Sau los ntawm Xyoojyis, Teb Chaws Nethawlee

Nyob rau lub Peb Hlis xyooj 2021, kuv ua dej num li ib tug thawj coj rau ib pawg ntseeg. Thaum kuv nrog tus thawj saib xyuas uas saib xyuas ntawd mus tshawb xyuas txog tes hauj lwm, kuv pom hais tias ib co ntawm cov thawj coj pab pawg ntawd tsuas yog txib cov nus thiab cov viv ncaus rau ub rau no thiab hais kom lawv ua lawv tes dej num xwb, hos cov thawj coj ntawd ces xuab ntiv tes thiab tsis saib xyuas cov los tshiab li. Lawv tsis sim ua kom to taub tej kev nyuaj tiag tiag uas cov nus thiab cov viv ncaus ntsib nyob rau hauv lawv tej dej num, yog li ntawd lawv txoj kev coj qhia txog tes hauj lwm ntawd thiaj li tsuas yog hais tej lus qhuav qhawv xwb thiab yuam kom ua raws li tej kev cai, dua li qhia ib txoj kev uas muaj qab hau. Tus thawj saib xyuas thiab kuv qhia rau lawv hais tias kev coj ib pab pawg mas tsis yog tsuas qhia tib neeg tias yuav ua li cas xwb, lawv yuav tsum tau pab saib xyuas cov los tshiab kom tsim nyog thiab, kom thiaj li nrhiav tau tej teeb meem thiab tej kev nyuaj uas muaj nyob rau hauv tes hauj lwm ntawd. Tiam sis tau ob peb hnub tom qab qhov kev qhia ntawd lawm, lawv tseem tsis tau ua ib yam dab tsi kiag li. Kuv thiaj li tshawb xyuas thiab pom hais tias muaj ib tug thawj coj pab pawg uas yog xeem Tshaus tau cuam tshuam thiab thaiv txhua yam lawm. Nws tus kheej tsis xyaum ua raws, tiam sis txhawb lwm tus thawj coj pab pawg, hais tias, “Tus thawj coj pawg ntseeg thiab tus thawj saib xyuas kom peb saib xyuas cov los tshiab. Qhov no ua rau kuv tsis muaj sij hawm los taug tes hauj lwm ntawm pab pawg ntawd qab li—qhov ntawd puas txhais hais tias peb tsis tas yuav ua tes hauj lwm ntawd ntxiv lawm? Yog li ntawd tus thawj coj pab pawg txoj hauj lwm yog dab tsi?” Ces nws txawm hais tias, “Nej puas paub hais tias, tus thawj saib xyuas no yog ib tug uas tsis paub dab tsi li? Ib tug neeg uas tsis paub dab tsi yuav ua li cas qhia tau cov neeg qib siab kom ua hauj lwm zoo?” Thaum tus thawj saib xyuas tshuaj xyuas pab pawg ntawd tes hauj lwm thiab pom teeb meem, nws thiaj li hais lus hnyav zog, ces Tshaus txawm txiav txim hais tias tus thawj saib xyuas ntawd tau cem lawv yam hnyav heev, thiab nws haj tseem muab qhov no tshaj tawm rau cov nus thiab cov viv ncaus thiab. Nws kuj cia li txiav txim rau cov thawj coj saib xyuas uas tau xaiv qee tus neeg tsis mus raws li lub hauv paus ntsiab lus yam tsis to taub dab tsi li thiab. Tiam sis tseeb tiag, tus thawj saib xyuas ntawd tau raug txhawb nce qib thiab raug cob qhia raws li lub hauv paus ntsiab lus lawm. Txawm nws tsis tshua muaj kev paub ntau txog kev saib xyuas cov los tshiab los xij, nws muaj zoo peev xwm, nws muaj peev xwm ris ib lub nra nyob rau hauv nws tes dej num, thiab tuaj yeem cob qhia tau nws. Nws kuj pom teeb meem thiab coj tau tes hauj lwm thiab, thiab tom qab saib xyuas cov los tshiab tau ib ntus lawm, nws ua tau qee yam mus nce qib lawm. Tiam sis Tshaus, hais tias “cov neeg tsis paub dab tsi ntawd qhia tsis tau cov neeg qib siab,” tawm tsam tus thawj saib xyuas thiab hais tias tus thawj saib xyuas ntawd tsis phim ua txoj hauj lwm ntawd. Nws kuj taug xaiv hais tias cov thawj coj uas siab dua ntawd tau tsa tib neeg yam tsis muaj lub hauv paus ntsiab lus, es thiaj li ua rau cov nus thiab cov viv ncaus muaj tej kev xav tawm tsam cov thawj coj thiab tus thawj saib xyuas thiab tsis kam ua hauj lwm. Qhov no ua rau muaj ib qho kev tab kaum rau cov thawj coj thiab cov neeg ua hauj lwm ntawd tej dej num, thiab rau pawg ntseeg tes hauj lwm. Tsis yog qhov no xwb, nyob rau ntawm tej rooj sib txoos ua ke los Tshaus kuj tau siv tej lus qhia uas hais txog nws txoj kev to taub txog nws tus kheej, los thuam thiab tawm tsam cov thawj coj thiab tus thawj saib xyuas ntawd yam tsis muaj tseeb li thiab. Piv txwv li, nws hais tias nws tau tawm tswv yim rau cov thawj coj uas siab dua thiab tus thawj saib xyuas ntawd, tiam sis lawv tsis to taub tes hauj lwm thiab tsis yuav nws tej tswv yim. Tshaus hais tias nws tsis xav ua li ntawd tas li, tiam sis nyob rau thaum kawg ces yeej pom tias nws tej tswv yim yeej yog lawm. Tseeb tiag, qhov nws hais ntawd tsis yog qhov tseeb kiag li. Nws txhob txwm ua kom pom nws tej lus qhia tsis meej, ua kom tej lus qhia ntawd ntxim li cov ua thawj coj tsis to taub tes hauj lwm thiab cheem nws, kom tsis kam ua raws li nws tej tswv yim, thiab tias nws raug txwv vim txoj kev txhawb tej kev ntshaw ntawm Vajtswv lub tsev, kom txhua tus thiaj li yuav muaj kev khuv leej rau nws thiab tuaj nws tog.

