujplig tes hauj lwm, ces nws tsis muaj qab hau dab tsi li. Yuav taug Petus txoj kev, yus yuav tsum rau siab ntso kom paub yus tus kheej thiab hloov yus tus kheej tus moj yam. Povlauj txoj kev tsis yog ib txoj uas nrhiav txoj sia los sis tsi ntsees rau kev paub-yus tus kheej; nws tsuas rau siab ntso ua nws tej hauj lwm thiab nws lub hwj chim thiab lub zog xwb. Nws txoj kev txhawb siab yog yuav ua kom tau Vajtswv tej koob hmoov los pauv nws tes hauj lwm thiab tej kev txom nyem, thiab kom tau txais phaj tshab los ntawm Vajtswv. Qhov kev txhawb siab no yuam kev lawm. Povlauj tsis yog tsom ntsoov rau txoj sia, los sis nws tsis saib qhov kev hloov tus moj yam tseem ceeb li; nws tsuas tsom ntsoov rau qhov kom tau phaj tshab xwb. Vim nws muaj tej hom phiaj yuam kev, ces txoj kev uas nws taug thiaj li yuam kev tiag tiag lawm. Qhov no ces yog tshwm sim los ntawm nws tus yeeb yam khav theeb thiab tsab ntse. Yeej pom meej meej, Povlauj tsis muaj ib qho tseeb li, los sis nws tsis muaj ib qho kev txawj xav los sis laj thawj li. Nyob rau hauv kev cawm thiab kev hloov tib neeg, Qhov tseem ceeb tshaj ces yog Vajtswv hloov lawv tus moj yam. Lub hom phiaj ntawm Nws tej lus yog yuav ua kom tau ib qho tshwm sim los uas yog kev muaj tus moj yam uas hloov lawm thiab muaj peev xwm los paub Vajtswv, nyoo zwm rau Nws, thiab pe hawm Nws li ib qho uas ib txwm muaj. Qhov no yog lub hom phiaj ntawm Vajtswv cov lus thiab ntawm Nws tes hauj lwm. Povlauj txoj kev nrhiav ces yog ib qho kev yuam cai ncaj qha rau, thiab muaj kev tsis sib haum xeeb nrog, Vajtswv txoj kev xav; nws khiav los sib nraus kiag nrog nws. Txawm li cas los xij, Petus txoj kev nrhiav yog ib qho uas haum tag nrho rau Vajtswv txoj kev xav: Nws tau tsom ntsoov rau lub neej txoj sia, thiab rau tej kev hloov pauv tus moj yam, uas qhov tau los ntawd yog kiag yam uas Vajtswv xav kom ua tiav rau hauv tib neeg los ntawm Nws tes hauj lwm. Yog li ntawd Petus txoj kev thiaj tau txais koob hmoov thiab tau txais Vajtswv cov lus qhuas. Vim yog Povlauj txoj kev yog txoj uas txhaum rau Vajtswv txoj kev xav, Vajtswv thiaj li tsis nyiam thiab foom phem rau nws. Yuav taug Petus txoj kev, yus yuav tsum paub Vajtswv txoj kev xav. Yog yus xav paub Vajtswv txoj kev xav kom tag nrho los ntawm Nws cov lus—uas txhais tau hais tias to taub qhov uas Vajtswv xav kom tib neeg zoo li cas thiab, thaum kawg, qhov tau los uas Nws xav ua kom tau—tsuas yog thaum ntawd nkaus xwb ces yus thiaj li muaj cuab kav muaj ib qho kev to taub meej seb yuav taug txoj kev twg. Yog koj tsis to taub tag nrho Petus txoj kev, thiab tsuas lam xav taug txoj kev ntawd xwb, ces koj yuav tsis muaj peev xwm taug tau nws li. Muab hais ua lwm lo lus, koj yuav paub ntau heev txog tej kev qhuab qhia, tab sis txog thaum kawg yuav tsis muaj peev xwm to taub qhov tseeb tiag. Txawm hais tias koj yuav to taub me me txog qhov ntiav ntiav los xij, koj yuav tsis muaj peev xwm ua kom tau ib qho tiag tawm los li.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb

Vajtswv Tej Lus Txhua Hnub  Nqe Lus Uas Xaiv Tawm Los 566

Niaj hnub no, tib neeg feem coob ces tsuas muaj ib qho kev to taub ntiav ntiav txog lawv tus kheej xwb. Lawv tsis tau los paub kom meej meej txog tej yam uas yog ib qho ntawm lawv tus yeeb yam kiag li. Lawv tsuas muaj kev paub txog ob peb qho ntawm tus yam ntxwv qias vuab tsuab uas lawv qhia tshwm xwb, tej yam uas ntxim lawv yuav ua, los sis ob peb qho ntawm tej uas lawv ua tsis tau, thiab qhov no ua rau lawv ntseeg hais tias lawv paub lawv tus kheej. Yog hais tias, dhau qhov ntawd, lawv ua raws li ob peb txoj cai, ua kom paub tseeb hais tias lawv tsis ua yuam kev nyob rau qee qhov chaw, thiab tswj kom tsis txhob ua qee yam kev txhaum rau, ces lawv xam hais tias lawv tus kheej yeej muaj qhov tseeb tiag nyob rau hauv lawv qhov kev ntseeg Vajtswv thiab xav hais tias lawv yuav raug cawm. Qhov no ces tag nrho yog tib neeg txoj kev xav xwb. Yog koj ua raws li tej ntawd, koj puas yuav muaj cuab kav zam dhau tej kev ua txhaum tiag mas? Koj puas yuav ua tau ib qho kev hloov tiag tiag hauv tus moj yam mas? Koj puas yuav ua tau lub neeg zoo li ib tug tib neeg tiag tiag mas? Koj puas muaj cuab kav ua tau haum Vajtswv siab rau txoj kev ntawd mas? Tsis tau kiag li, qhov no ces yeej muaj tseeb. Ntseeg Vajtswv ces tsuas ua hauj lwm thaum uas yus muaj tej qauv quag siab thiab muab tau qhov tseeb thiab tej qho kev hloov nyob rau hauv yus tus moj yam ntawm lub neej txoj sia xwb. Qhov xwb thawj no cheem tsum kev mob siab los paub yus tus kheej ua ntej tso. Yog tib neeg qhov kev paub lawv tus kheej ntiav dhau heev lawm, ces lawv yuav tsis muaj hnub daws tau cov teeb meem, thiab lawv tus moj yam ntawm lub neej txoj sia yuav tsis hloov li. Nws yog ib qho uas yuav tsum tau paub txog yus tus kheej nyob rau ib theem tob tob, ces txhais tau hais tias paub yus tus kheej tus yeeb yam: yam dab tsi muaj nyob rau hauv tus yeeb yam ntawd, tej yam no pib tshwm sim los tau li cas, thiab lawv los qhov twg los. Tshaj qhov ntawd, koj puas muaj cuab kav ntxub tej no tiag tiag? Koj puas tau pom koj tus kheej tus ntsuj uas phem dab tuag thiab koj tus yeeb yam phem? Yog koj muaj peeb xwm pom qhov tseeb txog koj tus kheej tiag tiag, ces koj yuav tsis nyiam koj tus kheej kiag li. Thaum koj ntxub koj tus kheej thiab tom qab ntawd xyaum ua raws Vajtswv txoj lus, ces koj yuav muaj peev xwm tso cev nqaij daim tawv tseg thiab muaj zog los ua raws qhov tseeb yam tsis ntseeg tias yuav siv zog li. Vim li cas coob tus neeg thiaj caum lawv tej kev ntshaw ntawm cev nqaij daim tawv? Vim lawv xam lawv tus kheej hais tias zoo heev, hnov zoo li lawv tej kev ua puav leej yog thiab tsim nyog lawm, hais tias lawv yeej tsis muaj qhov tsis zoo li, thiab tseem hais tias lawv yeej ua yog tag nrho lawm, ces lawv thiaj li muaj cuab kav khwv yees hais tias txoj kev ncaj ncees yeej nyob rau lawv sab lawm. Thaum yus pom tau hais tias yus tus yeeb yam tiag tiag mas—phem dab tuag heev, txaus ntxub heev, thiab txaus tu siab heev—ces yus yuav tsis txaus siab tshaj tshaj rau yus tus kheej lawm, tsis khav theeb heev heev lawm, thiab tsis zoo siab rau yus tus kheej heev heev li yav dhau los lawm. Ib tug neeg zoo li ntawd hnov zoo li, “Kuv yuav tsum ua dab tsi los ua tiag tiag thiab ua lub siab dawb paug, xyaum ua raws li ib co ntawm Vajtswv txoj lus. Tsis li ntawd, ces kuv yuav tsis zoo tsim nyog li tus qauv quag ntawm txoj kev ua neeg, thiab yuav txaj muag ua neej nyob rau ntawm Vajtswv xub ntiag.” Tom qab ntawd yus thiaj li pom yus tus kheej hais tias me heev, hais tias tsis tseem ceeb tiag tiag li. Nyob rau lub sij hawm no, nws yooj yim rau yus ua raws li qhov tseeb, thiab yus yuav zoo xws li qhov uas ib tug tib neeg tsim nyog zoo li. Tsuas yog thaum uas tib neeg yeej ntxub lawv tus kheej tiag tiag lawm xwb mas lawv thiaj li yuav muaj peev xwm tso tau cev nqaij daim tawv tseg. Yog lawv tsis ntxub lawv tus kheej, ces lawv yuav tsis muaj peev xwm tso tau cev nqaij daim tawv tseg li. Kev ntxub yus tus kheej tiag tiag tsis yog ib yam yooj yim. Muaj ntau yam uas yuav tsum tau pom nyob rau hauv lawv xws li: Ua ntej tshaj plaws, paub yus tus kheej tus yeeb yam; thiab qhov thib ob, paub yus tus kheej txom nyem thiab txaus hlub, pom yus tus kheej zoo li me kawg nkaus thiab tsis tseem ceeb li, thiab pom yus tus kheej tus ntsuj uas txaus hlub thiab qias neeg. Thaum yus pom tseeb tseeb hais tias yus yog dab tsi tiag tiag lawm, thiab qhov tau los no yeej ua tau tiav hlo lawm, yus thiaj li yuav tau qhov kev paub txog yus tus kheej, thiab nws thiaj hais tau hais tias yus tau los paub yus tus kheej tag nrho lawm. Tsuas yog thaum ntawd nkaus xwb mas yus thiaj li yuav ntxub yus tus kheej tau tiag tiag, thiab thiaj li hnov zoo li yus raug Ntxwgnyoog ua qias vuab tsuab tob heev lawm zoo nkaus li yus twb tsis zoo li ib tug tib neeg lawm. Ces, muaj ib hnub, thaum qhov kev hem ntawm txoj kev tuag tshwm sim tuaj, tus neeg zoo li ntawd yuav xav, “Qhov no yog Vajtswv qhov kev txiav txim uas ncaj ncees. Vajtswv yeej ncaj ncees tiag tiag; kuv tsim nyog tuag tiag tiag!” Nyob rau qhov no, nws yuav tsis hais ib co lus tsis txaus siab, tsuas hnov zoo li nws yeej txom nyem thiab txaus hlub heev, qias neeg heev thiab qias vuab tsuab uas nws tsim nyog raug Vajtswv ntiab tawm mus thiab rhuav tshem, thiab ib tug ntsuj zoo li nws tus ces tsis tsim nyog ua neej nyob rau hauv ntiaj teb li. Yog li ntawd, tus neeg no yuav tsis yws los sis tawm tsam Vajtswv, haj yam tsis ntxeev siab rau Vajtswv. Yog yus tsis paub yus tus kheej, thiab tseem xam hais tias yus tus kheej mas zoo heev, ces thaum txoj kev tuag los khob qhov rooj, tus neeg no yuav xav hais tias, “Kuv twb ua tau zoo kawg rau hauv kuv txoj kev ntseeg lawm. Cas kuv yuav sib zog nrhiav ua luaj li! Kuv twb tau muab ntau kawg nkaus lawm, kuv tau tiv kev txom nyem ntau kawg nkaus lawm, tab sim txog thaum kawg, tam sim no Vajtswv tseem kom kuv tuag thiab. Kuv tsis paub xyov Vajtswv txoj kev ncaj ncees nyob qhov twg li. Vim li cas Nws ho kom kuv tuag? Yog hais tias kuv tseem yuav tsum tau tuag thiab, ces leej twg thiaj yuav raug cawm mas? Tsis yog haiv neeg los txog qhov xaus lawm lod?” Ua ntej tshaj plaws, tus neeg no muaj kev xav phem txog Vajtswv. Qhov thib ob, tus neeg no tab tom yws tsis txaus siab, thiab tsis nyoo ib qho li cas kiag li. Qhov no ces zoo li Povlauj ntag: Thaum nws yuav tuag, nws tsis paub nws tus kheej, thiab thaum Vajtswv txoj kev rau txim los ze lawm, ces nws lig dhau lawm.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb

