Kuv tsev neeg twb yog Kabtauliv los tau plaub tiam neeg lawm, thiab nyob rau xyoo 70 tawm uas yuav tag ntawd, kuv tsev neeg tsim tsa tau ib qho chaw sib txoos ua ke. Nyob rau lub sij hawm ntawd, kuv txiv thiab txiv ntxawm nkawv ua pawg ntseeg ob tug thawj txwj laug. Hnub ua ntej ntawm txhua hnub caiv, kuv tsev neeg tau kom kuv caij ib lub tsheb kauj vab mus rau ib qho chaw deb li 20 mais mus soj ntsuam hnub caiv. Kuv nco hais tias tus txiv plig pheej qhia peb nyob rau hauv Kev Pe Hawm Ua Ke hais tias tiam kawg twb los txog peb lawm, thiab peb yuav tsum tau ceev faj txhua lub sij hawm, tu peb lub siab kom dawb huv thiab tsis txhob ua ib yam kev txhaum loj li, vim tus Tswv yuav los rau saum ib tauv huab thiab coj peb mus rau saum ntuj ceeb tsheej lub sij hawm twg los tau. Thaum ntawd, txhua tus ntseeg, hluas thiab laus, yeej kub siab lug, hais cov lus thov, mus koom kev Pe Hawm, thiab ua zoo, vim ntshaw qhov tus Tswv rov qab los xwb.

Kuv txiv thiab kuv txiv ntxawm nkawv tag sim neej rau thaum xyoo 90 tawm lawm ces kuv thiaj li ua thawj txwj laug txoj hauj lwm. Kuv coj cov ntseeg nyeem Vajluskub, ua dej num, thiab kuv qhuab qhia. Ces nyob rau lub caij nplooj ntoos hlav xyoo 1999 ntawd, peb tus txiv plig muab ib daim ntawv tshaj tawm txoj moo zoo uas tuaj Hooj Koo tuaj rau kuv thiab hais kom kuv hu sawv daws tuaj ua ke tuaj sib tham txog qhov xov xwm uas hais tias qhov tus Tswv rov qab los ntawd yuav tshwm sim. Ces kuv thiaj li maj nroos mus npaj tej rooj sib txoos ua ke rau txhua tus, thiab hais kom lawv thov Vajtswv thiab nyeem Vajluskub ib hnub peb zaug. Kuv kuj qhia lawv txog tej cim uas qhia txog qhov tus Tswv rov qab los uas tau piav qhia nyob rau hauv Vajluskub lawm thiab. Kuv hais tias, “Cov kwv tij uas ncaj ncees sawv daws, tus Tswv tab tom yuav rov qab los lawm. Nws ib sab ko taw twb tsuj rau sab qhov rooj no lawm, ces tsis ntev yuav nyob rau ntawm peb xub ntiag lawm. Tus Tswv Yexus hais tias, ‘Thiab thaum ntawd Neeg Leej Tub lub cim yuav tshwm nyob rau saum ntuj: ces tom qab ntawd txhua haiv neeg hauv lub ntiaj teb yuav quaj nyiav: thiab lawv yuav pom Neeg Leej Tub nrog lub hwj chim thiab lub meej mom loj nrog cov huab saum ntuj los’ (Lub Moo Zoo Raws Li Mas Tais 24:30). Peb pom tau hais tias thaum tus Tswv los ces yuav muaj ib lub cim tseem ceeb tshwm rau saum nruab ntug. Peb txhua tus yuav pom kiag ntawm qhov muag ntag tus Tswv nqis los rau saum ib tauv huab, nrog lub yeeb koob thiab lub hwj chim loj, los coj peb mus rau saum ntuj ceeb tsheej. Tsuas tshuav li ob peb lub hlis lawm xwb ces txog xyoo 2000 lawm. Peb tsis tuaj yeem ncua txoj kev tshaj tawm txoj moo zoo rau tej phooj ywg, tej txheeb ze, thiab tej neeg sib paub uas tsis ntseeg. Qhov cawm tau ntau tus ntsujplig ntawd yuav ua rau tus Tswv yuav pom hais tias peb ua tau txiaj ntsim zoo heev.” Thaum hnov qhov no lawm ua rau txhua tus kub siab tuaj, thiab lawv txhua tus txawm pib tham txog qhov ntawd yam zoo siab heev. Ib txhia hais tias, “Yog lawm, tsuas tshuav li ob peb lub hlis lawm xwb ces txog xyoo 2000 lawm. Tus Tswv tab tom yuav rov qab los! Peb yuav tsum tau nyeem Vajluskub kom ntau ntxiv thiab tsis txhob ntshaw tej khoom hauv lub ntiaj teb lawm.” Thiab ib txhia hais tias, “Kuv yuav tsum tau mus qhia txoj moo zoo rau tej phooj ywg thiab tsev neeg kiag tam sim no kom lawv tus ntsujplig thiaj li yuav dim thiab lawv thiaj li yuav tau mus rau saum ntuj ceeb tsheej.”

