Hauv lub neej mas txoj kev ntseeg Vajtswv thiaj li yog txoj kev yog. Vajtswv tau xaiv nej txhua tus, thiab nej txhua tus tau xaiv los raws Nws qab thiab los pib taug txoj kev uas yog hauv lub neej lawm. Tshwj xeeb yog, nej yuav ua raws li Vajtswv lub siab nyiam, ua nej tej dej num kom zoo, kom tau txais qhov tseeb, thiab kom Vajtswv muab nej ua kom zoo tiav log. Qhov no tsis yog nej txoj kev npau suav thiab txoj kev ntshaw lod? (Yog.) Qhov ib tug ntseeg muaj ib txoj kev npau suav zoo li no, es Vajtswv ua kom tib neeg tej kev npau suav thiab tej kev ntshaw ntawd muaj tshwm sim mas yog ib qho zoo, thiab yog ib yam zoo. Puas muaj qee zaus es tib neeg muaj tej kev npau suav thiab tej kev ntshaw uas tsis zoo los sis tsis yog lawm? Qhov no yeej muaj tau thiab, thaum tib neeg tej yam ntxwv tsis ruaj khov ua ntej lawv tau txais qhov tseeb, mas muaj ntau zaus haj tseem thim rov qab thiab. Thaum tej uas tsis zoo ntawd tshwm sim tuaj, tej ntawd tsis cuam tshuam rau koj txoj kev to taub lub neej txoj sia thiab cuam tshuam rau koj txoj kev sib raug zoo nrog Vajtswv li ib txwm muaj lod? Yog tib neeg muaj cov yam ntxwv ntawd, lawv cov yam ntxwv ntawd puas yuav phem dua tuaj thiab tsis zoo thiab qaug zog? Nyob rau lub sij hawm zoo li no lawv tsim nyog ua li cas? (Los rau ntawm Vajtswv lub xub ntiag los thov Vajtswv.) Ua li, tsis muaj lub sij hawm uas tib neeg tsis xav thov Vajtswv, lawv xav ua neej raws li tus yam ntxwv phem tas li xwb, cia Ntxwgnyoog tswj hwm lawv raws li nws nyiam, es lawv ua raws li lawv tus kheej lub siab nyiam thiab ua li lawv xav tau, yam tsis xav txog tias yuav muaj dab tsi tshwm sim rau lawv li lod? Puas muaj ib tug yam ntxwv zoo li no? (Muaj.) Qhov no qhia pom tseeb txog qhov teeb meem dab tsi? (Tib neeg tau ncaim ntawm Vajtswv mus lawm.) Es dab tsi ua rau lawv ncaim ntawm Vajtswv mus lawm? Qhov no tsis yog ib qho kev qhia pom tseeb txog qhov lawv tsis muaj siab txaus thiab qhov lawv tsis muaj qhov tseeb lod? Tseeb tiag qhov no yog vim lawv tsis muaj kev to taub qhov tseeb txaus, thiab lawv tsis muaj siab txaus. Txhua zaus uas muaj ib qho xwm txheej zoo li no tshwm tuaj, es ib tug tib neeg pom hais tias lawv tus kheej muaj tus yam ntxwv zoo li ntawd lawm, mas lawv yuav tsum thov Vajtswv, vam khom rau Nws, thiab nrhiav qhov tseeb. Yog lawv lub siab me dhau lawm thiab lawv ua tsis tau raws li qhov tseeb, ces lawv yuav tsum nrhiav thiab kawm los ntawm ib tug uas to taub qhov tseeb, thiab kom tus uas to taub qhov tseeb ntawd pab thiab txhawb. Qee zaus, lwm tus tib neeg kuj yuav tsum tau qhuab ntuas thiab qhuab qhia lawv, los sis Vajtswv yuav tsum qhuab ntuas lawv thiab. Yog lawv pab tsis tau lawv tus kheej, ces qhov ntawd yog vim lawv tsis to taub qhov tseeb txaus thiab lawv tsis muaj siab. Qhov tsis muaj siab txaus ntawd ua rau tib neeg tawm tsam tsis tau txhua tus yam ntxwv phem, tej kev xav uas tsis zoo, thiab phem ntawd. Qhov no tsis yog ib txoj kev ua neej uas sab kawg li lod? Feem ntau cov uas tsis muaj siab ntawd muaj tus yam ntxwv dab tsi? Nej puas tau muaj leej twg paub txog qhov no kiag? Hom yam ntxwv uas ua rau nej kho siab, nyuaj siab, txiav txim siab tsis tau, thiab sab sab thiab yuam kev rhuav, zoo li tsis muaj kev mus tom ntej li lawm, ua rau nej nyob tsaus ntuj nti tas hnub, es tsis muaj siab xav thov Vajtswv los sis caum qhov tseeb ntawd yog dab tsi? Thaum nej ntsib ib qho teeb meem uas zoo li daws tsis tau li lawm, nej puas txeev xav txog qhov muab tso tseg? (Txeev.) Yog li ntawd dab tsi ua rau muaj tej yam ntxwv no? Puas yog txhob txwm muab tej yam ntxwv ntawd tso thiab npaj rau hauv tib neeg lub siab lawm? Yeej tsis yog li ntawd. Yog li ntawd, xav txog lo lus nug no—nej xav hais tias dab tsi ua rau muaj tej yam ntxwv ntawd? Qhia Kuv seb, yog ib tug tib neeg to taub qhov tseeb, es lawv paub lawv tus kheej tus moj yam qias vuab tsuab tiag tiag, ces lawv yeej muaj peev xwm pom qhov tseeb txog lawv tus kheej txoj kev qias vuab tsuab tseeb tseeb, lawv yuav paub hais tias lawv yuav tsum tau npaj qhov tseeb dab tsi es thiaj li ua tau neej zoo nkaus li tib neeg, thiab lawv yuav paub tias yuav ua kom Vajtswv txaus siab nyob rau ntau qhov xwm txheej sib txawv, nrog rau tej kev uas los saib xyuas tej teeb meem ntawd kom zoo li cas thiab tej hauv paus ntsiab lus uas yuav tsum tau ua raws thaum ua li ntawd lawm—thaum ib tug tib neeg uas muaj ib lub siab zoo li no ntsib tej kev nyuaj lawm, lawv tus yam ntxwv yuav zoo li cas? Tseeb tiag, lawv yeej tseem yuav xav phem thiab qaug zog txog rau qee qhov, puas yog? (Yog.) Yog li ntawd, qhov kev xav phem thiab kev qaug zog no los qhov twg los, thiab yuav ua li cas thiaj li kho tau? Nej yeej tsis tau xav txog los sis nrhiav kev daws tej teeb meem no dua li lod? (Tsis tshua xav txog.) Yog li ntawd, nej lam tau lam ua kom dhau nej tej kev nyuaj thiab lub sij hawm uas muaj kev qaug zog thiab kev xav phem ntawd xwb, yeej tsis txeev mob siab rau tej no tiag tiag li. Yog li ntawd, nej muaj hmoov heev uas tau los txog deb npaum li no, thiab qhov ntawd tsuas yog vim Vajtswv, tus uas coj nej kev kom dhau tej kev nyuaj no txoj hmoov hlub xwb. Tam sim no lo lus nug uas Kuv nyuam qhuav nug ntawd yog dab tsi? (Dab tsi ua rau tib neeg muaj ib tug yam ntxwv uas xav phem thiab qaug zog?) Xav txog lo lus nug no ib pliag tso; nej puas muaj ib lo lus teb li? Raws li xav mas, vim lawv tsis to taub qhov tseeb. Yog li ntawd, dab tsi coj tib neeg lub neej ua ntej lawv to taub qhov tseeb? (Lawv tej moj yam qias vuab tsuab thiab phem.) Yog lawm, qhov ko tsis yog nej lo lus teb lod? Tam sim no nej puas tau paub? Thaum tib neeg ntsib tej kev nyuaj mas, lawv xav tso tseg, lawv ntxhov siab, qaug zog, nyuaj siab, raug txwv, raug xauv tes xauv taw, zoo li tsis muaj kev mus tom ntej li lawm, ces tom qab ntawd lawv thiaj li xav phem, lawv thiaj li tsis muaj kev ntseeg, thiab thiaj li xav hais tias txoj kev ntseeg Vajtswv mas tsis muaj qab hau li. Dab tsi ua rau muaj qhov no? (Lawv tej moj yam qias vuab tsuab thiab phem.) Thaum tib neeg tsis to taub qhov tseeb, lawv muaj hom moj yam dab tsi? Lawv muaj tus yeeb yam dab tsi? Dab tsi coj lawv lub neej? (Lawv tej moj yam qias vuab tsuab thiab phem.) Yuav muaj dab tsi tshwm sim nyob rau hauv ib tug tib neeg yog tias muaj ib tug moj yam qias vuab tsuab thiab phem? Kev khav theeb, kev tawm tsam Vajtswv thiab kev ntxeev siab rau Vajtswv, thiab kev cov nyom Vajtswv. Tag nrho tej moj yam qias vuab tsuab no tsuas coj kev nyuaj siab, kev xav phem, thiab kev qaug zog los rau tib neeg xwb. Tam sim no, vim li cas es tej moj yam qias vuab tsuab thiab phem ntawd tsuas coj tau kev nyuaj siab, kev xav phem, thiab kev qaug zog los rau tib neeg xwb, tiam sis