Tshooj 39

Rua nej lub qhov muag thiab saib, thiab nej tuaj yeem pom Kuv lub hwj chim loj tshaj nyob rau txhua qhov chaw! Nej tuaj yeem ntseeg siab rau Kuv nyob txhua qhov chaw. Lub qab ntuj khwb thiab lub ntuj tab tom tshaj tawm Kuv lub hwj chim loj tshaj. Cov lus Kuv tau hais rais los muaj tseeb rau hauv tej huab cua uas kub, huab cua hloov pauv, hauv tej kev txawv txav rau tib neeg, hauv qhov tsis sib haum ntawm kev sib raug zoo, thiab kev dag ntxias hauv tib neeg lub siab. Lub hnub cig dawb paug thiab lub hli cig liab dua qub tuaj; txhua yam tau tsis haum lawm. Puas yog nej yeej tseem tsis pom tej no tiag tiag li ma?

Vajtswv lub hwj chim loj tshaj raug nthuav tawm nyob rau ntawm no. Txhob ua xyem xyav, Nws yog tus Vajtswv tiag—tus uas Muaj Hwj Chim Loj Kawg Nkaus—uas tib neeg tau caum los tau ntau xyoo lawm! Leej twg thiaj li tuaj yeem ua kom txhua yam tshwm sim los ntawm kev hais cov lus xwb ma? Tsuas yog peb tus Vajtswv Tus Uas Muaj Hwj Chim Loj Kawg Nkaus xwb. Kiag thaum Nws hais lus tag, ces txhua qhov tseeb cia li tshwm sim lawm. Cas nej tseem hais tsis tau tias Nws tsis yog tus Vajtswv tiag thiab lod?

Kuv paub tob, tias nej txhua tus txaus siab hlo los koom tes nrog Kuv lawm, thiab Kuv ntseeg tias cov neeg Kuv xaiv, Kuv cov kwv tij thiab cov nkauj muam Kuv hlub, txhua tus puav leej muaj txoj kev xav zoo no, tab sis tsuas yog tsis tuaj yeem to taub los sis tsis tuaj yeem xyaum ua, thiab tsis tuaj yeem ua siab txias thiab siab tus thaum ntsib qhov tshwm sim ntawm qhov muaj tseeb. Nej yeej tsis xav txog Vajtswv tej kev xav li, thiab nej muab kev tseem ceeb rau nej tus kheej tej kev ntshaw ua ntej tshaj thiab ua raws li nej tus kheej yam tsis tas tos. Cia Kuv qhia nej, kev ua li no yuav tsis ua rau Kuv txaus siab! Tus me nyuam es! Muab koj lub siab kom tag rau Kuv. Paub kom meej tseeb! Kuv tsis xav tau koj cov nyiaj, thiab koj cov khoom ntiag tug, thiab tsis xav kom koj mob siab, dag ntxias los sis coj siab nqaim los rau ntawm Kuv xub ntiag los tiam. Ua lub siab dawb huv nyob ntsiag to, tos thiab nrhiav thaum muaj tej teeb meem tshwm sim, ces Kuv mam li yuav muab lo lus teb rau koj. Txhob ua xyem xyav! Vim li cas nej yeej tsis ntseeg tias Kuv cov lus yog qhov tseeb? Vim li cas nej yeej tsis ntseeg Kuv cov lus? Nej mas tawv ncauj tshaj plaws txog theem siab kawg nkaus zoo li no lawm, thiab txawm tias nyob rau lub sij hawm zoo li no los nej tseem zoo li no thiab; nej ruam dhau lawm, thiab tsis paub dab tsi li! Nej nco tau qhov tseeb tshaj plaws ntau npaum li cas? Nej puas tau ntsib tau pom qhov tseeb tiag tiag? Nej rais los ntxhov quas niab thiab ua dog dig thiab siab kub thaum ntsib tej teeb meem! Qhov tseem ceeb niaj hnub no yog nej to taub rau sab ntsujplig thiab sib qhia nrog Kuv kom ntau ntxiv, tib yam nkaus li nej tus kheej lub siab keev xav txog tej lus nug. Nej puas nkag siab? Qhov no yog qhov tseem ceeb! Ncua kev xyaum ua raws qhov tseeb yog ib qho teeb meem. Maj nrawm nroos, thiab txhob ncua sij hawm lawm! Cov tib neeg uas hnov Kuv cov lus thiab tsis ncua sij hawm tab sis xyaum ua raws tej ntawd kiag tam sim ntawd ces yuav tau txais koob hmoov ntau! Kuv yuav muab rau nej ntau npaug! Txhob txhawj! Ua li Kuv hais, yam tsis ncua sij hawm hlo li! Nej cov kev xav phem ntawm tib neeg feem ntau zoo li qhov no, thiab nej nquag tso txhua yam tseg, ib txwm ncua sij hawm rau yam uas yuav tsum tau ua hnub no mus rau tag kis. Tub nkeeg tshaj thiab tsis txawj li. Tsis paub piav li lawm! Kuv tsis yog neeg hais tshaj qhov muaj tseeb—qhov no yeej yog qhov tseeb. Yog hais tias nej tsis ntseeg qhov ntawd, ces ua tib zoo soj ntsuam koj tus kheej thiab saib koj tus kheej qhov xwm txheej, ces koj mam li pom tias qhov no yog li ntawd tiag tiag!

Qhov Dhau Los: Tshooj 38

Ntxiv Mus: Tshooj 40

Tej kev puas tsuaj tab tom tshwm sim ib yam zuj zus tuaj. Tus Tswv twb los rau hauv qhov kev zais npog ua ntej txoj kev txom nyem loj tshaj plaws lawm. Koj puas paub tias yuav tos txais Nws li cas? Txhob me siab hu rau peb los nrhiav qhov kev tos txais no.

Cov Ntsiab Lus Uas Zoo Sib Thooj

Cov Lus Txib ntawm Tiam Tshiab

Nyob hauv txoj kev paub Vajtswv tes dej num, koj yuav tsum ua twb zoo nyeem Vajtswv cov lus thiab npaj nej tus kheej nrog qhov tseeb. Tab...

Qhov Kho Kev Teeb Txhua Yam

  • Cov ntawv
  • Cov Ntsiab Lus Tom Qab

Ib Xim Nkaus Xwb

Cov Ntsiab Lus Tom Qab

Tus Ntawv

Tus Ntawv Luaj Li Cas

Kev Sib Nrug Ntawm Tej Kab Ntawv

Kev Sib Nrug Ntawm Tej Kab Ntawv

Nplooj Ntawv Qhov Dav

Cov Ntsiab Lus

Tshawb Nrhiav

  • Tshawb Nrhiav Lo Lus No
  • Tshawb Nrhiav Phau Ntawv No