Lub Kaum Ib Hlis los txog sai heev, ces kuv txawm pib pom hais tias zoo li kuv poj niam txawv me ntsis tsis zoo li qub lawm. Nws txawm mus rau tim tus Muam Tab lub tsev hauv peb zos mus nyeem Vajluskub txhua hmo tom qab noj hmo tag lawm, thiab nws tsis tau nrog kuv thov Vajtswv yav tsaus ntuj tau li ob peb hnub lawm. Kuv txawm paub tsis tshua meej lawm, thiab xav paub seb puas yog nws hloov mus ntseeg lwm pab ntseeg lawm. Muaj ib tav su, kuv poj niam los txog tsev ces txawm nug kuv qee yam. Nws hais tias, “Tam sim no wb twb yog cov ntseeg los tau ntev heev lawm. Koj puas cia siab rau qhov tus Tswv rov qab los?” Kuv cia li teb kiag hais tias, “Koj tseem yuav nug thiab lod? Kuv cia sia los mos!” Ces nws txawm hais rau kuv yam kub siab lug hais tias, “Kuv muaj xov zoo qhia rau koj. Tus Tswv twb yug los ua neeg dua thiab rov qab los lawm, thiab Nws twb nthuav thooj ntawv uas hais nyob rau hauv Qhia Tshwm lawm.” Kuv ceeb tag li. Kuv txawm tsa suab hlo hais rau nws hais tias, “Ntuj aw koj hais dab tsi nas? Tus Tswv yeej nrog huab nrog cua los xwb xwb li thaum Nws rov qab los. Yeej tsis muaj hnub uas Nws rov qab los rau hauv lub cev nqaij daim tawv li!” Ces kuv poj niam txawm hais tias, “Koj twb tsis tau tshawb xyuas mus rau qhov ntawd es. Koj cia li txiav txim siab hais tias Nws yuav tsis ua lub cev nqaij daim tawv rov qab los tau li cas? Wb ntseeg los tau npaum no lub xyoo lawm, tsis yog wb cia siab ntsoov tias yuav tau ntsib qhov tus Tswv rov qab los xwb lod? Qhov cia li kwv yees raws li koj tej kev xav phem yam dig muag ntsuav no, koj yuav plam koj lub hwv tsam uas raug qaws mus. Kuv xav hais tias koj yuav tsum ua siab txias txias thiab tshuaj xyuas qhov no tiag tiag tso.” Tiam sis kuv yeej tsis nkag siab tej uas nws hais ntawd ib qho dab tsi li. Kuv txhawj tsam nws raug coj mus yuam kev lawm, yog li ntawd kuv thiaj li qhia nws txog tej lus faj lem txog qhov tus Tswv rov qab los zaum ob ntawd, hais tias, “Tom qab Tswv Yexus raug ntsia rau saum tus ntoo khaub lig thiab tom qab ntawd raug tsa sawv hauv qhov tuag rov qab los lawm, Nws tau ua lub cev ntsujplig nce mus rau saum ntuj ceeb tsheej lawm. Thaum Nws rov qab los, Nws yuav ua lub cev ntsujplig nqis rov qab los, nrog huab nrog cua los yam muaj yeeb koob heev. Nws rov qab ua cev nqaij daim tawv los tau li cas? Vajluskub hais tias, ‘Saib nawb, Nws nrog cov huab los, thiab txhua lub qhov muag yuav pom Nws’ (Qhib Yav Tom Ntej 1:7). ‘Thiab tom qab kiag ntawm txoj kev ceeb laj txom nyem thaum lub sij hawm ntawd lawm, lub hnub yuav tsaus nti thiab lub hli yuav tsis ci lawm, thiab tej hnub qub yuav poob saum ntuj los, thiab tej uas muaj hwj chim saum ntuj ntawd yuav raug muab tshem tawm mus: Thiab thaum ntawd Neeg Leej Tub lub cim yuav tshwm nyob rau saum ntuj: ces tom qab ntawd txhua haiv neeg hauv lub ntiaj teb yuav quaj nyiav: thiab lawv yuav pom Neeg Leej Tub nrog lub hwj chim thiab lub meej mom loj nrog cov huab saum ntuj los’ (Lub Moo Zoo Raws Li Mas Tais 24:29–30). Peb pom tau rau ntawm no hais tias thaum Nws rov qab los lub hnub yuav tsaus thiab lub hli yuav tsis ci. Tej hnub qub yuav poob saum ntuj los ces tus Tswv yuav nqis los rau saum ib tauv huab. Tiam sis tej cim no twb tsis tau tshwm sim kiag li. Yog ua li cas es koj ho hais tias Nws twb los lawm?” Nws mloog kuv hais tag, ces nws txawm ua siab txias txias teb hais tias, “Tus Tswv tej lus faj lem ntawd puav leej yog tej lus zais tob xwb. Yog peb piav qhia tej lus ntawd ncaj ncaj, raws li peb tej kev xav phem thiab tej kev xav hauv nruab siab xwb, ces peb yeej yuav txhab txhais Nws cov lus yuam kev xwb xwb li. Sim xav txog cov Falixais seb. Lawv mus ncaj ncaj raws li lub ntsiab lus ntawm Vajluskub thiab lawv tus kheej tej kev xav phem xwb, xav hais tias tus Mexiyas yuav los yug rau hauv vajntxwv lub vaj loog thiab yuav muaj hwj chim, tiam sis Tswv Yexus tsis yog yug rau hauv lub vaj loog. Nws yug los rau hauv ib lub dab zaub los ua ib tug kws txua ntoo tus tub, thiab Nws tsis yog ib hom thawj coj twg li. Cov Falixais pom qhov Yexus yug thiab tes hauj lwm ntawd tsis phim lawv tej tswv yim kiag li, yog li ntawd lawv thiaj li tsis kam lees txais hais tias Nws yog tus Mexiyas uas yuav los, ces lawv thiaj li tawm tsam thiab teem txim rau Nws. Peb tsis tuaj yeem ua yuam kev ib yam li cov Falixais ntawd lawm!” Kuv meem txom thaum nws hais li ntawd, xav hais tias kuv yog pawg ntseeg tus thawj txwj laug thiab muaj kev kawm ntau dua nws, tiam sis nws cia li tsis kam mloog kuv hais li xwb, haj tseem hais tias kuv txhab txhais tus Tswv tej lus faj lem ntawd yuam kev lawm thiab. Kuv lub ntsej muag ntshaus ntshi thiab hais rau nws yam npau taws vog hais tias, “Kuv twb qhia koj tag los qhia dua lawm, tiam sis koj tsis mloog li. Koj yeej ntseeg tiag tiag li! Koj yuav tsum tau tso tseg txhob mus koom cov rooj sib txoos ua ke ntawd lawm.” Tiam sis kuj ceeb tag li tias, nws hais tawv qhawv hais tias, “Qhov uas kuv tau tshuaj xyuas lawm ntawd mas yeej meej tseeb lawm, thiab kuv txoj kev ntseeg yeej ntseeg qhov tus Tswv rov qab los ntawd lawm. Yog koj tsis ntseeg, qhov ntawd yog koj li hauj lwm, tiam sis txhob tav kuv kev nawb.” Kuv npau taws heev thaum nws hais li ntawd. Vim txoj kev siv zog cawm nws, kuv thiaj li nrhiav tau ob tug thawj txwj laug ntawm lwm pawg ntseeg los sim cheem nws. Ib tug ntawm ob tug thawj txwj laug ntawd hais rau nws yam ruaj siab hlo hais tias, “Wb ob leeg puav leej yog cov ntseeg Kabtauliv los ntev lawm, thiab wb paub hais tias Kabtauliv xwb thiaj li yog txoj kev ntseeg yog. Kev Ntseeg Vajtswv yog tawg ntawm Pawg Ntseeg Kabtauliv los xwb. Thaum tus Tswv rov qab los, ces tag nrho lwm pab ntseeg yuav rov qab los rau hauv Kev Ntseeg Kabtauliv. Qhov ntawd hu ua Koom Haum Pawg Ntseeg Loj. Koj paub txog qhov no, puas yog?” Kuv ceeb tag li uas hnov kuv poj niam hais tias, “Puas muaj ib lub hauv paus hais tias tag nrho txhua pab ntseeg yuav rov qab los rau Pawg Ntseeg Kabtauliv thaum tus Tswv rov qab los mas? Tswv Yexus puas txeev hais li ntawd li? Cov Ntseeg Vajtswv thiab cov pawg ntseeg Qub Sab Hnub Tuaj puas xav rov qab los koom nrog rau Pawg Ntseeg Kabtauliv lawm? Vajluskub tau hais ua lus faj lem ntev los lawm hais tias, ‘Thiab nyob rau lub sij hawm kawg lub roob uas muaj tus Tswv lub tsev ntawd yuav raug muab npaj tsa kom siab tshaj txhua lub roob, thiab yuav raug muab txhawb nqa kom siab tshaj tej pov roob, thiab txhua haiv neeg yuav sau nthwv tuaj rau saum lub roob ntawd’ (His Xais 2:2). ‘Tej roob’ ntawm no yog hais txog ntau pab ntseeg ntag. Thaum tus Tswv rov qab los ua tes hauj lwm ntawm kev sib koom ua ke lawm, nws tsis yog Txoj Kev Ntseeg Vajtswv rov qab los rau Txoj Kev Ntseeg Kabtauliv los sis Txoj Kev Ntseeg Kabtauliv rov qab los rau Kev Ntseeg Vajtswv, tiam sis nws yog cov ntseeg tseeb ntawm txhua pab ntseeg los rau ntawm Vajtswv lub zwm txwv lub xub ntiag. Thaum txhua txoj kev ntseeg los ua ib txoj li no lawm xwb, ces yuav pom tus Tswv txoj kev ncaj ncees tseeb thiab txhua tus tib neeg thiaj li yuav ntseeg tiag tiag.” Thaum kuv hnov nws hais li no lawm, ces txhua yam zoo li tshiab heev thiab ua rau kuv tig ras to taub, ces kuv cia li tsis paub hais dab tsi li tau ib pliag. Kuv pom hais tias ob tug thawj txwj laug ntawd los cia li mus lawm yam hais tsis tau lus li thiab, ces nkawv ib tug tsuas hais yam khov kho hais tias, “Koj tsuas yog ib tug ntseeg xwb—koj xav hais tias koj paub ntau dua ib tug txiv plig no lod? Txawm li cas los xij, thaum lub sij hawm los txog lawm txhua tus yuav rov qab los rau Txoj Kev Ntseeg Kabtauliv xwb. Cov uas tig lawv lub nraub qaum rau Txoj Kev Ntseeg Kabtauliv ntawd twb ntxeev siab rau Vajtswv lawm, thiab lawv tus ntsujplig yuav tsis tau mus rau saum ntuj ceeb tsheej. Koj yog cov tib neeg uas raug coj mus yuam kev lawm. Kuv xav kom koj mus lees txim kiag tam sim no. Qhov tig rov qab los ntawd tseem tsis tau lig.” Nws teb khov kho hais tias, “Kuv tsis tau raug coj mus yuam kev. Kuv twb hnov Vajntsujplig cov lus uas hais rau cov ntseeg lawm thiab kuv tab tom taug tus Me Nyuam Yaj cov hneev taw. Kuv tau lees txais Vajtswv tes hauj lwm tshiab lawm. Kuv yuav nyob rau txoj kev no, thiab tsis muaj leej twg cheem tau kuv li.” Kuv muaj ob tug thawj txwj laug ntawd tuaj qhia nws qee yam, tiam sis kuv yeej xav tsis txog tias tsis yog nkawv ntxias tsis tau nws xwb, tiam sis nkawv haj tseem tsis muaj hau kev los thaiv nws li thiab. Tom qab ntawd, kuv poj niam txoj kev ntseeg haj yam khov tuaj. Nws hais tias thaum xub thawj nws mloog zoo li nws raug kuv txwv me ntsis thiab muaj kev txhawj xeeb qee yam, tiam sis thaum ob tug thawj txwj laug ntawd sim los tav nws kev, nws pom tseeb tseeb hais tias nkawv tsis to taub qhov tseeb, nkawv mas khav theeb heev, thiab tsis xav txo hwj chim los nrhiav li. Yog li ntawd nws mloog zoo li dim ntawm tej kev txwv thiab haj yam txiav txim siab los raws Vajtswv Tus Uas Muaj Hwj Chim Loj Kawg Nkaus qab lawm. Nws pheej mus koom tej rooj sib txoos ua ke txhua txhua hnub.

Qee yam uas ua rau kuv paub tsis meej mas yog qhov hais tias nws tsis tau kawm ntawd siab, yog li thiaj li tsis paub Vajluskub zoo, yog li ntawd yog ua cas ob tug thawj txwj laug ntawd thiaj li xav tsis thoob txog nws tej lus cav li? Nws mloog hom lus qhuab qhia dab tsi es cas yuav zoo ua luaj li? Kuv ua tib zoo xav txog qhov nws hais ntawd, thiab mloog zoo li muaj qee yam txog qhov ntawd. Qhov uas nws ntseeg ntawd puas yog los ntawm Vajntsujplig los tiag tiag? Kuv xav hais tias qhov ntawd yeej tsis yog li. Yog hais tias qhov ntawd yog, ces peb cov txiv plig tsim nyog paub txhua yam txog qhov ntawd lawm, yog vim li cas lawv ho tsis hais txog qhov ntawd li? Kuv mus nrog kuv tus yawm yij tham txog qhov ntawd. Nws yog pawg ntseeg ib tug thawj txwj laug thiab. Tiam sis kuv twb hais tsis tau tag qhov kuv yuav tsum tau hais, nws txawm siv cuam tshuam kuv yam npau taws heev hais tias, “Tus Tswv yeej tsis muaj hnub ua lub cev nqaij daim tawv rov qab los li! Muaj ib pawg ntseeg hu ua Qhov Xob Laim Sab Hnub Tuaj. Lawv hais tias tus Tswv twb ua lub cev nqaij daim tawv rov qab los lawm thiab Nws hu ua Vajtswv Tus Uas Muaj Hwj Chim Loj Kawg Nkaus. Lawv tej lus qhia mas siab heev thiab lawv tau nyiag peb cov ntseeg uas kub siab coob leej ntau tus mus lawm. Tshaj li kaum tawm leej ntawm peb pawg ntseeg twb raug coj mus yuam kev, nrog rau ib tug txiv plig lawm thiab. Txawm peb yuav ua li cas los xij, lawv yuav tsis rov qab los li lawm.” Thiab nws qhia kuv tseeb tseeb hais tias txawm yuav zoo li cas los xij, tsis txhob mloog tej lawv qhuab qhia ntawd li. Thaum ntawd yog thaum kuv ras dheev hais tias kuv poj niam tau mloog Qhov Xob Laim Sab Hnub Tuaj tej lus qhuab qhia lawm. Ces kuv txawm tawm ncaj qha ntawm kuv tus yawm yij qhov chaw mus rau lwm tus thawj txwj laug lub tsev mus hais kom nws mus qhia rau lwm tus ntseeg kom txav deb ntawm Qhov Xob Laim Sab Hnub Tuaj. Thaum kuv rov qab los tsev, kuv txawm pib xav txog qhov uas kuv tus yawm yij tau hais lawm. Kuv xav paub xav pom heev li thiab kuv muaj qhov kev xav tawm tsam zoo li no txog qhov ntawd. Kuv xav paub seb Qhov Xob Laim Sab Hnub Tuaj yuav hais li cas. Vim li cas es thiaj li muaj coob tus ntseeg mus cuag lawv lawm? Txawm lawv tej lus qhuab qhia yuav zoo npaum li cas los xij, tej lus qhuab qhia ntawd puas yuav zoo tshaj li peb cov Kabtauliv qhov tseeb mas? Yog kuv muaj hwv tsam, kuv xav pom seb lawv tshaj tawm dab tsi tiag tiag.