Tshaus pheej thuam thiab txiav txim rau cov thawj coj thiab cov neeg ua hauj lwm, thiab cov nus thiab cov viv ncaus twb hais rau nws kom nco txog qhov no thiab qhia nws txog qhov no ntau zaus lawm, tiam sis nws yeej tsis lees txim hloov dua siab tshiab txog qhov no kiag li. Qhov no tsis yog ib qho teeb meem uas qhia txog ib txoj kev qias vuab tsuab uas nyob tib pliag xwb, qhov no yog ib qho teeb meem ntawm nws tus yeeb yam thiab lub ntsiab tseeb ntag. Kuv xav txog Vajtswv cov lus uas hais txog qhov muab ib tug neeg zoo li no qhia tshwm. Vajtswv hais tias: “Qhov teeb meem ntawm kev txeeb lub meej mom yog ib qho teeb meem uas nquag tshwm sim nyob rau hauv lub neej hauv pawg ntseeg thiab yog ib yam uas yeej pom tau ntau heev. Ua li cov yam ntxwv, cov kev coj, thiab tej kev qhia tshwm uas pom twg uas suav tias yog kev txeeb lub meej mom? Tej kev qhia tshwm uas pom tau meej ntawm kev txeeb lub meej mom twg uas yog qhov teeb meem ntawm kev tab kaum thiab kev cuam tshuam Vajtswv tes hauj lwm thiab qhov raws qib raws duas uas ib txwm muaj ntawm pawg ntseeg? Txawm peb sib qhia txog qhov teeb meem twg los sis hom twg los xij, qhov ntawd yuav tsum muaj feem xyuam rau qhov uas tau hais nyob rau hauv yam kaum ob lawm, uas yog hais txog ‘ntau hom tib neeg, xwm txheej, thiab yam khoom uas tab kaum thiab cuam tshuam Vajtswv tes hauj lwm thiab qhov raws qib raws duas uas ib txwm muaj ntawm pawg ntseeg.’ Qhov ntawd yuav tsum mus txog theem ntawm kev tab kaum thiab kev cuam tshuam, thiab yuav tsum ntsig txog lub ntsiab xeeb txawm no—tsuas yog thaum ntawd xwb mas thiaj li tsim nyog muab los sib qhia thiab soj ntsuam. Tej kev qhia tshwm uas pom tau meej twg ntawm kev txeeb lub meej mom uas muaj feem xyuam rau lub ntsiab xeeb txawm ntawm kev tab kaum thiab kev cuam tshuam tes hauj lwm ntawm Vajtswv lub tsev? Qhov uas pom ntau tshaj plaws mas yog qhov cov tib neeg txeeb lub meej mom nrog cov thawj coj pawg ntseeg, uas yog qhov qhia tshwm uas pom tau meej tseem ceeb nyob rau hauv qhov uas cov tib neeg ntawd tuav qee yam tsis zoo ntawm cov thawj coj thiab cov thawj coj tej kev ua yuam kev kom thiaj li thuam tau cov thawj coj ntawd thiab teem txim rau lawv, thiab txhob txwm muab lawv cov kev qhia tshwm txog txoj kev qias vuab tsuab thiab tej kev qaug zog thiab tej kev ua tsis tau zoo uas nyob rau hauv lawv txoj kev ua neeg thiab lub peev xwm ntawd nthuav tawm, tshwj xeeb tshaj mas yog thaum hais txog tej kev ua tsis yog thiab tej kev ua yuam kev uas lawv tau ua nyob rau hauv lawv tes hauj lwm los sis thaum daws tib neeg. Qhov no yog qhov kev qhia tshwm uas pom tau meej uas pom ntau tshaj plaws thiab pom tseeb tshaj ntawm kev txeeb lub meej mom nrog cov thawj coj pawg ntseeg. Tsis tas li ntawd, cov tib neeg no tsis quav ntsej tias cov thawj coj pawg ntseeg ua lawv tes hauj lwm tau zoo li cas, cov thawj coj puas ua raws li tej hauv paus ntsiab lus, los sis cov thawj coj txoj kev ua neeg puas muaj teeb meem, es cia li tsis mloog cov thawj coj no lus xwb. Vim li cas lawv thiaj li tsis mloog cov thawj coj lus? Vim lawv kuj xav ua ib tug thawj coj pawg ntseeg thiab—qhov no yog lawv tej kev xav ua, tej kev ntshaw, yog li ntawd lawv thiaj li tsis mloog cov thawj coj ntawd lus. Tsis hais cov thawj coj pawg ntseeg yuav ua hauj lwm los sis daws teeb meem li cas los, cov tib neeg no pheej tuav tej yam tsis zoo txog cov thawj coj, txiav txim thiab teem txim rau cov thawj coj, thiab haj tseem mus deb mus txog qhov uas muab tej yam ua kom loj tshaj qhov muaj tiag, ntxeev qhov muaj tiag, thiab muab tej yam hais kom loj tshaj plaws li qhov uas ua tau lawm thiab. Lawv tsis siv cov qauv uas Vajtswv lub tsev cheem tsum ntawm cov thawj coj thiab cov neeg ua hauj lwm los ntsuas seb cov thawj coj no puas ua raws li tej hauv paus ntsiab lus, seb lawv puas yog cov neeg uas yog, seb lawv puas yog cov tib neeg uas caum qhov tseeb, thiab seb lawv puas muaj lub siab txawj xav thiab laj thawj. Lawv tsis ntsuas cov thawj coj raws li tej hauv paus ntsiab lus no. Tiam sis, ua raws li lawv tus kheej tej kev npaj siab thiab tej hom phiaj, lawv pheej nrhiav qhov tsis zoo thiab tsim kom muaj lus yws, nrhiav tej yam los tawm tsam cov thawj coj los sis cov neeg ua hauj lwm, tshaj tawm tej lus xaiv txog qhov uas cov thawj coj thiab cov neeg ua hauj lwm ua tej yam uas tsis mus raws li qhov tseeb nyob rau tom qab nraub qaum, los sis muab cov thawj coj thiab cov neeg ua hauj lwm tej kev ua tsis tau zoo nthuav tawm. Piv txwv li, lawv yuav hais tias: ‘Tus thawj coj no tau ua yuam kev ib zaug thiab raug tus Nyob Saud ntuas lawm, thiab nej tsis muaj leej twg paub txog qhov ntawd li. Saib seb, lawv txawj ua txuj heev!’ Lawv tsis xav txog thiab tsis quav ntsej tias tus thawj coj los sis tus neeg ua hauj lwm no puas yog ib lub hom phiaj rau Vajtswv lub tsev cob qhia, los sis tias lawv puas yog ib tug thawj coj los sis ib tug neeg ua hauj lwm uas mus raws li tus qauv, lawv tsuas pheej txiav txim rau cov thawj coj los sis cov neeg ua hauj lwm ntawd, ntxeev qhov muaj tiag, thiab ua tej yam me me tawm tsam lawv nyob rau tom qab lawv nraub qaum xwb. Thiab lawv ua tej yam no rau lub hom phiaj dab tsi? Qhov ntawd tsis yog txhawm rau txeeb lub meej mom lod? Txhua yam uas lawv hais thiab ua mas muaj ib lub hom phiaj. Lawv tsis xav txog pawg ntseeg tes hauj lwm, thiab lawv txoj kev ntsuas cov thawj coj thiab cov neeg ua hauj lwm ntawd tsis yog raws li Vajtswv cov lus los sis qhov tseeb, thiab haj yam tsis yog raws li Vajtswv lub tsev tej kev npaj tes hauj lwm los sis tej hauv paus ntsiab lus uas Vajtswv cheem tsum ntawm tib neeg, tiam sis yog raws li lawv tus kheej tej kev npaj siab thiab tej hom phiaj xwb” (Txoj Lus, Phau 5. Cov Thawj Coj thiab Cov Neeg Ua Hauj Lwm Tej Luag Hauj Lwm. Cov Thawj Coj thiab Cov Neeg Ua Hauj Lwm Tej Luag Hauj Lwm (14)). Kuv kawm los ntawm Vajtswv cov lus los tias yog ib tug tib neeg twg tsis saib seb cov thawj coj thiab cov neeg ua hauj lwm ntawd puas yog cov tib neeg yog, seb lawv puas phim rau tej hauv paus ntsiab lus ntawm Vajtswv lub tsev rau txoj kev cob qhia tib neeg, tiam sis cov tib neeg ntawd ho cia li nrhiav kev ua txhaum thiab sim kom paub qee yam txog lawv, thiab txhob txwm txiav txim thiab thuam lawv nyob tom lawv nraub qaum, sim los ntxias cov nus thiab cov viv ncaus kom tawm tsam thiab teem txim rau lawv, ces cov tib neeg ntawd yog tab tom tab kaum tes hauj lwm ntawm Vajtswv lub tsev xwb. Ib tug neeg zoo li no yuav tsum tau muab qhia tshwm thiab muab tswj cia, thiab yog muaj teeb meem loj, ces muab tshem tawm ntawm pawg ntseeg mus. Hais txog Tshaus tus cwj pwm mas, nws tsis saib seb tus thawj saib xyuas ntawd puas ua tau nws tes dej num zoo li, seb nws tes hauj lwm puas muaj txiaj ntsim rau tes hauj lwm ntawm Vajtswv lub tsev, los sis seb puas tsim nyog cob qhia nws li. Tshaus tsuas yog siv qhov tseeb uas tus thawj saib xyuas ntawd tej kev txawj qis dua nws tus kheej tej kev txawj xwb, thiab siv lub hauv paus no los tshaj tawm lub tswv yim uas hais tias cov neeg tsis paub dab tsi coj tsis tau cov neeg qib siab. Nws txiav txim thiab tawm tsam, thiab ua rau muaj kev tsis sib haum xeeb, thiab ua rau cov nus thiab cov viv ncaus muaj kev ntxub ntxaug tawm tsam cov thawj coj thiab cov neeg ua hauj lwm, thiab tsis kam ua tes hauj lwm uas peb npaj. Qhov no cuam tshuam peb txoj kev ua tes hauj lwm saib xyuas kom nce qib. Qhov no tsis yog Tshaus qhia txog txoj kev qias vuab tsuab uas nyob ib pliag xwb, tiam sis qhov no yog nws tus cwj pwm uas pheej ua li qub tas li. Nws twb tau tab kaum lub neej ntawm pawg ntseeg loj heev, thiab tsis phim ua nws tes dej num li lawm. Raws li lub hauv paus ntsiab lus ces twb tsim nyog kuv muab nws rho tawm tam sim ntawd lawm. Yog nyob rau theem ntawd nws tseem tsis lees txim hloov dua siab tshiab thiab, ces yuav tsum tau muab nws tshem tawm ntawm pawg ntseeg mus. Tiam sis thaum kuv xav txog qhov muab Tshaum rho tawm ntawd mas, kuv ua xyem xyav lawm, xav hais tias nws twb ua ib tug thawj coj pab pawg tau ib ntus lawm, thiab yog ib tug ua tau yeeb yam zoo. Cov nus thiab cov viv ncaus tsis muaj kev thoob tsib to nrog txog nws ntau, ces thiaj li muaj ib txhia hwm nws. Lawv xav hais tias nws muaj ib lub nra nyob rau hauv nws tes dej num, tias nws muaj kev hlub thiab muaj kev ncaj ncees. Yog kuv muab nws rho tawm kiag thaum kuv los koom pawg ntseeg ntawd lawm, ces cov nus thiab cov viv ncaus puas yuav xav hais tias kuv tsis muaj siab muaj ntsws thiab siab phem heev? Tias kuv yuav tsum raug rau txim? Lawv puas yuav pom zoo rau kuv txoj kev ua thawj coj tom qab qhov no lawm? Ntxiv ntawd, Tshaus txoj kev ua neej mas phem heev, thiab nws ua kom tej xwm txheej ntawd kub ntxov tuaj thiab ua rau muaj kev tsis sib haum xeeb uas neeg tsis pom. Yog kuv tawm tsam nws es nws taw tes rau kuv, thiab txiav txim rau kuv nyob rau hauv cov nus thiab cov viv ncaus, cuam tshuam kuv txoj kev nrog lawv sib raug zoo, ces yuav ua rau ua kuv tes hauj lwm nyuaj dua tuaj. Kuv xav hais tias kuv yuav tsum tsis txhob maj muab nws rho tawm, tiam sis xub qhuab qhia thiab qhuab ntuas nws, qhia tshwm thiab soj ntsuam lub ntsiab tseeb thiab lub txim ntawm nws tej kev ua ua ntej tso. Yog nws lees txais qhov ntawd thiab hloov pauv lawm, ces nws yuav tsis raug rho tawm. Yog nws tsis lees txais, thiab pheej txiav txim rau cov thawj coj thiab cov neeg ua hauj lwm tas li, ces mam li muab nws hloov los tsis tau lig.