Vajtswv Tej Lus Txhua Hnub  Nqe Lus Uas Xaiv Tawm Los 567

Yog muab hais kom yog kiag ces, qhov taug Petus txoj kev nyob rau hauv yus txoj kev ntseeg ntawd txhais tau tias yog taug txoj kev caum raws qhov tseeb ntag, uas kuj yog txoj kev ntawm kev paub yus tus kheej thiab kev hloov yus tus moj yam tiag tiag. Tsuas yog los ntawm qhov taug raws Petus txoj kev nkaus xwb yus thiaj li yuav raug ua kom zoo tiav log los ntawm Vajtswv. Yus yuav tsum paub meej tias yuav taug Petus txoj kev li cas, tiag, thiab yuav muab nws coj los xyaum ua raws li cas. Ua ntej tshaj plaws, yus yuav tsum tso yus tus kheej tej kev xav, tej kev caum raws uas tsis yog, thiab tsev neeg thiab tag nrho txhua yam ntawm yus tus kheej cev nqaij daim tawv tseg. Yus yuav tsum tau muab lub siab fij tag nrho rau; qhov ntawd yog hais tau tias, yus yuav tsum fij yus tus kheej kom tag nrho rau Vajtswv txoj lus, tsom ntsoov rau kev noj thiab haus Vajtswv cov lus, npaj ntsees rau kev tshawb fawb qhov tseeb thiab Vajtswv tej kev xav hauv Nws cov lus, thiab sim ua kom nkag siab Vajtswv txoj kev xav rau txhua yam. Qhov no yog lub hauv paus thiab lub tswv yim tseem ceeb tshaj plaws ntawm kev xyaum ua raws. Qhov no yog yam uas Petus tau ua tom qab pom Yexus lawm, thiab nws tsuas yog los ntawm kev xyaum ua raws txoj hau kev no nkaus xwb yus thiaj li tuaj yeem ua tau tiav hlo kom tau zoo tshaj plaws. Kev muab lub siab fij tag nrho rau Vajtswv txoj lus yog ntsig txog kev nrhiav qhov tseeb thiab Vajtswv tej kev xav nyob hauv Nws cov lus, tsom ntsoov rau kev nkag siab Vajtswv txoj kev xav, thiab kev to taub thiab muab kom tau ntau qhov tseeb los ntawm Vajtswv cov lus los. Thaum nyeem Vajtswv cov lus, Petus yeej tsis tsom ntsoov kom to taub cov kev qhuab qhia li, nws tsom ntsoov tsawg heev kom tau txais kev paub lub tswv yim muaj laj thawj. Tiam sis, nws tau npaj ntsees rau kev nkag siab qhov tseeb thiab tuav kom tau Vajtswv txoj kev xav, nrog rau ua kom tiav thiab to taub Vajtswv tus moj yam thiab qhov zoo ntxim hlub. Petus kuj tau mob siab ntso kom to taub tej yam ntxwv lwj liam ntawm tib neeg los ntawm Vajtswv cov lus los, nrog rau tib neeg tus yeeb yam, lub ntsiab tseeb, thiab tej ua tsis tau zoo tiag tiag, kom thiaj li ua tau raws li Vajtswv tej kev cheem tsum kom thiaj li ua tau zoo raws Nws yam yooj yim heev. Petus tau muaj ntau qhov kev xyaum ua raws uas raug raws li Vajtswv cov lus lawm. Qhov no yog raug raws li Vajtswv txoj kev xav tshaj plaws lawm, thiab nws yog txoj hau kev zoo tshaj plaws uas ib tug tib neeg tuaj yeem koom tes thaum ntsib pom Vajtswv txoj dej num. Thaum ntsib ntau pua qhov kev sim siab uas Vajtswv xa los, Petus muab nws tus kheej tshuaj xyuas nruj heev piv rau txhua txhua lo lus ntawm Vajtswv qhov kev txiav txim thiab kev nthuav tawm txog tib neeg, thiab txhua txhua lo lus ntawm Nws cov lus txib tib neeg, thiab sib zog piav kom tau lub ntsiab ntawm cov lus ntawd. Nws tau kub siab lug ua tib zoo xav thiab cim txhua lo lus uas Yexus tau hais rau nws, thiab nws ua kom tau los zoo tshaj plaws. Los ntawm qhov xyaum ua li no, nws thiaj muaj peev xwm to taub txog nws tus kheej los ntawm Vajtswv cov lus los, thiab tsis yog nws tsuas tau los to taub tej yam ntxwv ntau yam thiab tej kev ua tsis tau zoo uas qias vuab tsuab ntawm tib neeg nkaus xwb, tab sis nws kuj tau los to taub tib neeg lub ntsiab tseem ceeb thiab tus yeeb yam thiab. Qhov no yog yam uas nws txhais tau tias yog kev to taub tseeb ntawm yus tus kheej tiag. Los ntawm Vajtswv cov lus los, Petus tsis yog ua tau tiav hlo txoj kev to taub tseeb ntawm nws tus kheej nkaus xwb, tab sis nws kuj pom Vajtswv tus moj yam ncaj ncees, yam Vajtswv muaj thiab yog, Vajtswv lub siab nyiam rau Nws txoj dej num, thiab Vajtswv cov lus txib tib neeg ntiaj teb. Los ntawm cov lus no los nws thiaj li los paub Vajtswv tiag tiag lawm. Nws tau los paub Vajtswv tus moj yam, thiab Nws lub ntsiab tseem ceeb lawm; nws tau los paub thiab to taub txog yam uas Vajtswv muaj thiab yog, nrog rau Vajtswv qhov zoo ntxim hlub thiab Vajtswv cov lus txib rau tib neeg. Txawm tias yav dhau los ntawd Vajtswv tsis hais dab tsi ntau npaum nkaus li yam uas Nws ua rau niaj hnub tam sim no los xij, yam ua tau los rau hauv tej yam no yeej raug ua tau tiav hlo rau hauv Petus lawm. Qhov no yog ib yam nrhiav nyuaj heev thiab muaj nuj nqis heev. Petus tau ua dhau ntau pua qhov kev sim siab lawm, tab sis nws tsis tau ntsib kev txom nyem yam tsis muaj txiaj ntsim li. Nws tsis yog tau los to taub nws tus kheej los ntawm Vajtswv cov lus los thiab txoj dej num nkaus xwb, tab sis nws kuj tau los paub Vajtswv thiab. Ntxiv rau qhov no, nws tau ua tib zoo tsom ntsoov rau Vajswv tej kev cheem tsum ntawm tib neeg ntiaj teb uas muaj nyob hauv Nws cov lus. Hauv yam uas tib neeg yuav tsum ua kom tau zoo raws Vajtswv thiaj li raug raws li Vajtswv txoj kev xav, Petus tau mob siab tshaj rau tej yam no thiab ua tau puv npo meej meej lawm. Qhov no yog yam muaj txiaj ntsim tshaj plaws rau nws txoj kev to taub lub neej txoj sia. Txawm Vajtswv tau hais txog yam dab tsi los xij, tsuav yog cov lus no muaj peev xwm dhau tau los ua lub neej txoj sia thiab yog qhov tseeb xwb, ces Petus yeej muaj peev xwm nchuav tej ntawd rau hauv nws lub siab los ua tib zoo xav thiab nquag qhuas tej lus ntawd tas li. Thaum tau hnov Yexus cov lus lawm, nws muaj peev xwm muab tej ntawd khaws rau hauv siab, uas qhia tau tias nws tau tsom ntsoov tshwj xeeb rau Vajtswv cov lus lawm, thiab nws ua tau tshwm sim tiav hlo rau thaum kawg. Qhov ntawd yog, nws muaj peev xwm muab Vajtswv cov lus coj los xyaum ua raws tau ywj siab, xyaum ua raws qhov tseeb yam raug zoo thiab raug raws li Vajtswv txoj kev xav, ua tau tag nrho mus raws li qhov Vajtswv txoj kev xav, thiab tso nws tus kheej tej kev xav thiab tej kev xav hauv nruab siab tseg. Hauv txoj hau kev no, Petus thiaj li paub qhov tseeb ntawm qhov muaj tseeb ntawm Vajtswv cov lus. Petus qhov kev ua dej num raug mus raws li Vajtswv txoj kev xav vim hais tias nws tau ua qhov no lawm.

Yog yus tuaj yeem ua tau zoo raws Vajtswv thaum ua yus tes dej num, yog lub hauv paus ntsiab lus hauv lawv cov lus thiab tej kev ua, thiab to taub qhov muaj tiag ntawm txhua kis ntawm qhov tseeb, ces lawv thiaj li yog ib tug neeg uas raug ua kom zoo tiav log los ntawm Vajtswv. Nws tuaj yeem hais tau tias Vajtswv txoj dej num thiab cov lus raug ua tiav rau lawv lawm, tias Vajtswv cov lus dhau los yog lawv lub neej txoj sia, lawv tau txais qhov tseeb, thiab tias lawv muaj peev xwm ua neej nyob mus raws li Vajtswv cov lus lawm. Tom qab qhov no, tus yeeb yam ntawm lawv cev nqaij daim tawv—qhov ntawd yog, lub hauv paus kiag ntawm lawv qhov chiv keeb kev muaj nyob—yuav yoj thiab vau. Tsuas yog tom qab tib neeg muaj Vajtswv cov lus rau hauv lawv lub neej txoj sia lawm xwb mas lawv thiaj li yuav dhau los ua neeg tshiab. Yog Vajtswv cov lus dhau los ua tib neeg lub neej txoj sia, yog lub zeem muag ntawm Vajtswv txoj dej num, Nws tej kev nthuav tawm thiab tej kev cheem tsum ntawm kev ua neej, thiab tej qauv rau tib neeg lub neej txoj sia uas Vajtswv cheem tsum kom tib neeg ua raws ntawd dhau los ua lawv lub neej txoj sia, yog tib neeg ua lub neej mus raws li cov lus thiab qhov tseeb no, ces lawv yeej raug ua tau kom zoo tiav log los ntawm Vajtswv xwb. Cov neeg zoo li no yog cov rov qab yug dua tshiab thiab tau dhau los ua cov tib neeg tshiab los ntawm Vajtswv cov lus. Qhov no yog txoj hau kev uas Petus tau caum raws qhov tseeb. Qhov no yog txoj hau kev ntawm kev ua kom zoo tiav log. Petus raug ua kom zoo tiav log los ntawm Vajtswv cov lus, nws tau txais lub neej txoj sia los ntawm Vajtswv cov lus los, qhov tseeb raug nthuav tawm los ntawm Vajtswv tau dhau los ua nws lub neej txoj sia, thiab nws thiaj li dhau los ua ib tug neeg tau txais qhov tseeb lawm.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Yuav Taug Petus Txoj Kev Li Cas

Vajtswv Tej Lus Txhua Hnub  Nqe Lus Uas Xaiv Tawm Los 568

Los txog ntua thaum tib neeg tau ntsib tau pom Vajtswv txoj dej num thiab to taub qhov tseeb lawm, ces nws yog Ntxwgnyoog tus yeeb yam kav thiab tswj fwm lawv los sab hauv los. Yam tshwj xeeb, uas tau los ntawm tus yeeb yam yog dab tsi? Piv txwv li, vim li cas koj thiaj li qia dub? Vim li cas koj thiaj li tiv thaiv koj tus kheej qib dej num? Vim li cas koj thiaj muaj tej kev xav hauv nruab siab tau nchav zoo li ntawd? Vim li cas koj thiaj li zoo siab xyiv fab rau tej yam tsis ncaj ncees? Vim li cas koj thiaj li nyiam cov neeg phem no? Lub hauv paus rau koj txoj kev ntshaw rau tej yam zoo li ntawd yog dab tsi? Tej yam no los qhov twg los? Vim li cas koj thiaj li zoo siab los lees txais tej ntawd ua luaj? Los txog tam sim no, nej muaj kev to taub tag nrho tias qhov laj thawj rau txhua yam ntawm tej no ces yog Ntxwgnyoog cov kuab lom nyob rau hauv tib neeg xwb. Yog li ntawd Ntxwgnyoog cov kuab lom yog dab tsi? Cov kuab lom ntawd nthuav tawm tau li cas? Piv txwv li, yog koj nug tias, “Tib neeg yuav tsum ua neej nyob li cas? Qhov tib neeg yuav tsum ua neej nyob yog dab tsi?” ces tib neeg yuav teb tias, “Txhua tus tib neeg ua rau nws tus kheej thiab tus dab phem muab tus tom qab kawg.” Kab ntawv no nthuav tawm txog lub hauv paus tiag tiag ntawm qhov teeb meem. Ntxwgnyoog lub tswv yim thiab qhov laj thawj tau dhau los ua tib neeg lub neej lawm. Txawm hais tias tib neeg yuav caum dab tsi los xij, lawv ua li ntawd rau lawv tus kheej xwb—thiab yog li ntawd lawv tsuas ua lub neej rau lawv tus kheej lawm xwb. “Txhua tus tib neeg ua rau nws tus kheej thiab tus dab phem muab tus tom qab kawg”—qhov no yog tib neeg lub tswv yim rau kev ua neej, thiab nws kuj sawv cev tam rau tib neeg tus yeeb yam thiab. Cov lus no twb dhau los ua cov tib neeg ntiaj teb qias vuab tsuab tus yeeb yam thiab cov lus ntawd yog tib neeg ntiaj teb qias vuab tsuab tus yeeb yam phem lawm. Tus yeeb yam phem no twb dhau los ua lub hauv paus rau cov tib neeg ntiaj teb qias vuab tsuab qhov muaj txoj sia nyob lawm. Tau ntau txhiab xyoo lawm, cov tib neeg ntiaj teb qias vuab tsuab no tau ua neej raws li Ntxwgnyoog qhov kuab lom no los txog ntua rau niaj hnub nim no. Txhua yam uas Ntxwgnyoog ua yog ua rau nws tus kheej txoj kev xav tau, tej kev ntshaw, thiab tej hom phiaj xwb. Nws xav kom loj tshaj Vajtswv, kom khiav dim ntawm Vajtswv, thiab txeeb tswj tag nrho txhua yam uas Vajtswv tsim. Niaj hnub no, tej no yog tej uas Ntxwgnyoog ua rau tib neeg qias vuab tsuab ntag: Lawv txhua tus puav leej muaj tus yeeb yam phem, lawv txhua tus puav leej tsis lees paub Vajtswv thiab tawm tsam Vajtswv, thiab lawv xav tswj lawv tus kheej txoj hmoo thiab sim los tawm tsam Vajtswv tej kev coj kev qhia thiab tej kev npaj. Lawv tej kev ntshaw thiab tej kev xav tau mas zoo ib yam nkaus li Ntxwgnyoog tej kiag ntag. Vim yog li ntawd, tib neeg tus yeeb yam thiaj li yog Ntxwgnyoog tus yeeb yam. Tseeb tiag, tib neeg tej paj lug thiab tej paj lug ntawd thiaj li sawv cev rau noob neej tus yeeb yam thiab qhia txog lub ntsiab tseeb ntawm noob neej txoj kev qias vuab tsuab. Tej uas tib neeg xaiv ntawd yog tej uas lawv tus kheej nyiam xwb, thiab tej ntawd puav leej sawv cev rau tib neeg tus moj yam thiab txoj kev caum. Nyob rau hauv txhua lo lus uas ib tug tib neeg hais, thiab nyob rau hauv txhua yam uas lawv ua ntawd mas, txawm nws yuav qias npaum li cas los xij, qhov ntawd yeej npog tsis tau lawv tus yeeb yam li. Piv txwv li, feem ntau cov Falixais yeej qhuab qhia tau zoo heev, tiam sis thaum lawv hnov cov lus qhuab qhia thiab qhov tseeb uas Yexus nthuav tawm, ces tsis hais tias lees txais tej ntawd hos, lawv cia li teem txim rau tej ntawd. Qhov no muab cov Falixais tus yeeb yam thiab lub ntsiab tseeb uas dhuav thiab ntxub qhov tseeb ntawd qhia tshwm. Ib txhia tib neeg mas hais tau lus zoo heev thiab txawj zais lawv tus kheej heev, tiam sis tom qab lwm cov koom nrog lawv ua ke ib ntus lawm, ces lwm cov yuav paub hais tias lawv tus yeeb yam mas txawj ntxias heev thiab coj tsis ncaj. Tom qab uas koom nrog lawv ua ke tau ntev lawm, ces txhua tus puav leej pom lawv lub ntsiab tseeb thiab tus yeeb yam lawm. Nyob rau thaum kawg, lwm cov thiaj li tau cov lus xaus xws li nram qab no tias: Lawv yeej tsis hais ib lo lus tseeb li, thiab txawj dag. Kab lus no sawv cev rau tib neeg tus yeeb yam thiab nws yog kev piav qhia rau pom thiab ua pov thawj txog lawv tus yeeb yam thiab lub ntsiab tseem ceeb. Lawv lub tswv yim rau txoj kev ua neej tsis qhia rau txhua tus txog qhov tseeb, thiab tsis ntseeg siab rau leej twg li. Tib neeg tus yeeb yam phem mas muaj tej tswv yim tsis zoo thiab tej kuab lom. Tej thaum koj tus kheej yeej tsis ras txog tej ntawd li, thiab yeej tsis to taub tej ntawd li; txawm li ntawd los xij, txhua txhua lub sij hawm ntawm koj lub neej txoj sia yog mus raws li tej no xwb. Tshaj qhov no lawm, koj xav tias tej no yeej yog thiab muaj qab hau lawm, thiab yeej tsis muaj ib qho ua yuam kev hlo li. Qhov no txaus qhia tau lawm tias Ntxwgnyoog tej tswv yim tau dau los ua tib neeg tus yeeb yam lawm, thiab tias lawv ua neej nyob mus raws li tej ntawd li lawm, xav hais tias txoj kev ua neej zoo li no yeej zoo lawm, thiab yeej tsis muaj ib txoj kev xav los lees txim hloov dua siab tshiab kiag li. Yog li ntawd, lawv thiaj li nthuav tawm lawv tus yeeb yam phem xwm yeem tas li, thiab lawv ua lub neej raws li Ntxwgnyoog tej tswv yim xwm yeem tas mus li. Ntxwgnyoog tus yeeb yam yog tib neeg lub neej txoj sia, thiab nws yog tib neeg tus yeeb yam thiab lub ntsiab tseeb.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Yuav Taug Petus Txoj Kev Li Cas

