Tiam kawg, Tswv Yexus rov qab yug los ua neeg dua, nthuav tawm ntau txhiab plhom cov lus, thiab ua ib theem hauj lwm uas yog "kev txiav txim pib los ntawm Vajtswv lub tsev Cov neeg nyob rau txhua lub teb chaws thiab txhua qhov chaw uas tshaib nqhis Vajtswv txoj kev tshwm sim, thaum lawv nyeem Vajtswv Tus Uas Muaj Hwj Chim Loj Kawg Nkaus cov lus, lawv txhua tus puav leej ntseeg tseeb tias qhov no yog Vajtswv lub suab, thiab tig rov qab los rau ntawm Vajtswv Tus Uas Muaj Hwj Chim Loj Kawg Nkaus lub zwm txwv zuj zus. Lawv ntsib pom kev txiav txim ntawm Khetos lub zwm txwv, thiab tus moj yam qias vuab tsuab pib raug ntxuav kom dawb huv. Tiam sis, nyob rau hauv lub ntiaj teb ntawm sab kab lis kev cai ntseeg, muaj ib feem tib neeg, txawm lawv pom tias Vajtswv Tus Uas Muaj Hwj Chim Loj Kawg Nkaus nthuav tawm ntau qhov tseeb los xij, lawv tseem qeeb thiab tsis kam lees txais. Lawv xav tias: “Tus Tswv Yexus hais tias: ‘Tus uas ntseeg Leej Tub muaj txoj sia ntev dhawv mus ib txhis’ (Yauhas 3:36). Tus Tswv Yexus yog Neeg Leej Tub, Nws yog Khetos, thiab Nws txoj hau kev yog txoj hau kev ntawm txoj sia ntev dhawv mus ib txhis. Peb ntseeg tias tsuav yog peb ntseeg tus Tswv Yexus, peb yeej yuav tau txoj sia ntev dhawv mus ib txhis. Vim li cas peb thiaj li yuav tsum ntseeg Vajtswv Tus Uas Muaj Hwj Chim Loj Kawg Nkaus? Puas yog koj hais tias peb nkag tsis tau rau lub nceeg vaj saum ntuj ceeb tsheej txawm tias peb ntseeg Tswv Yexus? Kuv xav tias yeej ua tsis tau li ntawd.” Tus Tswv yuav tsis tso peb tseg li. Qhov kev xav li no puas yog?

Nws yeej muaj tseeb tias tus Tswv Yexus hais dua tias: “Tus uas ntseeg Leej Tub muaj txoj sia ntev dhawv mus ib txhis,” tiam sis Nws kuj tau hais tias: “Kuv tseem muaj ntau yam hais rau nej, tab sis nej ris tsis taus tej ntawd tam sim no. Txawm li cas los xij, thaum Nws, tus Ntsujplig ntawm qhov tseeb, los, Nws yuav coj nej mus rau txhua qhov tseeb” (Yauhas 16:12–13). Tus Tswv Yexus txhais li cas ntawm qhov no? Qhov ntawd txhais tau tias tsuas yog ntseeg Yexus ntawm Tiam Hmoov Hlub xwb tsis txaus. Qhov tseem ceeb tshaj plaws yog ntseeg Yexus qhov kev rov qab los, ntseeg Tswv Yexus qhov kev rov qab los zaum ob, thiab ntseeg tus Vajntsujplig ntawm qhov tseeb uas los coj tib neeg nkag mus rau hauv qhov tseeb tag nrho. Qhov ntawd thiaj li yog qhov tseem ceeb tshaj plaws. Yog li ntawd, peb paub tseeb tias Tswv Yexus cov lus, “Tus uas ntseeg Leej Tub muaj txoj sia ntev dhawv mus ib txhis,” tuaj yeem to taub li no: “Ntseeg Leej Tub” txhais tau tias tsis yog tsuas ntseeg Tswv Yexus xwb, tiam sis kuj ntseeg Neeg Leej Tub uas rov qab los nyob rau tiam kawg thiab. Qhov ntawd yog ntseeg tag nrho tej qhov tseeb uas Vajtswv Tus Uas Muaj Hwj Chim Loj Kawg Nkaus nthuav tawm nyob rau tiam kawg. Tsuas yog li no xwb mas peb thiaj li tau txoj sia ntev dhawv mus ib txhis. Yog peb tsuas ntseeg Tswv Yexus lub npe ntawm Tiam Hmoov Hlub xwb, qhov ntawd yuav ua tsis