Tom qab ntawd, peb tus thawj coj siab dua uas yog Viv Ncaus Luv thiab kuv tau mus ntsib Tshaus thiab ntau tus thawj coj pab pawg, thiab qhia lawv txog tej hauv paus ntsiab lus txog kev xaiv cov tib neeg hauv Vajtswv lub tsev, thiab tus thawj saib xyuas uas yuav muab nce qib ntawd qhov keeb kwm. Hais txog lawv tus cwj pwm nyob rau lub caij no mas, kuv tau nthuav tawm thiab soj ntsuam tau lawm hais tias lawv tej kev ua mas zoo ib yam nkaus xwb, uas yog txiav txim thiab tawm tsam cov thawj coj thiab cov neeg ua hauj lwm, thiab tab kaum tes hauj lwm ntawm Vajtswv lub tsev. Yog lawv tsis hloov pauv, thiab pheej tshaj tawm tej lus xaiv thiab tab kaum tes hauj lwm mus ntxiv, ces lawv yuav raug muab rho tawm mus. Ob peb tug thawj coj pab pawg lees txais tau qhov no thiab tig xav txog lawv tus kheej, thiab hais tias lawv xav los koom tes nrog tus thawj saib xyuas ua hauj lwm kom tiav ua ke lawm. Tsuas yog Tshaus xwb thiaj li tsis hais lus kom meej. Ua rau kuv ceeb tag li uas ob peb hnub tom qab ntawd, Tshaus hais rau ib tug viv ncaus hais tias tus thawj saib xyuas ntawd yog ib tug neeg tsis paub dab tsi uas coj cov neeg qib siab, thiab hais tias cov thawj coj siab dua ntawd muaj ib qho teeb meem txog kev xaiv tib neeg. Tus viv ncaus ntawd tsis ntseeg nws li, tiam sis ho qhia nws txog ib co hauv paus ntsiab lus. Thaum pom hais tias tus viv ncaus ntawd tsis ntseeg lawm, Tshaus thiaj li tso qhov ntawd tseg lawm. Tom qab ntawd, nws sau ntawv mus rau ob peb tug thawj coj pab pawg mus ntxias lawv thiab dag lawv, hais tias, “Ob peb hnub dhau los no tom qab cov thawj coj tej lus qhia lawm, kuv tau tiv thaiv tej lus ntawd, ntshe kuv yuav raug tshem tawm. Nej sawv daws puas xav li ntawd thiab? Tam sim no kuv tsis muaj cuab kav hais ib lo lus li lawm. Nws zoo li peb haj tseem tawm tsis tau tswv yim, muaj tsis tau kev xav txawv li lawm thiab, thiab yog peb hais lus, ces peb yuav raug rho tawm thiab raug ncaws tawm ntawm pawg ntseeg mus thiab. Leej twg thiaj li yuav muaj cuab kav tawm tswv yim dua lawm?” Ces nws hais tias qhov tes hauj lwm tsis nce qib zoo ntawd mas yog vim cov thawj coj tsis xaiv tib neeg kom raws li tej hauv paus ntsiab lus. Tsis yog qhov ntawd nkaus xwb, nws kuj tau mus ntsib ib tug nus uas leg tes hauj lwm ntawd, siv qhov kev nrhiav tej hauv paus ntsiab lus ntawd los ua qhov kev tshaj tawm lub tswv yim hais tias tus thawj saib xyuas tam sim no mas tsis phim. Tus nus ntawd thiaj li qhia nws txog tej hauv paus ntsiab lus ntawm kev xaiv cov tib neeg hauv Vajtswv lub tsev thiab qhov xwm txheej ntawm tus thawj saib xyuas ntawd. Tom qab qhov kev qhia ntawd lawm, nws hais tias nws to taub lawm, tias nws yuav tsis tawm tsam tus thawj saib xyuas ntawd ntxiv lawm, thiab tias nws yuav nrog tus thawj saib xyuas ntawd ua hauj lwm kom sib haum xeeb los ua lawv tej dej num. Tiam sis tom qab ntawd, nws tshaj tawm kev tsis txaus siab rau cov thawj coj thiab cov neeg ua hauj lwm twj ywm, cav hais tias, “Qhov tseeb uas txhua tus nus thiab viv ncaus hais lus pab tus thawj saib xyuas ntawd mas yuav tsum yog vim tus thawj coj siab dua uas yog Viv Ncaus Luv ntawd tau yuam kom sawv daws pom zoo ua ke lawm xwb. Viv Ncaus Luv muaj hwj chim, ces lwm tus thiaj li ntshai nws. Kuv ntxhov siab tias yog kuv tseem muab tus thawj saib xyuas ntawd qhov teeb meem qhia tawm txuas ntxiv, ces tej zaum nws yuav saib kuv zoo li ib tug tawm tsam Khetos.” Lub ntsiab tiag tiag ntawd yog qhov hais tias Viv Ncaus Luv tab tom zais qhov tseeb ntawm lwm tus nyob rau hauv pawg ntseeg, thiab txwv tsis pub muab tej teeb meem ntawd qhia tawm. Thaum hnov tej kev qhia meej txog Tshaus lawm, ua rau kuv ceeb tag li. Kuv yeej tsis xav li tias nws yuav txawj hais lus thiab txawj ntxias ua luaj li. Muaj ntau tus tib neeg tau qhia tej hauv paus ntsiab lus rau nws, tiam sis nws tsis kam lees txais tej ntawd li. Nws tsis muaj kev to taub txog los sis kev lees txim hloov dua siab tshiab rau nws tus cwj pwm uas txiav txim rau cov thawj coj thiab cov neeg ua hauj lwm li, tiam sis haj yam siv nws lub zog los dag ntxias tib neeg ntxiv thiab tawm tsam cov thawj coj thiab cov neeg ua hauj lwm xwb. Nws ntxias kom muaj kev sib tawg rau ntawm cov nus thiab cov viv ncaus thiab cov thawj coj, tas zog tab kaum pawg ntseeg tes hauj lwm tas li xwb. Tsis yog nws coj li Ntxwgnyoog ib tug qhev lod? Kuv tu siab heev. Vim li cas kuv thiaj li tsis muab nws rho tawm thaum pib? Vim li cas kuv thiaj li ua xyem xyav rau txhua lub sij hawm ntawd, es muab hwv tsam ntau rau nws los dag tib neeg ntxiv lawm? Kuv paub hais tias