muab tsis tau kev thaj yeeb, kev xyiv fab, kev nplij siab, los sis kev zoo siab rau tib neeg lub siab li? Vim li cas tej tsis zoo no thiaj li ua tau rau ib tug tib neeg xav phem? Tej moj yam qias vuab tsuab ntawd yog tej tsis zoo, thiab tej moj yam qias vuab tsuab ntawd ua yeeb ncuab rau qhov tseeb, yog li ntawd tej moj yam qias vuab tsuab ntawd thiaj li ua tsis tau ib txoj hauj lwm zoo li, tsuas ua tau tej hauj lwm phem xwb. Tej moj yam qias vuab tsuab ntawd muab tsis tau txoj kev zoo, txoj kev muaj siab, los sis lub siab uas mus lawm tom ntej rau tib neeg li, tej moj yam qias vuab tsuab ntawd tsuas coj kev qaug zog, kev xav phem, thiab kev nyuaj siab los rau tib neeg xwb. Thaum ib tug moj yam phem tau nrhau cag rau hauv tib neeg thiab los ua lawv tus yeeb yam lawm, ces qhov no yeej txaus los cog txoj kev tsaus ntuj thiab kev phem rau hauv lawv lub siab, thiab los coj lawv caum thiab xaiv txoj kev tsis yog lawm. Txoj kev txhawb lub zog ntawm ib tug moj yam qias vuab tsuab uas phem, yam uas yog tib neeg tej qauv zoo tshaj plaws, tej kev cia siab, tej kev ntshaw, thiab tej hom phiaj ntawm txoj sia thiab tej kev qhia yog dab tsi? Tej ntawd tsis sib txawv rau tej yam zoo lod? Ua ntej tshaj plaws, tib neeg ib txwm xav kom muaj suab npe los sis yog neeg nrov koob nrov npe; lawv xav tau txais lub koob npe zoo thiab lub meej mom zoo tshaj, thiab coj kev hwm los rau lawv tej poj koob yawm txwv. Tej no puas yog tej yam zoo? Tej no tsis muaj ib qho haum raws li tej yam zoo kiag li; tshaj qhov ntawd, tej ntawd tawm tsam txoj cai lij choj ntawm Vajtswv txoj kev muaj kev tswj fwm kav tib neeg ntiaj teb txoj hmoo. Vim li cas Kuv thiaj li hais li ntawd? Hom neeg uas Vajtswv xav tau yog hom twg? Nws puas xav tau ib tug neeg muaj meej mom tshaj, ib tug neeg nrov koob nrov npe, ib tug neeg zoo, los sis ib tug neeg tseem ceeb tshaj hauv lub ntiaj teb? (Tsis xav tau.) Yog li ntawd ces, hom neeg uas Vajtswv xav tau yog hom neeg dab tsi? (Tus uas lawv ob txhais ko taw sawv khov kho rau hauv av lawm es ua txoj hauj lwm ntawm ib tug neeg uas raug tsim tawm los ntawd tiav.) Yog lawm, thiab muaj dab tsi ntxiv thiab? (Vajtswv xav tau ib tug tib neeg coj ncaj uas ntshai Nws thiab zam kev phem, thiab zwm rau Nws.) (Tus uas tuaj Vajtswv tog rau txhua qhov xwm txheej, tus uas mob siab hlub Vajtswv.) Cov lus teb ko los kuj yog thiab. Nws yog tus uas muaj tib lub siab lub ntsws ib yam li Vajtswv. Puas muaj lus hais nyob rau hauv Vajtswv cov lus qhov twg li uas hais tias tib neeg yuav tsum ua raws li qhov lawv yog tib neeg? (Muaj.) Hais li cas? (“Li yog ib yam ntawm cov muaj sia raug tsim los, tib neeg yuav tsum saib xyuas lawv tus kheej theem chaw, thiab coj tus cwj pwm kom zoo. Yuav tsum ua raws li qhov tus Tswv Tsim tau muab tso rau koj lawm. Txhob ua tawm ntawm txoj kab, los sis ua tej yam dhau ntawm koj rab peev xwm lawm los sis yam uas Vajtswv tsis nyiam kiag li. Txhob sim ua tus loj, los sis rais los ua tus muaj peev xwm tshwj xeeb, los sis siab tshaj lwm tus, los sis txhob nrhiav qhov rais los ua Vajtswv. Qhov no yog yam uas tib neeg yuav tsum tsis txhob ntshaw ua tus ub tub no. Qhov nrhiav kom rais los ua tus loj los sis yog ib tug muaj peev xwm tshwj xeeb yog yam tsis muaj qab hau. Qhov nrhiav kom los ua Vajtswv haj yam yog yam puas ntsej muag tshaj; nws yog kev dhuav thiab kev ntxim ntxub. Yam uas txaus qhuas, thiab yam uas yam muaj sia yuav tsum tau tuav tseg tshaj txhua yam, yog rais los ua ib yam muaj sia tiag tiag; qhov no yog tib lub hom phiaj uas txhua tus tib neeg yuav tsum caum” (Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, tus Uas Tsuas Yog Tib Tug Xwb I).) Vim nej paub qhov uas Vajtswv cov lus cheem tsum ntawm tib neeg lawm, nej puas muaj peev xwm ua raws li Vajtswv tej kev cheem tsum txog nej txoj kev caum ntawm tib neeg txoj kev coj ntawd? Nej puas xav nthuav nej ob sab tis es ya tas li, nej puas xav ya ib leeg xwb, xav ua ib tug dav dua li ua ib tug me nyuam noog? Tus moj yam no yog dab tsi? Qhov no puas yog lub hauv paus ntsiab lus ntawm tib neeg txoj kev coj? Nej txoj kev caum tib neeg txoj kev coj ntawd yuav tsum caum raws li Vajtswv cov lus; tsuas yog Vajtswv cov lus xwb thiaj li yog qhov tseeb. Nej raug Ntxwgnyoog muab ua qias vuab tsuab dhau lawm, es thiaj li pheej saib rau txoj kab lis kev cai qub—Ntxwgnyoog cov lus—yam li yog qhov tseeb, yam li yog lub hom phiaj uas nej caum, uas ua rau nej taug txoj kev tsis yog, taug txoj kev uas tawm tsam Vajtswv yam yooj yim heev. Tej kev xav thiab tej kev xam pom ntawm cov tib neeg ntiaj teb qias vuab tsuab, thiab tej uas lawv mob siab rau ntawd mas tawm tsam Vajtswv lub siab nyiam, tawm tsam qhov tseeb, thiab tawm tsam tej kev cai ntawm Vajtswv txoj kev tswj kav ib puas tsav yam, Nws txoj kev coj kev qhia txog txhua yam, thiab Nws txoj kev tswj hwm tib neeg ntiaj teb txoj hmoo. Yog li ntawd txawm hom kev caum no yuav zoo thiab tsim nyog raws li tib neeg tej kev xav thiab tej kev xav phem npaum li cas los xij, raws li Vajtswv pom mas tej ntawd tsis yog yam zoo, thiab tej ntawd tsis mus raws li Nws lub siab nyiam li. Vim koj tawm tsam qhov muaj tseeb ntawm Vajtswv txoj kev tswj kav tib neeg ntiaj teb txoj hmoo, thiab vim koj xav mus ib leeg xwb, tuav koj txoj hmoo rau ntawm koj tus kheej ob txhais tes, es koj thiaj li pheej tsoo phab ntsa tas li, sib zog tsoo heev es koj lub taub hau thiaj li los ntshav, los yeej ua tsis tau dab tsi rau koj li. Vim li cas ua tsis tau dab tsi rau koj li? Vim tej kev cai uas Vajtswv rhawv ntawd yeej tsis muaj ib tug neeg uas raug tsim tawm los hloov tau li. Vajtswv txoj kev muaj cai thiab lub hwj chim mas siab tshaj txhua yam huv si, ib tug neeg uas raug tsim tawm los ua txhaum tsis tau rau li. Tib neeg xav txog lawv tej peev xwm ntau dhau lawm. Yam uas ua rau tib neeg pheej xav kom dim ntawm Vajtswv lub hwj chim kav, thiab pheej xav tuav lawv tus kheej txoj hmoo thiab npaj lawv tus kheej lub neej yav tom ntej, thiab xav tswj kav lawv tej kev cia siab, txoj xub ke, thiab tej hom phiaj ntawm lub neej ntawd yog dab tsi? Qhov no yog pib ntawm qhov twg los? (Ib tug moj yam qias vuab tsuab uas phem.) Ces ib tug moj yam qias vuab tsuab uas phem ntawd coj dab tsi los rau tib neeg? (Kev tawm sam Vajtswv.) Yam uas tshwm sim rau cov tib neeg tawm tsam Vajtswv yog dab tsi? (Kev mob.) Kev mob? Qhov ntawd yog kev puas ntsoog! Kev mob tsis yog ib nrab ntawm qhov ntawd. Yam uas koj pom kiag ntawm koj ob lub qhov muag yog kev mob, kev tsis zoo, thiab kev qaug zog, thiab qhov ntawd yog kev tawm tsam thiab tej kev tsis txaus siab—yam tshwm sim los ntawm tej no los yog dab tsi? Kev puas tsuaj! Qhov no tsis yog teeb meem me thiab nws tsis yog kev ua si.