Kuv txawm pib nyeem Vajluskub kom ntau es kuv thiaj li yuav npaj txhij ntxiv los thaiv txhua tus uas tuaj ntawm Qhov Xob Laim Sab Hnub Tuaj tuaj. Kuv tshawb tag los tshawb dua txog tej lus faj lem uas hais txog qhov tus Tswv rov qab los ntawd, ces kuv txawm pom nqe no uas hais tias: “Kuv cov yaj yeej mloog Kuv lub suab: thiab Kuv paub cov yaj ntawd, thiab cov yaj ntawd caum raws Kuv qab” (Lub Moo Zoo Raws Li Zam 10:27). Thaum tab tom nyeem qhov no, kuv xav txog qhov muaj pes tsawg tus ntseeg uas kub siab tau lees txais Qhov Xob Laim Sab Hnub Tuaj tom qab hnov qhov lawv tshaj tawm lawm, thiab tsis kam tig rov qab los lawm. Qhov ntawd yog ib qho qhia tiag tiag! Thiab lawv kuj yog cov ntseeg Kabtaulivv uas muaj kev paub tob thiab muaj ib lub hauv paus kev ntseeg khov los ntev lawm. Lawv yuav tsum tau tshuaj xyuas ua ntej raws Qhov Xob Laim Sab Hnub Tuaj qab lawm. Kuv saib ntxim zoo li tias tej zaum phau ntawv uas lawv nyeem ntawd muaj qhov tseeb, tias nws yog Vajtswv lub suab. Thiab yog kuv tsis tshawb xyuas qhov ntawd, kuv yuav ua li cas paub tias qhov ntawd yog los ntawm Vajtswv los los sis tsis yog? Tom qab ntawd, kuv txiav txim siab mus saib seb qhov ntawd yog dab tsi, thiab yog muaj qhov tseeb nyob rau hauv qhov ntawd thiab nws mus raws li Vajluskub, ces kuv yuav tshuaj xyuas mus ntxiv. Yog qhov ntawd cov nyom rau cov ntseeg Kabtauliv txoj kev ntseeg, ces kuv yeej tseem tsis kam txais yuav li.

Muaj ib tag kis sawv ntxov tom qab noj kiag tshais tag nrho thaum kuv tsis pom kuv poj niam nyob ib puag ncig ntawd lawm. Kuv paub hais tias nws nyob rau tom tus Muam Tab lub tsev dua lawm. Kuv xav rau kuv tus kheej hais tias qhov ntawd yuav tsum yog ib qho uas txawj ntxias heev es nws thiaj li mus koom tej rooj sib txoos ua ke ntawd txhua hnub li ntag! Kuv xav pom seb lawv hais dab tsi tiag tiag. Thaum kuv mus txog tom tus Muam Tab tsev lawm, kuv tsis yog tsuas pom ob peb tug ntseeg xwb, tiam sis kuj pom Kwv Tij Vaj, uas muaj hnub nyoog 50 tawm xyoo lawm thiab. Nws caw kom kuv mus koom lub rooj sib txoos ua ke ntawd. Ces kuv txawm zaum mloog thiab thov tus Tswv twj ywm, thov kom Nws saib ntsoov kuv lub siab, es muab kev thoob tsib to nrog rau kuv kom kuv thiaj li yuav tsis raug dag. Kwv Tij Vaj qhia hais tias, “Phau Vajluskub muaj peb ntu xws li: Phau Vajluskub Qub, Phau Vajluskub Tshiab, thiab Phau Qhia Tshwm. Txhua ntu yeej teev muaj Vajtswv tes hauj lwm ntawm txhua tiam uas sib txawv. Phau Vajluskub Qub teev muaj Nws tes hauj lwm nyob rau Tiam Muaj Kev Cai, thaum Vajtswv muab 10 txoj kev cai rau Mauxe ntxiv rau Nws tej kev cai thiab kev tswj fwm kom tib neeg thiaj li yuav paub tias kev txhaum yog dab tsi thiab yuav ua neej nyob rau hauv ntiaj teb li cas. Phau Vajluskub Tshiab teev muaj Nws tes hauj lwm nyob rau Tiam Hmoov Hlub, thaum Tswv Yexus raug ntsia rau saum tus ntoo khaub lig ua ib qho kev theej txhoj, txhiv tib neeg dim los ntawm txoj kev teem txim raws li txoj kev cai. Phau Qhia Tshwm hais ua lus faj lem txog Vajtswv tes hauj lwm nyob rau tiam kawg, tes hauj lwm ntawm Tiam Lub Nceeg Vaj, thaum Vajtswv los ua cev nqaij daim tawv thiab los twj ywm, nthuav qhov tseeb tawm los txiav txim thiab yaug tib neeg ntiaj teb kom dawb huv, los tso peb kom dim plaws ntawm kev txhaum txoj kev khi. Qhov no yog ib txoj kev cawm dim loj heev rau txhua tus uas nrhiav qhov tseeb.” Nws kuj hais tias, “Tseeb tiag, Vajtswv hais ua lus faj lem lawm hais tias Nws yuav los yug ua neeg nyob rau tiam kawg ntev los lawm. Muaj ntau lo lus faj lem txog qhov no nyob rau hauv phau Vajluskub. Piv txwv li, tus Tswv hais tias: ‘Saib nawb, Kuv los li ib tug tub sab’ (Qhib Yav Tom Ntej 16:15). ‘Yog li ntawd nej kuj yuav tsum npaj kom txhij thiab: vim Neeg Leej Tub yuav los rau lub sij hawm uas nej tsis xav txog li’ (Lub Moo Zoo Raws Li Lus Kas 12:40). Qhov no uas hais tias, ‘koj xav tsis txog,’ thiab ‘yam li ib tug tub sab,’ yog hais txog ‘Neeg Leej Tub’ los twj ywm thaum tib neeg xav tsis txog. Txhua qho uas hais txog ‘Neeg Leej Tub’ ntawd yog hais txog Vajtswv txoj kev yug los ua neeg ntag. Zoo ib yam li Tswv Yexus—Nws yug los ntawm tib neeg, yug los rau hauv ib tsev neeg dog dig. Nws tsuas zoo li ib tug neeg dog dig xwb, tiam sis Nws lub ntsiab tseeb mas muaj hwj chim qaum ntuj. Nws yog Vajtswv Tus Kheej txoj kev yug los ua neeg ntag.” Qhov hnov Kwv Tij Vaj pheej ua tim khawv hais tias Vajtswv twb rov qab los ua cev nqaij daim tawv lawm ntawd yog ib qho meem txom kuv heev, thiab kuv tsis xav hnov ntxiv li lawm. Yog li ntawd kuv thiaj li sawv saum xa loos mus lawm thiab hais tawv qhawv hais tias, “Kuv lees txais tsis tau qhov koj tab tom hais txog qhov Vajtswv rov qab los ua lub cev nqaij daim tawv ntawd. Vajluskub hais ua lus faj lem meej meej hais tias, ‘Nej cov neeg Kalilais, vim li cas nej thiaj li sawv ntsia ntsoov mus rau saum ntuj? Tus Yes Xus uas raug coj ntawm nej mus rau saum ntuj lawm no, yeej yuav los, ib yam li nej twb pom Nws mus rau saum ntuj lawm’ (Hauj Lwm 1:11). Tus Tswv ua lub cev ntsujplig nce mus rau saum ntuj ceeb tsheej lawm, yog li ntawd thaum Nws rov qab los, yuav tsum yog lub cev ntsujplig, nqis los yam muaj yeeb koob heev li thiab. Tus Tswv twb tuag rau peb rau saum tus ntoo khaub lig, tiv txoj kev txom nyem uas xav tsis txog li lawm. Nws yuav tsis rov qab los ua lub cev nqaij daim tawv lawm.” Kwv Tij Vaj thiaj li ua siab txias txias teb kuv hais tias, “Cia li zaum es sib qhia txog qhov no ntxiv. Qhov tseeb uas nyob rau hauv Vajtswv cov lus mas yeej daws tau tag nrho peb tej kev tsis tseeg.” Kuv xav hais tias Kwv Tij Vaj tej lus qhia mas zoo heev, tias kuv yeej piv tsis tau nws hais txog kuv txoj kev paub phau Vajluskub. Yog kuv tshuaj xyuas tsis tau txhua yam kom meej thiab raug dag lawm, ces kuv tuaj yeem plam kuv lub hwv tsam uas raug cawm dim thiab nkag mus rau hauv lub nceeg vaj. Kuv xav hais tias kuv mloog tsis tau mus ntxiv lawm, tiam sis kuv yuav tsum tau mus tsev es mus nyeem phau Vajluskub tiag tiag ua ntej tso. Yog li ntawd, kuv thiaj li muab qhov ntawd ua ib qho kev daws thiab tawm mus lawm.