Tshaus yeej ib txwm thuam thiab txiav txim rau cov thawj coj thiab cov neeg ua hauj lwm thiab tab kaum lawv tej dej num tas li, yog li ntawd twb tsim nyog kuv muab nws rho tawm kiag tam sim ntawd lawm. Tiam sis kuv ntshai tsam lwm tus yuav xav li cas rau kuv, yog li ntawd kuv thiaj li xav qhia qhov tseeb thiab qhuab qhia thiab qhuab ntuas nws ua ntej tso, ces tom qab ntawd mam li muab nws rho tawm yog nws tseem tsis lees txim hloov dua siab tshiab thiab. Kuv xav hais tias qhov no thiaj li yuav ncaj ncees, thiab tias cov nus thiab cov viv ncaus thiaj li yuav ntseeg, thiab yuav tsis xav phem rau kuv. Vim xav tiv thaiv kuv lub npe thiab lub meej mom, es kuv thiaj li tsis yog tsis tshawb xyuas Tshaus tas li xwb, kuv haj tseem cia nws tswj ywj siab los tab kaum tes hauj lwm ntawm Vajtswv lub tsev txuas ntxiv thiab. Tsis yog kuv muaj ib feem ntawm nws qhov kev phem thiab lod? Xav txog qhov kuv tau ua lawm mas nyuaj heev rau kuv. Kuv mloog zoo li kuv ua tsis tau kuv tej luag hauj lwm yam li ib tug thawj coj kom tiav los sis tiv thaiv tes hauj lwm ntawm Vajtswv lub tsev li. Vajtswv ntxub qhov ntawd heev. Yog li ntawd kuv thiaj li thov Vajtswv, thov kom Vajtswv coj kuv kev los tig xav txog thiab paub kuv tus kheej.

Nyob rau kuv txoj kev pe hawm hnub tom qab ntawd, kuv pom ib zaj lus ntawm Vajtswv cov lus uas qhia tshwm txog cov tawm tsam Khetos uas pab kuv to taub kuv tus kheej zoo dua tuaj. Vajtswv cov lus hais tias: “Cov tawm tsam Khetos ua tib zoo xav seb yuav ua li cas rau tej hauv paws ntsiab lus ntawm qhov tseeb, rau Vajtswv cov lus txib, thiab rau tes hauj lwm ntawm Vajtswv lub tsev, los sis seb yuav saib xyuas tej uas lawv ntsib ntawd li cas. Lawv tsis xav seb yuav ua li cas thiaj li ua tau raws li Vajtswv lub siab nyiam, seb yuav ua li cas kom tsis txhob ua rau tej uas muaj txiaj ntsim rau Vajtswv lub tsev puas tsuaj, seb yuav ua kom Vajtswv txaus siab li cas, los sis seb yuav ua li cas kom muaj txiaj ntsim rau cov kwv tij thiab cov muam li; tej no tsis yog tej uas lawv xav txog. Cov tawm tsam Khetos xav txog yog dab tsi? Lawv xav txog qhov seb lawv tus kheej lub meej mom thiab lub koob lub npe puas raug cuam tshuam, thiab seb lawv lub koob meej puas yuav poob xwb. Yog ua qee yam raws li tej hauv paus ntsiab lus ntawm qhov tseeb muaj txiaj ntsim rau pawg ntseeg tes hauj lwm thiab cov kwv tij thiab cov muam, tiam sis yuav ua rau lawv tus kheej lub koob lub npe puas thiab ua rau ntau tus tib neeg paub lawv lub siab tiag tiag thiab paub tias lawv muaj hom yeeb yam thiab lub ntsiab tseeb zoo li cas, ces lawv yeej yuav tsis ua raws li tej hauv paus ntsiab lus ntawm qhov tseeb ntawd kiag li. Yog ua hauj lwm kom muaj qab hau yuav ua rau muaj tib neeg muab lawv saib siab, hwm lawv thiab qhuas lawv coob ntxiv, los sis ua rau lawv cov lus muaj hwj chim thiab ua rau tib neeg zwm rau lawv coob ntxiv, ces lawv yuav xaiv ua li ntawd; yog tsis li ntawd, lawv yeej yuav tsis mob siab rau tej uas muaj txiaj ntsim rau lawv tus kheej dua li mob siab rau tej uas muaj txiaj ntsim rau Vajtswv lub tsev los sis rau cov kwv tij thiab cov muam kiag li. Qhov no yog cov tawm tsam Khetos tus yeeb yam thiab lub ntsiab tseeb. Nws tsis yog siab twm xeeb thiab siab phem lod?” (Txoj Lus, Phau 4. Kev Nthuav Tawm Cov Tawm Tsam Khetos. Yam Cuaj: (Ntu Peb)). Vajtswv nthuav tawm hais tias cov tawm tsam Khetos mas saib lub koob lub npe thiab lub meej mom muaj nqis heev, thiab txhua yam lawv ua mas yog ua rau qhov ntawd nkaus xwb. Lawv tsuas ua tej yam uas muaj txiaj ntsim rau lawv lub npe thiab lub meej mom xwb; yog lawv xav hais tias lawv tej kev ntshaw ntawd yuav raug rhuav tshem, ces lawv ua ntsej lag muag dig rau tej teeb meem ntawd. Lawv yeem cia kom tej kev ntshaw ntawm Vajtswv lub tsev ntawd raug rhuav tshem kom thiaj li tiv thaiv tau lawv tus kheej tej kev ntshaw. Kuv tus kheej tus cwj pwm tsis yog zoo kiag li ib tug tawm tsam Khetos tus ntag lod? Kuv paub zoo hais tias kev yaug pawg ntseeg kom dawb huv ntawd yog qhov Vajtswv lub tsev cheem tsum, thiab Vajtswv tau hais ntau zaus lawm hais tias thaum ib tug neeg phem tab kaum pawg ntseeg, ces cov thawj coj thiab cov neeg ua hauj lwm yuav tsum muab lawv tshem mus kom sai—muab lawv qhia tshwm, txwv lawv, los sis tshem lawv tawm mus. Tshaus tus cwj pwm twb dhau los ua qhov tab kaum rau pawg ntseeg tes hauj lwm lawm, yog li ntawd tsim nyog kuv saib xyuas nws kiag tam sim ntawd. Tiam sis kuv txhawj tsam cov nus thiab cov viv ncaus yuav xav tsis zoo rau kuv, thiab yuav tsis txhawb kuv li tus thawj coj lawm. Vim yog tiv