tau kom peb tau txoj sia ntev dhawv mus ib txhis lawm. Vim tias nyob rau Tiam Hmoov Hlub, Tswv Yexus tsuas ua tes hauj lwm txhiv dim xwb; Nws tsis tau ua tes hauj lwm txiav txim. Yog li ntawd, qhov uas tib neeg tau los ntawm qhov ntseeg Tswv Yexus nyob rau Tiam Hmoov Hlub ntawd mas yeej tsawg heev. Peb txhua tus paub tias dhau los ob txhiab xyoo ntawm Tiam Hmoov Hlub, txawm tias tag nrho cov ntseeg tus Tswv tej kev txhaum raug zam lawm, tiam sis lawv tseem ua neej nyob hauv lub voj voog tsis muaj hnub kawg ntawm kev ua txhaum thaum nruab hnub thiab lees txim thaum hmo ntuj. Txawm hais tias lawv ua npaum li cas los tswj lawv lub cev, los lawv dim tsis tau ntawm kev txhaum txoj kev khi. Qhov no puas yog ib qho tseeb? Tsis muaj leej twg tuaj yeem to taub tias vim li cas thiaj li zoo li no, tiam sis Vajtswv Tus Uas Muaj Hwj Chim Loj Kawg Nkaus tau muab qhov no hais tau meej tag nrho lawm.

Vajtswv Tus Uas Muaj Hwj Chim Loj Kawg Nkaus hais tias: “Txawm hais tias Yexus tau los nyob hauv tib neeg nruab nrab thiab ua hauj lwm ntau heev, tiam sis Nws tsuas ua tiav tes hauj lwm txhiv dim rau tag nrho noob neej thiab ua qhov kev theej txhoj rau tib neeg tej kev txhaum xwb; Nws tsis tau muab tag nrho tib neeg tus moj yam qias vuab tsuab tshem pov tseg. Yuav cawm tib neeg kom dim tag nrho ntawm Ntxwgnyoog lub zog mas tsis yog Yexus yuav tsum rais mus ua ib qho kev theej txhoj thiab ris tib neeg tej kev txhaum nkaus xwb, tab sis Vajtswv yuav tsum tau ua tes hauj lwm loj dua los tshem tib neeg tus moj yam uas raug Ntxwgnyoog ua kom qias vuab tsuab ntawd kom tag mus. Thiab yog li ntawd, tom qab tib neeg tau txais kev zam txim ntawm tej kev txhaum lawm, Vajtswv tau rov los ua cev nqaij daim tawv los coj tib neeg mus rau tiam tshiab, thiab tau pib tes hauj lwm ntawm kev qhuab ntuas thiab kev txiav txim. Tes hauj lwm no tau coj tib neeg mus rau ib qho chaw siab dua lawm. Tag nrho cov uas zwm rau Nws txoj kev tswj fwm yuav tau txais qhov tseeb uas siab dua thiab tau txais koob hmoov ntau dua. Lawv yuav tau nyob rau hauv qhov kaj tiag tiag, thiab lawv yuav tau qhov tseeb, txoj kev, thiab txoj sia” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej). “Koj tsuas paub hais tias Yexus yuav nqis los nyob rau tiam kawg xwb, tiam sis Nws yuav nqis los li cas kiag? Ib tug neeg txhaum zoo li nej, uas nyuam qhuav raug txhiv dim, thiab tsis tau raug hloov los sis raug Vajtswv ua kom zoo tiav log—koj puas yuav ua tau raws li Vajtswv tej kev npaj siab? Rau koj, koj uas tseem yog koj tus kheej qub, yeej muaj tseeb tias koj raug Yexus cawm dim lawm, thiab koj tsis yog txoj kev txhaum tug lawm vim yog Vajtswv txoj kev cawm dim, tiam sis qhov no tsis ua pov thawj qhia hais tias koj tsis muaj kev txhaum los sis tsis qias vuab tsuab lawm. Yuav ua kom koj dawb huv tau li cas yog koj tsis tau raug hloov? Nyob rau sab hauv mas, koj muaj tej kev tsis dawb huv puv npo, thiab koj twm xeeb thiab qias, tiam