Kuv twb tsis mloog txhua yam uas nws hais li, tiam sis tom qab mus tsev lawm, thaum twg uas kuv xav txog lub tswv yim uas hais tias tus Tswv twb rov qab los ua lub cev nqaij daim tawv lawm, ces kuv ntxhov siab tiag tiag li. Tej zaum kuv poj niam raug coj mus yuam kev lawm, tiam sis qhov dag tag nrho lwm tus ntseeg uas mob siab rau ntseeg ntawd mas cia li zoo li tsis ntxim ua tau li! Tsis tas li ntawd xwb, yog tus Tswv twb yeej rov qab los lawm tiag tiag es kuv tsis tshawb xyuas mus rau qhov ntawd, ces kuv tuaj yeem plam kuv lub hwv tsam los txais tos tus Tswv. Tiam sis yog Qhov Xob Laim Sab Hnub Tuaj tsis yog txoj kev tseeb es kuv cia li taug tau txoj kev yuam kev lawm, ces qhov ntawd yuav yog ib txoj kev ntxeev siab rau tus Tswv thiab kuv tus ntsujplig yuav tsis dim. Kuv tsis qab los noj mov thiab pw tsis tsaug zog tau ib ntus nkaus. Kuv nyuaj siab heev. Yog li ntawd, kuv thiaj li txhos caug rau ntawm daim duab Lub Siab Dawb Huv hauv ntej thiab thov Vajtswv hais tias, “Tswv Yexus, kuv tsis paub xyov Qhov Xob Laim Sab Hnub Tuaj yeej yog qhov Koj rov qab los los sis tsis yog. Thov pub kev thoob tsib to nrog rau kuv thiab coj kuv kev. Tsis txhob cia kuv plam kuv txoj kev es mus taug txoj kev yuam kev.”

Tom qab ntawd, kuv txawm pib nyeem txhua nqe uas hais txog qhov tus Tswv rov qab los, ces vim muaj Vajntsujplig txoj kev coj qhia, es kuv thiaj li pom qee cov lus faj lem uas hais txog txog qhov tus Tswv rov qab los yam ntsiag to, thiab tshawb pom ib qho lus zais tob. Kuv ras dheev hais tias muaj ntau nqe uas hais tias cov uas txais tos qhov tus Tswv rov qab los yam ntsiag to ntawd yuav tau mus koom rooj mov, thiab tias lawv yuav raug foom koob hmoov rau. Piv txwv li, tus Tswv hais tias, “Thiab thaum ib tag hmo txawm muaj ib lub suab quaj hu tias: Saib nawb tus nraug vauv tuaj lawm lau, nej cia li mus cuag nws. Ces tag nrho cov nkauj xwb ntawd txawm sawv los kho lawv cov teeb. … tus nraug vauv txawm tuaj txog; ces cov ua npaj txhij lawm thiaj li nrog nws mus rau hauv rooj tshoob, ces kaw qhov rooj lawm” (Lub Moo Zoo Raws Li Mas Tais 25:6–7, 10). “Saib nawb, Kuv los li ib tug tub sab. Tau koob hmoov ces yog tus saib ntsoov thiab hnav nws tej ris tsho, ntshai tsam nws mus kev liab qab ploog ces luag pom nws qhov chaw txaj muag” (Qhib Yav Tom Ntej 16:15). “Thiab nej tus kheej zoo li cov neeg uas tos rawv lawv tus tswv mus ua tshoob rov qab los; kom thaum nws los khob qhov rooj, lawv thiaj li qhib tau rau nws kiag tam sid. Tau koob hmoov ces yog cov tub qhe ntawd, cov uas thaum tus Tswv los es pom tias yeej saib ntsoov. Kuv hais tseeb rau nej tias nws tus kheej yuav sia siv thiab cia cov tub qhe ntawd zaum rau ntawm rooj nqaig rooj hno es mam li los tu lawv. Thiab yog tias nws los rau thaum ib tag hmo los sis thaum yuav kaj ntug es pom lawv saib ntsoov, tau koob hmoov ces yog cov tub qhe ntawd” (Lub Moo Zoo Raws Li Lus Kas 12:36–38). “Saib nawb, Kuv sawv ntawm qhov rooj khob. Yog ib tug neeg twg hnov Kuv lub suab es qhib qhov rooj rau Kuv, ces Kuv yuav los rau nws thiab yuav nrog nws noj mov ua ke, thiab nws nrog Kuv noj ua ke” (Qhib Yav Tom Ntej 3:20). Kuv xav thiab thov Vajtswv txog cov nqe no tag los thov dua thiab. Kuv pom cov lus no, “Thiab thaum ib tag hmo txawm muaj ib lub suab quaj hu tias,” “li ib tug tub sab,” “los rau thaum ib tag hmo,” “los sis thaum yuav kaj ntug” puav leej yog hais txog qhov tus Tswv nqis rov qab los thaum tib neeg xav tsis txog. Yam lawv hais txog qhov tus Tswv rov qab los yam ntsiag to los cawm tib neeg ntiaj teb ntawd mas yog tiag tiag li. Nws mus raws nkaus li Vajluskub tej lus faj lem ntag! Yog kuv txais tos tau qhov tus Tswv rov qab los yam ntsiag to, ces kuv tsis rais los ua ib tug uas raug foom koob hmoov rau lod? Kuv ua tsaug rau Vajntsujplig txoj kev qhia uas ua rau kuv tshawb pom qhov lus zais tob no. Kuv pheej tshawb Vajluskub tas zog li, ces txawm pom qhov no, uas Tswv Yexus hais tias: ‘Qhov xob laim uas laim ntawm ib sab ntuj ci ntsa mus rau ib sab ntuj li cas, ces hnub uas Neeg Leej Tub los ntawd yuav zoo ib yam li ntawd ntag. Tab sis Nws yuav tsum xub raug kev txom nyem ntau yam thiab raug tiam neeg no tsis lees paub tso’ (Lub Moo Zoo Raws Li Lus Kas 17:24–25). Yav tas los, kuv yeej ib txwm ntseeg hais tias ntshe tus Tswv yuav rov qab ua lub cev ntsujplig los, tiam sis tus Tswv yeej hais meej meej hais tias, ‘Tab sis Nws yuav tsum xub raug kev txom nyem ntau yam thiab raug tiam neeg no tsis lees paub tso’ Yog ua lub cev ntsujplig no, Nws yuav raug kev txom nyem, los sis raug tib neeg tsis kam txais yuav tau li cas? Tsuas yog Vajtswv txoj kev yug los ua neeg xwb thiaj li yuav raug kev txom nyem. Puas yog tias Qhov Xob Laim Sab Hnub Tuaj ntawd hais yog lawm uas tus Tswv twb los ua cev nqaij daim tawv thiab ua Neeg Leej Tub rov qab los lawm? Tiam sis tom qab ntawd kuv nco txog Qhia Tshwm 1:7 uas hais tias, ‘Saib nawb, Nws nrog cov huab los, thiab txhua lub qhov muag yuav pom Nws, thiab lawv yog cov uas nkaug Nws ntag. Thiab txhua haiv neeg hauv lub ntiaj teb yuav quaj ntsuag vim Nws los lawm’ (Qhib Yav Tom Ntej 1:7). Raws li nqe no mas, tus Tswv yuav rov qab nrog huab nrog cua los yam muaj yeeb koob heev li, thiab txhua tus yuav pom Nws thaum Nws coj peb mus. Yog tus Tswv ua lub cev nqaij daim tawv los yam ntsiag to xwb, ces yuav ua li cas piav qhia tau nqe Vajluskub ntawd? Tsis yog tej lus faj lem uas hais txog qhov los ntsiag to thiab qhov nrog huab nrog cua los ntawd sib cov nyom lod? Kuv to taub tsis meej li lawm.

Tib ntsais muag xwb Hnub Xyoo Tshiab ntawm xyoo 2000 ntawd twb dhau mus lawm, tiam sis kuv txoj kev cia siab uas tos los ntev txog qhov tus Tswv nqis saum ntuj rov qab los ntawd tsis tshwm sim li. Kuv paub hais tias tej cim uas qhia txog qhov tus Tswv rov qab los ntawd twb muaj tiav tag lawm. Nws yog thaum ntawd uas kuv pib nug lub tswv yim uas hais txog qhov tus Tswv nqis saum ntuj rov qab los nrog ib txhiab xyoo. Hauv kuv lub siab mas, kuv mus zuj zus raws li lub tswv yim ntawm qhov los yam ntsiag to lawm. Kuv pheej tshawb tej lus faj lem uas hais txog qhov ntawd. Kuv kuj thov Tswv Yexus hais tias, “Tus Tswv, ib txhiab xyoo twb los txog lawm, tiam sis kuv tsis tau pom Koj los rau saum ib tauv huab li thiab. Kuv tag kev cia siab thiab mob siab heev. Au tus Tswv, tam sim no tsuas yog Qhov Xob Laim Sab Hnub Tuaj xwb thiaj li ua tim khawv hais tias Koj twb rov qab ua lub cev nqaij daim tawv los lawm. Koj twb rov qab los lawm tiag tiag lod? Thov qhia kuv kom kuv thiaj li lees paub Koj tes hauj lwm.” Kuv xav hnov Kwv Tij Vaj tej lus qhia ntxiv tiag tiag li vim kuv xav hais tias yog Qhov Xob Laim Sab Hnub Tuaj ntawd yeej yog qhov tus Tswv rov qab los tiag tiag, ces kuv xav hais tias kuv yuav raug Vajtswv tes hauj lwm muab rhuav tshem ntag yog kuv tsis lees txais tes hauj lwm ntawd. Kuv yim xav txog qhov ntawd, ces kuv yim ntxhov siab. Muaj ib hnub nyob rau lub Ib Hlis mas kuv yeej zaum tsis tswm kiag li. Kuv qhia kuv poj niam hais tias kuv xav hnov tej uas Kwv Tij Vaj hais. Tom qab ntsib nws lawm, kuv qhia nws hais tias, “Tsis ntev los no kuv tau nyob hauv tsev nyeem ntau zaj lus txog Vajluskub heev li thiab kuv mloog zoo li tej koj hais ntawd mus raws li tej lus faj lem lawm ntag. Tam sim no kuv lees txais tau lub tswv yim uas hais txog qhov tus Tswv rov qab los yam ntsiag to los ua Neeg Leej Tub lawm, tiam sis kuj tseem muaj qhov lus faj lem no thiab: ‘Saib nawb, Nws nrog cov huab los, thiab txhua lub qhov muag yuav pom Nws, thiab lawv yog cov uas nkaug Nws ntag. Thiab txhua haiv neeg hauv lub ntiaj teb yuav quaj ntsuag vim Nws los lawm’ (Qhib Yav Tom Ntej 1:7). Qhov no hais tias tus Tswv yuav nrog huab nrog cua los yam muaj yeeb koob heev li. Tsis yog qhov ntawd cov nyom qhov tus Tswv rov qab los yam ntsiag to lod? Tus Tswv yog tus ncaj ncees, thiab Nws cov lus yeej yuav muaj tiav xwb xwb li. Yuav tsum muaj qee yam lus zais tob uas nyob rau hauv no—qhov ntawd yog txhais li cas?”