Vajtswv Tej Lus Txhua Hnub  Nqe Lus Uas Xaiv Tawm Los 569

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb

Vajtswv Tej Lus Txhua Hnub  Nqe Lus Uas Xaiv Tawm Los 570

Lub hom phiaj ntawm txoj kev qhia qhov tseeb kom meej meej ntawd yog los pab kom tib neeg to taub thiab xyaum ua raws qhov tseeb thiab hloov pauv tau lawv tus moj yam xwb. Nws tsis yog coj qhov kaj thiab kev zoo siab me ntsis los rau hauv lawv lub siab thaum lawv to taub qhov tseeb lawm xwb. Yog koj to taub qhov tseeb tiam sis tsis xyaum ua raws qhov tseeb ntawd li, ces qhov qhia qhov tseeb thiab to taub qhov tseeb ntawd tsis muaj qab hau dab tsi li. Qhov teeb meem yog dab tsi thaum tib neeg to taub qhov tseeb tiam sis tsis muab qhov tseeb ntawd coj los xyaum ua raws nas? Qhov no ua pov thawj qhia tias lawv tsis nyiam qhov tseeb, tias hauv lawv lub siab, lawv tsis lees txais qhov tseeb, txawm yog qhov twg los lawv yuav tsis tau txais Vajtswv tej koob hmoov thiab lub hwv tsam uas los tau txoj kev cawm dim li. Qhov tib neeg yuav tau txais txoj kev cawm dim los sis tsis tau ntawd, qhov tseem ceeb ces yog qhov seb lawv puas muaj peev xwm lees txais thiab xyaum ua raws qhov tseeb xwb. Yog koj tau muab txhua qhov tseeb uas koj to taub ntawd coj los xyaum ua raws, ces koj yuav tau txais Vajntsujplig txoj kev qhuab qhia, kev to taub zoo thiab kev coj qhia, thiab yuav muaj peev xwm to taub txog qhov muaj tiag ntawm qhov tseeb, thiab yuav to taub txog qhov tseeb tob dua, thiab yuav tau txais qhov tseeb thiab Vajtswv txoj kev cawm dim. Ib txhia tib neeg mas tsis muaj peev xwm xyaum ua raws qhov tseeb li, lawv pheej yws hais tias Vajntsujplig mas nim tsis qhia lawv li los sis tsis qhia kom lawv paub qhov tseeb li, tias Vajtswv mas nim tsis muab lub zog rau lawv li. Qhov no tsis yog lawm; qhov no yog kev to taub Vajtswv yuam kev lawm. Vajntsujplig txoj kev qhuab qhia thiab kev to taub zoo ntawd yog tsim los ntawm lub hauv paus ntawm tib neeg txoj kev koom tes. Tib neeg yuav tsum ua siab dawb paug, thiab txaus siab hlo los xyaum ua raws qhov tseeb, thiab txawm lawv txoj kev to taub yuav tob los sis ntiav los xij, lawv yuav tsum muaj peev xwm muab qhov tseeb ntawd coj los xyaum ua raws. Tsuas yog thaum ntawd xwb Vajntsujplig thiaj li qhia tau lawv thiab qhia kom lawv paub qhov tseeb. Yog tib neeg to taub qhov tseeb tiam sis tsis muab qhov tseeb ntawd coj los xyaum ua raws li—yog lawv tsuas tos kom Vajntsujplig ua thiab yuam kom lawv muab qhov tseeb ntawd coj los xyaum ua raws xwb—ces tsis yog lawv tsis ua hauj lwm kiag li lod? Vajtswv yeej tsis muaj hnub yuam tib neeg ua ib yam dab tsi li. Yog tib neeg to taub qhov tseeb tiam sis tsis txaus siab hlo muab qhov tseeb ntawd coj los xyaum ua raws li, ces qhov no qhia tau hais tias lawv tsis nyiam qhov tseeb, los sis tias lawv tus yam ntxwv tsis zoo thiab muaj qee yam txhaws lawm. Tiam sis yog tib neeg muaj peev xwm thov Vajtswv no, Vajtswv kuj yuav ua thiab; tsuas yog lawv tsis txaus siab hlo xyaum ua raws qhov tseeb thiab kuj ho tsis thov Vajtswv li thiab xwb ces Vajntsujplig thiaj li yuav tsis ua hauj lwm nyob rau hauv lawv. Tseeb tiag, txawm tib neeg yuav muaj hom kev nyuaj dab tsi los xij, yeej yuav tsum daws tau xwb; qhov tseem ceeb ces yog seb lawv puas muaj peev xwm xyaum ua raws li qhov tseeb los sis tsis muaj xwb. Niaj hnub no, tej teeb meem ntawm txoj kev qias vuab tsuab uas nyob rau hauv nej ntawd tsis yog ib tug kab khees xaws, tej teeb meem ntawd tsis yog ib yam kab mob uas kho tsis tau. Yog nej txiav txim siab los xyaum ua raws qhov tseeb tau, ces nej yeej yuav tau txais Vajntsujplig tes hauj lwm, thiab yeej yuav hloov pauv tau tus moj yam qias vuab tsuab no xwb. Txhua yam yog nyob ntawm qhov seb koj txiav txim siab puas tau los xyaum ua raws qhov tseeb xwb, qhov no yog qhov tseem ceeb. Yog koj xyaum ua raws qhov tseeb, yog koj taug txoj kev uas caum qhov tseeb, ces koj yuav muaj peev xwm los txais Vajntsujplig tes hauj lwm, thiab yeej yuav raug cawm dim xwb xwb li. Yog txoj kev koj taug ntawd yog txoj tsis yog lawm, ces koj yuav plam Vajntsujplig tes hauj lwm ntag, ib kauj ruam tsis yog xwb yuav ua rau yuam kev mus rau lwm txoj lawm, thiab koj yuav tag li ntawd lawm xwb, thiab txawm koj yuav ntseeg mus pes tsawg xyoo ntxiv los xij, koj yuav tsis tau txais txoj kev cawm dim li lawm. Piv txwv li, thaum lawv ua hauj lwm, ib txhia tib neeg yeej tsis xav txog qhov yuav ua tes hauj lwm ntawd li cas kom muaj txiaj ntsim rau Vajtswv lub tsev thiab mus raws li Vajtswv lub siab nyiam li—vim li ntawd qhov lawv ua ntau tshaj ces yog ua siab twm xeeb thiab ua phem xwb, qhov ntawd Vajtswv tsis nyiam thiab Vajtswv ntxub heev; thiab qhov ua li ntawd, lawv twb raug muab nthuav tawm thiab muab ntiab tawm mus lawm. Yog tib neeg muaj peev xwm nrhiav qhov tseeb thiab xyaum ua raws li qhov tseeb nyob rau hauv txhua yam lawm, ces lawv twb taug tau txoj kev yog ntawm txoj kev ntseeg Vajtswv lawm, yog li ntawd thiaj li muaj kev cia siab txog qhov yuav dhau los ua ib tug neeg uas ua tau raws li Vajtswv lub siab nyiam. Ib txhia tib neeg mas to taub qhov tseeb tiam sis tsis muab qhov tseeb ntawd coj los xyaum ua raws li. Tiam sis, lawv ho ntseeg tias qhov tseeb tsis muaj dab tsi tshaj qhov no li, thiab tsis muaj peev xwm daws tau lawv tus kheej tej kev xav thiab tus moj yam qias vuab tsuab. Cov tib neeg zoo li no tsis txaus luag lod? Tsis yog lawv ua tshaj dhau lawm lod? Tsis yog lawv xav tias lawv ntse tshaj txhua tus lawm lod? Yog tib neeg muaj peev xwm ua raws li qhov tseeb, ces yeej hloov pauv tau lawv tus moj yam qias vuab tsuab xwb. Yog lawv txoj kev ntseeg thiab kev ua dej num rau Vajtswv ntawd mus raws li lawv tus kheej tus cwj pwm xwb, ces lawv yeej yuav tsis muaj ib tug muaj peev xwm hloov pauv tau lawv tus moj yam li. Muaj ib txhia tib neeg mas txhawj txog lawv tus kheej tej kev xaiv yuam kev tag hnub li. Txawm yog qhia ib qho tseeb xwb los, lawv yeej tsis xav txog qhov tseeb ntawd ib qho los sis sim muab qhov tseeb ntawd coj los xyaum ua raws li, tiam sis ho pheej xaiv lawv tus kheej txoj kev xwb. Qhov coj tus cwj pwm zoo li no cas yuav yog ib txoj kev uas ruam ua luaj li; tseeb tiag, lawv yeej tsis paub ib yam zoo thaum lawv pom yam zoo ntawd li, thiab yeej npaj mus muaj lub neej tsis zoo lawm. Kev xyaum ua raws qhov tseeb yooj yim npaum li ntawd; txawm koj yuav xyaum ua raws los sis tsis xyaum los xij nws tseem ceeb npaum li ntawd. Yog tias koj yog ib tug neeg uas twb txiav txim siab los xyaum ua raws qhov tseeb lawm, ces koj txoj kev xav phem, txoj kev tsis muaj peev xwm thiab tus moj yam qias vuab tsuab yuav maj mam daws tau thiab hloov pauv mus; qhov no yog nyob ntawm seb koj lub siab puas nyiam qhov tseeb los sis tsis nyiam, seb koj puas muaj peev xwm los lees txais qhov tseeb los sis tsis muaj, seb koj puas tuaj yeem raug kev txom nyem thiab tiv ib txoj kev txom nyem kom tau txais qhov tseeb los sis tsis tuaj yeem xwb. Yog koj yeej nyiam qhov tseeb tiag tiag, ces koj yuav muaj peev xwm tiv txhua hom kev mob siab kom tau txais qhov tseeb ntawd xwb, txawm tib neeg yuav thuam, txiav txim, los sis tso tseg los xij. Koj yuav tsum ua siab ntev thiab ua tiag tiv qhov no; mas Vajtswv thiaj li yuav foom koob hmoov thiab tiv thaiv koj, Nws yuav tsis tso koj tseg los sis tsis quav ntsej koj li—qhov no yeej muaj tseeb. Yog koj thov Vajtswv los ntawm ib lub siab uas ntshai Nws, vam khom rau Vajtswv thiab hwm Vajtswv, ces yeej yuav tsis muaj ib yam dab tsi uas koj yuav mus tsis dhau li. Tej zaum koj yuav muaj ib tug moj yam qias vuab tsuab, thiab tej zaum koj yuav ua txhaum, tiam sis yog koj muaj ib lub siab uas ntshai Vajtswv, thiab yog koj ua tib zoo taug txoj kev uas caum qhov tseeb, ces koj yeej yuav muaj peev xwm sawv khov kho, thiab Vajtswv yeej yuav coj thiab tiv thaiv koj xwb xwb li.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb

Vajtswv Tej Lus Txhua Hnub  Nqe Lus Uas Xaiv Tawm Los 571

Yog koj xav kom to taub qhov tseeb, nws tseem ceeb heev uas koj yuav tsum paub tias yuav noj thiab haus Vajtswv cov lus li cas. Yog koj nyeem Vajtswv cov lus tsawg dhau heev lawm, tsis mob siab nyeem cov lus ntawd, thiab tsis ua tib zoo xav cov lus ntawd los ntawm koj lub siab, ces koj yuav tsis muaj peev xwm to taub qhov tseeb. Tag nrho qhov koj muaj peev xwm to taub ces tsuas yog kev qhuab qhia me ntsis xwb, ces yog li nws yuav ua rau koj to taub Vajtswv txoj kev xav thiab Vajtswv lub hom phiaj nyob rau hauv Nws cov lus tau nyuaj heev. Yog koj tsis to taub cov hom phiaj thiab qhov tshwm sim uas Vajtswv cov lus npaj tsim ua kom tiav, yog koj tsis to taub yam Nws cov lus nrhiav xav ua kom tiav thiab ua kom tib neeg zoo tiav log, yog koj tsis to taub tej no, ces nws ua pov thawj qhia tau tias koj tseem tsis tau nkag siab qhov tseeb li. Vim li cas Vajtswv thiaj li hais yam Nws hais ntawd? Vim li cas Nws thiaj hais hauv lub suab ntawd? Vim li cas Nws thiaj li mob siab hlo thiab ua siab dawb paug rau hauv txhua lo lus uas Nws hais? Vim li cas Nws thiaj xaiv siv qees cov lus xwb? Koj puas paub thiab? Yog koj tsis tuaj yeem hais tau tseeb tiag, nws txhais tias koj tsis to taub Vajtswv txoj kev xav los sis Nws cov kev xav. Yog koj tsis to taub lub ntsiab nram qab Nws cov lus, ces koj yuav muaj peev xwm to taub los sis xyaum ua raws qhov tseeb tau li cas? Yuav kom tau txais qhov tseeb mas, koj yuav tsum xub to taub seb Vajtswv hais li cas nyob rau hauv txhua txoj lus uas Nws hais tawm, ces tom qab ntawd muab coj los xyaum ua raws, ua kom Vajtswv cov lus ciaj sia nyob rau hauv koj, thiab rais los ua qhov muaj tiag rau koj. Qhov ua li ntawd ces koj thiaj li yuav to taub qhov muaj tiag ntawm qhov tseeb. Tsuas yog thaum koj muaj ib qho kev to taub txhij txhua ntawm Vajtswv txoj lus lawm xwb ces koj thiaj li tuaj yeem to taub qhov tseeb. Tom qab tau los to taub ob peb npe ntawv thiab tej kev qhuab qhia lawm, koj xav tias koj to taub qhov tseeb thiab muaj qhov tseeb lawm. Qhov no yog kev dag ntxias yus tus kheej. Koj haj tseem tsis to taub tias vim li cas Vajtswv cheem tsum kom tib neeg xyaum ua raws qhov tseeb. Qhov no ua pov thawj qhia tias koj tsis to taub Vajtswv txoj kev xav, thiab tias koj tseem tsis to taub qhov tseeb. Tseeb tiag, Vajtswv tsim qhov kev cheem tsum no rau tib neeg los ntxuav lawv kom dawb huv thiab cawm lawv, kom tib neeg thiaj li tshem tau lawv tus moj yam qias vuab tsuab tawm, thiab rais los ua cov uas paub thiab mloog Vajtswv lus. Qhov no yog lub hom phiaj uas Vajtswv xav ua kom tiav los ntawm qhov cheem tsum kom tib neeg xyaum ua raws qhov tseeb.