sis koj tseem xav nrog Yexus nqis los thiab—koj xav tau zoo dhau lawm! Koj poob ib kauj ruam nyob rau hauv koj txoj kev ntseeg Vajtswv lawm; koj tsuas lam raug txhiv dim xwb, tiam sis koj tsis tau raug hloov. Yuav kom koj ua tau raws li Vajtswv tej kev npaj siab mas, Vajtswv yuav tsum ua hauj lwm los hloov thiab yaug kom koj dawb huv kiag; yog tsis li ntawd mas koj tsuas lam raug txhiv dim xwb thiab yeej tsis muaj hnub yuav raug ua kom dawb huv li. Yog li ntawd, koj tsis tsim nyog los xyiv fab rau cov koob hmoov zoo kawg nkaus nrog Vajtswv ua ke, vim koj poob qab ib kauj ruam nyob rau hauv Vajtswv tes hauj lwm tswj hwm tib neeg lawm, uas yog kauj ruam tseem ceeb ntawm kev hloov thiab ua kom tib neeg zoo tiav log. Yog li ntawd koj, ib tug neeg txhaum uas nyuam qhuav raug txhiv dim, thiaj li tsis muaj peev xwm tau txais Vajtswv tej cuab tam ncaj qha” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Hais Txog Lub Npe thiab Qhov Nws Yog Leej Twg). Vajtswv Tus Uas Muaj Hwj Chim Loj Kawg Nkaus cov lus yeej meej heev. Cov neeg uas tsuas lees txais Tswv Yexus tes hauj lwm txhiv dim tsuas yog tej kev txhaum raug zam xwb; lawv tsis tau raug ntxuav ntawm lawv tej kev txhaum thiab ua kom dawb huv. Lawv tsis tau Vajtswv txoj kev pom zoo, thiab yeej tsis tsim nyog tau txoj sia ntev dhawv mus ib txhis. Yuav kom tau txoj sia ntev dhawv mus ib txhis nyob hauv peb txoj kev ntseeg, peb yuav tsum lees txais Vajtswv Tus Uas Muaj Hwj Chim Loj Kawg Nkaus tes hauj lwm txiav txim nyob rau tiam kawg. Tsuas yog los ntawm qhov kev txhaum raug ntxuav dawb huv, to taub qhov tseeb ntau dua, thiab tau tej qhov tseeb siab dua xwb peb thiaj li ua neej nyob tau hauv qhov kaj thiab tsim nyog tau txais Vajtswv tej lus cog tseg. Yog li ntawd, tib neeg tsuas ntseeg Tswv Yexus xwb yuav tsis tau txoj sia ntev dhawv mus ib txhis. Lawv yuav tsum tos txais tau Tswv Yexus qhov kev rov qab los, lees txais tag nrho tej qhov tseeb uas Vajtswv Tus Uas Muaj Hwj Chim Loj Kawg Nkaus nthuav tawm, daws lawv tus yam ntxwv xeeb txawm txhaum, thiab lawv tej kev txhaum raug ntxuav kom dawb huv kom hloov tau tus moj yam lawm. Tsuas yog thaum ntawd xwb lawv thiaj li tau txoj sia ntev dhawv mus ib txhis. Leej twg uas pom tej qhov tseeb uas Vajtswv Tus Uas Muaj Hwj Chim Loj Kawg Nkaus tau nthuav tawm ntau npaum no tiam sis tsis kam lees txais ces yeej yog ib tug neeg uas tsis nyiam qhov tseeb kiag li thiab ntxub qhov tseeb. Cov neeg no yuav raug Vajtswv muab tso tseg thiab tshem tawm, thiab yuav poob rau hauv tej kev puas tsuaj. Yog vim li ntawd Vajtswv Tus Uas Muaj Hwj Chim Loj Kawg Nkaus thiaj li hais tias: “Kuv qhia rau nej li no tias: Cov tib neeg uas tsis lees txais qhov tseeb, tiam sis ho tos qhov Yexus los saum cov huab dawb los yam dig muag ntsuav ntawd, yeej yog cov uas hais lus tuam mom Vajntsujplig, thiab lawv yeej yog hom uas yuav raug muab rhuav tshem. Nej tsuas xav tau Yexus txoj hmoov hlub, thiab