Nws nyeem ob peb zaj lus ntawm Vajtswv Tus Uas Muaj Hwj Chim Loj Kawg Nkaus cov lus rau kuv. Vajtswv Tus Uas Muaj Hwj Chim Loj Kawg Nkaus hais tias: “Txhua tus nyob rau hauv lub qab ntuj khwb no uas paub txog qhov kev cawm dim ntawm Yexus uas yog tus Cawm Seej tau tos ntsoov yam tag kev cia siab kawg rau Yexus Khetos kom tshwm plaws los txog kiag los ua kom tej lus nws hais thaum tseem nyob rau hauv ntiaj teb kom tshwm sim: ‘Kuv yuav los txog li thaum Kuv ncaim mus.’ Tib neeg ntseeg hais tias, tom qab qhov kev raug ntsia rau saum ntoo khaub lig thiab qhov kev ciaj sawv rov los lawm, ces Yexus rov mus saum ntuj ceeb tsheej caij ib tauv huab dawb mus rau saum Nws qhov chaw nyob rau ntawm Tus Siab Tshaj Plaws sab tes xis lawm. Zoo ib yam nkaus li ntawd, Yexus yuav nqis los dua rau saum ib tauv huab dawb (tauv huab no mas yog hais txog tauv huab uas Yexus caij thaum Nws rov mus rau saum ntuj ceeb tsheej), los rau ntawm cov uas tos ntsoov Nws yam tag kev cia siab kawg tau txhiab txhiab xyoo lawm, thiab Nws yuav muaj lub ntsej muag zoo li thiab hnav cov ris tsho ntawm cov neeg Yudais. Tom qab tshwm sim rau tib neeg lawm, Nws yuav muab zaub mov pub rau lawv, thiab ua kom cov dej pub txoj sia txhawv tsuag yaws tuaj rau lawv, thiab yuav nrog tib neeg nyob, muaj txoj hmoov hlub puv npo thiab muaj kev hlub puv npo, pom meej thiab muaj tseeb. Tag nrho tej kev xav phem no yog tej uas tib neeg ntseeg. Tab sis Yexus uas yog tus Cawm Seej tsis ua li no; Nws ua qhov txawv li fab ntxeev kiag ntawm qhov uas tib neeg xav. Nws tsis los rau cov uas ntshaw Nws txoj kev rov los ntawd, thiab Nws tsis tshwm sim rau tag nrho tib neeg thaum uas caij tauv huab dawb los. Nws twb los txog lawm, tab sis tib neeg tsis paub, thiab nyob yam tsis paub dab tsi li. Tib neeg tsuas lam tos Nws yam tsis muaj hom phiaj dab tsi li xwb, tsis ras txog hais tias Nws twb caij ib tauv ‘huab dawb’ (tauv huab ces yog Nws tus Ntsujplig, Nws tej lus, tag nrho Nws tus moj yam thiab tag nrho tej uas Nws yog), thiab tam sim no twb nyob nrog ib pab neeg kov yeej uas Nws yuav tsim kom muaj rau tiam kawg” (“Tus Cawm Seej Twb Rov Qab Los Saum ib tauv ‘Huab Dawb’ Lawm” nyob hauv Txoj Lus Tshwm Hauv Lub Cev Nqaij Daim Tawv). “Tej zaum muaj coob leej ntau tus yuav tsis quav ntsej txog cov lus uas kuv hais, tab sis kuv tseem xav qhia rau txhua tus neeg uas hu ua neeg dawb huv uas raws Yexus qab hais tias, thaum koj pom Yexus caij tauv huab dawb nqis saum ntuj ceeb tsheej los kiag ntawm koj lub qhov muag, qhov no yuav yog kev tshwm sim rau zej tsoom tau pom txog Lub Hnub ntawm kev ncaj ncees. Tej zaum qhov ntawd yuav yog lub sij hawm uas koj muaj kev zoo siab heev, tab sis koj yuav tsum paub tias lub sij hawm koj pom Yexus nqis saum ntuj ceeb tsheej los kuj yog lub sij hawm uas koj mus rau hauv ntuj tawg mus raug txim. Ntawd yuav yog lub sij hawm kawg ntawm Vajtswv txoj kev npaj cawm tib neeg thiab nws yuav yog lub sij hawm uas Vajtswv muab nqi zog rau cov neeg zoo thiab rau txim rau cov neeg lim hiam. Rau qhov kev txiav txim ntawm Vajtswv yuav xaus ua ntej tib neeg pom cov cim qhia, thaum tsuas muaj kev nthuav tawm ntawm qhov tseeb nkaus xwb. Cov uas lees txais qhov tseeb thiab tsis nrhiav tej txuj ci tseem ceeb, thiab yog li ntawd tau raug ntxuav kom dawb huv lawm, yuav tau rov qab mus rau ntawm xub ntiag ntawm Vajtswv lub zwm txwv thiab nkag mus rau tus Tswv Tsim txhais tes puag. Tsuas yog cov uas tuav ruaj ruaj qhov kev ntseeg hais tias ‘Tus Yexus uas tsis caij ib tauv huab dawb ces yog ib tug Khetos cuav’ thiaj li yuav raug muab cob rau kev rau txim rau mus tag ib txhiab ib txhis xwb, vim lawv tsuas ntseeg tus Yexus uas ua tej txuj ci tseem ceeb xwb, tab sis tsis muaj ib qho kev lees paub txog tus Yexus uas tshaj tawm txog txoj kev txiav txim hnyav thiab txoj tso txoj kev tseeb txoj sia li. Thiab yog li ntawd ces nws tsuas muaj tib qho hais tias Yexus saib xyuas lawv thaum Nws rov los yam qhib lug rau saum ib tauv huab dawb xwb. Lawv ces tawv ncauj dhau heev lawm, ntseeg lawv tus kheej loj dhau heev lawm, khav theeb dhau heev lawm. Cov neeg phem li ntawd yuav ua cas tau phaj tshab los ntawm Yexus mas? Yexus qhov kev rov qab los yog ib qho kev cawm dim loj heev rau cov uas muaj cuab kav lees txais qhov tseeb, tab sis rau cov uas tsis muaj cuab kav lees txais qhov tseeb ces nws yog ib qho cim ntawm txoj kev teem txim. Nej yuav tsum xaiv nej tus kheej txoj kev taug, thiab yuav tsum tsis txhob saib tsis taus txoj kev ntseeg rau Vajntsujplig thiab tsis lees txais qhov tseeb. Nej yuav tsum tsis txhob ua ib tug neeg ruam thiab neeg khav theeb, tab sis ua ib tug uas ua raws li txoj kev coj qhia ntawm Vajntsujplig thiab ntshaw thiab nrhiav qhov tseeb; tsuas tus yam ntxwv zoo li no xwb mas koj thiaj yuav tau txiaj ntsig” (“Thaum lub Sij Hawm Koj Pom Yexus Lub Cev Sab Ntsujplig, Vajtswv Yuav Tsim Lub Ntuj thiab Lub Ntiaj Teb Tshiab Lawm” nyob hauv Txoj Lus Tshwm Hauv Lub Cev Nqaij Daim Tawv). Tom qab nyeem Vajtswv cov lus lawm, nws qhia hais tias, “Muaj ob theem txog qhov Vajtswv rov qab los nyob rau tiam kawg. Theem ib yog Nws yug los ua neeg yam li Neeg Leej Tub thiab los yam ntsiag to. Qhov no yog Vajtswv tus Ntsujplig los ua cev nqaij daim tawv, nthuav ntau qhov tseeb tawm thiab ua tes dej num ntawm txoj kev txiav txim thiab kev yaug kom dawb huv, kom thaum kawg ua tau ib pab kov yeej. Ces tes hauj lwm ntawm Vajtswv txoj kev yug los ua neeg yam ntsiag to ntawd thiaj li yuav raug muab xaus. Nws yuav tso tej kev puas tsuaj loj los, muab nqi zog rau cov neeg zoo thiab rau txim rau cov neeg phem. Thaum tej kev puas tsuaj loj xaus lawm, Vajtswv yuav los rau saum ib tauv huab, tshwm los rau txhua tus tib neeg ntawm txhua haiv neeg pom. Qhov no muaj tiav raws li tus Tswv tej lus faj lem uas hais tias: ‘Thiab thaum ntawd Neeg Leej Tub lub cim yuav tshwm nyob rau saum ntuj: ces tom qab ntawd txhua haiv neeg hauv lub ntiaj teb yuav quaj nyiav: thiab lawv yuav pom Neeg Leej Tub nrog lub hwj chim thiab lub meej mom loj nrog cov huab saum ntuj los’ (Lub Moo Zoo Raws Li Mas Tais 24: 30). Raws li noob neej xav mas, qhov tus Tswv los rau saum ib tauv huab ntawd yuav tsum yog ib lub sij hawm uas txhua tus muaj kev zoo siab xyiv fab heev, yog li ntawd vim li cas Nws ho hais tias lawv yuav quaj ntsuag? Qhov ntawd yog vim lawv yuav pom hais tias Vajtswv Tus Uas Muaj Hwj Chim Loj Kawg Nkaus, tus uas lawv tawm tsam, yeej yog tus Tswv Yexus uas rov qab los tiag tiag. Ces thaum ntawd, Vajtswv tes hauj lwm uas los cawm tib neeg ntiaj teb ntawd thiaj li yuav tiav. Vim lawv tsis kam lees txais ib yam dab tsi tshaj li qhov Yexus los rau saum ib tauv huab ntawd, es lawv thiaj li plam lawv lub hwv tsam uas los tau Vajtswv txoj kev cawm dim lawm. Vim li ntawd lawv thiaj li yuav quaj tom hniav qas qawv, thiab raug rau txim. Peb pom tau hais tias tus Vajtswv uas yug los ua neeg ntawd rov qab los yam ntsiag to los ua hauj lwm tsis yog txhawm rau txoj kev cawm tib neeg kom dim xwb, tiam sis kuj yog los muab tib neeg qhia tshwm thiab rhuav tshem thiab. Txhua tus uas hnov Vajtswv lub suab thiab lees txais Nws nyob rau lub sij hawm thaum Nws ua lub cev nqaij daim tawv los ua hauj lwm thiab nthuav tawm ntau qhov tseeb ntawd yuav tau los rau ntawm Vajtswv lub zwm txwv lub xub ntiag thiab raug txoj kev txiav txim nyob rau ntawm Khetos lub rooj zaum xub ntiag. Cov uas tshem tau lawv tus kheej tawm ntawm txoj kev qias vuab tsuab mus thiab raug yaug kom dawb huv los ntawm Vajtswv txoj kev txiav txim ntawd yuav tau txais Vajtswv txoj kev tiv thaiv kom txhob raug tej kev puas tsuaj thiab muaj txoj sia nyob. Tiam sis cov tib neeg phem uas tsis nyiam qhov tseeb thiab tawm tsawm Vajtswv ntawd yuav raug tes hauj lwm ntawm Vajtswv txoj kev yug los ua neeg muab rhuav tshem mus thiab thaum kawg raug rau txim nyob rau hauv tej kev puas tsuaj loj. Qhov ntawd yog, Vajtswv tes hauj lwm uas nyob ntsiag to ntawd muab cov tshis cais tawm ntawm cov yaj, cov mog tawm ntawm cov txhauv, cov ntseeg tseeb tawm ntawm cov ntseeg cuav, cov ncaj ncees tawm ntawm cov phem—txhua yam no yuav raug muab nthuav tawm. Txhua yam yuav raug muab cais mus raws li lawv hom. Qhov no yog lub tswv yim ntawm Vajtswv tes hauj lwm.” Thaum hnov tej lus qhia no los ntawm nws los lawm cia li ua rau kuv ob lub qhov muag rua kiag tam sim ntawd. Kuv pom hais tias qhov no yog qhov uas Vajluskub tej lus faj lem uas hais txog qhov tus Tswv rov qab los yuav muaj tiav ntag, thiab kuv pom Vajtswv lub hwj chim nyob rau hauv Vajtswv Tus Uas Muaj Hwj Chim Loj Kawg Nkaus cov lus. Qhov kev paub txog Vajtswv tus moj yam ncaj ncees uas ua txhaum tsis tau ntawd ua rau kuv ntshai tshee hnyo. Kuv paub hais tias yog kuv tuav rawv rau txoj kev xav phem txog qhov tus Tswv rov qab nrog huab nrog cua los thiab tsis lees txais qhov tseeb uas nthuav tawm los ntawm tus Tswv txoj kev yug los ua neeg, ces kuv yuav plam kuv lub hwv tsam uas tau txais txoj kev cawm dim ntag! Nyob rau lub sij hawm ntawd, kuv xav hais tias Vajtswv Tus Uas Muaj Hwj Chim Loj Kawg Nkaus cov lus yeej yog qhov tseeb tiag tiag li. Hnub ntawd kuv kawm paub txog tej lus zais tob ntawm qhov tus Tswv rov qab los los ntawm qhov nyeem ob peb zaj lus ntawm Nws cov lus xwb. Tos coob leej ntau tus ntseeg tsis kam rov qab los tom qab lees txais Vajtswv Tus Uas Muaj Hwj Chim Loj Kawg Nkaus lawm.

