Kuv lub nceeg vaj cheem tsum cov uas coj ncaj, cov tsis ua ntsej muag ncaj siab nkhaus los sis ntxias dag. Tsis yog cov tib neeg siab dawb paug thiab siab ncaj tsis muaj suab npe hauv ntiaj teb no lod? Kuv zoo tsis thooj li ntawd. Nws yog ib yam lees txais tau rau cov tib neeg coj ncaj los rau Kuv; Kuv zoo siab rau hom tib neeg no, thiab Kuv kuj cheem tsum hom tib neeg no thiab. Nov yog kiag Kuv txoj kev ncaj ncees. Qee leej tib neeg tsis quav ntsej dab tsi li, lawv tsis muaj peev xwm hnov txog tes dej num ntawm tus Vajntsujplig Dawb Huv thiab lawv tsis muaj peev xwm paub txog Kuv txoj kev xav. Lawv tsis muaj peev xwm pom meej txog qhov chaw ib puag ncig uas lawv tsev neeg thiab tej ib puag ncig ntawm lawv tias muaj nyob, thiab lawv ua ntau yam dig muag ntsuav thiab tau plam ntau lub cib fim los txais txoj hmoov hlub. Ib zaug dhau ib zaug, lawv tu sib rau lawv tej kev ua thiab thaum lawv ntsib ib qho teeb meem, lawv kuj tseem tsis muaj peev xwm pom nws kom tseeb thiab. Qee zaum lawv muaj cuab kav cia siab kom Vajtswv tso ib qho kov yeej, tiam sis thaum lawv ntsib hom teeb meem zoo ib yam nkaus li qhov qub nyob rau lub sij hawm tom qab ntawd, qhov kev mob qub rov qab huam tuaj, thiab lawv tsis muaj peev xwm paub txog Kuv txoj kev xav li. Tiam sis Kuv tsis ntsia tej no, thiab Kuv tsis cim ntsoov nej tej kev ua txhaum. Tshaj ntawd, Kuv xav cawm nej tawm ntawm daim av vuab tsuab no thiab cia nej muaj txoj sia tshiab. Kuv tau zam txim rau nej ib zaug dhau ib zaug. Txawm li cas los xij, tam sim no yog theem uas tseem ceeb tshaj plaws. Nej tsis muaj peev xwm tsis meej pem ntxiv lawm thiab tsis muaj peev xwm mus rau tom ntej zoo li no ntxiv lawm, hauv txoj kev tws. Thaum twg nej thiaj li muaj cuab kav mus txog rau txoj hau kev kawg? Nej yuav tsum sib zog ua kom kawg dhia mus rau txoj kab kawg yam tsis nres kiag li. Tsis txhob ncua nyob hauv lub sij hawm uas tseem ceeb tshaj, txhob ntshai mus rau tom ntej, thiab ib rooj mov loj nyob ntawm nej xub ntiag. Maj nroos hnav koj cev khaub ncaws mus koom rooj tshoob thiab hnav txoj siv ntawm kev ncaj ncees, thiab mus koom npluag noj pluag haus ntawm Khetos; txaus siab nrog kev xyiv fab ntawm tsev neeg mus tag ib txhis! Koj yuav tsis nyuaj siab, tu siab thiab xyu ib yam li yav dhau los lawm. Txhua yam ntawm lub sij hawm ntawd yuav ploj mus zoo li cov pa taws thiab tsuas yog txoj sia uas raug tsa sawv rov qab los ntawm Khetos xwb thiaj li yuav muaj hwj chim nyob hauv koj. Nyob rau hauv koj, yuav muaj ib lub tuam tsev uas raug ntxuav kom dawb huv los ntawm kev yaug thiab kev ntxhua, thiab txoj sia ntawm kev raug tsa sawv rov qab los uas koj muab tau yuav nyob hauv koj mus ib txhiab thiab ib txhis!