Ib txhia tib neeg mas xav phem thiab qaug zog kiag thaum lawv ntsib me ntsis teeb meem, tiam sis thaum tsis muaj teeb meem li lawm, mas lawv muaj hom phiaj thiab kev ntshaw puv npo xwb, pheej cia siab ntsoov hais tias yuav tau los ua ib tug neeg nrov koob nrov npe los sis tus uas tshaj lij heev xwb. Thaum tib neeg muaj ib lub siab xav zoo li no lawm ces lawv cia li raug lawv tus yeeb yam phem tswj kav lawm. Thaum tib neeg pheej muaj hom phiaj thiab kev ntshaw puv npo, lawv puas muaj peev xwm ua lub neej zoo siab hlo? Yog koj tsis muab tej no tso tseg, ces koj txoj kev txom nyem yuav tsis tsawg zuj zus mus li. Txoj kev txom nyem yuav raws koj qab tas li; yuav mloog zoo li ib rab riam lij hauv koj lub siab. Yuav ua li cas thiaj li daws tau qhov teeb meem no? (Los ntawm qhov nrhiav thiab qhov caum qhov tseeb.) Nej txhua tus puav leej muaj peev xwm hais txog txoj kev xav dav dav ntawm qhov nrhiav qhov tseeb, thiab nej txhua tus yeej paub txog qhov tseeb ntawd tsis ntau los yeej tsawg lawm. Thaum ntsib ib qho teeb meem, nej yuav tsum xub nrhiav qhov tseeb tso. Tsuas yog nrhiav qhov tseeb, to taub qhov tseeb, thiab tau txais qhov tseeb xwb mas thiaj li yuav kho tau tib neeg tej moj yam qias vuab tsuab. Tsuas yog tom qab kho tau lawv tej moj yam qias vuab tsuab lawm xwb mas tib neeg thiaj li muaj kev xyiv fab, kev thaj yeeb, kev nplij siab, thiab kev zoo siab tiag tiag, thiab tsuas yog thaum ntawd xwb mas lawv thiaj li los tau rau ntawm Vajtswv lub xub ntiag tiag tiag. Qhov no thiaj li daws tau lub hauv paus ntawm qhov teeb meem ntawd. Tam sim no, ib tug tib neeg twg yuav tsum ua li cas txog qhov nrhiav qhov tseeb? Muaj dab tsi cuam tshuam? Leej twg thiaj li piav qhia tau? (Thaum koj paub hais tias koj tab tom xav txog los sis tab tom rau siab ntso caum lub meej mom thiab lub koob lub npe lawm, ces tsis txhob tsis quav ntsej tej kev xav thiab tej cwj pwm no. Ua txhua yam kom to taub tej ntawd thiab soj ntsuam tej ntawd raws li Vajtswv txoj lus. Nco ntsoov hais tias qhov no yog qhov kev puas tsuaj uas tej moj yam phem thiab qias vuab tsuab ntawd coj los rau tib neeg. Nco ntsoov txoj kev yuam kev uas koj tau taug lawm, ces tom qab ntawd noj thiab haus Vajtswv txoj lus, thov Vajtswv, thiab vam khom rau Nws los muab cov saw hlau xauv tes taw uas Ntxwgnyoog siv coj los khi tib neeg no daws.) (Qhov tseem ceeb tshaj plaws ces yog qhov nco ntsoov tej kev xam pom yuam kev uas koj muaj txog yam koj tsim nyog caum, to taub qhov kev puas tsuaj uas tej moj yam phem thiab qias vuab tsuab ntawd ua rau tib neeg, thiab hloov koj tej kev xam pom txog txhua yam. Tom qab ntawd koj yuav tsum los rau ntawm Vajtswv lub xub ntiag los thov Vajtswv ntxiv, los nyob kom ze Nws, thiab maj mam tsim ib txoj kev sib raug zoo li ib txwm muaj nrog Nws.) Dab tsi ntxiv thiab? (Yog qee zaum es koj qaug zog thiab xav phem, thiab qhia tsis tau tias lub hauv paus los sis tus moj yam qias vuab tsuab uas ua rau muaj tej kev xav ntawd los qhov twg los, ces koj yuav tsum xub thov Vajtswv tso, thiab thov kom Nws qhia koj. Koj kuj tuaj yeem muab koj tus kheej nthuav tawm tag nrho rau ntawm ib txhia kwv tij thiab nkauj muam thiab kawm los ntawm lawv thiab. Thaum hnov lawv tej lus qhia txog tej uas lawv twb paub lawm mas, koj thiaj li tuaj yeem paub tseeb txog koj txoj kev to taub tus yam ntxwv no, tom qab ntawd koj yuav tsum nrhiav tej zaj lus hauv Vajtswv txoj lus uas hais txog tus yam ntxwv no los kho tus yam ntxwv no.) Kav tsij hais ntxiv mus. (Yog, thaum ib yam dab tsi tsis mus raws li qhov koj xav tau lawm, koj pheej hais ub hais no yam tsis tseem ceeb, tshuaj xyuas seb leej twg yog thiab leej twg tsis yog, ces nyob rau lub sij hawm zoo li no koj yuav tsum xub tswj koj lub siab kom nyob tus rau ntawm Vajtswv lub xub ntiag thiab ua raws li qhov xwm txheej ntawd tso—thov Vajtswv es nrhiav Vajtswv los ntawm txoj kev ntseeg Nws lub hwj chim kav. Ces Vajtswv mam li qhia koj thiab cia koj to taub Nws lub siab nyiam. Thaum ntawd, thaum uas koj rov saib qhov xwm txheej ntawd kom meej, koj mam li to taub hais tias hom kev qias vuab tsuab uas koj tab tom nthuav tawm ntawd yog dab tsi thiab Vajtswv lub siab nyiam yog dab tsi. Qhov no yog qhov kuv to taub txog qhov tseeb.) Nej txhua tus yuav tsum tau xyaum qhia txog qhov tseeb—qhia nej txoj kev paub, kev ntsib kev pom, thiab tej tswv yim, thiab thaum qhia xyaum seb yuav nthuav nej tus kheej tawm tag nrho li cas. Yog koj ua li ntawd, koj yuav tau txais ntau yam zuj zus tuaj, thiab to taub ntau zuj zus tuaj. Nej ib txhia nyuam qhuav qhia txog nej tus kheej tej kev ntsib kev pom thiab kev paub xwb, thiab nej txhua tus nyias yeej muaj nyias qhov hais sib txawv. Zoo heev, nej txhua tus qhia tau qee yam uas muaj qab hau heev. Tom qab mloog nej qhia lawm, kuv pom tau hais tias nej txhua tus puav leej paub tab tuaj lawm thiab muaj qee qhov kev to taub lub neej txoj sia dua li ob peb xyoos dhau los uas nej ua nej tej dej num lawm. Nej muaj qee qhov kev paub thiab kev ntsib kev pom uas hais txog txoj kev ntseeg Vajtswv lawm, tsis yog lo lus hais qhuav qhuav xwb, thiab nej twb muaj ib lub hauv paus lawm. Qhov no mas zoo heev li. Zoo li tias qhov ntseeg Vajtswv ntawd mas tsis nyuaj npaum li ntawd thiab: Tsuav yog ib tug tib neeg ua lub siab dawb paug mloog Vajtswv cov lus, thiab ua li Vajtswv hais, thiab tsuav yog lawv muaj peev xwm xyaum ua raws li qhov tseeb xwb, ces lawv yeej muaj peev xwm ua tau raws li Vajtswv tej kev tim tsum lawm. Qhov kawg no, tsuas muaj ib qho tseeb uas koj tsim nyog to taub txog koj txoj kev ntseeg Vajtswv kom tshaj lwm yam huv si: Txoj kev ntseeg Vajtswv mas tsis yog txhais hais tias tsuas lam ntseeg Vajtswv lub npe xwb, haj yam tsis yog ntseeg tus Vajtswv uas pom tsis meej ntawm koj txoj kev xav hauv nruab siab xwb thiab. Kev ntseeg Vajtswv txhais hais tias, koj yuav tsum ntseeg tias muaj Vajtswv tiag; koj yuav tsum ntseeg Vajtswv lub ntsiab tseeb, Nws tus moj yam, thiab yam uas Nws muaj thiab yam uas yog Nws; koj yuav tsum ntseeg qhov muaj tseeb tias Vajtswv kav tib neeg ntiaj teb txoj hmoo, thiab tias Nws kav koj txoj hmoo. Yog li ntawd qhov ntseeg ntawd txhais li cas? Nws tsis txhais hais tias tib neeg yuav tsum tau koom tes thiab muab qhov ntawd coj los xyaum ua tiag tiag lod? Piv txwv tias, thaum ib txhia tib neeg ntsib ib qho xwm txheej tsis zoo, mas lawv yuav pib yws thiab muab liam rau lwm tus tib neeg. Lawv yeej tsis xav hais tias tej zaum lawv coj tau qhov xwm txheej ntawd los rau lawv tus kheej li, tiam sis tas zog muab lub luag hauj lwm ntawd tso rau lwm tus ris xwb. Tom qab ntawd, lawv txaus siab thiab kaj siab lawm, ces lawv txawm xav hais tias, “Daws tau qhov teeb meem ntawd lawm. Ntseeg Vajtswv li no mas zoo thiab yooj yim heev!” Koj xav li cas txog txoj kev daws teeb meem no? Ib tug tib neeg puas tau txais qhov tseeb los ntawm txoj kev xyaum ua li no? Qhov no puas qhia txog ib tug cwj pwm uas mloog Vajtswv lus? Cov tib neeg uas ntseeg Vajtswv zoo li no muaj kev xam pom dab tsi, thiab ntseeg dab tsi? Lawv puas siv cov lus uas hais tias “Vajtswv kav tib neeg ntiaj teb txoj hmoo, thiab txhua yam thiab txhua qhov xwm txheej puav leej nyob rau hauv Nws ob txhais tes” rau hauv lawv lub neej txhua hnub? Thaum lawv siv tib neeg lub tswv yim los txheeb xyuas teeb meem, thaum lawv siv noob neej txoj kev los hais txog qhov teeb meem ntawd, lawv puas ntseeg Vajtswv lub hwj chim kav? Lawv puas zwm rau Vajtswv lub hwj chim kav dua li tib neeg txoj kev npaj, teeb meem, thiab ntau yam? Yeej tsis zwm li. Qhov ib, lawv tsis zwm