Tus tseem Vajtswv uas kav thoob plaws lub qab ntuj khwb thiab tag nrho txhua yam—Vajtswv Tus Uas Muaj Hwj Chim Loj Kawg Nkaus, tus Khetos ntawm tiam kawg! Qhov no yog cov lus tim khawv ntawm Vajntsujplig, ua pov thawj tias tsis lees tsis tau! Tus Vajntsujplig tab tom ua hauj lwm thiab ua tim khawv txhua qhov chaw, kom tsis muaj leej twg yuav ua xyem xyav. Vajtswv Tus Uas Muaj Hwj Chim Loj Kawg Nkaus, yog tus Vajntxwv loj kawg nkaus! Nws tau kov yeej thoob plaws lub ntiaj teb, Nws tau kov yeej txoj kev txhaum, thiab Nws tau ua tiav hlo Nws tes dej num ntawm kev txhiv dim lawm! Nws tau cawm peb, pab pawg neeg no uas raug ua qias vuab tsuab los ntawm Ntxwgnyoog, thiab ua kom peb muaj txhua yam los ua raws li Nws lub siab nyiam. Nws siv lub hwj chim vajntxwv kav thoob plaws lub ntiaj teb, txeeb daim av no rov qab los thiab caum Ntxwgnyoog kom poob mus rau hauv lub qhov ntuj tob tsis muaj chaw tws. Nws txiav txim rau lub ntiaj teb, thiab tsis muaj leej twg muaj peev xwm khiav dim ntawm Nws ob txhais tes. Nws ua Vajntxwv kav.

Tag nrho lub ntiaj teb qw nrog kev zoo siab! Nws qhuas Vajntxwv loj kawg nkaus—Vajtswv Tus Uas Muaj Hwj Chim Loj Kawg Nkaus! Mus tag ib txhiab ib txhis! Koj mas tsim nyog tau txais kev hwm thiab kev qhuas. Muab lub hwj chim thiab lub yeeb koob rau tus Vajntxwv loj kawg nkaus ntawm lub qab ntuj khwb!

Lub sij hawm mas luv luv xwb. Ua raws li Vajtswv Tus Uas Muaj Hwj Chim Loj Kawg Nkaus tej hneev taw thiab rhais ruam mus tom hauv ntej. Ua tib zoo ceev faj rau qhov ua txhaum, xav txog Nws lub nra, koom ib lub siab nrog Nws, thiab muab koj tus kheej fij rau Nws txoj kev cawm tib neeg. Koj yuav tsum txhob khaws koj tej khoom muaj nqis cia. Tshuav sij hawm tsawg heev lawm. Muab tej khoom muaj nqis ntawd fij! Txhob tuav tej khoom muaj nqis cia! Muab tej khoom muaj nqis ntawd fij! Txhob tuav tej khoom muaj nqis cia!