Zoo kawg nkaus yog cov hauj lwm ntawm Vajtswv Tus Uas Muaj Hwj Chim Loj Kawg Nkaus! Phim hwj kawg li! Phim hwj kawg nkaus! Xya lub suab raj xyu nrov, xya lub suab xob nthe tawm mus, thiab xya lub tais nchuav los—cov no yuav raug nthuav tawm yam qhib lug, thiab yuav tsis muaj kev ua xyem xyam li lawm. Vajtswv txoj kev hlub los rau peb txhua hnub. Tsuas yog Vajtswv Tus Uas Muaj Hwj Chim Loj Kawg Nkaus tib leeg nkaus xwb thiaj li cawm tau peb; txawm hais tias peb tau ntsib nrog txoj hmoov phem los sis so tsis foom koob hmoov los ntawm Nws lawm, thiab peb tib neeg tsis muaj txoj hauv kev txiav txim siab txog qhov no li. Cov uas muab lawv tus kheej kawg siab kawg ntsws yuav tau txais tej koob hmoov nplua mias, hos cov uas nrhiav kev txuag lawv txoj sia tsuas yog yuav plam lawv txoj sia xwb; txhua yam thiab txhua yam teeb meem yog nyob ntawm Vajtswv Tus Uas Muaj Hwj Chim Loj Kawg Nkaus ob txhais tes. Tsis txhob nres koj cov kauj ruam ntxiv lawm. Kev hloov pauv loj tau los txog rau saum ntuj thiab lub ntiaj teb lawm, uas tib neeg tsis muaj txoj kev nkaum. Tsis muaj lwm txoj kev xaiv rau nws dhau li ntawm txoj kev quaj nyiav vim los ntawm txoj kev mob ntsim. Ua raws li txoj hauj lwm uas Vajntsujplig tab tom ua hnub no. Koj yuav tsum paub meej nyob rau hauv koj tus kheej txog theem ua tiav ntawm Nws tes dej num, tsis tas yuav tsum kom lwm tus los hais kom nco. Rov qab los rau ntawm Vajtswv Tus Uas Muaj Hwj Chim Loj Kawg Nkaus lub xub ntiag kom ntau li koj tuaj yeem ua tau. Thov Nws rau txhua yam. Nws yuav qhia kom paub nyob sab hauv tiag thiab, thaum tej sij hawm tseem ceeb, Nws yuav tiv thaiv koj. Tsis txhob ntshai! Nws twb muaj tag nrho koj lub cev lawm. Nrog Nws txoj kev tiv thaiv thiab Nws txoj kev saib xyuas, koj tseem yuav ntshai dab tsi thiab? Hnub no txoj kev tawg paj txi txiv los ntawm Vajtswv lub siab xav yog nyob rau ntawm tes lawm, thiab leej twg uas muaj kev ntshai tsuas muaj swb lawm xwb. Qhov Kuv qhia koj yog qhov tseeb. Rua koj ob lub qhov muag ntawm sab ntsujplig: Saum ntuj tuaj yeem hloov tau tam sim ntawd, tab sis koj tseem yuav ntshaidab tsi thiab? Nws ib nyuag txav Nws txhais tes me ntsis xwb, lub ntuj thiab lub ntiaj teb puas tsuaj kiag tam sim ntawd. Yog li tib neeg yuav tau txais dab tsi los ntawm txoj kev ntxhov siab? Tsis yog txhua yam nyob hauv Vajtswv ob txhais tes lod? Yog Nws txib kom lub ntuj thiab lub ntiaj teb hloov pauv, ces nkawd yuav hloov pauv. Yog tias Nws hais tias peb yuav tsum muaj txhua yam, ces peb yuav tsum muaj txhua yam. Tib neeg tsis tas yuav txhawj, tab sis yuav tsum ua mus yam siab txias txias. Txawm li cas los xij, koj yuav tsum, ntau npaum li qhov koj tuaj yeem ua tau, ua tib zoo mloog thiab ceev faj. Lub ntuj tuaj yeem hloov pauv kiag tam sim ntawd! Txawm li cas los xij tus neeg qhov muag loj yuav rua nws ob lub qhov muag, nws yuav tsis muaj peev xwm pom ntau yam. Ua zoo saib tam sim no. Txoj kev xav ntawm Vajtswv tau ua tiav log lawm, Nws tes num tau ua tiav lawm, Nws txoj kev npaj tau ua tiav lawm, thiab Nws cov tub txhua tus tau tuaj txog ntawm Nws lub zwm txwv lawm. Ua ke lawv tuaj zaum txiav txim rau txhua haiv neeg thiab txhua tus tib neeg nrog Vajtswv Tus Uas Muaj Hwj Chim Loj Kawg Nkaus. Cov neeg uas tau tsim txom pawg ntseeg thiab ua phem rau Vajtswv cov tub yuav raug rau txim hnyav: Ntawd yog qhov tseeb tiag! Cov neeg uas muab lawv tus kheej rau Vajtswv los ntawm lub siab dawb paug, cov uas tuav txhua yam, Vajtswv yuav hlub lawv mus ib txhiab ib txhis xwb xwb li, tsis hloov li!