tsuas xav xyiv fab rau lub ntuj ceeb tsheej uas muaj kev zoo siab tshaj xwb, tiam sis nej yeej tsis mloog cov lus uas Yexus hais, thiab yeej tsis tau lees txais qhov tseeb uas Yexus nthuav tawm thaum Nws rov los ua cev nqaij daim tawv li. Nej yuav muab dab tsi los pauv qhov muaj tseeb ntawm qhov Yexus rov saum ib tauv huab dawb los? Puas yog txoj kev ua siab dawb paug uas nej pheej ua txhaum tas li, thiab tom qab ntawd nej hais lus lees txim, ib zaug dhau ib zaug ntawd? Nej yuav muab dab tsi los fij rau Yexus uas rov saum ib tauv huab dawb los? Puas yog cov peev txheej ntawm ntau lub xyoo ntawm tes hauj lwm uas nej ua los tsa nej tus kheej kom siab? Nej yuav muab dab tsi los ua kom tus Yexus uas rov qab los ntawd ntseeg nej siab? Puas yog nej tus yam ntxwv xeeb txawm khav theeb, uas tsis zwm rau ib qho qhov tseeb ntawd?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Thaum Lub Sij Hawm Koj Pom Yexus Lub Cev Sab Ntsujplig, Vajtswv Yuav Tsim Lub Ntuj thiab Lub Ntiaj Teb Tshiab Lawm). “Khetos ntawm tiam kawg ntawd nqa txoj sia los, thiab nqa txoj kev ntawm qhov tseeb uas ruaj khov thiab kav mus ib txhis ntawd los. Qhov tseeb no yog txoj kev uas tib neeg tau txoj sia, thiab nws yog tib txoj kev uas tib neeg yuav paub Vajtswv thiab tau txais kev pom zoo los ntawm Vajtswv. Yog koj tsis nrhiav txoj kev ntawm txoj sia nyob uas Khetos muab thaum tiam kawg ntawd, ces koj yeej yuav tsis tau txais kev pom zoo los ntawm Yexus ib zaug li, thiab yeej yuav tsis muaj hnub tsim nyog tau nkag rau hauv lub rooj vag ntawm lub nceeg vaj saum ceeb tsheej, vim koj yog ib tug moj zeej thiab neeg raug txim ntawm keeb kwm xwb. Cov uas raug tswj los ntawm tej kev cai, los ntawm tej lus, thiab raug keeb kwm tej saw hlau khi cia ces yuav tsis muaj hnub tau txoj sia los sis tau txoj kev ntawm txoj sia uas tsis paub kawg. Qhov no mas vim yog tag nrho qhov lawv muaj ces tsuas yog tej nyuag dej nro uas lawv tuav rawv tseg los tau ntau txhiab xyoo uas tsis yog cov dej ntawm txoj sia uas txhawv ntawm lub zwm txwv los. Cov uas tsis tau txais cov dej ntawm txoj sia ces tsuas yog lub niag cev tuag, yog Ntxwgnyoog tej nyuag khoom ua si, thiab yog tub ki ntawm dab teb mus ib txhis xwb. Yog li ntawd, yuav ua cas es lawv thiaj yuav pom Vajtswv? Koj tsuas nrhiav los tuav rawv rau yav tag los, sawv twj ywm es tuav txhua yam cia kom zoo li qub xwb, es tsis nrhiav los hloov qhov uas muaj tam sim no thiab muab keeb kwm tso pov tseg, yog li ntawd tsis yog koj pheej yuav tawm tsam Vajtswv tas li lod? … tig los saib tus uas tab tom ua hauj lwm tam sim no—saib kom pom hais tias leej twg tab tom ua tes hauj lwm cawm tib neeg nyob rau tiam kawg. Yog koj tsis ua li, koj yuav tsis muaj hnub tau txais qhov tseeb, thiab yuav tsis tau txoj sia” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Khetos ntawm Tiam Kawg Nkaus Xwb Mas Thiaj Yuav Muab Tau Txoj Kev ntawm Txoj Sia Ntev Dhawv Mus Ib Txhis Rau Tib Neeg).