1

Kuv tab tom taug txoj kev mus rau lub teb chaws, kev nyeem Vajtswv cov lus nrog rau tig saib Nws.

Nws cov lus mas muaj txiaj ntsig thiab hais tiag tiag; Nws cov lus qhia tau cog rau hauv kuv lub siab lawm.

Vajtswv tau txhawj txog kuv, Nws lub siab tawg ua daim los ntawm txoj kev txhawj, thiab Nws ntshai tsam kuv raug Ntxwgnyoog ntxias dag thiab raug rhuav tshem.

Vajtswv cov lus tau coj kuv kev thiab tau muab txoj kev rau kuv lub neej; tsuas yog tom qab ntawd xwb kuv thiaj li muaj peev xwm taug kev mus raws txoj kev no.

2

Kuv saib rov qab mus rau cov xyoos ntawm kev khiav dhau cov cua thiab dej nag, caum tej kev yoog raws qhov phem thiab poob txhua yam ntawm kev yog tib neeg.

Yog ib tug ntoj ncig, kuv tau ntoj ncig mus thoob ntiaj teb, kuv lub siab puv npo txoj kev tsaus ntuj thiab tsis muaj ib qho kev cia siab hlo li.

Nws yog txoj kev txiav txim thiab kev nthuav tawm ntawm Vajtswv cov lus uas tau ua rau kuv pom tshab txoj kev tsaus ntuj thiab qhov phem ntawm lub ntiaj teb.

Vajtswv tau caum kuv los ntawm Ntxwgnyoog tej kev tsim txom, thiab puag rau hauv Vajtswv cov lus, kuv loj hlob zoo thiab muaj zog.

3

Qhov tseeb tau nthuav tawm los ntawm txoj kev txiav txim ntawm Vajtswv cov lus yog kuv txoj kev lwj liam phem.

Kuv mas khav theeb, ntshaw luag tug, thiab twm xeeb, thiab puv npo tej kev dag thiab ntxias dag uas kuv tsis muaj qhov zoo li tib neeg lawm.

Puv npo kev thim siab lees txhaum, kuv txhos cuag kuv tus kheej rau ntawm Vajtswv xub ntiag, txaus siab zwm rau Nws txoj kev txiav txim.

Kuv tau txiav txim siab caum raws qhov tseeb thiab dhau los ua ib tug neeg tshiab, xyaum ua raws Vajtswv cov lus, thiab ua neej nyob tau zoo li tib neeg.

4

Kuv tab tom taug txoj kev mus rau lub teb chaws, zoo siab hlo tshaj tawm txoj moo zoo thiab hais lus tim khawv rau Vajtswv.

Txoj kev mus rau lub teb chaws mas phem thiab phom sij tshwj xeeb, thiab kev txhom thiab kev quab yuam los ntawm Tsoom Fwv Koom Tsham Suav suav hnub phem zuj zus tuaj.

Yog tsis muaj kev ntseeg thiab siab tawv, kuv yuav tsis muaj peev xwm rhais ruam mus tom ntej tau ib kauj ruam li; Vajtswv cov lus txhawb kuv thiab ua rau kuv muaj lub zog.

Muaj Vajtswv coj kuv kev, kuv rhais ruam mus tom ntej tau khov kho, caum raws Nws mus kom txog thaum kawg kiag.