li; qhov no twb yog ib qho yuam kev lawm. Qhov ob, lawv tsis muaj peev xwm lees txais yuav qhov xwm txheej, tib neeg, teeb meem, thiab ntau yam los ntawm Vajtswv los uas Nws npaj rau lawv; lawv tsis saib kom tob ntxiv. Lawv tsuas yog saib seb qhov xwm txheej ntawd tshwm sim sab nraud los li cas xwb, ces lawv siv lawv lub tswv yim noob neej los txheeb xyuas thiab sim daws qhov teeb meem ntawd los ntawm noob neej tej tswv yim xwb. Qhov no tsis yog lwm qhov uas yuam kev lod? Nws puas yog ib qho yuam kev loj? (Yog.) Ua li cas nws ho yog li no mas? Lawv tsis ntseeg tias txhua yam yog Vajtswv kav. Lawv xav hais tias txhua yam yog nyob nyob ces cia li tshwm sim xwb. Raws li lawv pom mas, tsis muaj ib yam uas yog Vajtswv kav li, thiab feem ntau txhua yam tshwm sim yog vim tib neeg ua xwb. Qhov no puas yog ntseeg Vajtswv? Lawv puas muaj txoj kev ntseeg tseeb? (Tsis muaj.) Vim li cas tsis muaj? Lawv tsis ntseeg tias Vajtswv kav ib puas tsav yam. Lawv tsis ntseeg hais tias Vajtswv kav txhua yam teeb meem thiab ib puas tsav yam—tias Vajtswv kav txhua qhov xwm txheej. Yog qee yam tsis mus raws li qhov lawv xav hauv nruab siab, ces lawv txais tsis tau yam ntawd ntawm Vajtswv los. Lawv tsis ntseeg tias Vajtswv coj tau tej xwm txheej no. Vim lawv pom tsis tau Vajtswv, ces lawv thiaj li xav hais tias tej xwm txheej no nyob nyob ces cia li tshwm sim yog vim tib neeg ua xwb, tsis yog Vajtswv coj los. Lawv tsis ntseeg Vajtswv lub hwj chim kav. Yog li ces lub ntsiab tseeb ntawm lawv txoj kev ntseeg yog dab tsi? (Lawv yog cov tsis ntseeg.) Qhov ko yog lawm, lawv yog cov tsis ntseeg! Cov tsis ntseeg tsis tau txais ib yam dab tsi ntawm Vajtswv los li. Tiam sis, lawv xav nyuaj heev los siv tej uas tib neeg pom, lub siab xav thiab tej tswv yim los saib xyuas txhua yam. Qhov no yog cov tsis ntseeg tus cwj pwm. Thaum nej ntsib hom tib neeg zoo li no rau yav tom ntej, nej yuav tsum paub txog lawv me ntsis. Cov tsis ntseeg mas nyiam siv lawv lub hlwb los xav thiab tawm tswv yim thaum muaj teeb meem tshwm tuaj; lawv yeej tas zog kawm qhov teeb meem uas nyob ntawm lawv txhais tes, thiab siv noob neej tej tswv yim los daws qhov teeb meem ntawd. Lawv yeej ib txwm siv tib neeg tej tswv yim uas sib cam thiab phem, los sis raws li txoj cai los saib tib neeg thiab txhua yam xwb, tsis ntseeg hais tias Vajtswv txoj lus yog qhov tseeb los sis tias Vajtswv lub hwj chim kav tag nrho txhua yam li. Txhua yam uas tshwm sim ntawd yog Vajtswv pom zoo, tiam sis cov tsis ntseeg txais tsis tau tej no ntawm Vajtswv los, yog li ntawd lawv thiaj li pheej saib txhua yam raws li tib neeg tej kev xav phem thiab tej kev xav hauv nruab siab xwb. Txawm cov tsis ntseeg pheej hais tias lawv ntseeg hais tias tib neeg txoj hmoo yog nyob rau hauv Vajtswv ob txhais tes, thiab hais tias lawv kam los zwm rau Vajtswv lub hwj chim kav thiab txoj kev npaj los xij, thaum txhua yam los raug rau lawv kiag lawm, lawv txais tsis tau tej ntawd ntawm Vajtswv los thiab lawv muaj tej kev xav phem txog Vajtswv. Qhov no yog cov tsis ntseeg tus cwj pwm. Puas muaj ib tug tib neeg zoo li no nyob rau hauv nej lub neej li? Nej tus kheej puas txeev coj li no li? (Txeev coj kawg.) Nej coj zoo li cov tsis ntseeg, tiam sis nej puas yog cov tsis ntseeg tiag tiag? Nej puas ntseeg hais tias Vajtswv muaj hwj chim kav ib puas tsav yam? Nej puas lees paub qhov muaj tseeb tias txhua tus tib neeg, txhua yam teeb meem, txhua yam, thiab txhua qhov xwm txheej ntawd puav leej nyob rau hauv Vajtswv ob txhais tes? Nej txais tau pes tsawg yam ntawm Vajtswv los? Nej siv tib neeg tej tswv yim los daws tau pes tsawg qhov teeb meem lawm? Thiab nej ua neej raws li tus moj yam qias vuab tsuab npaum li cas? Nej muaj peev xwm zwm rau Vajtswv npaum li cas? Ua tib zoo xav txog cov lus nug no, nej yeej paub cov lus teb rau cov lus nug no nyob hauv nej lub siab xwb xwb li. Qhov txais tej yam ntawm Vajtswv los ntawd puas yooj yim? (Yuav muaj ib qho kev nyuaj siab.) Yeej muaj tseeb tias yuav muaj ib qho kev nyuaj siab, tiam sis qhov tau txais los ntawm qhov kev nyuaj siab ntawd los yog dab tsi? Puas yog yam zoo los sis yam tsis zoo? (Qee zaus mas yog yam tsis zoo, qee zaus yog yam zoo.) Yog haj tseem muaj ob qho zoo li ntawd, ces tseem muaj kev cia siab rau nej, tiam sis yog nej pheej ua tsis zoo, es ua tau zoo tsawg tsawg xwb, ces qhov ntawd ua pov thawj qhia hais tias nej tsis yog tus uas nyiam qhov tseeb. Qhov ua tsis tau zoo ntawd yeej ib txwm muaj—tsis txhob ntshai qhov ua tsis tau zoo ntawd, tsis txhob qaug zog, tsis txhob xav phem los sis thim rov qab, yuav tsum rau siab mus ntxiv. Qhov ua tsis tau zoo ntawd tsis yog ib qho phem; yam tsawg kawg, tib neeg tau txiaj ntsim los ntawm qhov ua tsis tau zoo ntawd los, uas yog ib qho zoo!

Tus txheej txheem ntawm qhov tib neeg tau txais qhov tseeb ntawd mas zoo ib yam li ib tug tub rog siab tawv uas mus rau tom tshav rog, npaj txhij mus tawm tsam txhua hom yeeb ncuab txhua lub sij hawm. Cov uas caum qhov tseeb cov yeeb ncuab ces yog Ntxwgnyoog ntau tus moj yam qias vuab tsuab ntag. Cov tib neeg no tab tom tawm tsam lawv cev nqaij daim tawv uas qias vuab tsuab; hauv lub ntsiab tseeb mas, lawv tab tom nrog Ntxwgnyoog ua rog ntag. Es tej cuab yeej uas siv los tawm tsam nrog Ntxwgnyoog ntawd yog dab tsi? Tseeb tiag mas, tej ntawd ces yog qhov tseeb, yog qhov uas ua raws li Vajtswv txoj lus ntag. Yuav kom kov yeej Ntxwgnyoog mas, yus yuav tsum xub xyaum ua raws li kis twg ntawm qhov tseeb tso? Yog qhov zwm rau Vajtswv, ua raws li Nws txoj lus, thiab ua raws li qhov tseeb. Qhov no yog qhov kev qhia uas yus yuav tsum to taub ua ntej tshaj plaws thaum nrog Ntxwgnyoog ua rog. Yog koj tsis muaj peev xwm txais tej uas los ntawm Vajtswv los raug rau koj ntawd, ces koj yuav tsis muaj peev xwm zwm rau ntawm Vajtswv lub xub ntiag, thiab koj yuav tsis muaj peev xwm ua kom koj tus kheej nyob twj ywm rau ntawm Vajtswv lub xub ntiag los thov Vajtswv los sis yuav nrhiav tsis tau qhov tseeb. Yog koj tsis tuaj yeem thov Vajtswv los sis nrhiav qhov tseeb, ces koj yuav tsis to taub qhov tseeb, los sis vim li cas Vajtswv thiaj li muab koj tso rau hauv tej xwm txheej ntawd, nrog cov tib neeg, tej teeb meem, thiab tej yam ntawd—koj yuav paub tsis meej li. Yog koj tsis tuaj yeem nrhiav qhov tseeb, ces koj tsis tuaj yeem kov yeej koj tus moj yam qias vuab tsuab li. Tsuas yog kov yeej koj tus moj yam qias vuab tsuab thiab koj lub cev nqaij daim tawv uas qias vuab tsuab xwb mas koj thiaj li yuav ua tau rau tus dab Ntxwgnyoog ntawm sab yeeb ceeb ntawd poob ntsej muag. Qhov nrog Ntxwgnyoog ua rog ntawd mas feem ntau yog nyob rau ntawm qhov nrhiav qhov tseeb xwb; yog koj tsis to taub qhov tseeb, ces txhua qhov teeb meem los sis kev xav phem uas tshwm sim nyob rau hauv koj ntawd ua rau koj qaug zog thiab xav phem tau. Yog yeej kho tsis tau koj tej kev nthuav tawm txog tej moj yam qias vuab tsuab ntawd li, ces koj yeej yuav ntog thiab ua tsis tau zoo, ces qhov koj yuav rov qab sawv tau dua ntawd mas nyuaj. Ib txhia muaj teeb meem thaum lawv ntsib kev sim siab, ib txhia xav phem thaum ntsib kev mob nkeeg, thiab ib txhia ua tsis tau thaum lawv raug kev sim siab. Tej no yog tej uas tau los ntawm qhov tsis caum qhov tseeb, thiab ntawm qhov uas tsis nrhiav qhov tseeb los kho tej moj yam qias vuab tsuab uas tib neeg nthuav tawm ntawd. Nej xav li cas: Tej moj yam phem ntawd puas ua rau tib neeg muaj ntau yam teeb meem? (Ua.) Muaj teeb meem ntau npaum li cas? (Tej moj yam qias vuab tsuab ntawd tsis pub tib neeg los rau ntawm Vajtswv lub xub ntiag, thiab