Kuv muaj kev ntxhov siab, tab sis nej muaj pes tsawg leej thiaj muaj peev xwm ua ib lub siab thiab ib txoj kev xav nrog Kuv? Nej tsuas yog tsis mob siab rau Kuv cov lus, tsis quav ntsej thiab tsis tsom ntsoov rau tej ntawd kiag li xwb, tab sis tsuas yog tsom ntsoov mus rau nej tus kheej tej yam ntiav ntiav xwb. Nej xam tias Kuv txoj kev mob siab saib xyuas thiab kev rau siab yog ib qho nkim pov tseg; puas yog nej qhov kev txawj xav tsis raug rau txim lod? Nej ruam thiab tsis muaj laj thawj dab tsi; nej txhua tus yog neeg ruam, thiab tsis ua rau Kuv txaus siab hlo li. Tag nrho Kuv yog txhawm rau nej—nej ho ua tau ntau npaum li cas rau Kuv? Nej tsis nkag siab Kuv txoj kev xav, thiab qhov no yog nej txoj kev dig muag thiab tsis muaj peev xwm pom dhau hauv tej yam ntawd tiag tiag, ua rau Kuv txhawj xeeb txog nej tas li ces thiaj li siv sij hawm rau ntawm nej. Tam sim no, nej siv lub sij hawm los muab kev fij thiab kev txi rau Kuv ntau npaum li cas? Nej yuav tsum nquag nug tej nqe lus no rau nej tus kheej.

Kuv txoj kev xav mas puav leej ntsig txog rau nej xwb—nej puas nkag siab qhov no tiag tiag? Yog hais tias nej to taub txoj kev xav tiag tiag lawm, ces nej yeej nkag siab Kuv txoj kev xav ntev los lawm thiab rais los xav txog Kuv lub nra lawm. Txhob tsis quav ntsej mus ntxiv lawm, los sis nej yuav tsis muaj tus Vajntsujplig ua hauj lwm rau hauv nej, uas yuav ua rau nej tus Vajntsujplig tuag thiab poob mus rau hauv Dab Tuag Teb. Qhov ntawd tsis txaus ntshai heev rau koj lod? Tsis tas yuav cia Kuv rov los hais qhia koj dua lawm. Nej yuav tsum tshawb nrhiav nej txoj kev txawj xav thiab nug nej tus kheej tias: Qhov ntawd puas ua rau Kuv tu siab tshaj rau nej txhua tus, los sis puas rau nej tshuav Kuv nqi ntau heev ma? Txhob tsis meej pem qhov yog thiab qhov tsis yog; txhob ua dev vwm nawb! Tam sim no tsis yog lub sij hawm los tawm tsam rau lub hwj chim thiab kev muaj txiaj ntsig los sis los sib koom nyiag tuav tswv yim phem. Tab sis, nej yuav tsum muab tej yam uas cuam tshuam rau lub neej no pov tseg kom sai sai thiab nrhiav kev to taub qhov tseeb rau hauv qhov muaj tseeb. Nej mas tsis quav ntsej hlo li! Nej tsis tuaj yeem nkag siab Kuv lub siab los sis paub Kuv txoj kev xav. Muaj ntau yam uas Kuv yuav tsum tsis txhob muab hais tawm, tab sis nej yog cov neeg tsis meej pem uas tsis to taub li, yog li Kuv yuav tsum tau hais tej ntawd zaum tas zaum thiab, thiab haj tseem hais ntau tshaj ntawd thiab, nej yeej tseem tsis tau ua kom txaus Kuv lub siab li.

Suav nej ib tug zuj zus, seb nej muaj pes tsawg leej thiaj li tuaj yeem xav txog Kuv lub siab tiag tiag?