Kuv nug Kwv Tij Vaj ob peb lo lus nug ntxiv. Kuv hais tias, “Yexus tshwm los rau Nws cov thwj tim pom tau 40 hnub tom qab uas Nws raug tsa sawv hauv qhov tuag rov qab los lawm, ces tom qab ntawd Nws txawm nce mus rau saum ntuj los ntawm Nws lub cev ntsujplig uas raug tsa sawv hauv qhov tuag rov qab los lawm. Peb yeej ib txwm xav hais tias thaum tus Tswv rov qab los txiav txim rau lub ntiaj teb, Nws yuav ua lub cev ntsujplig tshwm los, zaum rau ntawm ib lub zwm txwv loj dawb paug, uas muaj hwj chim tshaj thiab txaus ntshai heev, txiav txim rau txhua tus tib neeg, yog li ntawd cov uas muaj kev txhaum loj ces mus rau hauv ntuj tawg, hos cov uas tau ua hauj lwm zoo lawm ces mus rau saum ntuj ceeb tsheej. Tiam sis koj ua tim khawv hais tias tus Tswv ua lub cev nqaij daim tawv los ua Nws tes hauj lwm txiav txim. Puas muaj ib lub hauv paus Vajluskub rau qhov no?” Nws hais tias, “Muaj Vajluskub tej lus faj lem uas hais txog qhov Vajtswv los ua cev nqaij daim tawv los ua tes dej num ntawm kev txiav txim. Piv txwv li, ‘Xob laim sab hnub tuaj tshwm mus rau sab hnub poob li cas: ces Neeg Leej Tub yuav tshwm los yuav zoo ib yam li ntawd’ (Lub Moo Zoo Raws Li Mas Tais 24:27). ‘Leej Txiv yeej tsis txiav txim rau ib tug tib neeg twg li, tab sis twb tau muab tag nrho txoj kev txiav txim ntawd cob rau Leej Tub lawm’ (Lub Moo Zoo Raws Li Zam 5:22). ‘Thiab Nws twb muab lub hwj chim txiav txim ntawd rau Leej Tub lawm, vim Nws yog Neeg Leej Tub’ (Lub Moo Zoo Raws Li Zam 5:27). ‘Tus uas ntxub Kuv, thiab tsis txais yuav Kuv tej lus, twb muaj ib tug txiav txim rau nws lawm; txoj lus uas Kuv tau hais lawm, tib txoj lus ntawd ntag yuav txiav txim rau nws nyob rau tiam kawg’ (Lub Moo Zoo Raws Li Zam 12: 48). ‘Kuv tseem muaj ntau yam yuav hais rau nej: tiam sis tam sim no nej ris tsis taus tej ntawd. Tiam sis thaum Nws, tus Ntsujplig ntawm qhov tseeb, los txog lawm, Nws yuav qhia qhov tseeb rau nej txhua tus’ (Lub Moo Zoo Raws Li Zam 16:12–13). ‘Vim twb txog lub sij hawm lawm, uas txoj kev txiav txim yuav tsum tau pib rau ntawm Vajtswv lub tuam tsev’ (Pob Zeb Tsab Ntawv Ib 4:17). Cov uas hais txog ‘Leej Tub,’ thiab ‘Neeg Leej Tub’ no puav leej yog hais txog Vajtswv hauv Nws lub cev uas yug los ua neeg xwb. Qhov no qhia peb hais tias nyob rau tiam kawg, Vajtswv tus Ntsujplig los ua cev nqaij daim tawv los ua Nws tes hauj lwm txiav txim, thiab qhov no yog txoj kev txiav txim uas pib los ntawm Vajtswv lub tsev. Qhov ntawd hais tau hais tias, tus Khetos ntawm tiam kawg nthuav qhov tseeb tawm thiab txiav txim nyob rau hauv cov uas lees txais Nws txoj kev txiav txim, los yaug tib neeg kom dawb huv thiab cawm tib neeg kom dim, coj tib neeg mus kom to taub txog txhua qhov tseeb. Qhov no yog tes hauj lwm uas Vajtswv los ntsiag to. Hais txog cov tsis ntseeg, Vajtswv yuav cia li teem txim rau lawv thiab muab lawv rhuav tshem ncaj qha xwb, uas yog siv tej kev puas tsuaj los rhuav tshem lawv. Tus Khetos ntawm tiam kawg, uas yog Vajtswv Tus Uas Muaj Hwj Chim Loj Kawg Nkaus nthuav tawm txhua qhov tseeb uas yaug tib neeg kom dawb huv thiab cawm tib neeg kom dim, ua tes dej num ntawm kev txiav txim uas pib ntawm Vajtswv lub tsev mus. Qhov no muaj tiav raws nraim li tej lus faj lem uas hais txog qhov tus Tswv rov qab los nyob rau tiam kawg lawm.” Yog li ntawd tom qab ntawd, Kwv Tij Vaj nrog kuv tham txog qhov hais tias vim li cas Vajtswv thiaj li tsis ua lub cev ntsujplig los ua Nws tes hauj lwm txiav txim nyob rau tiam kawg, tiam sis ho ua lub cev nqaij daim tawv kiag los ua tes hauj lwm ntawd.

