Thaum nkag siab Kuv txoj kev xav lawm, koj yuav rais los muaj peev xwm xav txog Kuv lub nra, thiab koj tuaj yeem tau txais kev kaj thiab kev nthuav tawm thiab tau txais kev tso pa thiab kev ywj pheej. Qhov no yuav ua rau Kuv txaus siab hlo thiab ua rau Kuv txoj kev xav rau koj raug ua tiav log, coj kev qhuab qhia los rau txhua tus neeg dawb huv, thiab ua kom Kuv lub teb chaw ruaj khov thiab khov kho nyob hauv ntiaj teb. Qhov tseem ceeb tshaj plaws rau tam sim no mas yog kev nkag siab Kuv txoj kev xav; qhov no yog txoj kev uas nej yuav tsum nkag mus thiab, tshaj qhov ntawd, nws yog lub luag hauj lwm uas txhua tus neeg yuav tsum tau ua kom puv npo.

Kuv txoj lus yog cov tshuaj zoo uas kho mob uas kho tau txhua yam mob. Tsuav yog koj txaus siab los rau ntawm Kuv xub ntiag xwb, ces Kuv yuav kho koj thiab cia koj pom Kuv qhov hwj huaj uas loj tsis muaj chaw kawg, Kuv tej kev ua phim hwj, Kuv txoj kev ncaj ncees, thiab Kuv qhov muaj hwj chim tshaj. Tshaj qhov ntawd, Kuv yuav ua kom nej pom ib muag ntawm nej tus kheej txoj kev qias vuab tsuab thiab qhov tsis muaj zog. Kuv to taub txhua tus yam ntxwv hauv koj txhij txhua; koj ib txwm ua txhua yam hauv koj lub siab, thiab tsis qhia lawv tshwm tej ntawd rau sab nraud. Kuv mas haj tseem pom meej tseeb txog txhua yam uas koj ua. Txawm li cas los xij, koj yuav tsum paub yam uas Kuv qhuas thiab yam uas Kuv tsis qhuas; koj yuav tsum paub qhov sib txawv ntawm tej no kom meej tseeb, thiab txhob coj tus cwj pwm las mees rau qhov no.

Hauv kev hais tias, “Peb yuav tsum xav txog Vajtswv lub nra,” koj tsuas yog lees ntawm lub ncauj xwb. Txawm li cas los xij, thaum koj ntsib tej yam tseeb, txawm hais tias koj paub zoo Vajtswv lub nra puv npo lawm los xij, koj tsis xav txog nws hlo li. Koj mas tsis meej pem thiab ruam tiag tiag, thiab tshaj qhov ntawd, koj mas tsis quav ntsej hlo li. Qhov no piav qhia tau tias hais tib neeg mas nyuaj npaum li cas; txhua yam lawv ua mas yog siv lub suab lus kom zoo mloog xws li, “Kuv tsuas yog tsis nkag siab Vajtswv txoj kev xav xwb, tab sis yog tias kuv nkag siab qhov ntawd, kuv yeej yuav ua li ntawd mus xwb xwb.” Qhov no tsis yog nej tus yam ntxwv tiag lod? Txawm hais tias nej txhua tus paub Vajtswv txoj kev xav, thiab nej paub tias dab tsi ua rau nej muaj mob, qhov teeb meem tseem ceeb mas nej tsis txaus siab xyaum ua raws kiag li; qhov no yog qhov nyuaj tshaj plaws ntawm nej. Yog hais tias nej tsis daws qhov no kiag tam sis, nws yuav yog kev cuam tshuam loj tshaj plaws rau nej lub neej.