thaiv kuv tus kheej lub npe thiab lub meej mom, es kuv thiaj li tsuas lam qhuab ntuas nws thiab muab nws qhia tshwm xwb. Kuv paub hais tias nws tsis tau lees txais qhov ntawd, tiam sis kuv tsis txwv los sis rho nws tawm, yog li ntawd nws thiaj li tau ua rau muaj kev tsis sib haum xeeb, thiab tab kaum pawg ntseeg tes hauj lwm txuas ntxiv. Kuv txaus siab hlo cia tej kev ntshaw ntawm Vajtswv lub tsev raug rhuav tshem kom tiv thaiv tau kuv tus kheej xwb. Kuv mas txawj ntxias, twm xeeb thiab ntxim ntxub heev! Kuv tsis tau saib xyuas Tshaus kom raws li lub hauv paus ntsiab lus, los sis coj cov nus thiab cov viv ncaus kev kom to taub qhov tseeb thiab muaj kev thoob tsib to nrog tuaj li. Vim li ntawd es, ib txhia thiaj li raug nws dag thiab tuaj nws tog, uas cuam tshuam thiab tab kaum pawg ntseeg tes hauj lwm lawm. Kuv mloog zoo li kuv muaj kev txhaum loj heev, thiab tu siab heev. Kuv mloog zoo li kuv tsis tsim nyog ua ib tug thawj coj kiag li lawm. Kuv thov Vajtswv hais tias, “Au Vajtswv, ib tug neeg ua phem uas tab kaum tau tshwm nyob rau hauv pawg ntseeg lawm, tiam sis kuv tiv thaiv kuv tus kheej lub npe thiab lub meej mom xwb tsis yog pawg ntseeg tes hauj lwm. Kuv mas twm xeeb heev! Kuv tsis xav ua neej nyob rau hauv ib txoj kev uas ntxim ntxub zoo li no tas li lawm. Kuv xav los lees txim hloov dua siab tshiab rau Koj tiag tiag.”

Ces kuv txawm mus nrhiav ib co nus thiab viv ncaus uas paub txog Tshaus, kom kawm paub ntxiv txog tag nrho nws tus cwj pwm. Thaum tab tom tshawb xyuas qhov ntawd, kuv pom hais tias lawv ib txhia tsis muaj kev thoob tsib to nrog txog nws, lawv xav hais tias nws muaj ib txoj kev xav ncaj ncees, thiab tiv thaiv tau tes hauj lwm ntawm Vajtswv lub tsev. Ib txhia paub nws tej kev ua yuam kev, tiam sis xav hais tias qhov ntawd tsuas yog vim nws tsis to taub tej hauv paus ntsiab lus ntawm qhov tseeb xwb. Kuv qhia lawv txog ntau qhov tseeb uas muaj feem xyuam rau txoj kev xav ncaj ncees ntawd tias yog dab tsi, thiab kev khav theeb thiab kev qhuas tias yus tus kheej coj ncaj ntawd tias yog dab tsi, thiab qhov sib txawv ntawm txoj kev ua txhaum uas nyob ib pliag thiab tib neeg tus yeeb yam thiab lub ntsiab tseeb. Qhov no pab tau lawv muaj kev thoob tsib to nrog txog Tshaus ntau ntxiv, thiab lawv npaj txhij sawv los muab nws qhia tshwm lawm. Tiam sis thaum kuv mus nrhiav tau tus Nus Vaj kom to taub Tshaus tus cwj pwm, tus Nus Vaj ntawd tiv thaiv Tshaus heev, thiab teb rov qab rau kuv, hais tias, “Vim li cas koj thiaj li xav tshuaj xyuas nws mas? Nws tsuas yog tawm qee yam tswv yim xwb. Vim li cas nej thiaj li teem txim rau nws? Ua li cas es nej cov uas yog thawj coj thiab cov neeg ua hauj lwm thiaj li txwv txhua tus uas muaj ib lub tswv yim, thiab ua nyuaj rau lawv? Leej twg thiaj li yuav muaj cuab kav tawm tswv yim? Nej txoj kev tshuaj xyuas no ua rau kuv ntshai tsis xav muaj ib txoj kev xav txawv li lawm. Nej ntxim zoo li cov tawm tsam Khetos heev, lawv tsis pub muaj suab sib txawv li.” Kuv ceeb tag li uas hnov txhua yam no. Kuv yeej tsis xav tias nws yuav muaj ib txoj kev xav uas khov zoo li no thiab hais tias peb ua tsis ncaj rau nws lawm. Ces kuv txawm pib ua siab ntev ntev qhia nws, tiam sis nws tsis mloog li, thiab tseem ntseeg Tshaus cov lus, xav hais tias qhov teeb meem ntawd yog nyob rau ntawm cov thawj coj. Ces kuv yeej xav tso tseg heev li lawm. Kuv mloog zoo li kuv txoj kev to taub txog qhov tseeb ntawd mas ntiav ntiav xwb thiab kuv tsis paub saib xyuas tej teeb meem zoo li no. Yog kuv pheej daws qhov no, tej zaum yuav ua rau lwm tus muaj kev ntxub ntxaug kuv thiab. Ces kuv ras dheev hais tias kuv pib xav txog kuv tus kheej tej kev ntshaw dua lawm thiab, yog li ntawd kuv thiaj li thov Vajtswv twj ywm thiab thov Nws kom muaj kev ntseeg thiab lub zog. Kuv nco zaj lus ntawm Nws cov lus no: “Txhob ua tej yam rau koj tus kheej qhov txiaj ntsim tas li xwb thiab txhob xav xwm yeem txog koj tus kheej tej kev ntshaw xwb; txhob xam txog tib neeg tej kev ntshaw, thiab txhob xav rau koj tus kheej txoj kev khav theeb, kev muaj suab npe, thiab lub meej mom. Koj yuav tsum xub ua tib zoo xav txog tej kev ntshaw ntawm Vajtswv lub tsev, thiab muab tej ntawd ua yam uas yuav tau xub ua ua ntej tso. Koj yuav tsum xav txog Vajtswv tej kev npaj siab thiab pib los ntawm qhov ua twb zoo xav seb puas muaj kev tsis dawb huv nyob rau hauv txoj kev ua koj tes dej num los tsis muaj, seb koj puas ua lub siab ncaj ncees ua koj tej luag hauj lwm kom tiav, thiab seb puas muab koj tej tag nrho, thiab seb koj puas xav kom kawg lub siab txog koj tes