ua rau tib neeg zwm tsis tau rau Vajtswv.) Yog tib neeg zwm tsis tau rau Vajtswv no, lawv ua neej raws li dab tsi xwb? (Lawv yuav ua neej raws li tej moj yam qias vuab tsuab uas phem.) Thaum tib neeg ua neej raws li tej moj yamqias vuab tsuab uas phem ntawd lawm, mas feem ntau lawv nthuav tej kev xav phem tawm thiab npau taws sai heev. Piv txwv li, yog koj ua ib yam dab tsi yuam kev es ib tug kwv tij los sis ib tug muam muab koj qhia tawm los sis qhuab ntuas koj, koj yuav tsum zwm rau Vajtswv thiab nrhiav qhov tseeb li cas? Muaj ib qho uas yuav tsum tau kawm nyob rau ntawm no. Tej zaum koj pib xav txog qhov no lawm hais tias: “Feem ntau tus tib neeg ntawd saib tsis taus kuv, thiab zaum no lawv nrhiav tau qee yam los siv tawm tsam kuv lawm. Lawv tsi ntsees kuv xwb, yog li ntawd kuv yuav tsis ua zoo. Kuv tsis yog los rau lawv thab!” Qhov no tsis yog kev npau taws sai lod? (Yog.) Kev npau taws sai yog dab tsi? (Nws yog thaum ib tug tib neeg tus moj yam phem tawm tuaj thaum lawv tej kev ntshaw puas tsuaj los sis lub koob lub npe thiab lub meej mom raug rhuav tshem lawm, thiab lawv hais qee yam los sis ua qee yam yam tsis ua tib zoo xav li. Qhov ntawd yog qhov kuv to taub hais tias kev npau taws sai yog txhais li cas.) Qhov kev to taub ko yog lawm. Leej twg tuaj yeem ntxiv rau qhov ntawd thiab? (Thaum ib yam dab tsi los raug rau ib tug tib neeg lawm es lawv tsis nrhiav qhov tseeb, tiam sis muab tej uas yeej ib txwm muaj nyob rau hauv lawv lawm ntawd nthuav tawm, ces qhov ntawd yog kev npau taws sai.) Lo lus “yeej ib txwm muaj” uas tus poj niam ntawd siv mas zoo heev. Tom qab tib neeg raug Ntxwgnyoog muab ua qias vuab tsuab lawm, thaum lawv tus moj yam uas yeej ib txwm muaj, uas coj li puag thaum ub los ntawm lawv lub hauv paus los ntawd raug muab nthuav tawm lawm, ces qhov ntawd hu ua kev npau taws sai. Qhov ntawd yog yam uas tsis yog los ntawm kev xav, lub siab xav, kev ua tib zoo xav, los sis kev npog, tiam sis cia li tawm tuaj xwb. Qhov ntawd yog kev npau taws sai. Kev npau taws sai yog yam uas tawm ntawm cov tib neeg uas muaj tej moj yam qias vuab tsuab los. Yog li ntawd vim li cas tej uas cia li tawm ntawm tib neeg tus yeeb yam los ntawd tsis mus raws li qhov tseeb? Vim li cas tib neeg thiaj li nthuav txoj kev npau taws sai tawm? Vim li cas? Vim tib neeg tus yeeb yam phem. Tus moj yam uas tib neeg muaj txij thaum yug los ntawd yog txoj kev npau taws sai. Thaum tib neeg tej kev ntshaw, kev khav theeb khav txiv puas tsuaj lawm, yog lawv tsis to taub qhov tseeb los sis muaj qhov muaj tiag ntawm qhov tseeb, ces lawv yuav cia lawv tus moj yam qias vuab tsuab qhia lawv txoj kev ua rau qhov kev puas tsuaj ntawd, ces lawv yuav ua yam tsis ua tib zoo xav tsis ua tib zoo saib li. Yam uas lawv ua rau pom tseeb thiab nthuav tawm ntawd yog kev npau taws sai ntag. Kev npau taws sai yog qhov zoo los yog qhov phem? Yog qhov phem. Qhov ib tug tib neeg npau taws sai ntawd mas yog qhov tsis zoo; qhov ntawd yuav ua rau muaj kev puas tsuaj. Yog leej twg txoj kev npau taws sai thiab kev qias vuab tsuab ntawd raug muab qhia tshwm rau thaum muaj tej yam los raug rau lawv no, qhov ntawd puas yog ib tug tib neeg uas nrhiav qhov tseeb thiab mloog Vajtswv lus? Ib tug tib neeg uas zoo li ntawd mas yeej tsis yog tus uas mloog Vajtswv lus. Hais txog ntau tus tib neeg, xwm txheej, txhua yam, thiab tej chaw uas Vajtswv npaj rau tib neeg ntawd, yog tib neeg lees txais tsis tau tej ntawd ntawm Vajtswv los, es ho saib xyuas tej ntawd thiab kho tej ntawd mus raws li tib neeg txoj kev xav no, thaum kawg yuav muaj dab tsi tshwm sim los ntawm qhov ua li ntawd? (Vajtswv yuav ntxub thiab tsis kam txais yuav tus tib neeg ntawd.) Yog li ntawd qhov ntawd puas yuav yog ib qho kev tsim kho rau tib neeg? (Tsis yog, qhov ntawd yuav tsis yog.) Tsis yog lawv yuav plam lawv tus kheej txoj sia xwb tiam sis kuj yuav tsim kho tsis tau lwm tus li thiab. Tshaj qhov ntawd, lawv yuav ua rau Vajtswv poob ntsej muag thiab ua rau Nws ntxub thiab tsis kam txais yuav lawv. Ib tug tib neeg zoo li no tsis muaj leej twg ua tim khawv rau lawv thiab lawv mus qhov twg los tsis muaj leej twg txais tos lawm. Yog hais tias koj yog ib tug tswv cuab ntawm Vajtswv lub tsev, tiam sis koj pheej npau taws sai rau tej uas koj ua, pheej nthuav yam uas yeej ib txwm muaj nyob rau hauv koj ntawd tawm, thiab pheej nthuav koj tus moj yam qias vuab tsuab tawm, ua txhua yam raws li tib neeg tej kev xav thiab raws li tus moj yam qias vuab tsuab thiab phem, ces thaum kawg yuav yog koj txoj kev ua phem thiab koj txoj kev tawm tsam Vajtswv—thiab yog koj yeej tseem tsis lees txim hloov dua siab tshiab txhua lub sij hawm thiab tsis tuaj yeem taug txoj kev caum qhov tseeb li, ces koj yuav raug muab nthuav tawm thiab muab ntiab tawm mus. Qhov teeb meem ntawm txoj kev ua neej uas tso siab rau tus moj yam phem thiab tsis nrhiav qhov tseeb los kho tej ntawd tsis yog ib qho teeb meem loj lod? Ib kis ntawm qhov teeb meem ntawd mas yog qhov hais tias tib neeg tsis paub tab los sis hloov lawv tus kheej lub neej li; dhau ntawd lawm, ib tug yuav haub ntxias lwm tus. Lawv yuav tsis ua ib yam zoo nyob rau hauv pawg ntseeg li, thiab tej zaum, lawv yuav coj teeb meem loj los rau pawg ntseeg thiab los rau cov neeg Vajtswv xaiv, zoo ib yam li ib tug yoov tsw tsw phem uas ya mus mus los los rau saum lub rooj noj mov, es ua rau tib neeg ntxub thiab tsis nyiam kiag li. Nej puas xav ua hom tib neeg no? (Tsis xav.) Yog li ntawd, nej yuav tsum ua li cas es thiaj li ua rau Vajtswv txaus siab, thiab thiaj li tsim kho tau lwm tus? Txawm nej yuav nthuav tus moj yam qias vuab tsuab dab tsi tawm los xij, nej yuav tsum xub ua siab txias txias, maj nroos los thov Vajtswv, thiab nrhiav qhov tseeb los kho tus moj yam qias vuab tsuab ntawd tso. Nej yuav tsum tsis txhob nthuav txoj kev qias vuab tsuab ntawd los ntawm qhov ua raws li nej tus kheej lub siab nyiam thiab txoj kev npau taws sai mus ntxiv lawm. Txhua xaws nkoos ntawm txhua feeb ntawm txhua hnub hauv koj lub neej ntawd, txawm koj yuav ua dab tsi thiab koj yuav xav li cas los xij, Vajtswv tab tom tshawb xyuas koj kom meej thiab ntsia ntsoov koj xwb. Vajtswv tab tom soj ntsuam dab tsi? (Qhov tib neeg xav thiab qhov lawv ua li cas thaum lawv ntsib tib neeg, teeb meem, los sis txhua yam uas Vajtswv tau npaj rau lawv lawm.) Qhov ko yog lawm, yog li ntawd Vajtswv lub hom phiaj uas soj ntsuam tej no yog dab tsi? (Yog saib seb tus tib neeg no puas yog tus uas ntshai Vajtswv thiab zam kev phem.) Qhov ko los kuj yog ib feem thiab. Vim li cas kiag? Ua tib zoo xav txog qhov no. (Yog saib seb lawv puas muaj ib lub siab uas nrhiav qhov tseeb thiab zwm rau rau Vajtswv.) Tsis hais qhov ntshai Vajtswv thiab qhov zam kev phem, los sis qhov muaj ib lub siab nrhiav qhov tseeb thiab qhov zwm rau Vajtswv li, tej no puav leej hais txog lo lus nug uas hais tias tib neeg xaiv taug txoj kev twg xwb. Vim li cas Vajtswv thiaj li tshawb xyuas tib neeg kom meej tas li? Qhov ntawd yog saib seb koj tab tom taug txoj kev twg, koj tej hom phiaj thiab txoj hau kev ntawm lub neej yog dab tsi, seb koj puas tau xaiv txoj kev caum qhov tseeb los sis cov Falixais txoj kev ntsej muag ncaj siab nkhaus. Qhov ntawd yog saib seb tej kev no koj taug txoj twg kiag. Yog koj xaiv tau txoj kev yog lawm, Vajtswv yuav coj koj kev, qhia koj, pab koj thiab txhawb koj. Hos yog koj xaiv tau txoj kev tsis yog lawm, ces qhov ntawd qhia hais tias koj tau tig koj lub nraub qaum rau Vajtswv kiag lawm, yog li ntawd Nws yuav cia li muab koj tso tseg lawm xwb.