Nws nyeem ob peb zaj lus ntawm Vajtswv Tus Uas Muaj Hwj Chim Loj Kawg Nkaus cov lus rau kuv. Vajtswv Tus Uas Muaj Hwj Chim Loj Kawg Nkaus hais tias: “Vajtswv txoj kev cawm tib neeg mas tsis yog yuav siv txoj kev ua hauj lwm ntawm tus Ntsujplig thiab lub koob meej ntawm tus Ntsujplig ua tau ncaj qha, vim Nws tus Ntsujplig mas tib neeg kov tsis tau thiab ntsia tsis pom, tib neeg yeej txav tsis tau ti li thiab. Yog Nws yuav cawm tib neeg ncaj qha uas yog siv qhov kev xav ntawm tus Ntsujplig, ces tib neeg yuav tsis muaj cuab kav tau txais Nws txoj kev cawm dim. Yog Vajtswv tsis muab lub cev sab nraud ntawm ib tug tib neeg uas raug tsim tawm ntawd coj los hnav, ces yuav tsis muaj kev rau tib neeg los txais txoj kev cawm dim no li. Vim tib neeg tsis muaj kev yuav txav ti rau Nws tau li, ib yam nkaus li qhov ua tsis muaj neeg muaj cuab kav mus ze tauv huab ntawm Yehauvas. Tsuas yog kev rais los ua ib tug tib neeg uas raug tsim tawm nkaus xwb, qhov ntawd ces yog, tsuas yog muab Nws txoj lus tso rau hauv lub cev nqaij daim tawv uas Nws tab tom yuav rais los ua ntawd xwb, mas Nws thiaj li yuav ua tau tes hauj lwm uas muab txoj lus tso kiag rau cov uas raws Nws qab xwb. Tsuas yog thaum ntawd xwb mas tib neeg thiaj li yuav pom thiab hnov Nws txoj lus, thiab tshaj qhov ntawd ces to taub txog qhov muaj Nws txoj lus, thiab ua li no ces thiaj li raug cawm tau tag nrho. Yog Vajtswv tsis rais los muaj lub cev nqaij daim tawv, ces tsis muaj ib tug uas muaj lub cev nqaij daim tawv thiab roj ntsha twg yuav muaj peev xwm tau txais qhov kev cawm dim loj ntawd li, los sis yuav tsis muaj ib tug neeg twg uas raug cawm li. Yog Vajtswv tus Ntsujplig ua hauj lwm ncaj qha nrog noob neej, ces tag nrho tib neeg yuav raug ntaus vau hlo, los tsis li ntawd, ces tsis muaj ib txoj kev twg uas yuav los chwv tau Vajtswv li, lawv yuav raug Ntxwgnyoog coj tag nrho mus kaw. Thawj qhov kev yug los ua neeg ces yog los txhiv tib neeg tawm ntawm txoj kev txhaum, los txhiv lawv los ntawm kev siv Yexus lub cev nqaij daim tawv, qhov ntawd ces yog, Nws cawm tib neeg los saum tus ntoo khaub lig, tab sis tus moj yam phem qias vuab tsuab yeej tseem nyob rawv rau hauv tib neeg. Qhov kev yug los ua neeg zaum thib ob ces tsis yog yuav ua ib qho kev theej txhoj rau kev txhaum lawm tab sis yuav yog los cawm tag nrho cov uas raug txhiv tawm ntawm txoj kev txhaum los. Qhov no mas ua li no kom cov uas tau raug zam txim rau lawm thiaj li raug tso tawm ntawm lawv tej kev txhaum thiab muab ntxuav kom dawb huv tag nrho, thiab qhov uas tau ib tug moj yam uas hloov lawm ntawd, thiaj li nti dim ntawm Ntxwgnyoog txoj kev haub ntxias ntawm txoj kev tsaus ntuj thiab rov qab los rau ntawm xub ntiag ntawm Vajtswv lub zwm txwv. Tsuas yog nyob rau txoj kev no nkaus xwb mas tib neeg thiaj li yuav raug ntxuav kom dawb huv” (“Lus Zais Tob ntawm Kev Yug Los Ua Neeg (4)” nyob hauv Txoj Lus Tshwm Hauv Lub Cev Nqaij Daim Tawv). “Yog Vajtswv tus Ntsujplig hais lus ncaj qha rau tib neeg, noob neej yuav nyoo zwm tag nrho rau lub suab lus, txhos caug ntua yam tsis muaj ib lo lus qhia tshwm li, zoo nkaus li qhov uas Povlauj txhos caug ntua rau hauv av nyob rau ntawm tus duab ci rau txoj kev mus rau Damaxaka. Yog Vajtswv ua hauj lwm ntxiv mus li no, tib neeg yuav tsis muaj hnub yuav paub lawv tus kheej qhov kev qias vuab tsuab los ntawm txoj kev txiav txim ntawm txoj lus thiab yog li ntawd thiaj tau txoj kev cawm dim. Tsuas yog rais los muaj lub cev nqaij daim tawv xwb mas Vajtswv tus kheej kiag thiaj li hais tawm tau Nws tej lus mus nkag rau txhua leej txhua tus tib neeg lub pob ntseg, es kom tag nrho cov uas muaj pob ntseg thiaj hnov Nws tej lus thiab lees txais Nws tes hauj lwm ntawm kev txiav txim los ntawm txoj lus. Tsuas yog qhov no xwb thiaj li yog qhov tshwm sim uas tau los ntawm Nws txoj lus, zoo dua tus Ntsujplig tshwm sim kiag los hem kom tib neeg ntshai ces mam zwm rau xwb. Nws tsuas yog los dhau hauv tes hauj lwm uas muaj qab hau thiab tab sis ho tshwj xeeb tshaj plaws no mas tib neeg tus moj yam qub, uas raug zais tob sab hauv los tau ntau xyoo, thiaj li yuav raug nthuav tawm, es kom tib neeg thiaj pom nws thiab muab nws hloov. Tej yam no ces tag nrho yeej yog tes hauj lwm uas muaj qab hau ntawm tus Vajtswv uas yug los ua neeg, uas nyob rau hauv, kev hais lus thiab kev txiav txim yam muaj qab hau, ces Nws thiaj li ua tau tej yam uas tshwm sim los ntawm kev txiav txim rau tib neeg los ntawm txoj lus. Qhov no yog lub hwj chim ntawm tus Vajtswv uas yug los ua neeg thiab qhov tseem ceeb ntawm Vajtswv txoj kev yug los ua neeg” (“Lus Zais Tob ntawm Kev Yug Los Ua Neeg (4)” nyob hauv Txoj Lus Tshwm Hauv Lub Cev Nqaij Daim Tawv).

