Lub sij hawm los ze zuj zus lawm. Tsim los lau! Txhua tus neeg siab dawb! Kuv yuav hais lus rau nej, ces txhua tus uas hnov yuav tsim dheev los. Kuv yog tus Vajtswv uas nej tau muaj kev ntseeg los ntau xyoo lawm. Niaj hnub nim no, Kuv rais los ua cev qaij daim tawv thiab los rau ntawm nej xub ntiag kiag lawm, yog li kev nthuav tawm tias leej twg xav tau Kuv tiag tiag, leej twg txaus siab hlo uv rau Kuv, leej twg mloog Kuv txoj lus tiag tiag, thiab leej twg txaus siab hlo los muab qhov tseeb coj los xyaum ua. Vim Kuv yog tus Vajtswv tus uas muaj hwj chim loj kawg nkaus—Kuv tuaj yeem pom tag nrho tib neeg tej kev zais ntshis hauv qhov tsaus ntuj, Kuv paub tias leej twg xav tau Kuv tiag tiag, thiab Kuv paub tias leej twg tawm tsam kuv. Kuv ntsia pom tag nrho txhua yam.

Tam sim no, Kuv xav tsim ib pab pawg ntawm cov tib neeg uas ua raws Kuv lub siab, ib pab pawg ntawm cov tib neeg uas muaj peev xwm xav txog Kuv lub nra kom sai li sai tau. Txawm li cas los xij, Kuv tsis tuaj yeem zam dhau los ntawm kev yaug kom dawb huv thiab kev ntxuav kom dawb huv rau Kuv pawg ntseeg; pawg ntseeg yog Kuv lub siab. Kuv ntxub tag nrho cov tib neeg phem uas tiv thaiv nej los ntawm kev noj thiab kev haus Kuv cov lus. Qhov no yog vim hais tias muaj cov tib neeg feem tsawg uas tsis xav tau Kuv tiag tiag. Cov tib neeg no mas muaj kev dag ntxias puv npo, lawv lub siab tsis txav los ze Kuv tiag; lawv yog neeg phem, thiab lawv yog cov tib neeg uas cuam tshuam kev ua raws li Kuv txoj kev xav; lawv tsis yog cov tib neeg uas muab qhov tseeb coj los xyaum ua. Cov tib neeg no mas muaj kev qhuas tias yus tus kheej coj ncaj thiab muaj kev khav theeb puv npo, lawv yog cov muaj kev ntshaw vwm ntsuav, lawv nyiam coj hwj chim, thiab txawm tias cov lus lawv hais los yeej zoo ntxim siab, tab sis lawv zais ntshis tsis xyaum ua qhov tseeb. Cov tib neeg phem no yuav raug tshem tawm thiab cheb tawm kom tag nrho mus; lawv yuav ua lub neej qhuav qhawv rau hauv txoj kev puas tsuaj. Cov lus no yog qhuab qhia thiab ceeb toom nej kom kav tsij tib zoo ua mus raws li Kuv lub siab nyiam. Ib txwm rov mus cuag koj tus ntsujplig, vim Kuv hlub cov uas hlub Kuv kawg siab kawg ntsws. Vim nej txav los ze Kuv, Kuv yuav tiv thaiv nej thiab saib xyuas nej kom ceev faj cov neeg neeg phem; Kuv yuav ua kom nej sawv khov kho hauv Kuv lub tsev thiab tsom kwm nej kom mus txog thaum kawg.