Muaj cov tib neeg uas pheej tshaj tawm cov lus thiab cov kab lus txog tej kev qhuab qhia thiab ua txhaum tej hauv paus ntsiab lus ntawm qhov tseeb nyob rau hauv txhua yam uas lawv ua, haj tseem ua tej uas rhuav tshem Vajtswv lub tsev tej kev ntshaw thiab, tiam sis vim li cas lawv hos tsis raug rau txim los sis raug cem li? Ib txhia tib neeg tsis to taub qhov teeb meem no. Cia Kuv qhia nej tias, Vajtswv twb tso cov tib neeg zoo li no tseg lawm. Txawm ib tug tib neeg twg yog ib tug ntseeg los tau pes tsawg xyoo lawm los xij, yog Vajtswv txiav txim siab muab tus tib neeg no tso tseg lawm, ces qhov ntawd yog ib qho teeb meem loj heev li! Hais txog txoj kev uas Nws cia siab tias tib neeg yuav taug ntawd, Vajtswv lub siab nyiam thiab txoj kev ntshaw yog dab tsi? Thaum Vajtswv muab tib neeg tso rau tej xwm txheej twg lawm, Nws puas cia siab hais tias lawv yuav ua raws li qhov xwm txheej ntawd los sis ntxeev siab rau qhov xwm txheej ntawd? Nws puas cia siab tias lawv yuav nrhiav kom tau txais qhov tseeb, los sis tsis quav ntsej qhov tseeb ntawd es cia li nres twj ywm xwb? Vajtswv coj tus cwj pwm zoo li cas rau qhov no? Nws cia siab rau tib neeg dab tsi? Nws cia siab hais tias lawv yuav muaj peev xwm ua raws li Nws tes hauj lwm thiab rau siab ntso koom tes rau Nws tes hauj lwm, yam tsis tub nkeeg, tsis rau siab ua, los sis tsis quav ntsej tes hauj lwm ntawd. Ib txhia tib neeg mas tsis mob siab ua lawv tej dej num li: Thaum muab ib txoj hauj lwm rau lawv ua mas, lawv ua txoj hauj lwm ntawd li lawv pom hais tias haum xwb, tiam sis lawv yuav tsis nrhiav qhov tseeb los sis Vajtswv lub siab nyiam li. Lawv xav hais tias qhov ua li no yeej tsis muaj dab tsi txhaum li—vim lawv tsis ua txhaum tej kev cai tswj fwm, tsis ua txhaum rau Vajtswv tus moj yam, los sis tab kaum los sis cuam tshuam pawg ntseeg tes hauj lwm, es lawv tseem ua lawv tes dej num xwb, ces lawv xav hais tias lawv yeej yuav tsis raug teem txim li. Nej xav li cas txog hom cwj pwm no? (Nws tsis zoo. Nws yog ib tug cwj pwm phem, tub nkeeg, thiab tsis mob siab ua, uas Vajtswv ntxub xwb.) Ib tug cwj pwmtsis mob siab ua yog dab tsi? Vim li cas Vajtswv thiaj li ntxub tus cwj pwm ntawd? Lub ntsiab tseeb ntawm hom cwj pwm no yog dab tsi? (Kuv yeej qhia tau me ntsis txog kuv txoj kev paub txog qhov no. Tsis ntev los no nyob rau hauv kuv tes dej num mas, kuv ua raws li kuv tus kheej lub siab nyiam xwb thiab ua txhaum tej hauv paus ntsiab lus. Tom qab raug qhuab qhia thiab raug qhuab ntuas lawm, kuv tsis tig xav txog kuv tus kheej li, thiab kuv to taub Vajtswv yuam kev thiab tawm tsam Nws. Kuv tsis qhib siab rau Vajtswv, kuv tsis xav nyob ze Nws, thiab kuv tsis thov Nws. Kuv tsis mob siab li, thiab ua rau kuv xav phem, tub nkeeg, thiab nyuaj siab nyob rau lub sij hawm ntawd. Vim thaum kuv tsis qhib siab rau Vajtswv lawm, ces cuag nkaus li tus ncej uas tseem ceeb tshaj plaws ntawm kuv lub neej ntawd tau vau lawm ces kuv thiaj li muaj kev nyuaj siab. Tuaj sab nraud saib mas, zoo li kuv ua kuv tes dej num yam tsis muaj ib tug cwj pwm ntxeev siab kiag li, tiam sis kuv tsis tau txais kev qhuab qhia los ntawm Vajntsujplig thiab kuv tsis muaj lub siab txog qhov rau siab ntso koom tes nrog Vajtswv li. Qhov tuav tus cwj pwm tsis mob siab ua, phem, thiab tsis kub siab no mas zoo ib yam nkaus li qhov maj mam tua kuv tus kheej ntag. Cov tib neeg uas ncaim ntawm Vajtswv mus lawm ces zoo li ib tsob ntoo uas cov cag twb tuag lawm. Vim qhov cawm tsob ntoo ntawd txoj sia raug txiav lawm, ces tej ceg thiab tej nplooj yuav maj mam qhuav zuj zus mus txog ntua thaum tsob ntoo ntawd tuag tag nrho lawm xwb.) Qhov ko piav tau zoo heev. Tej zaum tib neeg feem coob muaj tus yam ntxwv no: Txawm kom lawv ua dab tsi los lawv yeej ua, yam tsis tsim teeb meem, los sis ua phem, los sis cuam tshuam txhua yam li—lawv tsuas yog tsis mob siab ua xwb. Vim li cas Vajtswv thiaj li ntxub hom cwj pwm no? Lub ntsiab tseeb uas tus cwj pwm zoo li no qhia tawm yog dab tsi? Yog kev xav phem, kev tawm tsam, thiab kev tsis kam txais yuav qhov tseeb. Nej puas yuav hais tias Vajtswv yog tus uas xub muab tib neeg tso tseg, los sis tib neeg yog tus uas xub muab Vajtswv tso tseg? (Tib neeg xub muab tso tseg.) Yog koj xub tso Vajtswv tseg, ces koj tsis qhib siab rau Vajtswv lawm, uas yog ib qho teeb meem loj. “Tsis qhib” yog ib qho. Qhov uas tshwm sim tiag tiag yog qhov tib neeg muab lawv lub siab kaw kiag lawm, muab Vajtswv xauv rau sab nraud lawm, uas txhais hais tias: “Kuv tsis xav tau Koj ntxiv lawm. Kuv muab txhua yam uas khi nrog Koj ntawd cais tawm lawm, thiab muab txhua qhov kev sib txuas lus ntawm wb ntawd tso tseg lawm.” Thaum ib tug neeg uas raug tsim tawm los muaj hom cwj pwm no rau lawv tus tswv tsim lawm, Vajtswv yuav saib xyuas qhov no li cas? Nws tus cwj pwm zoo li cas? Thaum Nws pom tib neeg muaj ib tug yam ntxwv zoo li no lawm, Nws puas xyiv fab, qias, los sis tu siab? Ua ntej tshaj plaws, Nws tu siab. Thaum Nws pom tib neeg tsis paub xav thiab tsis kam los lees txais qhov tseeb hlo li lawm mas, Vajtswv tag kev cia siab, ces tom qab ntawd Nws thiaj li ntxub lawv. Thaum ib tug tib neeg lub siab tsis qhib rau Vajtswv lawm, Nws yuav ua li cas rau qhov no? (Vajtswv yuav coj qee qhov xwm txheej los ua kom lawv to taub Nws lub siab nyiam thiab kom qhib tau lawv lub siab rau Nws.) Yog lawm, qhov no yog ib qho ntawm tej uas Vajtswv xav ua, qee zaus Nws ua li ntawd, tiam sis qee zaus Nws tsis ua li ntawd. Qee zaus, Nws zais Nws lub ntsej muag thiab tos Nws lub sij hawm, uas yog tos ntsoov koj qhib koj lub siab rau Nws. Thaum koj txais tau Nws los rau hauv koj lub siab thiab muaj peev xwm lees txais qhov tseeb lawm, ces Nws yuav muaj kev khuv leej rau koj thiab qhia koj txuas ntxiv. Txawm li cas los xij, feem ntau mas, yog koj muaj hom cwj pwm no, uas koj lub siab tsis qhib rau Vajtswv kiag li lawm, tsis kam txais yuav txoj kev sib raug zoo nrog Nws li ib txwm raug, tsis kam txais yuav txhua qhov kev sib txuas lus nrog Nws lawm, ces yog koj tab tom tsis kam txais yuav Vajtswv lub hwj chim kav koj thiab Nws txoj kev coj qhia. Qhov no zoo ib yam nkaus li tsis kam txais yuav Nws ua koj tus Vajtswv, thiab tsis xav kom Nws ua koj tus Tswv ntag. Yog koj tsis kam txais yuav Nws ua koj tus Vajtswv thiab tus Tswv no, Nws puas tseem ua tau hauj lwm rau hauv koj? (Tsis tau.) Ces yam Nws ua tau ces yog tso koj tseg xwb. Tsuas yog tom qab koj to taub yam uas tau tshwm sim thiab paub qhov yuam kev ntawm koj txoj kev, thiab paub lees txim hloov dua siab tshiab lawm xwb mas Vajtswv tes hauj lwm uas nyob rau hauv koj thiaj li yuav rov pib dua. Yog li ntawd, thaum ntsib ib tug cwj pwm uas tsis mob siab ua zoo li no lawm, Vajtswv yeej yuav tsis ua hauj lwm li, Nws yuav muab cov tib neeg zoo li no tso tseg. Nej puas tau paub qhov no li? Ib tug yam ntxwv zoo li no puas kaj siab lug thiab xyiv fab, los sis nyiaj tsis taus thiab nyuaj siab xwb? (Nyiaj tsis taus thiab nyuaj siab xwb.) Nyuaj siab npaum li cas? (Nws zoo li yog ib lub cev tuag uas taug kev lawm xwb. Nws zoo li ib tug tsiaj nyaum ua neej nyob uas tsis muaj kev xav, tsis muaj ntsujplig li lawm.) Yog Vajtswv tsis nyob rau hauv tib neeg lub siab, ces lawv lub siab tsis muaj dab tsi li; qhov ntawd zoo ib yam li lawv tsis muaj ntsujplig. Tsis yog qhov no tsis yog txhais hais tias lawv dhau los ua ib tug neeg tuag uas tsis muaj ntsujplig lawm lod? Cas yuav txaus ntshai ua luaj li! Ib tug tib neeg yeej ntxeev siab rau Vajtswv nyob rau qhov twg thiab lub sij hawm twg los tau. Yog tsis xyuam xim me ntsis xwb, lawv tuaj yeem tsis lees paub Vajtswv hauv lawv lub siab, tom qab uas lawv tus yam ntxwv hloov kiag lawm: Lawv cia li tsis muaj siab kiag tam sid, lawv tsis paub tias muaj Vajtswv li lawm, thiab lawv txoj kev vam khom rau Vajtswv thiab txoj kev sib raug zoo nrog Nws ntawd ploj tag nrho li lawm, zoo ib yam li ib lub plawv uas tsis dhia lawm. Qhov no yog ib qho xwm txheej uas phom sij heev li. Yuav ua li cas rau ib tug yam ntxwv zoo li no? Koj yuav tsum muaj tus cwj pwm zoo thiab thov Vajtswv thiab lees txim hloov dua siab tshiab tam sim ntawd. Yog ib tug tib neeg pheej muaj ib tug yam ntxwv phem, tawm tsam, ib tug yam ntxwv uas lawv twb raug Vajtswv tso tseg tag nrho li lawm es mus cuag tsis tau Nws lawm, mas qhov ntawd phom sij heev! Nej puas paub hais tias yam yuav tau txais uas qhov kev phom sij no coj mus rau ntawd yog dab tsi? Tsis yog tib neeg yuav plam txhua yam xwb—lwm yam uas yuav tau txais yog dab tsi? (Tej zaum lawv yuav raug dab nkag rau.) Qhov ntawd yog ib qho thiab. Muaj ntau yam uas yuav tshwm sim thiab. (Tej zaum lawv yuav ua ib qho kev phem loj heev thiab raug Vajtswv muab nthuav tawm thiab muab ntiab tawm mus.) Qhov no kuj yuav tshwm sim thiab. Puas muaj ntxiv lawm? (Tej zaum lawv yuav nrug deb ntawm Vajtswv mus zuj zus.) Tam sim no, yog tseem muaj tus yam ntxwv no thiab, nej puas xav hais tias thaum kawg tus tib neeg no yuav tsis xav ntseeg Vajtswv ntxiv lawm? (Lawv yuav tsis ntseeg lawm.) Qhov ntawd tsis txaus ntshai lod? (Txaus ntshai.) Yog ib tug tib neeg muaj lub siab phem los muab lawv txoj kev ntseeg tso tseg, mas qhov ntawd yog qhov uas txaus ntshai tshaj plaws, vim nyob hauv lawv lub siab lawv twb ntxeev siab rau Vajtswv lawm, ces Vajtswv yuav tsis cawm ib tug neeg zoo li no lawm.

Yog ib tug ntseeg lawm, yus yuav tsum tuav ib txog kev sib raug zoo nrog Vajtswv li ib txwm raug; qhov no mas tseem ceeb heev li. Thaum ib tug tib neeg txoj kev sib raug zoo nrog Vajtswv ntawd zoo lawm, ces lawv yuavmuaj ib tug yam ntxwv zoo; thaum lawv muaj tus yam ntxwv phem, ces lawv txoj kev sib raug zoo nrog Vajtswv ntawd tsis zoo. Ib tug tib neeg lub siab yuav muaj ob qho sib txawv nyob ntawm seb lawv ib tug yam ntxwv zoo los sis ib tug yam ntxwv phem xwb. Thaum ib tug tib neeg muaj muaj ib tug yam ntxwv zoo, ces lawv yuav muaj ib lub zog nyob rau hauv lawv lub siab, ib lub zog uas ua rau lawv tsis muaj hnub yuav yuav txij nkawm, raws Vajtswv qab mus kom txog thaum kawg txawm lawv yuav txom nyem npaum li cas los xij, lawv mob siab rau Vajtswv mus kom txog ntua thaum kawg, mus kom txog ntua thaum tag sim neej kiag. Ua li cas ho muaj hom kev txiav txim siab no? (Muaj los ntawm ib hom kev kub siab uas tib neeg muaj.) Vajtswv puas pom hais tias txoj kev kub siab no lees txais tau? Hom kev txiav txim siab no puas yog ib yam zoo los sis phem? (Zoo.) Vajtswv puas pom hais tias yam zoo mas lees txais tau? (Pom.) Vajtswv tshawb xyuas tib neeg lub siab kom meej. Nws tshawb xyuas yam uas tib neeg xav hauv lawv nruab siab thiab seb lawv lub siab zoo li cas kom meej. Yog li ntawd, thaum koj nthuav hom kev ntshaw thiab kev txiav txim siab hauv koj lub siab no tawm, Vajtswv tshawb xyuas qhov no kom meej thiab. Qhov kev txiav txim siab no los qhov twg los? Puas yog los ntawm ib tug tib neeg tus yeeb yam thiab kev npau taws sai los? (Tsis yog, qhov kev txiav txim siab no yog Vajntsujplig tes hauj lwm muab cog rau hauv tib neeg lawm.) Qhov ntawd yog lawm. Thaum tib neeg muaj tus yam ntxwv yog lawm, ces Vajntsujplig muab hom hwj chim no rau lawv, es thiaj li ua rau lawv muaj qhov kev txiav txim siab ntawd. Qhov no yog ib qho zoo, thiab Vajntsujplig muab qhov no rau tib neeg vim lawv txoj kev koom tes thiab txoj kev mob siab. Tib neeg tus kheej puas txeev muaj hom kev ntseeg no li? Tsis txeev muaj li, puas yog? Thaum tib neeg muaj ib qho kev txiav txim siab los koom tes me ntsis xwb, Vajntsujplig ua rau lawv muaj kev mob siab npaum li no lawm! Vim qhov no, tam sim no koj pom dab tsi? (Tib neeg yuav tsum nrog Vajtswv nyob. Yog tsis muaj Vajtswv, ces tsuas muaj kev tuag xwb.) “Tib neeg yuav tsum nrog Vajtswv nyob,” qhov ko muaj tseeb. Qhov no yog txoj kev paub uas tau txais los ntawm txoj kev ntsib kev pom. Yog koj qhib koj lub siab rau Vajtswv, yog koj muaj qhov kev txiav txim siab me ntsis ntawd, thiab muaj peev xwm muab koj lub siab nthuav tawm tag nrho rau thaum thov Vajtswv, ces Nws yuav muab lub hwj chim no rau koj. Lub hwj chim no yuav kav mus tag koj sim neej thiab ua rau koj muaj qhov kev txiav txim siab tob zoo li no, thiab hais tias “Kuv muab tag nrho kuv lub neej txoj sia fij rau Vajtswv, kuv yuav muab kuv tus kheej siv kom tag nrho rau Nws thiab ua neej rau Nws!” Qhov ntawd yog ib qho muaj tseeb; qhov no yog qhov tib neeg xav, thiab yog qhov lawv xav ua. Txawm li cas los xij, yog ib tug tib neeg twg caum Vajtswv qab thiab ua lawv tes dej num vam khom rau lawv tus kheej lub siab xav, lawv tus kheej tej kev xav, thiab lawv tus kheej lub peev xwm thiab tej kev txawj xwb, ces lawv yuav muaj zog npaum li cas? Yog koj tsis muaj siab caum qhov tseeb, ces txawm yuav siv zog ua hauj lwm npaum li cas los yuav tsis zoo txaus li. Lub zog hauv lub siab no mas tib neeg ua tsis tau; lub zog no yog Vajtswv pub xwb. Ua li cas tib neeg ho tsis muaj lub zog no? Dab tsi ua rau tsis muaj lub zog no? Thaum Vajtswv