Ces nws qhia rau kuv hais tias, “Peb pom tau los ntawm Vajtswv Tus Uas Muaj Hwj Chim Loj Kawg Nkaus cov lus los hais tias thawj zaug uas Vajtswv los ua cev nqaij daim tawv ntawd, Nws raug ntsia rau saum tus ntoo khaub lig ua ib qho kev theej tib neeg lub txhoj, yog li ntawd vim peb ntseeg tus Tswv lawm peb tej kev txhaum thiaj li raug zam lawm. Tiam sis lub hauv paus ntawm peb txoj kev txhaum, peb tus yeeb yam txhaum yeej tseem nyob rau hauv peb. Peb pheej ua txhaum thiab nthuav peb txoj kev qias vuab tsuab tawm tas li. Peb khav theeb, twm xeeb, thiab txawj ntxias, peb dag thiab coj tsis ncaj, peb khib, peb ntxub. Thaum ntsib kev puas tsuaj, los sis thaum muaj kev txom nyem nyob rau hauv peb tsev neeg mas, peb nquag nquag yws, liam thiab txiav txim rau Vajtswv, los sis haj tseem tawm tsam Nws thiab. Qhov ntawd yog ib qhov uas muaj tseeb. Vajtswv mas dawb huv, yog li ntawd leej twg uas tsis dawb huv pom tsis tau Nws. Peb qias neeg thiab qias vuab tsuab heev, thiab peb ua txhaum thiab tawm tsam Vajtswv, yog li ntawd peb yuav ua li cas tsim nyog nkag mus rau hauv Vajtswv lub nceeg vaj? Tswv Yexus hais ua lus faj lem lawm hais tias thaum Nws rov qab los nyob rau tiam kawg, nws yuav nthuav qhov tseeb tawm thiab ua tes dej num ntawm kev txiav txim los yaug tib neeg kom dawb huv thiab hloov pauv tib neeg kom tib neeg thiaj li yuav tso tau lawv txoj kev qias vuab tsuab tseg, raug yaug kom dawb huv, thiab tau nkag mus rau hauv Vajtswv lub nceeg vaj. Nws tes hauj lwm txiav txim nyob rau tiam kawg ntawd yog los ntxuav tib neeg kom dawb huv thiab cawm tib neeg kom dim. Vim li ntawd nws thiaj li yuav tsum tau ua lub cev nqaij daim tawv los ua tes hauj lwm no. Yog Vajtswv tus Ntsujplig txiav txim rau tib neeg, ces lawv yeej yuav tsis raug yaug kom dawb huv los sis raug cawm dim li. Qhov ntawd yog vim tib neeg lub cev nqaij daim tawv txawj tuag, thiab peb txhua tus puav leej raug Ntxwgnyoog muab ua qias vuab tsuab lawm, yog li ntawd peb thiaj li muaj tus moj yam phem, qias neeg, thiab txoj kev qias vuab tsuab puv npo. Peb yeej yuav nyob tsis tau ze Vajtswv tus Ntsujplig li. Yog Nws tus Ntsujplig txiav txim rau peb ncaj nqa, ces peb kawg raug rhuav tshem xwb vim yog peb txoj kev ntxeev siab thiab kev tawm tsam. Thiab Vajtswv tus Ntsujplig hais lus rau tib neeg yuav zoo li xob nroo thiab xob laim. Tsis yog peb yuav tsis to taub xwb, tiam sis qhov ntawd yuav ua rau peb ntshai thiab. Hom kev txiav txim rau tib neeg ntiaj teb ntawd yuav ua tsi tau raws li tej hom phiaj uas ntshaw ntawd.” Ces nws txawm muab ua ib qho piv txwv rau kuv hais tias: “Muab xav tias ib tug me nyuam noog raug mob es peb xav pab tus me nyuam noog ntawd, tiam sis tus me nyuam noog ntawd ntshai peb thiab tsis cia peb mus ze nws li, vim nws txawv peb heev, thiab nws tsis to taub qhov peb hais thiab nws tsis to taub peb tej kev npaj siab li. Tiam sis yog peb hloov mus ua ib tug me nyuam noog, ces peb txav tau mus ze nws thiab pab tau nws, thiab nws yuav tsis ntshai los sis tawm tsam peb. Ib yam nkaus li ntawd, yuav kom cawm tau peb, uas yog cov noob neej qias vuab tsuab zoo li no zoo dua mas, Vajtswv yuav tsum tau los ua cev nqaij daim tawv thiab hnav khaub ncaws li ib tug neeg dog dig. Nws nthuav ntau qhov tseeb tawm, muab peb txoj kev ntxeev siab thiab kev qias vuab tsuab, ntxiv rau peb tus yeeb yam txhaum uas tawm tsam Vajtswv ntawd qhia tshwm. Nws qhia Nws tus moj yam ncaj ncees rau peb kom peb thiaj li pom tias yeej muaj Vajtswv tiag, pom meej thiab zoo li lub neej tiag tiag. Ces Nws thiaj li qhia tau rau peb kom meej meej txog Nws lub siab nyiam thiab tej kev cheem tsum, thiab ntau qhov tseeb uas peb tsim nyog xyaum ua raws kom to taub txog thiab, qhia txoj hau kev rau peb mus hloov pauv peb tus moj yam thiab raug yaug kom dawb huv.” Tom qab ntawd ces Kwv Tij Vaj qhia txog lwm yam ntxiv rau kuv hais tias. “Nyob rau tiam kawg, qhov Vajtswv ua Nws tes hauj lwm txiav txim hauv lub cev nqaij daim tawv ntawd thiaj li nthuav tau peb tej kev xav phem thiab txoj kev ntxeev siab tawm tau zoo dua. Thawj zaug uas Vajtswv yug los ua neeg thiab los ua hauj lwm mas, cov Falixais paub zoo heev tias tej uas Tswv Yexus tshaj tawm ntawd mas muaj cai thiab muaj hwj chim heev, tiam sis lawv pom Nws tsis zoo li ib tug neeg zoo, vim Nws yog tus kws txuas ntoo ib tug tub xwb. Tej uas Nws hais thiab ua ntawd mas tsis haum raws li lawv tej kev xav phem thiab tej kev xav hauv nruab siab li, yog li ntawd lawv thiaj li tsis kam tshawb xyuas qhov ntawd, tiam sis tsuas tawm tsam thiab teem txim rau Nws xwb, thiab ua kom lwm tus tsis txhob nrhiav Vajtswv tes hauj lwm li. Ces thaum kawg, lawv thiaj li tau muab Tswv Yexus ntsia rau saum tus ntoo khaub lig lawm. Nyob rau tiam kawg, Vajtswv tau yug los ua neeg dua los ua Nws tes dej num ntawm kev txiav txim, thiab vim txoj kev Nws los tsis mus raws li peb tej kev xav phem, ces peb thiaj li txwv Vajtswv vim peb txoj kev khav theeb. Cov thawj coj ntawm lub ntiaj teb sab kev lis kev cai ntseeg ua yam li Ntxwgnyoog cov qhev kiag ntag, tshaj tawm tej lus xaiv kom cov ntseeg tsis txhob tshawb xyuas Vajtswv tes hauj lwm ntawm tiam kawg. Sim xav seb mas, yog Vajtswv tsis yug los ua neeg los ua tes hauj lwm no, tiam sis Nws tus Ntsujplig los ua tes dej num ntawm kev txiav txim, leej twg thiaj li yuav muaj cuab kav tsis hwm Nws? Qhov ntawd puas nthuav tau tib neeg txoj kev qias vuab tsuab tawm? Yog li ntawd, tsuas yog tus Vajtswv uas muaj lub cev nqaij diam tawv xwb thiaj li nthuav tawm tau rag nrho peb txoj kev ntxeev siab, kev qias vuab tsuab, thiab tej kev xav phem txog Vajtswv. Cov uas nyiam qhov tseeb tuaj yeem paub lawv txoj kev qias vuab tsuab thiab lub ntsiab tseeb txog lawv txoj kev tawm tsam Vajtswv los ntawm Nws txoj kev txiav txim thiab tej kev qhia tshwm. Thaum kawg lawv thiaj li raug txeeb tau thiab raug yaug kom dawb huv los ntawm Nws cov lus. Lawv yuav tau txais Vajtswv txoj kev cawm dim thiab tau nkag mus rau ib txoj hau kev kawg uas zoo heev. Tiam sis cov uas pheej tuav rawv rau lawv tej kev xav phem thiab tej kev xav hauv nruab siab, cov uas tsis kam txais yuav qhov tseeb, tiam sis pheej tawm tsam Vajtswv ntawd, Vajtswv yuav muab nthuav tawm tag nrho tias yog cov txhauv. Tsis yog lawv yuav tsis raug cawm dim xwb, tiam sis Vajtswv yuav teem txim rau thiab foom tsis zoo rau lawv, zoo ib yam li cov Falixais ntag. Yog li ntawd, tus Vajtswv uas yug los ua neeg los ua Nws tes hauj lwm txiav txim nyob rau tiam kawg ntawd mas muaj txoj kev hlub tshua thiab kev cawm tib neeg dim, nrog rau Vajtswv lub tswv yim puv npo.”

Kwv Tij Vaj tej lus qhia mas meej heev rau kuv. Kuv xav txog Tiam Muaj Kev Cai. Thaum Yaves tshwm los hais lus rau cov Yixayee saum Roob Xinai, lawv txhua tus puav leej hnov Vajtswv lub suab cuag nkaus li nws yog xob nroo ntag ces lawv thiaj li ntshai heev. Lawv hais rau Mauxe hais tias, “Koj hais rau peb xwb es peb mam li mloog; txhob cia tus Tswv hais rau peb tsam ces peb tuag” (Khiav Dim 20:19). Vajtswv yeej dawb huv, hos peb mas yog cov noob neej qias vuab tsuab. Peb ntsib ncaj nraim rau Vajtswv tus Ntsujplig yeej tsis tau li. Kuv kuj nco hais tias, thaum kuv hnov thawj zaug txog qhov xov xwm hais tias tus Tswv twb ua lub cev nqaij daim tawv rov qab los lawm, kuv muaj tej kev xav phem thiab kev tawm tsam npuv npo, thiab kuv khav theeb heev li. Twb tsis tau tshawb xyuas qhov ntawd, los kuv cia li xav yam dig muag ntsuav hais tias tus Tswv yeej tsis muaj hnub ua lub cev nqaij daim tawv rov qab los li. Kuv thaiv pawg ntseeg kom lwm tus tsis txhob tshuaj xyua tau pawg ntseeg, thiab sim cheem kuv poj niam kom tsis txhob koom tej rooj sib txoos ua ke ntawd lawm. Kuv tej kev ua ho txawv cov Falixais tej kev ua li cas, thaum lawv tawm tsam Yexus? Kuv mas khav theeb thiab ntxeev siab heev. Yog Vajtswv tus Ntsujplig ua tes dej num ntawm kev txiav txim, ces Nws yeej yuav rhuav tshem kuv xwb xwb li. Ntawd yog thaum kuv ras dheev hais tias qhov tus Vajtswv uas yug los ua neeg ua tes dej num ntawm kev txiav txim ntawd yeej yog Vajtswv txoj kev cawm tib neeg dim uas zoo tshaj plaws lawm.

Kwv Tij Vaj qhia kuv ob peb zaug ntxiv tom qab ntawd thiab kuv nyeem Vajtswv Tus Uas Muaj Hwj Chim Loj Kawg Nkaus cov lus ntau heev. Vim Nws cov lus, kuv thiaj li kawm paub tej lus zais tob txog Vajtswv tej kev yug los ua neeg, tej lus zais tob txog Nws cov npe thiab peb theem ntawm tes hauj lwm, thiab yuav ua li cas thiaj li paub tus Khetos tseeb ntawm cov Khetos cuav, hom tib neeg twg uas Vajtswv cawm, thiab hom tib neeg twg uas Nws rhuav tshem, thiab ntau yam ntxiv. Kuv yim nyeem Nws cov lus, ces kuv yim to taub Vajtswv tes hauj lwm thiab Nws lub siab nyiam. Kuv to taub meej txog ntau yam uas kuv tsis to taub nyob yav dhau los lawm. Nws yog ib qho kev txhawb kuv sab ntsujplig heev. Kuv paub tseeb hauv kuv lub siab hais tias Vajtswv Tus Uas Muaj Hwj Chim Loj Kawg Nkaus yog txoj kev, qhov tseeb, thiab txoj sia, yog tib tug tseem Vajtswv xwb. Tsuas yog Vajtswv xwb thiaj li nthuav tau qhov tseeb tawm, thiab Nws yog lub qhov dej txhawv yug txoj sia nyob mus ib txhis uas peb cheem tsum nyob rau hauv peb lub neej txoj sia. Vajtswv Tus Uas Muaj Hwj Chim Loj Kawg Nkaus yog tus Tswv uas rov qab los lawm ntag!

Kuv txeev ua raws li tej lus ncaj ncaj hauv phau Vajluskub, thiab kuv cais Vajtswv raws li kuv tej kev xav phem thiab tej kev dag ntxias. Kuv tsis tshawb xyuas mus rau Vajtswv tes hauj lwm tshiab li, tiam sis tsis kam txais yuav qhov tus Tswv rov qab los yam tawv ncauj heev. Kuv yuav luag dhau los ua ib tug nkauj xwb ruam, uas plam kuv lub hwv tsam los txais to qhov tus Tswv rov qab los. Yog Vajtswv tsis tau coj kuv kev thiab cawm kuv dim kom ncav sij hawm, ces ntshe kuv twb raug tej kev xav phem muab kuv rhuav tshem lawm. Txhua yam no yog vim Vajtswv txoj kev hlub tshua thiab kev cawm dim es kuv thiaj li txais tos tau qhov Nws rov qab los lawm. Kuv ua tsaug ntau ntau rau Vajtswv!