Vajtswv nthuav tawm qhov tseeb rau cov tib neeg uas nyiam qhov tseeb, nqhis qhov tseeb, thiab nrhiav qhov tseeb. Ntawm cov uas txhawj xeeb txog lawv tus kheej nrog rau cov npe ntawv thiab tej kev qhuab qhia thiab nyiam hais lus ntev ntev, khav theeb, lawv yuav muab tsis tau qhov tseeb li; lawv tab tom dag lawv tus kheej xwb. Lawv txoj kev xam pom txog qhov tseeb thiab Vajtswv cov lus ntawd mas yuam kev lawm, lawv tig lawv lub caj dab mus nyeem qhov yog xwb—lawv txoj kev xam pom mas puav leej yuam kev tag nrho lawm. Ib txhia tib neeg xum kawm Vajtswv cov lus. Lawv ib txwm kawm seb Vajtswv cov lus tham txog lub hom phiaj los sis txog qhov yuav tau txais koob hmoov li cas. Lawv mas xav paub cov lus no tshaj plaws li. Yog Vajtswv cov lus tsis mus raws li lawv tej kev xav phem thiab tsis tau raws li lawv txoj kev ntshaw rau cov koob hmoov, ces lawv yuav xav phem, tsis caum raws qhov tseeb mus ntxiv, thiab tsis xav fij rau Vajtswv lawm. Nov qhia tau tias lawv tsis muaj siab rau qhov tseeb. Raws li qhov tshwm sim, lawv tsis mob siab coj raws li qhov tseeb tiag tiag; lawv tsuas muaj cuab kav lees txais qhov tseeb uas mus raws li lawv tej kev xav phem thiab kev xav hauv nruab siab xwb. Txawm cov tib neeg zoo li no mob siab heev rau lawv txoj kev ntseeg Vajtswv thiab sim txhua txoj kev uas lawv tuaj yeem ua qee yam zoo thiab qhia lawv tus kheej zoo rau lwm tus los, lawv tsuas ua nws txhawm rau kev tau txais ib txoj hauv kev kawg zoo rau lub neej tom ntej xwb. Tseeb tiag txawm lawv kuj muaj feem koom rau hauv lub neej ntawm pawg ntseeg, noj thiab haus Vajtswv cov lus los xij, lawv yuav tsis xyaum ua raws li qhov tseeb los sis tau txais qhov tseeb li. Muaj ib txhia tib neeg uas noj thiab haus Vajtswv cov lus, tiam sis tsuas yog los ntawm tej kev xav phem xwb; lawv xav tias lawv muab tau qhov tseeb los ntawm kev to taub ob peb npe ntawv thiab tej kev qhuab qhia. Cas lawv yuav ruam ua luaj li! Vajtswv txoj lus yog qhov tseeb. Txawm li cas los xij, yog koj muab tsis tau qhov tseeb los ntawm qhov noj thiab haus Vajtswv cov lus, ces yam koj muab tau yuav yog cov npe ntawv thiab tej kev qhuab qhia xwb. Koj tsis paub tias kev muab tau qhov tseeb txhais tau li cas. Tej zaum koj yuav tuav cov lus ntawm Vajtswv nyob rau hauv koj xib teg, tiam sis tom qab tau nyeem cov lus ntawd lawm koj tseem tsis to taub Vajtswv txoj kev xav, koj tsuas tau txais qee cov npe ntawv thiab tej kev qhuab qhia xwb. Yog koj tsis paub tias yuav xyaum ua raws qhov tseeb li cas los sis yuav coj raws cov hauv paus ntsiab lus li cas, ces koj tseem tsis muaj qhov muaj tiag ntawm qhov tseeb. Koj yuav tau nquag nyeem Vajtswv cov lus, tab sis tom qab ntawd, koj tseem tsis to taub Vajtswv txoj kev xav, thiab tsuas paub qee cov ntaub ntawv thiab cov lus qhuab qhia xwb. Yuav noj thiab haus Vajtswv cov lus li cas thiaj li to taub qhov tseeb? Ua ntej tshaj plaws, koj yuav tsum paub tias Vajtswv txoj lus tsis yog ncaj ncaj; Vajtswv txoj lus mas tob heev. Txawm ib sob lus ntawm Vajtswv cov lus xwb los yeej cheem tsum tag nrho ib sim neej mas thiaj li paub. Yog tsis paub kom ntau lub xyoo, es koj yuav ua li cas to taub Vajtswv txoj lus? Yog, thaum nyeem Vajtswv cov lus, koj tsis to taub Vajtswv txoj kev xav, thiab tsis to taub cov kev xav ntawm Nws cov lus, lawv qhov chaw chiv thawj, qhov tshwm sim uas lawv xav nrhiav kom tau, los sis yam uas lawv nrhiav ua kom tiav, ces qhov ntawd puas txhais tau tias koj to taub qhov tseeb? Tej zaum koj tau nyeem Vajtswv cov lus ntau zaus lawm thiab tej zaum koj tuaj yeem nco tau ntau nqe rau lub siab, tiam sis koj tsis tuaj yeem xyaum ua raws li qhov tseeb thiab tsis tau hloov kiag li, thiab koj txoj kev sib raug zoo nrog Vajtswv mas tseem nrug deb thiab mus deb heev li yav dhau los. Thaum ntsib qee yam uas tsis haum nrog koj tej kev xav phem, koj tseem ua xyem xyav rau Nws, thiab koj tsis to taub Nws, tab sis nrog Nws sib cam thiab zais tej kev xav phem txog Nws thiab to taub Nws yuam kev, tawm tsam Nws thiab haj tseem hais lus tuam mom Nws thiab. Hom moj yam no yog dab tsi? Tus moj yam no yog ib qho kev khav theeb, kev dhuav qhov tseeb. Cov tib neeg uas khav theeb tshaj thiab dhuav qhov tseeb tshaj ntawd tuaj yeem lees txais los sis xyaum ua raws qhov tseeb li cas? Cov tib neeg zoo li no yeej tsis muaj peev xwm tau txais qhov tseeb los sis Vajtswv hlo li.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb

Vajtswv Tej Lus Txhua Hnub  Nqe Lus Uas Xaiv Tawm Los 572

Tau hais lawm tias “Tus uas raws qab mus txog qhov kawg ces yuav raug cawm,” tab sis qhov no puas yooj yim muab coj los xyaum ua mas? Nws tsis yooj yim, thiab ntau tus uas raug tus zaj loj liab ploog ntawd caum tua thiab tsim txom cia li me siab thiab ntshai raws Vajtswv qab lawm. Vim li cas lawv thiaj li ntog lawm? Vim lawv tsis muaj txoj kev ntseeg tiag tiag. Ib txhia tib neeg mas lees txais tau qhov tseeb, thov Vajtswv, vam khom rau Vajtswv, thiab lawv sawv khov kho thaum raug tej kev sim siab thiab kev ceeb laj txom nyem, hos ib txhia mas raws tsis tau kom mus txog qhov kawg. Mus txog qee theem thaum raug tej kev sim siab thiab kev ceeb laj txom nyem, ces lawv yuav ntog, plam lawv tej lus tim khawv, thiab tsis muaj peev xwm tsa kom lawv tus kheej sawv los thiab mus txuas ntxiv li lawm. Txhua yam uas tshwm sim rau txhua hnub, loj los sis me, uas muaj peev xwm ua tau kom koj txoj kev txiav txim siab ruaj khov ntawd co qig txoog, nyob hauv koj lub siab, los sis txwv koj qhov peev xwm ua koj tes dej num thiab koj qhov kev nce qib lawm tom ntej mas cheem tsum kev saib xyuas kom zoo; koj yuav tsum ua tib zoo ntsuam xyuas tej ntawd kom zoo thiab nrhiav qhov tseeb. Tej no ces yog tag nrho tej teeb meem uas yuav tsum tau muab daws thaum koj tau ntsib tau pom lawm. Ib txhia neeg cia li xav phem, yws, thiab tso lawv tes dej num tseg thaum lawv ntsib tej kev nyuaj, thiab lawv tsis muaj peev xwm nkag rov qab los sawv tau tom qab ib qho teeb meem. Tag nrho cov neeg no yog cov neeg ruam uas tsis nyiam qhov tseeb, thiab lawv yuav muab tsis tau nws txawm yuav yog ib tiam neeg ntawm txoj kev ntseeg los xij. Cov neeg ruam li ntawd yuav ua cas raws qab mus txog qhov kawg mas? Yog ib yam twg tshwm sim rau koj kaum zaus, tab sis koj tsis tau ib qho dab tsi los ntawm nws li, ces koj yog ib tug neeg dog dig, neeg tsis muaj nuj nqis dab tsi li. Cov neeg ntse thiab cov uas muaj peev xwm tiag uas to taub tej xwm txheej sab ntsujplig yog cov nrhiav qhov tseeb; yog muaj dab tsi tshwm sim rau lawv kaum zaus, ces, tej zaum nyob rau yim qhov ntawd, lawv yuav muaj peev xwm muab tau tej yam kev tig ras to taub, kawm tau qee yam kev qhia, to tau qee qhov tseeb, thiab muaj qee yam kev nce qib. Thaum muaj tej yam tshwm sim rau ib tug neeg ruam kaum zaus—tus uas tsis to taub tej xwm txheej sab ntsuj plig—ces yeej tsis muaj ib zaug uas nws yuav muaj txiaj ntsim rau lawv lub neej li, yeej tsis muaj ib zaug uas nws hloov tau lawv li, thiab yeej tsis muaj ib zaug uas nws ua rau lawv paub lawv lub ntsej muag phem li, txawm yog qhov twg los lawv tag li ntawd lawm xwb. Txhua zaus uas muaj dab tsi tshwm sim rau lawv, lawv ntog vig voog xwb, thiab txhua zaus uas lawv ntog, yuav tsum muaj lwm tus los txhawb lawv thiab ntxias lawv; yog tsis muaj kev txhawb thiab kev ntxias, ces lawv yeejsawv tsis taus li. Yog hais tias, txhua zaus ua muaj ib yam dab tsi tshwm sim, ces lawv muaj kev phom sij rau qhov yuav ntog xwb, thiab yog hais tias, txhua zaus, lawv muaj kev phom sij qhov uas yuav raug kev puas ntsoog, ces qhov ntawd tseem tsis yog qhov kawg ntawm lawv thiab lod? Puas muaj lwm yam laj thawj dab tsi rau cov neeg uas siv tsis tau ntawd kom raug cawm? Vajtswv txoj kev cawm dim rau noob neej yog ib txoj kev cawm dim rau cov uas nyiam qhov tseeb, ib txoj kev cawm dim rau qhov ntawm lawv uas muaj kev npaj siab thiab kev txiav txim siab ruaj khov, thiab lawv qhov kev ntshaw qhov tseeb thiab txoj kev ncaj ncees nyob hauv lawv lub siab. Ib tug neeg qhov kev txiav txim siab ruaj khov yog ib qho ntawm lawv nyob rau hauv lawv lub siab uas ntshaw txoj kev ncaj ncees, txoj kev zoo, thiab qhov tseeb, thiab muaj qhov kev txawj xav txog qhov zoo qhov phem. Vajtswv cawm qhov no ntawm tib neeg, thiab los ntawm nws, Nws hloov lawv tus moj yam qias vuab tsuab, es kom lawv to taub thiab muab tau qhov tseeb, es kom lawv tus moj yam qias vuab tsuab thiaj raug ntxuav kom huv, es lawv tus moj yam ntawm lub neej txoj sia thiaj li hloov. Yog koj tsis muaj tej no nyob rau hauv koj, ces koj yuav tsis raug cawm. Yog hais tias, nyob rau hauv koj, tsis muaj kev nyiam qhov tseeb los sis txoj kev ntshaw kom muaj txoj kev ncaj ncees thiab qhov kev kaj; yog hais tias, thaum twg los xij uas koj ntsib kev phem, koj tsis muaj lub siab tawv txaus muab tej yam phem ntawd cuam pov tseg los sis qhov kev txiav txim siab ruaj khov los tiv kev txom nyem; yog hais tias, tshaj qhov ntawd, koj txoj kev xav txog qhov zoo qhov phem ntawd loog tag lawm; yog hais tias koj lub tswv yim siv txais qhov tseeb kuj loog tag lawm, thiab yeej tsis paub txog qhov tseeb thiab txog tej xwm txheej uas tshwm sim tuaj; thiab yog hais tias koj yeej thoob tsib txog txhua yam xwm txheej, thiab thaum ntsib ib yam dab tsi uas ua rau koj ntog es koj tsis muaj peev xwm los nrhiav qhov tseeb los daws teeb meem thiab pheej xav phem tas li, ces yuav tsis muaj kev cawm tau koj li lawm. Ib tug neeg zoo li ntawd tsis muaj ib yam dab tsi uas yuav hais lus zoo rau lawv tau li, tsis muaj ib yam dab tsi uas tsim nyog Vajtswv ua hauj lwm rau li. Lawv txoj kev txawj xav txog qhov zoo qhov phem ntawd loog tag lawg lawm, lawv lub siab lo av nkos tag lawm, thiab lawv tsis nyiam qhov tseeb, los sis tsis ntshaw txoj kev ncaj ncees nyob tob hauv lawv lub siab, thiab txawm Vajtswv yuav hais meej thiab tshab npaum li cas txog qhov tseeb los xij, lawv yeej tsis muaj ib lo lus teb me me kiag li, cuag nkaus li lawv lub siab twb tuag lawm xwb. Tej no tseem tsis yog tag rau lawv lawm thiab lod? Ib tug neeg uas tshuav ib txoj pab nyob hauv lawv ces yeej siv tej cuab yeej pab ua pa cawm tau, tab sis, yog lawv twb tuag lawm thiab lawv tus ntsuj twb tawm mus lawm, ces tej cuab yeej pab ua pa yeej ua tsis tau dab tsi li. Thaum ntsib teeb meem thiab tej kev nyuaj lawm, yog ib tug tib neeg twg thim rov qab thiab zam tej teeb meem ntawd, lawv tsis nrhiav qhov tseeb hlo li, thiab lawv xaiv ua qhov tsis zoo thiab tsis ua lawv tes hauj lwm, ces yog lawv nthuav tawm tias lawv zoo li cas tiag tiag. Cov tib neeg zoo li no tsis muaj kev ntsib kev pom los sis lus tim khawv kiag li. Lawv tsuas yog cov neeg uas vam khom lwm tus, yog lub nra hnyav heev xwb, lawv tsis muaj nuj nqis nyob rau hauv Vajtswv lub tsev li, thiab lawv yeej yuav zoo li ntawd tiag tiag. Tsuas yog cov uas tuaj yeem nrhiav qhov tseeb los daws teeb meem xwb mas thiaj li yog cov tib neeg uas muaj lub siab, thiab tsuas yog lawv xwb mas thiaj li tuav tau tej lus tim khawv ruaj. Thaum koj ntsib teeb meem thiab tej kev nyuaj, koj yuav tsum ua siab txias txias rau tej ntawd, thiab xav txog tej ntawd kom yog, thiab koj yuav tsum xaiv. Koj yuav tsum kawm kom paub siv qhov tseeb los daws teeb meem. Txawm qhov tseeb uas koj ib txwm to taub ntawd yuav tob los sis ntiav los xij, koj yuav tsum siv qhov tseeb ntawd. Qhov tseeb tsis lam yog cov lus uas tawm ntawm koj lub qhov ncauj los thaum muaj qee yam tshwm sim rau koj xwb, los sis qhov tseeb ntawd tsis yog siv nthuav tawm los daws lwm tus tej teeb meem xwb; tiam sis, yog siv qhov tseeb ntawd los daws teeb meem thiab tej kev nyuaj uas koj muaj. Qhov ntawd yog qhov uas tseem ceeb tshaj plaws. Thiab tsuas yog thaum koj daws tau koj tus kheej tej teeb meem lawm xwb mas koj thiaj li yuav muaj peev xwm mus daws tau lwm tus tej teeb meem. Vim li cas thiaj hais tias Petus yog ib lub txiv? Vim hais tias muaj tej yam muaj nuj nqis nyob rau hauv nws, tej yam tsim nyog muab kho kom zoo tiav log; Nws nrhiav qhov tseeb hauv txhua yam, muaj kev txiav txim siab, thiab ua lub siab tawv qhawv; nws muaj qhov laj thawj, txaus siab tiv kev txom nyem, thiab nyiam qhov tseeb nyob rau hauv nws lub siab; nws tsis tso txhua yam uas tau tshwm sim lawm tseg, thiab nws muaj peev xwm kawm paub los ntawm txhua yam. Tej no puav leej yog yam zoo. Yog koj tsis muaj cov kev zoo no ib qho li, ces txhais tau hais tias muaj teeb meem lawm. Qhov koj yuav tau txais qhov tseeb thiab raug cawm dim ntawd mas yuav tsis yooj yim. Yog koj tsis paub xyov yuav ua li cas los sis tsis muaj kev paub li, ces koj yuav tsis muaj peev xwm daws lwm tus tib neeg tej kev nyuaj li. Vim koj tsis muaj peev xwm xyaum ua raws thiab paub Vajtswv cov lus, thiab tsis paub xyov yuav ua li cas thaum muaj tej yam tshwm sim rau koj, ces cia li chim siab—los kua muag—thaum koj ntsib teeb meem, thiab xav phem thiab khiav kom deb thaum koj raug qee yam uas tsis tshua zoo, thiab tsis muaj peev xwm xav kom yog mus ib txhis li lawm—vim yog txhua yam no, yeej yuav tsis muaj hnub uas koj yuav to taub qhov tseeb txog lub neej txoj sia li. Koj yuav ua li cas pab cuam tau lwm tus yog tsis muaj kev to taub lub neej txoj sia? Yuav kom pab cuam tau rau tib neeg lub neej txoj sia mas, koj yuav tsum paub qhov tseeb kom meej meej thiab muaj peev xwm paub tej hauv paus ntsiab lus ntawm txoj kev xyaum ua raws kom meej meej mas thiaj li yuav daws tau teeb meem. Hais txog tus neeg uas muaj siab muaj ntsws, ces koj tsuas hais me ntsis xwb, ces lawv yeej nkag siab lawm. Tiam sis yog tsuas to taub qhov tseeb me ntsis xwb yuav daws tsis tau. Lawv kuj yuav tsum muaj txoj kev thiab tej hauv paus ntsiab lus ntawm txoj kev xyaum ua raws thiab. Tsuas yog qhov no xwb thiaj li yuav pab lawv xyaum ua raws li qhov tseeb. Tab txawm thaum tib neeg to taub txhua yam ntawm sab ntsujplig, thiab tsuas yog hais ob peb lo lus xwb es lawv twb to taub tej ntawd lawm los xij, yog lawv tsis xyaum ua raws li qhov tseeb ces lawv yeej tsis muaj kev to taub qhov tseeb txog lub neej txoj sia li. Yog lawv lees txais tsis tau qhov tseeb ces lawv tag li ntawd lawm xwb, ces lawv yeej yuav tsis muaj hnub muaj peev xwm to taub txog qhov muaj tiag ntawm qhov tseeb li. Koj tuav tau qee tus neeg txhais tes thaum koj qhia lawv, mas ntxim zoo li lawv to taub thaum lub sij hawm ntawd, tiam sis kiag thaum koj tso lawv tseg lawm, ces lawv rov qab paub tsis meej dua lawm. Qhov no tsis yog ib tug neeg uas to taub txog tej ntawm sab ntsujplig. Txawm koj yuav ntsib teeb meem dab tsi los xij, yog koj xav phem thiab qaug zog, ces koj tsis muaj lus tim khawv kiag li, thiab koj tsis koom tes nrog yam uas koj yuav tsum ua thiab yam uas koj tsim nyog koom tes nrog, ces qhov no ua pov thawj qhia tau hais tias koj tsis muaj Vajtswv nyob rau hauv koj lub siab, thiab koj tsis yog ib tug neeg uas nyiam qhov tseeb. Txawm Vajntsujplig tes hauj lwm yuav txhawb tib neeg lub siab li cas los xij, tsuas yog tau ntsib tau pom Vajtswv tes hauj lwm tau ntau xyoo, mloog ntau qhov tseeb, muaj ib lub siab uas txawj xav me ntsis, thiab vam khom rau kev tswj yus tus kheej xwb, ces yam tsawg kawg tib neeg yuav tsum muaj peev xwm ua tau raws li cov qauv thiab tsis raug lawv lub siab cem lawm. Tib neeg yuav tsum tsis txhob tsis paub thiab qaug zog li tam sim no, thiab nws yog ib yam uas xav tsis tawm li tias lawv muaj tus yam ntxwv zoo li no. Tej zaum ob peb xyoos dhau los no nej tsis meej pem lawm, tsis caum qhov tseeb hlo li los sis tsis nce qib kiag li lawm. Yog tias tsis yog li no, yog ua li cas es nej thiaj li tseem tsis paub thiab ruam ua luaj li? Thaum nej zoo li no lawm, nws yog vim nej tus kheej txoj kev ruam thiab kev tsis paub dab tsi nkaus xwb, thiab nej yeej liam tsis tau rau lwm tus li. Qhov tseeb tsis xaiv leej twg ntsej muag. Yog koj tsis lees txais qhov tseeb, thiab koj tsis nrhiav qhov tseeb los daws teeb meem, ces koj yuav hloov pauv tau li cas? Ib txhia tib neeg xav hais tias lawv lub peev xwm qis heev thiab tias lawv tsis muaj lub peev xwm los txais, yog li ntawd lawv thiaj li txwv lawv tus kheej, thiab lawv xav hais tias txawm lawv yuav caum npaum li cas los xij, lawv yuav tsis muaj peev xwm ua tau raws li Vajtswv tej kev cheem tsum li. Lawv xav hais tias txawm lawv yuav siv zog npaum li cas los xij, nws siv tsis tau, thiab tsuas tag li ntawd lawm xwb, yog li ntawd lawv thiaj li pheej xav phem, vim li ntawd, tab txawm twb ntseeg Vajtswv los tau ntau lub xyoo lawm los xij, lawv yeej tseem tsis tau txais ib qho tseeb li. Yog tsis siv zog ua hauj lwm los caum qhov tseeb, yog koj hais tias koj tsis muaj peev xwm, koj swb rau koj tus kheej, thiab koj ib txwm muaj tus yam ntxwv xav phem, vim yog li ntawd, koj thiaj li tsis to taub qhov tseeb uas koj tsim nyog to taub los sis xyaum ua raws li qhov tseeb los ntawm koj lub peev xwm ntawd, ces koj tsis yog tus uas cuam tshuam koj tus kheej xwb lod? Yog koj pheej hais tias koj lub peev xwm zoo tsis txaus, ces qhov no tsis yog kev khiav thiab kev tsis quav ntsej lub luag hauj lwm xwb lod? Yog koj tuaj yeem raug kev txom nyem, tiv kev txom nyem, thiab muab kom tau Vajntsujplig tes hauj lwm, ces koj yeej yuav muaj peev xwm to taub qee qhov tseeb thiab to taub qhov tseeb txog qee yam uas muaj tiag xwb xwb li. Yog koj tsis cia siab los sis vam khom rau Vajtswv, thiab koj swb rau koj tus kheej yam tsis siv ib qho zog los sis tiv ib qho kev txom nyem li, thiab cia li tso tseg lawm xwb, ces koj tsis muaj qab hau, thiab tsis muaj lub siab uas txawj xav thiab laj thawj ib qho me me li. Txawm koj yuav tsis muaj peev xwm los sis muaj peev xwm heev los xij, yog koj muaj kev xav zoo xav phem thiab muaj laj thawj me ntsis, koj yuav tsum ua qhov uas koj tsim nyog ua thiab koj lub luag hauj lwm kom tiav zoo; ua ib tug neeg tso tes plau mas yog ib qho phem tshaj thiab ib qho ntxeev siab rau Vajtswv. Qhov no ua li no mas txhiv tsis tau kom dim. Kev caum raws qhov tseeb cheem tsum lub siab khov kho, thiab cov tib neeg uas yog cov phem los sis qaug zog heev yuav ua tsis tiav dab tsi li. Lawv yuav tsis muaj peev xwm los ntseeg Vajtswv kom mus txog thaum kawg, thiab, yog lawv xav kom tau txais qhov tseeb thiab hloov pauv kom tau tus moj yam, ces lawv tseem muaj kev cia siab tsawg. Tsuas yog cov uas tau txiav txim siab thiab caum raws qhov tseeb xwb thiaj li tau txais qhov ntawd thiab raug ua kom zoo tiav log los ntawm Vajtswv.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb

Vajtswv Tej Lus Txhua Hnub  Nqe Lus Uas Xaiv Tawm Los 573

Muaj ntau tus tib neeg uas, kiag thaum lawv khwv heev rau tes dej num, cia li tsis muaj peev xwm ua tau lawm, thiab tsis muaj peev xwm coj tus yam ntxwv kom zoo li qub lawm, vim li ntawd, lawv thiaj li pheej thov kom muaj ib lub rooj koom txoos, thiab qhia qhov tseeb rau lawv tas li. Muaj dab tsi tshwm sim nyob rau ntawm no? Lawv tsis to taub qhov tseeb, lawv tsis muaj ib lub hauv paus nyob rau hauv txoj kev tseeb, cov tib neeg zoo li no mob siab rau thaum lawv ua lawv tes dej num, tiam sis kav tsis ntev. Thaum tib neeg tsis to taub qhov tseeb lawm, ces txhua yam uas lawv ua ntawd tsis muaj hauv paus ntsiab lus li lawm. Yog kom lawv ua qee yam mas, lawv yeej muab yam ntawd ua ntxhov quav niab li, lawv kuj tsis saib xyuas yam lawv ua, los sis nrhiav ib lub hauv paus ntsiab lus li thiab, yeej tsis muaj kev mloog lus nyob hauv lawv lub siab li—uas ua tau pov thawj qhia hais tias lawv tsis nyiam qhov tseeb thiab tsis muaj peev xwm ua tau Vajtswv tes hauj lwm li. Txawm koj yuav ua dab tsi los xij, koj yuav tsum xub to taub ua ntej tshaj tias vim li cas koj thiaj li ua nws, txoj kev xav uas ua rau koj xav ua yam no yog dab tsi, qhov kev tseem ceeb nyob hauv koj qhov ua nws yog dab tsi, tus yeeb yam ntawm lub ntsiab no yog dab si, thiab txawm tias koj tab tom ua ib qho zoo los sis ib qho phem los xij. Koj yuav tsum muaj kev to taub kom meej txog txhua feem ntawm tej xwm txheej no; qhov no yog qhov cheem tsum kom muaj peev xwm los ua raws lub hauv paus ntsiab lus. Yog koj tab tom ua qee yam kom muaj tiav rau koj tes dej num, ces koj yuav tsum tau xav tias: Kuv yuav tsum ua kuv tes dej num kom muaj tiav tau zoo li cas kom kuv thiaj li tsis yog lam ua nws kom dhau xwb? Koj yuav tsum thov Vajtswv thiab txav los kom ze rau ntawm Vajtswv rau hauv qhov xwm txheej no. Kev thov Vajtswv yog kom nrhiav tau qhov tseeb, txoj kev xyaum ua raws, Vajtswv txoj kev npaj siab, thiab qhov yuav ua kom Vajtswv txaus siab li cas. Kev thov Vajtswv yog kom ua tau tej no. Kev thov Vajtswv, kev txav los ze Vajtswv, thiab kev nyeem Vajtswv cov lus tsis yog kev cai ntawm sab kev lis kev cai ntseeg los sis tej kev ua sab nraud. Nws yog ua kom tiav rau lub hom phiaj ntawm kev xyaum ua raws mus li qhov tseeb tom qab nrhiav Vajtswv txoj kev xav. Yog koj hais tas li tias “ua tsaug rau Vajtswv” thaum koj twb tsis ua ib yam dab tsi tiav li, thiab tej zaum ntxim koj paub sab ntsujplig zoo heev thiab muaj kev paub tob, tiam sis yog, thaum txog lub sij hawm ua lawm, koj tseem ua li koj xav tau xwb, tsis tshawb nrhiav qhov tseeb hlo li, ces qhov “ua tsaug rau Vajtswv” no tsuas yog ib co lus hais mus hais los xwb, nws yog sab ntsujplig cuav. Thaum ua koj tes dej num kom tiav, koj yuav tsum xav tas li tias: “Kuv yuav tsum ua kom muaj tiav tes dej num no li cas? Vajtswv txoj kev xav yog dab tsi?” Thov Vajtswv thiab txav los ze Vajtswv kom nrhiav tau tej hauv paus ntsiab lus thiab tej qhov tseeb rau koj tej kev ua, nrhiav Vajtswv lub siab nyiam hauv koj lub siab, thiab tsis ncaim ntawm Vajtswv cov lus los sis tej hauv paus ntsiab lus ntawm qhov tseeb mus nyob rau hauv txhua yam uas koj ua—tsuas yog tus neeg ua li no xwb thiaj li yog tus uas ntseeg Vajtswv tiag tiag; tus tib neeg uas tsis nyiam qhov tseeb yeej ua tsis tau tag nrho tej no li. Muaj ntau tus tib neeg mas txawm yuav ua dab tsi los xij yeej ua raws li lawv tus kheej tej tswv yim xwb, thiab xav txog tej yam uas yooj yim xwb, thiab yeej tsis nrhiav qhov tseeb li. Yeej tsis muaj lub hauv paus ntsiab lus kiag li, thiab hauv lawv lub siab mas lawv yeej tsis xav txog qhov yuav ua raws li Vajtswv hais li cas li, los sis ua kom Vajtswv txaus siab li, thiab lawv tsuas paub ua raws li lawv tus kheej lub siab nyiam xwb. Vajtswv yeej tsis muaj chaw nyob rau hauv cov tib neeg zoo li no lub siab li. Ib txhia tib neeg hais tias, “Kuv tsuas thov Vajtswv thaum kuv ntsib kev nyuaj siab xwb, tiam sis yeej tseem mloog zoo li qhov no ua tsis tau ib yam dab tsi li—yog li ntawd feem ntau ces thaum muaj tej yam tshwm sim rau kuv tam sim no kuv tsis thov Vajtswv lawm, vim qhov thov Vajtswv ntawd tsis muaj qab hau dab tsi li.” Vajtswv tsis nyob hauv cov tib neeg zoo li no lub siab li. Txawm lawv yuav ua dab tsi los xij lawv tsis nrhiav qhov tseeb li; lawv tsuas ua raws li lawv tus kheej tej tswv yim xwb. Yog li ntawd lawv tej kev ua puas muaj tej hauv paus ntsiab lub? Yeej tsis muaj kiag li. Lawv pom txhua yam mas yooj yim heev. Tab txawm thaum tib neeg qhia txog tej hauv paus ntsiab lus ntawm qhov tseeb rau lawv los, lawv tsis muaj peev xwm lees txais tej hauv paus ntsiab lus ntawd li, vim yeej tsis tau muaj ib lub hauv paus ntsiab lus twg nyob rau hauv lawv tej kev ua li, Vajtswv yeej tsis muaj chaw nyob rau hauv lawv lub siab li, thiab tsis muaj leej twg li tsuas muaj lawv nyob rau hauv lawv lub siab xwb. Lawv xav hais tias lawv tej kev npaj siab mas zoo lawm, tias lawv tsis ua phem, tias lawv tsis tuaj yeem raug muab suav rau hauv txoj kev ua txhaum qhov tseeb li, lawv xav hais tias qhov ua raws li lawv tus kheej tej kev npaj siab ntawd yog xyaum ua raws li qhov tseeb, tias qhov ua li ntawd yog mloog Vajtswv lus lawm. Tseeb tiag, lawv tsis nrhiav los sis thov Vajtswv txog qhov teeb meem no tiag tiag, tiam sis cia li ua xwb, raws li lawv tus kheej tej kev npaj uas kub siab lug ntawd mas, lawv tsis ua lawv tes dej num raws li Vajtswv hais, lawv tsis muaj ib lub siab uas mloog Vajtswv lus, lawv tsis muaj qhov kev ntshaw no. Qhov no yog qhov yuam kev loj tshaj plaws nyob rau hauv tib neeg txoj kev xyaum ua raws. Yog koj ntseeg Vajtswv tiam sis Nws tsis nyob rau hauv koj lub siab, ces tsis yog koj sim dag Vajtswv xwb lod? Thiab txoj kev ntseeg Vajtswv uas zoo li no ua tau dab tsi? Koj tau dab tsi xwb? Thiab qhov tseem ceeb ntawm txoj kev ntseeg Vajtswv uas zoo li no yog dab tsi?

