Tom qab ua tim khawv txog Neeg Leej Tub tag lawm, Vajtswv Tus Uas Muaj Hwj Chim Loj Kawg Nkaus tau nthuav tawm Nws Tus Kheej rau peb sawv daws pom ua lub Hnub ntawm kev ncaj ncees. Qhov no yog kev hloov lub cev saum lub roob! Tam sim no nws dhau los yog ib qho tiag tiag lawm, muaj tiag ntau dua qub lawm. Peb tau pom tus Vajntsujplig ua haujlwm li cas, thiab Vajtswv Tus Kheej tau tawm hauv lub cev nqaij daim tawv los. Nws tsis nyob hauv qab kev tswj hwm ntawm tsis hais tib neeg, thiab thaj chaw, thiab txog ntiaj teb; Nws hla dhau tej ciam av ntawm lub ntiaj teb thiab hiav txwv, Nws nthuav dav mus thoob plaws lub qab ntuj khwb thiab mus txog qhov kawg ntawm lub ntiaj teb, thiab txhua haiv neeg thiab txhua tus neeg puav leej mloog ntsiag to rau Nws lub suab. Thaum peb rua peb ob lub qhov muag sab ntsujplig, peb pom tias Vajtswv txoj lus tau tawm hauv Nws lub cev uas muaj yeeb koob; qhov no yog Vajtswv Tus Kheej kiag, tawm hauv cev nqaij daim tawv los. Nws yog tus tseeb thiab yog Vajtswv Tus Kheej tiav log. Nws hais lus rau peb sawv daws, Nws tim ntsej tim muag nrog peb, Nws qhia peb, Nws khuv xim peb, Nws tos peb, Nws nplij peb, Nws qhuab ntuas peb, thiab Nws txiav txim rau peb. Nws coj peb los ntawm txhais tes, thiab Nws txoj kev txhawj txog peb kub li cov nplaim taws nyob hauv Nws; nrog lub siab kub lug, Nws tsa kom peb tsim los thiab paub qhov tseeb txog Nws. Nws lub neej loj dua ib txwm no tau nkag los rau peb txhuas tus, thiab txhua tus neeg uas paub qhov tseeb txog Nws yuav muaj peev xwm hla dhau thiab kov yeej lub ntiaj teb thiab txhua tus phem, thiab kav tam li tej vaj ntxwv ua ke nrog Nws. Vajtswv Tus Uas Muaj Hwj Chim Loj Kawg Nkaus yog lub cev sab ntsujplig ntawm Vajtswv. Yog tias Nws tsa li ntawd, ces nws yeej yuav muaj li ntawd; yog Nws hais qhov ntawd, ces nws yuav muaj li ntawd, thiab yog hais tias Nws txib qhov ntawd, ces nws yog li ntawd. Nws yog tib tug tseem Vajtswv xwb! Ntxwgnyoog nyob hauv Nws qab xib taws, hauv lub qhov ntuj tob tob. Lub qab ntuj khwb thiab txhua yam yog nyob hauv Nws ob txhais tes; lub sij hawm tau los txog lawm, thiab txhua yam yuav rov qab mus rau qhov tsis muaj dab tsi li thiab rov yug dua tshiab.