tsis nyob hauv lawv lub siab lawm, ces lub hwj chim no ploj mus lawm. Thaum tib neeg muaj lub zog no, lub zog no yog Vajntsujplig tes hauj lwm, lub zog no yog lub hwj chim uas Vajtswv muab rau tib neeg—lub zog no yog txhua yam uas Vajtswv ua ntag. Yog koj lub siab tsis qhib rau Vajtswv, yog koj hais tias “tsis kam” rau Vajtswv, thiab koj tsis kam txais yuav Nws lub hwj chim kav thiab txoj kev coj kev qhia txog koj lub neej, nrog rau txhua qhov chaw, tib neeg, xwm txheej, thiab ntau yam uas Nws tau npaj nyob puag ncig koj, ces koj yuav tsis muaj lub siab caum qhov tseeb li lawm. Thaum tib neeg tsis muaj Vajtswv lawm, mas qhov ntawd phem heev li; qhov no yog ib qho uas muaj tseeb. Cov uas tsis muaj Vajtswv lawm ces tsis muaj qab hau li lawm. Yog ib tug tib neeg tsis qhib lawv lub siab rau Vajtswv, ces tej zaum lawv haj tseem ua ob siab txog txoj kev ntseeg Vajtswv thiab, uas lawv nthuav tawm nyob rau txhua lub sij hawm thiab txhua qhov chaw los tau. Qhov uas phem tshaj plaws ntawm qhov no mas yog qhov hais tias lawv tej kev xav no yuav muaj zog zuj zus tuaj, txog rau qhov uas lawv yuav khuv xim txhua yam uas lawv tau muab tso tseg thiab siv lawm, thiab khuv xim qhov kev txiav txim siab uas lawv tau muaj ib zaug thiab qhov kev txom nyem uas lawv tau nyiaj ib zaug los lawm. Lawv tus yam ntxwv yuav txawv tag nrho tsis zoo li qub lawm, cuag nkaus li lawv yog ib tug neeg txawv kiag li lawm. Ua li cas qhov no ho tshwm sim? Yog ib tug tib neeg tuaj yeem zwm rau tib neeg, tej xwm txheej, tej yam, thiab tej chaws uas Vajtswv tau npaj rau lawv lawm, ces lawv yeej ua tau ib lub neej kaj siab lug thiab zoo siab heev. Yog lawv pheej sim khiav tawm ntawm tib neeg, tej xwm txheej, thiab tej uas Vajtswv tau npaj, thiab tsis kam ua raws li tej xwm txheej uas lawv tus kheej nyob rau hauv, uas yog qhov Vajtswv muaj lub hwj chim kav ntawd, yuav muaj dab tsi tshwm sim los ntawm qhov no los? (Kev nyuaj siab thiab kev tsaus ntuj.) Lawv yuav ntsib kev tsaus ntuj, kev nyuaj siab, kev txhawj xeeb, kev ntxhov siab tas li, thiab kev tu siab. Qhov no tsis yog ib qho txawv tshaj plaws lod? (Yog.) Thaum tib neeg muaj ib tug yam ntxwv zoo lawm, mas zoo li nyob rau saum ntuj ceeb tsheej, nyob kiag rau ntawm Vajtswv lub xub ntiag ntag. Thaum lawv muaj ib tug yam ntxwv phem, mas lawv tus yam ntxwv phem ntawd haj yam phem tuaj, thiab lawv yuav ncav tsis cuag Vajtswv. Qhov muaj ib tug yam ntxwv phem ntawd mas tsis txawv qhov nyob rau hauv ntuj txiag teb tsaus li. Nej puas txeev hnov txog txoj kev txom nyeem hauv ntuj txiag teb tsaus li? Zoo siab heev los yog nyiaj tsis taus li? (Nyiaj tsis taus li.) Koj yuav muab qhov ntawd uaib sob lus piav li cas? (Qhov ntawd phem tshaj kev tuag lawm.) Yog lawm, qhov ntawd phem tshaj kev tuag lawm. Qhov tuag yuav zoo dua li qhov ua neej nyob, qhov ntawd mas phem dhau lawm. Koj hais tau zoo heev; qhov ntawd yeej zoo li ntawd.

Tag nrho tej kev nyuaj uas tib neeg ntsib, thiab tag nrho lawv txoj kev xav phem thiab kev qaug zog ntawd, puav leej cuam tshuam ncaj qha rau lawv tej moj yam qias vuab tsuab. Yog kho tau lawv tej moj yam qias vuab tsuab ntawd lawm, ces hais tau hais tias tag nrho tej kev nyuaj hauv lawv txoj kev ntseeg ntawd yeej yuav daws tau tsis ntau los tsawg lawm: Yuav tsis muaj dab tsi khuam kom lawv tsis txhob nrhiav qhov tseeb, lawv yuav tsis ntsib tej kev nyuaj nyob rau hauv txoj kev xyaum ua raws li qhov tseeb, thiab tsis muaj dab tsi yuav thaiv kom lawv txhob zwm rau Vajtswv lawm. Yog li ntawd, qhov kho tib neeg tej moj yam qias vuab tsuab ntawd mas tseem ceeb heev. Qhov Vajtswv hais kom tib neeg caum qhov tseeb thiab coj ncaj ntawd mas cuam tshuam rau txoj kev kho tej moj yam qias vuab tsuab thiab kev hloov tus moj yam. Lub hom phiaj ntawm txoj kev nrhiav qhov tseeb yog los daws qhov teeb meem ntawm tus moj yam qias vuab tsuab, thiab txoj kev caum qhov tseeb ntawd yog caum kom thiaj li hloov tau tus moj yam ntag. Yog li ntawd tib neeg yuav nrhiav qhov tseeb li cas? Yuav ua li cas tib neeg thiaj li tau txais qhov tseeb? Nyuam qhuav los no kuv hais li cas lawm? (Muaj txoj kev tseeg hais tias Vajtswv kav ib puas tsav yam, thiab ua raws li tej xwm txheej uas Nws tau nthuav tawm lawm.) Yog lawm, muaj kev ntseeg, ua raws, xyaum kawm kom paub, nrhiav qhov tseeb, thiab tuav koj tes dej num nyob rau hauv tej xwm txheej uas Vajtswv tau tsim lawm. Yog koj tuaj yeem kawm paub los ntawm tej xwm txheej uas Vajtswv tau tsim lawm, qhov ntawd tsis yooj yim rau koj ua raws lod? (Yooj yim.) Thaum koj nrhiav qhov tseeb thiab kawm es koj paub lawm, ces qhov uas koj yuav tsis nthuav ib tug moj yam qias vuab tsuab tawm thiab tswj koj tus kheej kom tsis txhob muab koj txoj kev npau taw sai ntawd nthuav tawm tsis muaj tseeb lod? Nyob rau qhov txheej txheem no, koj yuav tsis zam qhov siv tib neeg tej tswv yim thiab tib neeg txoj kev xav los saib xyuas tib neeg, tej xwm txheej, thiab tej uas Vajtswv tau npaj tseg rau koj lawm lod? Qhov ua li no, koj yuav tsis muaj ib tug yam ntxwv zoo lod? Thiab thaum koj muaj ib tug yam ntxwv zoo lawm, koj yuav tsis muaj peev xwm nyob rau ntawm Vajtswv lub xub ntiag tas li lod? Ces koj yuav muaj kev nyab xeeb. Yog koj tuaj yeem los rau ntawm Vajtswv lub xub ntiag tas li, nyob rau ntawm Nws lub xub ntiag tas li, nrhiav Nws lub siab nyiam nyob rau hauv tej xwm txheej uas Nws tau qhia rau koj lawm, thiab ua raws li txhua tus tib neeg, txhua qhov xwm txheej, thiab txhua yam uas Nws tau npaj tseg lawm tas li, ces Vajtswv yuav tsis tsom kwm koj, thiab saib xyuas koj lod? (Tsom kwm thiab saib xyuas.) Thaum Vajtswv lub hwj chim kav koj txoj hmoo, thiab Nws saib xyuas thiab tsim kho koj txoj hmo lawm, thaum koj xyiv fab heev rau Vajtswv txoj kev tiv thaiv txhua hnub lawm, koj yuav tsis yog tus tib neeg uas zoo siab tshaj plaws lod? (Qhov ko yog lawm.) Qhov ko yog qhov xaus ntawm peb txoj kev kawm txog lub ncauj lus no lawm. Mus rau yav tom ntej, nej txhua tus kawm tau lub ncauj lus no ua ke, thiab hais tau lub ntsiab thiab qhia tau nej txoj kev to taub txog lub ncauj lus no lawm. Xav seb yuav ua ib lub neej kom zoo siab li cas thiab yuav ua li cas Vajtswv thiaj li lees txais, ib yam li Yauj ua, kom Vajtswv thiaj li nco ntsoov koj rau hauv Nws lub siab thiab hais tias koj yog ib tug neeg uas Nws hlub; xav seb yuav taug txoj kev yog hauv lub neej li cas, ib yam li Yauj ua, uas yog qhov ntshai Vajtswv thiab zam kev phem.

Lub Ib Hlis Hnub Tim 25, Xyoo 2017