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb

Vajtswv Tej Lus Txhua Hnub  Nqe Lus Uas Xaiv Tawm Los 574

Koj yuav tsum tig xav txog koj tus kheej, thiab ua txhua yam kom paub txog koj tus kheej li cas, thaum koj tau ua qee yam txhaum tej hauv paus ntsiab lus ntawm qhov tseeb thiab ua rau Vajtswv tsis txaus siab lawm nas? Thaum koj tab tom yuav ua yam ntawd, koj puas tau thov mus rau Nws? Koj puas tau ua tib zoo xav tias, “Qhov ua ntau yam li no puas mus raws li qhov tseeb lawm ne? Qhov xwm txheej no yuav raug xam pom los ntawm Vajtswv li cas yog raug coj los rau ntawm Nws xub ntiag lawm? Nws puas zoo siab los sis xeeb txob yog Nws tau paub txog qhov no? Nws puas ntxub los sis qias qhov no?” Koj tsis nrhiav txog qhov no li, puas yog? Txawm tias yog lwm tus tau ceeb toom koj lawm los xij, koj tseem xav tias qhov xwm txheej ntawd tsis yog qhov loj, thiab tias nws tsis tig tawm tsam rau cov hauv paus ntsiab lus thiab tsis yog ib qho kev txhaum. Raws li qhov tshwm sim zoo li no, koj ua txhaum-rau Vajtswv tus moj yam lawm thiab thab kom Nws npau taw, txawm tias theem kev ntxub uas Nws muaj rau koj yuav zoo li cas los xij. Qhov no yog tsim los ntawm tib neeg txoj kev ntxeev siab. Yog li ntawd, koj yuav tsum nrhiav qhov tseeb nyob rau hauv txhua yam. Qhov no yog qhov koj yuav tsum tau ua raws. Yog koj yeej kub siab lug los rau ntawm Vajtswv lub xub ntiag los thov Vajtswv, thiab tom qab ntawd nrhiav qhov tseeb raws li Vajtswv cov lus, ces koj yuav tsis mus yuam kev li. Tej zaum koj muaj qee qhov kev ua yuam kev nyob rau hauv koj txoj kev xyaum ua raws qhov tseeb, tiam sis qhov no yeej zam nyuaj, thiab koj yuav muaj peev xwm xyaum ua raws tau zoo heev tom qab koj paub qee yam lawm. Txawm li cas los xij, yog koj paub qhov ua raws li qhov tseeb ntawd li cas lawm, tiam sis tsis xyaum ua raws li ntawd, ces qhov teeb meem yog qhov koj tsis nyiam qhov tseeb ntag. Cov uas tsis nyiam qhov tseeb ces yeej yuav tsis nrhiav qhov tseeb li, txawm yuav muaj dab tsi tshwm sim rau lawv los xij. Tsuas yog cov uas nyiam qhov tseeb xwb thiaj li muaj lub siab uas ntshai Vajtswv, thiab thaum muaj tej yam tshwm sim uas lawv tsis to taub, lawv muaj peev xwm nrhiav qhov tseeb. Yog koj tsis to taub Vajtswv lub siab nyiam thiab tsis paub tias yuav xyaum ua raws li cas, ces koj yuav tsum kawm nrog qee tus tib neeg uas to taub qhov tseeb. Yog koj nrhiav tsis tau cov uas to taub qhov tseeb li, los koj yuav tsum nrhiav ob peb tug tib neeg uas muaj ib qho kev to taub uas dawb huv los koom ua ib lub siab lub ntsws los thov Vajtswv ua ke, nrhiav los ntawm Vajtswv, tos Vajtswv lub sij hawm, thiab tos kom Vajtswv qhib ib txoj kev rau nej. Tsuav nej txhua tus ntshaw qhov tseeb, nrhiav qhov tseeb, thiab kawm txog qhov tseeb ua ke xwb, ces lub sij hawm yeej yuav los txog rau thaum uas nej ib tug tawm tau ib lub tswv yim zoo. Yog nej txhua tus nrhiav tau lub tswv yim uas tsim nyog thiab nws yog ib txoj kev zoo, ces tej zaum qhov no yog vim Vajntsujplig txoj kev qhuab qhia thiab kev qhia kom paub qhov tseeb. Yog thaum ntawd es nej kawm ua ke txuas ntxiv mus kom muaj ib txoj kev xyaum ua raws uas yog dua, ces nws yeej yog mus raws li tej hauv paus ntsiab lus ntawm qhov tseeb lawm. Nyob rau hauv nej txoj kev xyaum ua raws ntawd, yog nej pom tias nej txoj kev xyaum ua raws ntawd tseem tsis tshua tsim nyog, ces nej yuav tsum tau maj nroos kho qhov ntawd rau. Yog nej ua yuam kev me ntsis xwb, ces Vajtswv yuav tsis teem txim rau nej, vim koj tej kev npaj siab txog qhov koj ua ntawd yeej yog lawm, thiab koj tab tom xyaum ua raws li qhov tseeb ntag. Koj tsuas yog paub tsis tshua tseeb txog tej hauv paus ntsiab lus es thiaj li tau ua ib qho yuam kev nyob rau hauv koj txoj kev xyaum ua raws lawm xwb, uas yog qhov zam txim tau. Tiam sis thaum tib neeg feem coob ua tej yam, lawv ua tej ntawd raws li qhov lawv xav hauv nruab siab tias yuav ua tej ntawd kom tiav li cas xwb. Lawv tsis siv Vajtswv cov lus ua lub hauv paus los ua tib zoo xav seb yuav xyaum ua raws li qhov tseeb ntawd li cas los sis seb yuav ua kom Vajtswv pom zoo li cas. Tiam sis, lawv tsuas xav txog qhov yuav ua li cas thiaj li muaj txiaj ntsim rau lawv tus kheej, yuav ua li cas kom lwm tus thiaj li hwm lawv, thiab yuav ua li cas kom lwm tus thiaj li qhuas lawv xwb. Lawv ua txhua yam puav leej yog mus raws li lawv tus kheej tej tswv yim thiab ua kom lawv tus kheej txaus siab nkaus xwb, uas yog ntxim muaj teeb meem. Cov tib neeg zoo li no yeej yuav tsis ua tej yam raws li qhov tseeb li, thiab Vajtswv yuav ntxub lawv mus li. Yog koj yeej yog ib tug neeg uas muaj lub siab txawj xav thiab muaj qab hau tiag tiag, ces txawm yuav muaj dab tsi tshwm sim los xij, koj yuav tsum muaj peev xwm los rau ntawm Vajtswv lub xub ntiag los thov Vajtswv thiab nrhiav, muaj peev xwm saib tej kev txhawb siab thiab txoj kev tsis dawb huv uas nyob rau hauv koj tej kev ua kom meej tiag tiag, muaj peev xwm txiav txim siab seb yam twg yog qhov tsim nyog ua raws li Vajtswv cov lus thiab tej kev cheem tsum, thiab ntsuas thiab ua tib zoo xav tas li seb tej kev ua twg uas ua rau Vajtswv txaus siab, tej kev ua twg uas qias Vajtswv, thiab tej kev ua twg uas Vajtswv pom zoo. Koj yuav tsum tshawb xyuas tej teeb meem no tag los tshawb xyuas dua hauv koj lub siab kom txog rau thaum koj to taub tej teeb meem ntawd meej meej lawm. Yog koj paub hais tias koj muaj koj tus kheej tej kev txhawb siab rau txoj kev ua qee yam lawm, ces koj yuav tsum tig xav seb koj tej kev txhawb siab ntawd yog dab tsi, seb tej kev txhawb siab ntawd yog ua kom koj tus kheej txaus siab los yog ua kom Vajtswv txaus siab, seb tej kev txhawb siab ntawd yog muaj txiaj ntsim rau koj tus kheej los yog muaj txiaj ntsim rau cov neeg Vajtswv xaiv, thiab seb tej ntawd yuav ua rau muaj dab tsi tshwm sim…. Yog koj nrhiav thiab ua tib zoo xav zoo li no nyob rau hauv koj tej lus thov Vajtswv, thiab nug koj tus kheej ntxiv kom nrhiav qhov tseeb, ces tej kev ua yuam kev hauv koj tej kev ua yuav tsawg zuj zus. Tsuas yog cov uas tuaj yeem nrhiav qhov tseeb li no xwb thiaj li yog cov tib neeg uas xav txog Vajtswv lub siab nyiam thiab yog cov uas ntshai Vajtswv, vim koj nrhiav raws li tej kev cheem tsum ntawm Vajtswv cov lus thiab muaj ib lub siab mloog lus, thiab qhov kawg ntawm qhov koj nrhiav li no yuav mus raws li tej hauv paus ntsiab lus ntawm qhov tseeb.

Yog ib tug ntseeg tej kev nqis tes ua tsis raug txhawb nrog qhov tseeb, ces lawv yeej zoo tib yam nkaus li ib tug uas tsis ntseeg xwb. Qhov no yog hom neeg uas tsis muaj Vajtswv rau hauv lawv lub siab, thiab cov uas mus yuam kev ntawm Vajtswv mus lawm, thiab tus neeg zoo li no yog ib tug neeg raug ntiav ua hauj lwm rau hauv Vajtswv lub tsev uas yog tus ua cov dej num tsis tseem ceeb rau lawv tus los pav, tau txais cov nqi zog me ntsis, thiab dhau ntawd ces ncaim mus lawm. Qhov no tsis yog ib tug uas ntseeg Vajtswv. Qhov yuav ua li cas kom thiaj li muab tau Vajtswv txoj kev pom zoo ntawd yog thawj yam uas koj yuav tsum xav txog thiab ua txoj dej num rau thaum koj ua tej yam; nws yuav tsum yog lub hauv paus ntsiab lus thiab tag nrho ntawm koj txoj kev xyaum ua raws. Qhov kev muaj qab hau uas koj yuav tsum tshuaj xyuas seb yam uas koj tab tom ua puas raws li qhov tseeb yog tias nws raws li qhov tseeb lawm, ces nws yeej yoog raws Vajtswv txoj kev xav xwb xwb li. Nws tsis yog tias koj yuav tsum ntsuas seb qhov xwm txheej ntawd puas raug los sis tsis raug, los sis yog nws mus raws li lwm tus tej kev saj, los sis yog mus raws li koj tus kheej tej kev ntshaw lawm; feem ntau, koj yuav tsum tshuaj xyuas seb nws puas mus raws li qhov tseeb, thiab seb nws puas yuav muaj txiaj ntsim los sis tsis muaj txiaj ntsim rau txoj dej num thiab tej kev ntshaw ntawm pawg ntseeg. Yog koj muab kev xav rau tej no, ces koj yuav ua tau ntau zuj zus raws li Vajtswv txoj kev xav thaum koj ua tej yam. Yog koj tsis xav txog tej no, thiab tsuas vam khom rau koj tus kheej txoj kev xav thaum ua tej no xwb, ces koj yuav ua tej ntawd tsis raug xwb xwb li, vim hais tias tib neeg txoj kev xav tsis yog qhov tseeb thiab, tseeb tiag ces, nws tsis haum nrog Vajtswv. Yog koj xav tau txais kev pom zoo los ntawm Vajtswv, ces koj yuav tsum xyaum ua mus raws li qhov tseeb ntau dua qhov ua mus raws li koj tus kheej txoj kev xav. Ib txhia tib neeg uas koom nrog rau hauv tej xwm txheej ntiag tug hauv lub npe ntawm kev ua kom muaj tiav rau lawv tej dej num. Ces lawv cov kwv tij thiab cov nkauj muam thiaj li pom qhov no tias tsis tsim nyog, thiab thuam lawv rau nws, tab sis cov neeg no tsis kam lees txais qhov kev liam. Lawv xav tias nws yog ib yam xwm txheej ntiag tug uas tsis muaj feem xyuam rau pawg ntseeg txoj dej num, tej nyiaj txiag, los sis cov tib neeg, thiab nws tsis yog txoj kev ua phem, yog li ntawd tib neeg yuav tsum tsis cuam tshuam. Qee yam zoo li yog koj tus kheej tej xwm txheej ntiag tug uas tsis muaj feem ntsig txog rau ib lub hauv paus ntsiab lus los sis ib qho tseeb li. Txawm li cas los xij, saib rau ntawm yam uas koj tau ua, mas koj twm xeeb heev. Koj tsis xav txog txoj dej num ntawm pawg ntseeg los sis tej kev ntshaw ntawm Vajtswv lub tsev li, los sis seb qhov no puas yuav txaus Vajtswv siab li; koj tsuas xav txog koj tus kheej tus txiaj ntsim nkaus xwb. Qhov no yeej muaj feem ntsig txog rau ntawm cov neeg dawb huv lawm, thiab ib tug neeg txoj kev ua neeg. Txawm tias yam uas koj tab tom ua tsis muaj feem ntsig txog rau tej kev ntshaw ntawm pawg ntseeg los xij, los sis nws tsis muaj feem ntsig txog rau qhov tseeb los xij, kev koom nrog rau hauv ib qho xwm txheej ntiag tug thaum tab tom hais txog qhov tau txais kev ua koj txoj dej num uas tsis haum nrog qhov tseeb. Txawm tias koj tab tom ua dab tsi los xij, qhov xwm txheej yuav loj los sis me li cas los xij, thiab txawm tias qhov ntawd yog koj txoj dej num hauv Vajtswv tsev neeg los sis koj tus kheej txoj hauj lwm ntiag tug los xij, koj yuav tsum xav seb yam koj tab tom ua puas yoog raws li Vajtswv txoj kev xav, thiab seb puas yog qee yam uas ib tug neeg muaj kev ua neeg yuav tsum tau ua. Yog koj nrhiav qhov tseeb zoo li ntawd rau hauv txhua yam uas koj ua, ces koj thiaj li yog ib tug neeg uas ntseeg Vajtswv tiag tiag. Yog koj coj zoo rau txhua yam thiab txhua qhov tseeb raws li no lawm, ces koj yuav muaj peev xwm ua tau tej kev hloov pauv rau hauv koj tus moj yam tiav. Muaj cov uas xav hais tias, “Qhov kom kuv xyaum ua raws li qhov tseeb thaum kuv ua kuv tes dej num ntawd yeej ncaj ncees txaus lawm, tiam sis thaum kuv ua kuv tej hauj lwm, kuv tsis quav ntsej tej uas qhov tseeb hais li—kuv yuav ua li qhov kuv nyiam, ua txhua yam uas muaj txiaj ntsim rau kuv tus kheej.” Nyob rau hauv cov lus no, koj yeej pom tau hais tias lawv tsis yog cov nyiam qhov tseeb. Tsis muaj tej hauv paus ntsiab lus nyob rau hauv tej uas lawv ua li. Lawv yuav ua txhua yam uas muaj txiaj ntsim rau lawv, yam tsis xav txog qhov yuav cuam tshuam rau hauv Vajtswv lub tsev li. Vim li ntawd, thaum lawv tau ua qee yam tiav lawm, Vajtswv thiaj li tsis nrog lawv nyob, ces lawv thiaj li hnov tsaus ntuj nti thiab tu siab, thiab tsis paub tias muaj dab tsi tshwm sim li. Qhov no tsis yog qhov lawv tsis muaj qab hau li lod? Yog koj tsis xyaum ua raws li qhov tseeb nyob rau hauv koj tej kev ua thiab coj tsis ncaj rau Vajtswv, ces yog koj tab tom ua txhaum rau Nws ntag. Yog ib tug tib neeg twg tsis nyiam qhov tseeb thiab pheej ua raws li lawv tus kheej lub siab nyiam xwb, ces lawv yuav nquag ua txhaum rau Vajtswv heev li. Nws yuav ntxub thiab tsis kam txais yuav lawv, thiab muab lawv tso pov tseg. Yam uas ib tug neeg zoo li no ua mas feem ntau yeej ua tsis tau raws li Vajtswv txoj kev pom zoo li, thiab yog lawv tsis paub txog txoj kev lees txim hloov dua siab tshiab li, ces txoj kev rau txim twb nyob ze ze lawm.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb

Vajtswv Tej Lus Txhua Hnub  Nqe Lus Uas Xaiv Tawm Los 575

Ib teg dej num twg uas koj ua mas muaj kev to taub lub neej nyob rau hauv txoj sia. Txawm koj tes dej num yeej yog ib qho muaj ua tas li los sis ntev ntev mam muaj ua ib zaug, txaus dhuav los sis txaus kub siab lug rau los xij, koj yuav tsum muaj kev to taub lub neej txoj sia. Tej dej num uas ib txhia tib neeg ua mas pheej yog tib co zoo li qub uas ntxim dhuav neeg heev; lawv ua tib yam qub txhua txhua hnub. Txawm li cas los xij, thaum ua tej dej num ntawd, tus yam ntxwv uas cov neeg no nthuav tawm mas tsis zoo ib yam nkaus li. Tej zaum mas, thaum uas zoo siab, ces tib neeg nquag me ntsis thiab ua dej num zoo me ntsis. Lwm lub sij hawm, vim muaj qee yam kev haub ntxias uas tsis paub txog, lawv tus moj yam phem qias vuab tsuab tsim tej qho kev ua phem nyob rau hauv lawv, ua rau lawv muaj txoj kev xav uas tsis yog thiab nyob rau hauv tus yam ntxwv tsis zoo thiab muaj kev xav tsis zoo; qhov no ua rau lawv lam ua tes dej num kom zoo li twb ua lawm xwb. Tib neeg tus yam ntxwv nruab nrog mas hloov tas mus li; lawv yuav hloov rau qhov chaw twg thiab lub sij hawm twg los tau. Txawm koj tus yam ntxwv yuav hloov li cas los xij, nws yog ib qho yuam kev uas yuav ua raws li koj qhov kev xav ntawd. Muab hais tias koj ua tau zoo me ntsis rau lub sij hawm uas koj muaj kev kaj siab, thiab ua tau tsis tshua zoo pes tsawg rau lub sij hawm uas koj chim siab—qhov no puas yog ib txoj kev ua ub ua no uas yog raws li tej keeb laj fai mas? Qhov no puas yuav cia koj ua koj tes dej num kom mus txog tus qauv uas siv tau mas? Txawm tib neeg yuav xav li cas los xij, lawv yuav tsum thov Vajtswv rau ntawm Vajtswv xub ntiag thiab nrhiav qhov tseeb; tsuas yog ua li no xwb mas lawv thiaj li zam dhau kev raug tswj thiab raug haub ntxias thiab los ntawm lawv tej kev xav. Thaum ua koj tes dej num, koj yuav tsum tshuaj xyuas koj tus kheej tas mus li kom pom seb koj puas ua txhua yam raws li keeb laj fai, seb koj qhov kev ua koj tes dej num ntawd puas zoo txaus li tus qauv quag, seb puas yog koj tsuas lam ua kom zoo li twb ua lawm xwb, seb koj puas tau npaj zam kom dhau koj tes dej num, thiab seb puas muaj teeb meem dab tsi nrog koj tus cwj pwm thiab txoj kev uas koj xav ntawd. Thaum koj tau rov saib koj tus kheej zoo zoo lawm thiab tej no tshwm los rau koj pom meej meej lawm, ces koj yuav ua taukoj tes dej num yooj yim zog. Txawm tias koj yuav ntsib dab tsi thaum ua koj tes dej num los xij—kev xav phem thiab kev qaug zog, los sis kev chim siab tom qab raug qhuab ntuas—koj yuav tsum ua kom yog rau nws, thiab koj yuav tsum nrhiav qhov tseeb thiab Vajtswv txoj kev xav. Ua tej no, ces koj yuav muaj ib txoj kev los xyaum ua. Yog koj xav kom ua koj tes dej num kom tau zoo, ces koj yuav tsum tsis txhob cia koj txoj kev xav los cuam tshuam rau kev ua koj tes dej num ntawd. Txawm tias koj yuav xav tau phem los sis qaug zog npaum li cas los xij, koj yuav tsum tau xyaum ua qhov tseeb nyob rau txhua yam koj ua, yam nruj kawg nkaus li, thiab ua raws nraim li tej keeb laj fai nkaus xwb. Yog koj ua li no, ces tsis yog tib neeg thiaj yuav muaj kev pom zoo rau koj nkaus xwb, tab sis Vajtswv yuav nyiam koj, tib yam nkaus li thiab. Zoo li ntawd, ces koj yuav yog ib tug neeg uas muaj kev tuav dej num zoo thiab tus uas ris tau ib lub nra; koj yuav yog ib tug neeg zoo kawg nkaus uas ua tes dej num kom zoo li qhov qauv quag tiag tiag li thiab tus uas ua neej tau zoo nkaus li yog ib tug tib neeg zoo. Cov neeg zoo li ntawd ces raug ntxuav kom dawb huv lawm thiab tau muaj qhov kev hloov tiag thaum ua lawv tes tej num, thiab lawv kuj hais tau hais tias ua siab ncaj rau Vajtswv pom. Tsuas yog cov neeg uas muaj lub siab ncaj xwb thiaj li muaj cuab kav rau siab ntso xyaum ua qhov tseeb thiab ua tau tiav hlo raws li qhov keeb laj fai, thiab muaj cuab kav ua lawv tes dej num tau zoo li qhov qauv quag. Cov neeg uas ua raws li keeb laj fai mas ua tau lawv tes dej num tiav yam ntxaws kawg nkaus thaum lawv lub siab kaj; lawv tsis lam tau lam ua kom zoo li tau ua lawm xwb, lawv tsis khav theeb thiab lawv tsis qhuas lawv tus kheej kom lwm tus neeg qhuas lawv. Thaum lawv chim lawm, mas lawv ua tau lawv tes dej num tiag tiag thiab ua kom tau kiag, thiab txawm yog lawv ntsib tej yam dab tsi uas ua rau lawv ua tsis tau lawv tes dej num kom tiav hlo, los sis hais tias muaj me ntsis kev txhib lawv los sis ua rau muaj kev tab kaum thaum lawv ua lawv tes dej num, los lawv yeej tseem muaj peev xwm ua kom lawv lub siab nyob ntsiag to rau ntawm Vajtswv xub ntiag thiab thov Vajtswv hais tias, “Txawm kuv yuav ntsib ib qho teeb meem loj npaum li cas los xij—txawm yuav yog lub ntuj vau vig voog los los xij—tsuav yog kuv tseem ciaj sia nyob, ces kuv yuav rau siab ntso ua kuv tes dej num. Txhua hnub uas kuv ua neej nyob ces yog ib hnub uas kuv ua kuv tes dej num kom zoo, es kom tsim nyog rau tes dej num uas Vajtswv muab cob rau kuv, nrog rau txoj pa uas Nws muab tso rau hauv kuv lub cev. Txawm kuv yuav raug teeb meem ntau npaum li cas los xij, kuv yuav muab tag nrho tej ntawd tso tseg ntawm ib sab, vim kuv ua kuv tes dej num kom tiav mas yog qhov tseem ceeb tshaj plaws!” Cov uas tsis raug cuam tshuam dab tsi los ntawm ib tug neeg twg, ib qho xwm txheej twg, ib yam twg, los sis ib thaj chaw ib puag ncig twg, cov uas tsis raug txwv los ntawm ib qho kev xav twg los sis ib qho xwm txheej sab nraud, thiab cov uas muab lawv tes dej num thiab tej kev txib uas Vajtswv muab cob rau lawv ntawd ua qhov thib ib thiab qhov tseem ceeb tshaj plaws—lawv yog cov neeg uas muaj lub siab ncaj rau Vajtswv thiab zwm tiag tiag rau Nws. Cov neeg zoo li no tau to taub lub neej lawm thiab to taub qhov muaj tiag ntawm qhov tseeb lawm. Qhov no yog ib qho kev qhia tshwm uas muaj tseeb thiab muaj qab hau tshaj ntawm kev muab qhov tseeb coj los ua neej.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Kev To Taub Lub Neej Txoj Sia Pib Los Ntawm Kev Ua Tes Dej Num

Vajtswv Tej Lus Txhua Hnub  Nqe Lus Uas Xaiv Tawm Los 576

Rau ib txhia neeg, ces txawm lawv yuav ntsib teeb meem dab tsi thaum ua lawv tes dej num los xij, lawv yeej tsis nrhiav qhov tseeb, thiab lawv tsuas ua raws li lawv tus kheej tej kev xav, tej kev xav phem, tej kev khwv yees xav hauv nruab siab, thiab tej kev ntshaw tas mus li xwb. Lawv tsuas ua kom zoo lawv lub siab rau lawv tus kheej tej kev ntshaw, thiab lawv tej moj yam qias vuab tsuab mas yeej tswj lawv tej kev ua tag mus li xwb. Tej zaum yuav zoo li lawv twb ua lawv tej dej num tas li lawm, tiam sis vim lawv tsis tau lees txais qhov tseeb dua li, thiab tsis muaj peev xwm ua tej yam raws li tej hauv paus ntsiab lus ntawm qhov tseeb li, ces thaum kawg lawv yuav tsis tau txais qhov tseeb thiab txoj sia, thiab yuav dhau los ua ib tug neeg ua Vajtswv tes dej num uas tsuas tau lub npe xwb. Yog li ntawd, cov neeg zoo li ntawd ho vam khom dab tsi thaum ua lawv tes dej num mas? Lawv yeej tsis vam khom qhov tseeb los sis Vajtswv li. Qhov tseeb me me uas lawv to taub ntawd tsis tau muaj kev tswj hwm nyob rau hauv lawv lub siab; lawv thiaj li vam khom lawv tus kheej tej peev xwm thiab kev txawj xwb, vam khom rau tej kev paub uas lawv muab tau, nrog rau lawv tus kheej lub siab khov kho los sis tej kev npaj siab zoo, los ua tej dej num no. Thiab yog zoo li no, lawv puas yuav muaj peev xwm ua lawv tej dej num kom txog ib tug qauv uas txais yuav tau mas? Thaum tib neeg vam khom rau lawv tus yam ntxwv, tej kev xav phem, tej kev xav hauv nruab siab, kev txawj ntse, thiab txoj kev kawm ua lawv tej dej num, ces txawm nws yuav zoo cuag nkaus li lawv ua lawv tej dej num thiab tsis ua kev phem li los xij, lawv yeej tsis xyaum ua raws li qhov tseeb, thiab tsis tau ua ib yam dab tsi uas ua rau Vajtswv txaus siab li. Kuj muaj lwm qhov teeb meem uas tsis hais txog tsis tau li thiab: Nyob rau ntawm qhov txheej txheem ua koj tes dej num, yog koj tej kev xav phem, kev xav hauv nruab siab, thiab koj tus kheej tej kev ntshaw yeej tsis hloov li thiab yeej tsis raug muab qhov tseeb coj los hloov li, thiab yog koj tej kev coj thiab kev ua yeej tsis ua raws li lub hauv paus ntsiab lus ntawm qhov tseeb, ces txog thaum kawg yuav tau dab tsi mas? Koj yuav tsis muaj kev to taub qhov tseeb txog lub neej txoj sia li, koj yuav rais mus ua ib tug neeg ua Vajtswv tej dej num, uas tiav raws li tus Tswv Yexus cov lus hais tias: “Coob leej yuav hais rau Kuv rau hnub ntawd tias, tus Tswv, tus Tswv, peb tsis tau tuav Koj lub npe tshaj tawm los, thiab tuav Koj lub npe ntiab dab tawm los, thiab tuav Koj lub npe ua ntau yam hauj lwm phim hwj los? Thiab thaum ntawd Kuv yuav hais meej rau lawv tias, Kuv yeej tsis paub nej li: cia li khiav ntawm Kuv mus, nej cov uas ua hauj lwm lim hiam” (Mathai 7:22–23). Vim li cas Vajtswv ho hu cov neeg no uas siv zog thiab cov uas ua dej num ua cov neeg ua phem mas? Muaj ib qho ntsiab lus uas yeej paub tseeb rau, thiab qhov ntawd ces yog qhov hais tias txawm tib neeg yuav ua tej dej num los sis hauj lwm dab tsi los xij, lawv tej kev txhawb siab, kev txhawb zog, kev npaj siab, thiab kev xav tshwm sim tag nrho los ntawm lawv txoj kev ntshaw rau tus kheej, thiab lawv tej kev ua twb zoo xav thiab tej phiaj xwm txhua yam puav leej khiav ncig lawv lub koob npe, lub meej mom, kev qhuas tus kheej, tej kev ntshaw ntawm tus kheej, thiab lawv tsuas tiv thaiv lawv tus kheej tej kev ntshaw thiab tej kev cia siab nkaus xwb, thiab kom ua tau zoo raws li lawv tus kheej txoj kev khav theeb, khav txiv thiab lub meej mom xwb. Txhua yam ntawd puav leej yog saib tej kev xav thiab tej kev dag no ua qhov tseem ceeb tshaj plaws, yeej tsis muaj qhov tseeb nyob rau hauv lawv lub siab li, lawv tsis muaj lub siab hwm thiab mloog Vajtswv lus li—qhov no yog lub hauv paus keeb cag ntawm qhov teeb meem ntag. Niaj hnub no, dab tsi yog qhov tseem ceeb rau nej caum? Nyob hauv txhua yam, nej yuav tsum nrhiav qhov tseeb, thiab nej yuav tsum ua nej tes dej num kom zoo raws li Vajtswv lub siab nyiam thiab qhov Vajtswv hais. Yog nej ua li ntawd, ces nej yuav tau txais Vajtswv lo lus qhuas. Yog li ntawd, qhov uas ntsig txog txoj kev ua nej tes dej num kom raws li qhov Vajtswv hais tiag tiag ntawd yog dab tsi? Nyob rau hauv txhua yam uas nej ua, nej yuav tsum xyaum kom paub thov Vajtswv, nej yuav tsum tig xav txog seb nej muaj tej kev txhawb siab dab tsi, nej muaj tej kev xav dab tsi, thiab seb tej kev txhawb siab thiab tej kev xav no puas mus raws li qhov tseeb; yog tej no tsis mus raws li qhov tseeb, ces yuav tsum muab tej no tso pov tseg, tom qab ntawd nej yuav tsum ua raws li tej hauv paus ntsiab lus ntawm qhov tseeb, thiab lees txais Vajtswv txoj kev tshawb xyuas kom meej. Qhov no yuav ua kom paub tseeb hais tias nej muab qhov tseeb coj los xyaum ua raws tiag. Yog nej muaj nej tus kheej tej kev txhawb siab thiab tej hom phiaj, thiab paub zoo hais tias tej ntawd txhaum qhov tseeb thiab tsis haum raws li Vajtswv lub siab nyiam lawm, tiam sis tseem tsis thov Vajtswv thiab tsis nrhiav qhov tseeb los daws li thiab, ces qhov no phom sij heev, nws ua rau nej ua phem thiab ua tej yam uas tawm tsam Vajtswv tau yooj yim. Yog nej ua phem ib los sis ob zaug thiab lees txim hloov dua siab tshiab, ces nej yeej tseem muaj kev cia siab txog txoj kev cawm dim thiab. Yog nej pheej ua phem tas li—yog nej ua txhua yam kev phem kev qias—es tseem tsis lees txim hloov dua siab tshiab li thiab, ces nej yuav ntsib teeb meem: Vajtswv yuav muab nej pov rau ib sab los sis muab nej tso pov tseg, uas txhais tau hais tias nej yuav raug ntiab tawm mus; cov tib neeg uas ua txhua yam kev phem kev qias no yeej yuav raug rau txim thiab raug ntiab tawm mus xwb xwb li.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb

Vajtswv Tej Lus Txhua Hnub  Nqe Lus Uas Xaiv Tawm Los 577

Tib neeg yuav tsum to taub hais tias muaj ib lub keeb laj fai ntawm tus Tswv Tsim txoj kev coj rau yam muaj sia uas raug tsim los, uas kuj yog lub keeb laj fai uas siab tshaj plaws thiab. Qhov tus Tswv Tsim coj rau tej uas raug tsim los ntawd puav leej yog mus raws li Nws txoj kev npaj cawm tib neeg thiab Nws tes hauj lwm tej kev cheem tsum lawm; Nws tsis tas sab laj nrog ib tug tib neeg twg li, los sis Nws cheem tsum kom ib tug tib neeg twg pom zoo nrog Nws. Yam uas Nws tsim nyog ua thiab Nws tsim nyog coj rau tib neeg, Nws ua, thiab, txawm Nws ua dab tsi los xij los sis Nws coj li cas rau tib neeg los xij, tag nrho yeej mus raws li cov hauv paus ntsiab lus ntawm qhov tseeb, thiab cov hauv paus ntsiab lus uas tus Tswv Tsim ntawd ua hauj lwm. Yog ib yam muaj sia uas raug tsim los lawm, yam uas yuav tau ua xwb xwb li ces yog qhov zwm rau tus Tswv Tsim; tib neeg yuav tsum tsis txhob txiav txim siab los ntawm lawv tus kheej. Qhov no yog qhov uas yam muaj sia uas raug tsim los lawm yuav tsum muaj, thiab yog tib neeg tsis muaj, ces tsis tsim nyog hu lawv ua ib tug tib neeg. Tib neeg yuav tsum to taub tias tus Tswv Tsim yeej yuav ib txwm yog tus Tswv ntawm txoj kev tsim; Nws muaj hwj chim thiab tej ua tsim nyog los coj thiab tswj kav txhua yam muaj sia uas raug tsim los raws li Nws siab nyiam, thiab tsis tas siv ib qho laj thawj dab tsi los ua qhov ntawd. Qhov no yog Nws qhov kev muaj cai. Tsis muaj leej twg ntawm cov uas raug tsim tawm los uas muaj cai los sis tsim nyog los txiav txim rau ntawm qhov seb yam uas tus Tswv Tsim ua ntawd yog los sis tsis yog, los sis Nws tsim nyog ua li cas. Tsis muaj ib tug twg uas raug tsim tawm los muaj cai xaiv seb puas lees txais tus Tswv Tsim lub hwj chim kav thiab tej kev npaj li; thiab tsis muaj ib tug twg uas raug tsim tawm los muaj cai yuam kom tus Tswv Tsim yuav tsum kav thiab npaj lawv txoj hmoo li cas li. Qhov no yog qhov tseeb siab tshaj plaws. Txawm tias tus Tswv Tsim tau ua dab tsi rau Nws yam muaj sia uas raug tsim los los xij, thiab txawm tias Nws tau ua li cas rau tej ntawd lawm los xij, cov tib neeg uas Nws tau tsim los yuav tsum ua ib yam nkaus xwb: nrhiav, zwm rau, paub, thiab lees txais txhua yam uas tus Tswv Tsim muab tso rau. Qhov tau los thaum kawg ces yog tus Tswv Tsim yuav ua tiav hlo Nws txoj kev npaj cawm tib neeg thiab tau ua tiav Nws txoj dej num, ua rau Nws txoj kev npaj cawm tib neeg mus nce qib yam tsis muaj tej kev cuam tshuam dab tsi li; ua ke no, vim hais tias yam muaj sia uas raug tsim los tau lees txais tus Tswv Tsim txoj kev cai thiab tej kev npaj, thiab tau zwm rau Nws txoj kev cai thiab tej kev npaj lawm, lawv thiaj li yuav muab tau qhov tseeb, to taub tus Tswv Tsim txoj kev xav, thiab los paub Nws tus moj yam. Tseem muaj lwm lub keeb laj fai uas Kuv yuav tsum qhia rau nej tias thiab: Txawm tias tus Tswv Tsim yuav ua dab tsi los xij, txawm tias Nws yuav qhia tshwm li cas los xij, thiab txawm tias yam uas Nws ua yog ib qho kev ua loj los sis me los xij, Nws tseem yog tus Tswv Tsim; hos txhua tus tib neeg ntiaj teb, uas Nws tau tsim los, tsis hais txawm lawv tau ua dab tsi lawm los xij, thiab txawm lawv yuav txawj ntse los sis muaj peev xwm npaum li cas los xij, yeej tseem yog yam muaj sia uas raug tsim los xwb. Rau ntawm tib neeg uas raug tsim los, txawm lawv tau txais txoj hmoov hlub thiab cov koob hmoov ntau npaum li cas los ntawm tus Tswv Tsim los los xij, los sis kev hlub tshua, kev siab ncaj siab zoo, los sis kev hmov tshua ntau npaum li cas los xij, lawv yuav tsum tsis txhob ntseeg lawv tus kheej es sawv cais tawm ntawm pawg neeg coob coob mus, los sis xav tias lawv muaj peev xwm sawv tau sib txig sib luag nrog Vajtswv thiab xav tias lawv nyob siab dua ntawm yam muaj sia uas raug tsim los. Txawm tias Vajtswv tau muaj tej tej kev txawj ntau npaum li cas rau koj los xij, los sis Nws tau muab txoj hmoov hlub ntau npaum li cas rau koj, los sis Nws tau coj zoo li cas rau koj, los sis txawm Nws tau muab tej yam peev xwm uas tshwj xeeb rau koj los xij, tsis muaj ib yam ntawm tej no yog koj tej khoom muaj nqis li. Koj yog ib yam muaj sia uas raug tsim los, thiab yog li koj yuav yog ib yam muaj sia uas raug tsim los mus tag ib txhiab ib txhis. Koj yuav tsum tsis txhob xav tias, “Kuv yog ib tug neeg ntxim hlub me me nyob hauv Vajtswv ob txhais tes. Vajtswv yeej yuav tsis muab kuv pov rau ib sab li, Vajtswv tus cwj pwm coj rau kuv ib txwm yog ib txoj kev hlub, kev saib xyuas, thiab kev ua tib zoo saib xyuas, nrog rau lub suab ntxhi npliag siab thiab txhawb siab.” Ntawm qhov txawv mas, nyob hauv tus Tswv Tsim ob lub qhov muag, koj zoo tib yam nkaus li lwm cov muaj sia uas raug tsim los xwb; Vajtswv tuaj yeem siv tau koj raws li qhov Nws xav siv, thiab Nws kuj tuaj yeem coj tau koj raws li qhov Nws xav coj, thiab Nws tuaj yeem npaj tau li qhov Nws xav npaj rau koj los ua ib lub luag hauj lwm rau ntawm txhua hom tib neeg, tej xwm txheej, thiab ntau yam. Qhov no yog txoj kev paub uas tib neeg yuav tsum muaj, thiab txoj kev xav zoo uas lawv yuav tsum muaj. Yog yus tuaj yeem to taub thiab kam lees txais cov lus no, lawv txoj kev sib raug zoo nrog Vajtswv yuav loj hlob dua qub, thiab lawv yuav tsim ib kev sib raug zoo raug cai tshaj plaws nrog Nws; yog yus tuaj yeem to taub thiab kam lees txais cov lus no, lawv yuav yoog lawv lub chaw kom haum zoo, nyob rau ntawm lawv lub chaw ntawd, thiab tuav lawv tes dej num.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Tsuas Yog To Taub Qhov Tseeb Nkaus Xwb Yus Thiaj Li Tuaj Yeem Paub Vajtswv Tej Kev Ua

Vajtswv Tej Lus Txhua Hnub  Nqe Lus Uas Xaiv Tawm Los 578

Qhov paub Vajtswv ntawd yuav tsum yog los ntawm qhov nyeem Vajtswv cov lus, thiab qhov xyaum ua raws thiab qhov paub Vajtswv txoj lus, nrog rau qhov raug ntau yam kev sim siab, kev lim tib neeg kom dawb huv, kev qhuab qhia thiab kev qhuab ntuas; tsuas yog thaum ntawd xwb mas thiaj li muaj ib txoj kev paub tseeb txog Vajtswv tes hauj lwm thiab Vajtswv tus moj yam. Qee leej hais tias: “Kuv tsis tau pom dua tus Vajtswv uas yug los ua neeg, yog li ntawd kuv yuav ua cas paub Vajtswv?” Qhov tseeb, Vajtswv cov lus yog ib qho kev nthuav tawm ntawm Nws tus moj yam. Los ntawm Vajtswv cov lus los, koj tuaj yeem pom Nws txoj kev hlub thiab kev cawm dim rau noob neej, nrog rau Nws txoj hau kev cawm lawv…. Qhov no vim yog Nws cov lus raug nthuav tawm los kiag ntawm Vajtswv Tus Kheej ntag, tsis yog raug sau los ntawm tej tib neeg li. Tej ntawd raug nthuav ntawm los ntawm Vajtswv kiag ntag; Vajtswv Tus Kheej tab tom nthuav tawm Nws tus kheej cov lus thiab Nws lub suab uas tawm hauv nruab siab tuaj, uas kuj hu tau tias cov lus uas tawm hauv Nws siab los. Vim li cas cov lus ntawd thiaj li muab hu ua cov lus tawm hauv Nws lub siab los? Nws vim yog tej ntawd tawm los ntawm qhov tob tob los, thiab nthuav tawm Nws tus moj yam, Nws siab nyiam, Nws cov tswv yim thiab cov kev xav, Nws txoj kev hlub rau noob neej, Nws txoj kev cawm dim ntawm noob neej, thiab Nws tej kev xav tauntawm noob neej…. Vajtswv cov lus hais tawm suav nrog rau cov lus uas hnyav, thiab lus mos lus muag thiab cov lus txawj xav, nrog rau qee cov lus nthuav tawm uas tsis yoog raws li tib neeg tej kev ntshaw. Yog tias koj tsuas saib rau cov lus nthuav tawm xwb, tej zaum koj yuav xav tias Vajtswv mas coj me ntsis nruj. Yog tias koj tsuas saib rau cov lus mos lus muag xwb, tej zaum koj yuav xav tias Vajtswv mas tsis tshua muaj hwj chim. Yog li ntawd koj tsis tsim nyog to taub yuam kev txog tej ntawd; tiam sis, saib tej ntawd los ntawm txhua lub ces kaum. Qee zaum Vajtswv hais tawm los ntawm ib txoj kev xav uas txawj xav, ces tib neeg pom Nws txoj kev hlub rau noob neej; qee zaum Nws hais tawm los ntawm txoj kev xav uas coj nruj, ces tib neeg pom tias Nws tus moj yam mas tsis zam kev ua txhaum li, tias tib neeg mas qias neeg tshaj, thiab tsis tsim nyog pom Vajtswv lub ntsej muag los sis los rau ntawm Nws lub xub ntiag li, thiab tias tam sim no lawv tau kev tso cai los rau ntawm Nws lub xub ntiag yog vim Nws txoj hmoov hlub nkaus xwb. Vajtswv txoj kev ntse tuaj yeem pom tau los ntawm txoj kev Nws ua dej num thiab nyob hauv qhov tseem ceeb ntawm Nws tes dej num. Tib neeg tseem tuaj yeem pom tej no tau rau hauv Vajtswv cov lus thiab, txawm tsis tau ntsib Nws ncaj qha kiag los los xij. Thaum qee leej uas paub Vajtswv tseem los ntsib Khetos, lawv qhov kev sib ntsib nrog Khetos tuaj yeem sib haum nrog nws qhov kev paub txog Vajtswv uas muaj ua ntej ntawd; txawm li cas los xij, thaum qee leej uas tsuas muaj ib qho kev nkag siab rau sab kev tshawb nrhiav ntsib Khetos, lawv tsis tuaj yeem pom qhov sib txheeb sib ze ntawd. Qhov tseeb ntawm Vajtswv qhov kev yug los ua neeg no yog qhov to taub nyuaj tshaj plaws; nws nyuaj rau tib neeg nkag siab tau. Muab Vajtswv cov lus txog qhov to taub nyuaj ntawm kev yug los ua neeg ntawd sau los ua ke, saib tej ntawd los ntawm txhua ces kaum, thiab taij thov ua ke, ua zoo xav, thiab sib qhia ntxiv nyob txogtus xeeb ceem ntawm qhov tseeb. Kev ua li ntawd, koj yuav muaj cuab kav tau txais kev tig ras to taub ntawm tus Vajntsujplig Dawb Huv thiab kev to taub. Vim tib neeg tsis muaj cib fim tau sib ntsib ncaj qha nrog Vajtswv, lawv thiaj yuav tsum vam khom rau hom kev paub no kom tau chwv thiab maj mam to taub me ntsis mus yog thaum kawg lawv xav kom tau txais kev paub tseeb txog Vajtswv.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb

Vajtswv Tej Lus Txhua Hnub  Nqe Lus Uas Xaiv Tawm Los 579

Kev paub Vajtswv txhais tau li cas? Nws txhais tias muaj cuab kav nkag siab txog Nws txoj kev xyiv fab, kev chim siab, kev tu siab, thiab kev zoo siab, ces thiaj li paub Nws tus moj yam—qhov yuav tsum paub Vajtswv tiiag tiag yog dab tsi. Koj hais tias koj tau pom dua Nws lawm, tiam sis koj tsis to taub Nws txoj kev xyiv fab, kev chim siab, kev tu siab, thiab kev zoo siab thiab koj tsis to taub Nws tus moj yam. Koj kuj tsis to taub Nws txoj kev ncaj ncees los sis kev hlub tshua, los sis koj tsis paub yam Nws nyiam los sis yam Nws tsis nyiam kiag li. Qhov no tsis yog txoj kev paub Vajtswv. Ib txhia tib neeg mas muaj peev xwm raws Vajtswv qab, tiam sis tsis ntseeg Vajtswv tiag tiag. Qhov ntseeg Vajtswv tiag tiag ntawd yog qhov mloog Vajtswv lus. Cov uas tsis mloog Vajtswv lus tiag tiag ntawd yeej tsis ntseeg Vajtswv tiag tiag—qhov no yog qhov sib txawv. Thaum koj raws Vajtswv qab los tau ntau xyoo, thiab muaj kev paub thiab kev to taub txog Vajtswv lawm, thaum koj muaj qee qhov kev to taub thiab kev nkag siab txog Vajtswv lub siab nyiam lawm, thaum koj paub txog Vajtswv txoj kev ua tib zoo npaj siab los cawm tib neeg lawm: ces thaum ntawd yog thaum koj ntseeg Vajtswv tiag tiag, mloog Vajtswv lus tiag tiag, hlub Vajtswv tiag tiag, thiab pe hawm Vajtswv tiag tiag. Yog koj ntseeg Vajtswv tiam sis tsis caum txoj kev paub txog Vajtswv, thiab tsis muaj kev to taub txog Vajtswv lub siab nyiam, Vajtswv tus moj yam, thiab Vajtswv tes hauj lwm, ces koj tsuas yog ib tug caum raws uas khiav raws Vajtswv qab thiab ua raws li feem coob ua xwb. Qhov ntawd muab hu tsis tau ua kev zwm tiag, haj yam hu tsis tau ua kev pe hawm tiag. Kev pe hawm tiag muaj los li cas? Yam tsis muaj kev zam li, txhua tus uas pom Vajtswv thiab paub Vajtswv tiag yeej pe hawm thiab hwm Nws; lawv txhua tus raug yuam los txhos caug thiab pe hawm Nws. Tam sim no, thaum tus Vajtswv uas yug los ua neeg tseem ua dej num, tib neeg yim muaj kev to taub txog Nws tus moj yam thiab txog yam uas Nws muaj thiab yam yog Nws ntau, ces lawv yim huab yuav khaws tej no ntau zuj zus thiab lawv yuav hwm Nws ntau zuj zus. Feem ntau, tib neeg yim muaj kev to taub txog Vajtswv tsawg npaum li cas, ces lawv yim huab tsis quav ntsej npaum li ntawd, thiab lawv thiaj saib Vajtswv zoo tam li tib neeg xwb. Yog tias tib neeg paub thiab pom Vajtswv tiag, ces lawv yuav tshee hnyos ntshai heev thiab khoov ti nkaus av. “Nws tus uas los tom qab kuv muaj hwj chim loj dua kuv, kuv tsis tsim nyog ris Nws nkawm khau” (Mathai 3:11)—vim li cas Yauhas thiaj hais li no? Txawm nyob tob tob rau hauv nws tsis muaj ib qho kev paub zoo txog Vajtswv li los, nws paub tias Vajtswv mas phim hwj tshaj. Niaj hnub nim no muaj pes tsawg leej thiaj muaj cuab kav hwm Vajtswv? Yog tias lawv tsis paub Nws tus moj yam, ces lawv yuav ua cas tuaj yeem hwm tau Vajtswv? Yog tias tib neeg twb tsis paub Khetos lub ntsiab tseeb los sis to taub Vajtswv tus moj yam, mas lawv haj yam yuav muaj peev xwm tsawg tshaj los pe hawm tus tseem Vajtswv tiag. Yog lawv tsuas pom qhov kev tshwm sim dog dig thiab ib txwm nyob sab nraud ntawm Khetos xwb, tiam sis tsis paub Nws lub ntsiab tseeb, ces nws yeej yooj yim rau lawv saib Khetos zoo tam li ib tug neeg dog dig xwb. Yuav ua rau lawv muaj ib tug yeeb yam tsis hwm rau Nws thiab tuaj yeem dag ntxias Nws, tawm tsam Nws, tsis mloog Nws lus, thiab muab kev txiav txim rau Nws. Lawv tuaj yeem qhuas tias yus tus kheej coj ncaj thiab tsis coj li Nws cov lus tiag tiag; lawv tuaj yeem rhawv muaj tej kev xav phem, kev rau txim, thiab kev thuam tawm tsam Vajtswv. Txhawm rau kev daws qhov tej teeb meem no, yus yuav tsum paub Khetos lub ntsiab tseeb thiab lub hwj chim qaum ntuj. Nov yog yam tseem ceeb ntawm kev paub Vajtswv; nws yog yam uas txhua tus ntseeg tus Vajtswv uas muaj tiag yuav tsum to taub thiab ua kom tiav.

—Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb