1

Koj cov lus hais tawm thiab cov lus coj kuv mus rau tom ntej. Kuv tau pom lawm tias muaj kev cia siab nyob rau hauv lub neej.

Koj cov lus uas txiav txim thiab rau txim rau noob neej qhia tias tib neeg coj tsis ncaj tob npaum li cas.

Koj qhuab qhia kuv, saib xyuas kuv, rau txim rau kuv, thiab qhuab ntuas kuv, kuv thiaj li xyaum los mloog lus.

Muaj kev paub thiab kev xyaum ua raws li koj cov lus, ua rau Kuv nkag siab qhov tseeb thiab ua neej nyob rau ntawm Koj xub ntiag.

Kuv tau caum Koj los txog ntua tam sim no, vim yog txoj kev cia siab rau Koj cov lus xwb. Thiaj li ua rau Kuv maj mam loj hlob thiab paub tab zuj zus.

Yog tias kuv txav deb ntawm Koj cov lus, ces kuv yuav tsis tau nyob hauv Koj lub xub ntiag lawm, thiab kuv yuav cia li tuag ciaj ciaj. 

Koj cov lus uas cawm txoj sia tau nrog kuv ua ke los txog ntua rau hnub no. Kuv tau saj Koj txoj kev hlub lawm.

Kuv pom tias Khetos yog qhov tseeb, yog txoj kev, thiab yog txoj sia; Kuv tsuas muaj Khetos ib leeg xwb.

2

Koj cov lus ntxuav kuv txoj kev coj tsis ncaj kom dawb huv thiab muab lub neej tshiab rau kuv.

Kev mob, kev txom nyem, kev sim siab, kev lim tib neeg kom dawb huv—Koj txoj lus pom kuv ua txhua yam tag nrho.

Txawm hais tias kuv sab cev ncaij daim tawv muaj mob los, kuv pom Ntxwgnyoog txoj kev phem tseeb heev, thiaj ua rau kuv txoj kev hlub Vajtswv loj hlob.

Txawm hais tias txoj kev tom hauv ntej yuav muaj pob zeb thiab nyuaj heev los, muaj Koj cov lus los coj kuv, kuv yuav tsis ntshai li.

Kuv tus yam ntxwv maj mam hloov pauv, vim yog kev nkag siab txog qhov tseeb xwb, txhua yam yog los ntawm Koj txoj kev hlub.

Txoj kev txiav txim thiab kev sim siab ntawm Koj txoj lus ua rau kuv tau txais qhov tseeb thiab txoj sia.

Kuv tau dim ntawm Ntxwgnyoog txoj kev tsaus ntuj thiab tau txais Vajtswv txoj kev cawm dim lawm.

Kuv pom tias Khetos yog qhov tseeb, yog txoj kev, thiab yog txoj sia; Kuv tsuas muaj Khetos ib leeg xwb.

3

Koj yog qhov tseeb, yog txoj kev thiab yog txoj sia; Koj cov lus tuav tag nrho txhua yam uas muaj nyob.

Koj yog tus cawm seej, noob neej thiaj li cheem tsum txhua lo lus koj hais.

Uas ua rau kuv muaj peev xwm tso tseg kuv txoj kev coj tsis ncaj es los ua neej nyob rau hauv txoj kev kaj tag nrho los twb yog vim Koj txoj lus tau cawm kuv lawm.

Thaum yug los ua neeg, Koj txoj kev hlub tob thiab Koj txoj kev hlub muaj zog; Koj cov lus muaj nqis heev.

Txawm hais tias tej kev sim siab yuav loj npaum li cas los sis tej kev txom nyem yuav loj npaum li cas los, Kuv yuav nco ntsoov Koj cov lus.

Kuv yuav xyaum ua raws li Koj cov lus thiab ua tim khawv rau Koj, kom Koj txoj kev fij koj tus kheej thiaj li yuav tsis raug saib tsis muaj nuj nqis.

Kev hlub yog Koj lub ntsiab tseeb, Koj tus yam ntxwv ncaj ncees, Kuv yuav qhuas Koj mus ib txhis.

Kuv pom tias Khetos yog qhov tseeb, yog txoj kev, thiab yog txoj sia; Kuv tsuas muaj Khetos ib leeg xwb.