dej num thiab txog pawg ntseeg tes hauj lwm los tsis xav. Koj yuav tsum ua tib zoo xav txog tej no. Yog xav txog tej no tas li thiab paub txog tej no, ces nws yuav yooj yim rau koj ua koj tes dej num kom tau zoo dua. Yog koj muaj rab peev xwm tsis zoo, yog koj txoj kev ntsib kev pom ntiav, los sis yog koj ua rau hauv koj txoj dej num tsis tau zoo, ces tej zaum yuav muaj qee yam ua tsis raug los sis ua tsis tau zoo txaus rau hauv koj txoj dej num, thiab tej zaum koj yuav tsis tau txiaj ntsim zoo—tab sis koj twb ua li qhov koj ua tau zoo tshaj plaws lawm. Koj tsis txaus siab rau koj tej kev ntshaw uas twm xeeb los sis tej kev nyiam. Tab sis, koj ho ua tib zoo xav txog pawg ntseeg tes hauj lwm thiab tej kev ntshaw ntawm Vajtswv lub tsev tas li. Tab txawm koj ua tsis tau txiaj ntsim zoo nyob rau hauv koj tes dej num los xij, koj lub siab twb tus lawm; yog, tshaj qhov no, koj nrhiav tau qhov tseeb los daws tej teeb meem uas nyob rau hauv koj tes dej num, ces koj yuav ua tau raws li tus qauv hauv txoj kev ua koj tes dej num, thiab nyob rau tib lub sij hawm ntawd, koj yuav muaj peev xwm to taub qhov tseeb qhov muaj tiag. Qhov no yog qhov uas txhais hais tias muaj lus tim khawv” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tshem Yus Tus Moj Yam Qias Vuab Tsuab Tawm Xwb Thiaj Li Tau Txais Kev Ywj Pheej thiab Kev Dim). Kuv to taub los ntawm Vajtswv cov lus los hais tias peb xav tsis tau txog peb lub koob lub npe los sis peb tus kheej qhov tshaj thawj nyob rau hauv peb tes dej num. Peb yuav tsum muab tej kev ntshaw ntawm Vajtswv lub tsev tso ua ntej tso, lees txais Vajtswv txoj kev tshawb xyuas kom meej, thiab muab tag nrho peb lub siab rau. Qhov ntawd xwb thiaj li yog txoj kev uas Vajtswv pom zoo rau peb tes dej num. Kuv tsis tso tsis tau txoj kev xyaum ua raws qhov tseeb tseg vim ntshai tsam lwm tus tu siab, los sis vim ntshai tsam lawv muaj kev ntxub ntxaug kuv. Kuv tsis tau daws ib qho teeb meem zoo li no nyob yav dhau los li, tiam sis yam tsawg kawg kuv yuav tsum ua raws li kuv tes dej num tiag tiag thiab ua qhov kuv ua tau zoo tshaj plaws los qhia txog txoj kev thoob tsib to nrog rau cov nus thiab cov viv ncaus. Tus Nus Vaj raug Tshaus dag ntxias lawm, thiab hais lus sawv nws cev, vim Tshaus tsis paub meej txog tej tswv yim sib txawv thiab tau txiav txim thiab tshaj tawm tej kev nkag siab yuam kev raws li siab nyiam los hais tias yog “hais qhov tseeb.” Nws saib cov thawj coj txoj kev qhia tshwm thiab kev tawm tsam txog nws tej kev nkag siab yuam kev, thiab lawv txoj kev thaiv nws kom tsis txhob txiav txim thiab teem txim rau tib neeg ntawd yam li “kev txwv tsis pub tawm tswv yim thiab kev xav sib txawv” li. Tej lus cuav uas zoo li muaj tseeb no yeej dag tau tiag tiag li. Tshaus tau ntxeev tej uas muaj tseeb, txiav txim yam neeg tsis pom hais tias cov thawj coj xaiv cov tib neeg uas tsis muaj tej hauv paus ntsiab lus. Cov thawj coj thiab cov neeg ua hauj lwm thiab cov nus thiab cov viv ncaus tau qhia nws txog tej hauv paus ntsiab lus txog kev xaiv tib neeg lawm—nws tsis yog tsis kam lees txais qhov no xwb, nws pheej tseem ntxeev tej uas muaj tseeb tas li thiab, hais tias cov thawj coj txwv nws, tsis pub nws tawm tswv yim, thiab txwv tag nrho tej kev xav txawv. Qhov ntawd tsis yog muab tej uas muaj tseeb tig thiab liam lwm tus lod? Nws hais tias, “Kuv ntshai tsam kuv raug ncaws tawm ntawm pawg ntseeg mus. Thiab leej twg thiaj li yuav muaj cuab kav tawm tswv yim ntxiv lawm?” Cov lus ntawd yog tawm hauv nruab siab tuaj, tiam sis lawv zais nws tej kev npaj siab uas lim hiam, nws tej kev tawm tsam thiab kev txiav txim. Nws xav ua kom cov nus thiab cov viv ncaus paub tsis meej thiab ntxias lawv los tuaj nws tog tawm tsam cov thawj coj, thiab tsis kam koom tes nrog cov thawj coj thiab cov neeg ua hauj lwm tes hauj lwm. Nws tab kaum tes hauj lwm ntawm Vajtswv lub tsev. Tus Nus Vaj tsis muaj kev thoob tsib to nrog es thiaj li raug Tshaus tej lus dag ntxias tau lawm. Kuv yuav tsum tau pab nws thiab txhawb nws los ntawm lub siab hlub. Vim tej lus qhia, ces tom qab ntawd nws thiaj li muaj kev thoob tsib to nrog txog Tshaus lawm. Nws ras dheev hais tias nws tsis tau nrhiav qhov tseeb thiab tsis muaj kev thoob tsib to nrog, vim li ntawd es nws thiaj li tau tiv thaiv Tshaus, tuaj tus neeg ua phem ntawd tog thiab hais lus sawv nws cev lawm. Nws kuj pom tias nws nyuaj siab npaum li cas uas tsis muaj kev to taub txog qhov tseeb, thiab nws muaj lub siab muag uas ua kev phem npaum li cas. Kuv zoo siab heev uas pom nws muab txhua yam tig rov qab los lawm.

Tom qab ntawd, ib co neeg ua hauj lwm ua ke thiab kuv tuaj sib sau ua ke thiab qhia rau cov nus thiab cov viv ncaus txog qhov yuav paub cov tib neeg phem li cas, thiab peb tau soj ntsuam txhua yam ntawm Tshaus tus cwj pwm. Txhua tus muaj kev thoob tsib to nrog txog nws lawm, ces peb txawm pov ntawv, yuav luag txhua leej pom zoo ua ke kom muab nws tshem tawm ntawm pawg ntseeg mus. Thaum pov ntawv ntawd, lawv sau qee qhov kev paub uas lawv tau txais ntawd cia. Lawv hais tej yam xws li, “Tshaus mas txawj hais tej lus dag thiab txawj ntxeev qhov tseeb heev, thiab dag tias yog kev tiv thaiv tej kev ntshaw ntawm Vajtswv lub tsev es nws thiaj li tshaj tawm nws txoj kev tawm tsam cov thawj coj thiab cov neeg ua hauj lwm nyob rau txhua txhias qhov chaw. Qhov no ua rau pawg ntseeg tes hauj lwm muaj kev kub ntxhov loj heev. Txawm cov thawj coj yuav qhia tshwm thiab qhuab qhia thiab qhuab ntuas nws npaum li cas los xij, nws yeej tsis tu siab txog qhov no ib qho me me los sis lees txim hloov dua siab tshiab li. Nws muaj ib lub ntsiab tseeb uas phem.” Lwm tus hais tias, “Tshaus mas saib zoo li paub tab heev, tiam sis nws cov lus mas yog dag xwb, txaus ntshai thiab phem heev. Yog tsis muaj tej lus qhia thiab txoj kev soj ntsuam no, ntshe kuv yeej tseem tsis muaj kev thoob tsib to nrog txog nws li. Kuv pom hais tias qhov muaj kev to taub qhov tseeb thiab muaj kev thoob tsib to nrog txog lwm tus ntawd mas tseem ceeb npaum li cas.” Ib txhia hais tias yav dhau los lawv tau raug nws dag, thiab xav hais tias yog nws tiv thaiv pawg ntseeg tes hauj lwm, yeej tsis nco qab txog li tias nws tau ua kev phem ntau heev yam ntsiag to. Lawv tsis muaj kev thoob tsib to nrog txog nws li, yog li ntawd lawv thiaj li tuaj nws tog thiab hais tej yam uas tsis mus raws li qhov tseeb. Lawv yuav tsum tau tig xav thiab lees txim hloov dua siab tshiab. Lawv kuj pom tias Vajtswv tus moj yam ncaj ncees tsis zam txoj kev ua txhaum li—cov neeg ua phem uas tab kaum tes hauj lwm ntawm Vajtswv lub tsev ntawd tsis ntev ces yuav raug muab nthuav tawm thiab raug ntiab tawm mus. Thaum hnov kuv cov nus thiab cov viv ncaus tej lus qhia lawm ua rau kuv zoo siab heev.

Qhov kev ntsib kev pom no qhia kuv hais tias, thaum ib tug neeg ua phem tshwm rau hauv pawg ntseeg thiab cuam tshuam thiab tab kaum tes hauj lwm ntawm Vajtswv lub tsev, es yog cov thawj coj thiab cov neeg ua hauj lwm tsis xyaum ua raws qhov tseeb thiab saib xyuas tus tib neeg ntawd raws li tej hauv paus ntsiab lus, tiam sis ho tiv thaiv tej uas muaj txiaj ntsim rau tus tib neeg ntawd tus kheej, ces qhov ntawd yog tseem cia Ntxwgnyoog rhuav tshem tes hauj lwm ntawm Vajtswv lub tsev, ua li yog Ntxwgnyoog tus qhev, ua kev phem thiab tawm tsam Vajtswv ntag. Tsuas yog qhov muab cov neeg ua phem tshem tawm ntawm pawg ntseeg mus kiag tam sim ntawd, thiab coj cov nus thiab cov viv ncaus los kawm qhov tseeb kom muaj kev thoob tsib to nrog xwb, mas thiaj li yuav tiv thaiv tau tes hauj lwm ntawm Vajtswv lub tsev, thiab tej luag hauj lwm ntawm ib tug thawj coj los sis tus neeg ua hauj lwm thiaj li yuav tiav.